აისოლი #20პაკ[]

გამოყენების რეკომენდაცია

აისოლი და აისოლი ბეიბი

(AYESOLE et AYESOLE BABY)

ბიოლოგიურად აქტიური დანამატი

აისოლი და აისოლი ბეიბი წარმოადგენს ორგანიზმის ელექტროლიტური და ენერგეტიკული ბალანსის მაკორეგირებელ საშუალებას.

ბიოლოგიურად აქტიური დანამატი აძლიერებს წყლისა და ელექტროლიტების შეწოვას კუჭ-ნაწლავის ტრაქტიდან, რაც ხელს უშლის დიარეით გამოწვეულ გაუწყლოების განვითარებას.

შემადგენლობა :

აისოლი ბეიბის 1 საშე შეიცავს: გლუკოზა - 1300 მგ, ნატრიუმის ციტრატი - 600 მგ, ნატრიუმის ქლორიდი - 500 მგ, კალიუმის ქლორიდი - 300 მგ

დამხმარე ნივთიერებები: არომატიზატორები, სილიციუმის დიოქსიდი, სუკრალოზა.

აისოლის 1 საშე შეიცავს: გლუკოზა - 2700 მგ, ნატრიუმის ციტრატი - 1200 მგ, ნატრიუმის ქლორიდი - 1000 მგ, კალიუმის ქლორიდი - 600 მგ

დამხმარე ნივთიერებები: არომატიზატორები, სილიციუმის დიოქსიდი, სუკრალოზა.

გამოშვების ფორმა :

პერორალურად მისაღები ხსნარის მოსამზადებელი ფხვნილი საშეებში.

რეკომენდებულია:

• წყალ-ელექტროლიტური წონასწორობის დარღვევისას მწვავე დიარეის დროს, მსუბუქი ან საშუალო ხარისხის დეჰიდრატაციით.
• წყალ-ელექტროლიტური ცვლის დარღვევის პროფილაქტიკისთვის, ინტენსიური ოფლდენისას, ფიზიკური დატვირთვისა და თერმული დაზიანების დროს.

მიღების წესი და დოზირება :

აისოლი და აისოლი ბეიბი მიიღება პერორალურად, საკვების მიღებისგან დამოუკიდებლად.

აისოლი – 1 საშეს შიგთავსი იხსნება 500 მლ გადადუღებულ და გაცივებულ წყალში; აისოლი ბეიბი – 1 საშეს შიგთავსი იხსნება 200 მლ გადადუღებულ და გაცივებულ წყალში.

აისოლი მოზრდილებში მიიღება მსუბუქი ხარისხის დეჰიდრატაციის დროს –თერმული ზემოქმედების, გადახურებითა და გაუწყლოებით გამოწვეული წყალ–ელექტროლიტური ცვლის დარღვევისას 100-150 მლ ულუფებით 500 დან 900 მლ-მდე პირველი 30 წთ-ის განმავლობაში, წყალ-ელექტროლიტური ცვლის აღდგენამდე და თერმული დაზიანების სიმპტომების გაქრობამდე. დიარეის დროს მიიღება მომზადებული ხსნარის 50 მლ/კგ სხეულის მასაზე, საშუალო სიმძიმის დეჰიდრატაციის დროს მაქსიმუმ 100 მლ/კგ სხეულის მასაზე დიარეის შეწყვეტამდე. მისაღები ხსნარის რაოდენობა და მიღების სიხშირე დამოკიდებულია წყურვილის გრძნობასა და თერაპიის ეფექტურობაზე.

ბავშვებში და მოზარდებში მსუბუქი ან საშუალო სიმძიმის დეჰიდრატაციის დროს საწყისი დოზაა 50-100 მლ/კგ სხეულის მასაზე პირველი 4 სთ-ის განმავლობაში, შემდგომში მიიღება დღეში 100 მლ/კგ-მდე სხეულის მასაზე, დიარეის შეწყვეტამდე. მისაღები ხსნარის რაოდენობა დამოკიდებულია წყურვილის გრძნობასა და თერაპიის ეფექტურობაზე.
ხსნარი ჩვილებსა და მცირე ასაკის ბავშვებს უნდა მიეცეთ სუფთა კოვზით ან ჭიქით. ბოთლით ხსნარის მიცემა დაუშვებელია. მცირე ასაკის ბავშვებში ხსნარის პირში ჩასაწვეთებლად შესაძლებელია გამოყენებულ იქნას პიპეტი. 2 წლამდე ასაკის ბავშვებში მიიღება 1 ჩაის კოვზი ყოველ 1-2 წთ-ში. ღებინების შემთხვევაში რეჰიდრატაცია უნდა შეწყდეს 10 წთ-ით და შემდეგ გაგრძელდეს დაბალი სიხშირით (1 ჩაის კოვზი ყოველ 2 წთ-ში).

გვერდითი მოვლენები :

აისოლის და აისოლი ბეიბის რეკომენდებული დოზით მიღებისას გვერდითი ეფექტები არ არის გამოვლენილი.

იმ შემთხვევაში, თუ გამოვლინდა ისეთი გვერდითი მოვლენა, რომელიც არარის აღნიშნული გამოყენების რეკომენდაციაში, პაციენტმა უნდა მიმართოს მკურნალ ექიმს.

უკუჩვენება :

• მომატებული მგრძნობელობა პროდუქტის ან მის შემადგენლობაში შემავალი რომელიმე კომპონენტის მიმართ;
• თირკმლის ფუნქციის დარღვევა;
• ინსულინდამოკიდებული და ინსულინდამოუკიდებელი შაქრიანი დიაბეტი;
• ნაწლავთა გაუვალობა;
• ჰიპერკალიემია;
• მძიმე ფორმის ჰიპერტონული დაავადება.

ორსულობა და ლაქტაცია :

ექიმის რეკომენდაციით ორსულობისა და ძუძუთი კვების პერიოდში შესაძლებელია დაინიშნოს აისოლი.

ორსულობის დროს რეკომენდებული დოზა იგივეა, რაც მოზრდილ პაციენტებში. ძუძუთი კვება შეიძლება გაგრძელდეს ჩვეულებრივი რეჟიმით.

განსაკუთრებული მითითებები :

მძიმე დეჰიდრატაციის კორექცია ხდება რეჰიდრატაციული საშუალებების ი/ვ შეყვანით, შემდგომ შესაძლოა დაინიშნოს აისოლი. თუ მკურნალობის დროს სიმპტომები გრძელდება 24-48 საათზე მეტად, საჭიროა ექიმის კონსულტაცია.

მომზადებული ხსნარის ადუღება და ხსნარში შაქრის ან მარილის დამატება დაუშვებელია. პროდუქტი გამოიყენება მხოლოდ რეკომენდებული განზავებით.

არ უნდა აჭარბებდეს რეკომენდებულ დოზას.

ღებინების შემთხვევაში პროდუქტი მიიღება ნელა, შემცირებული ულუფებით.

შეფუთვა :

აისოლი - 5.8 გ ფხვნილი საშეში, 20 საშე მუყაოს კოლოფში.

აისოლი ბეიბი - 2.9 გ ფხვნილი საშეში, 20 საშე მუყაოს კოლოფში.

შენახვის პირობები :

ინახება არა უმეტეს 25°C ტემპერატურაზე ორიგინალურ შეფუთვაში. ინახება ბავშვებისათვის მიუწვდომელ ადგილას.

მომზადებული ხსნარი ინახება 2 - 8^oC ტემპერატურაზე, არა უმეტეს 24 სთ-ის განმავლობაში!

ვარგისობის ვადა :

2 წელი.

აფთიაქიდან გაცემის პირობა:

ბიოლოგიურად აქტიური დანამატი, გაიცემა რეცეპტის გარეშე.

მწარმოებელი:

Polski Lek Sp. z o.o.

with its seat: 34-100 Wadowice/Poland,

ul. Chopina 10. (Poland)

წარმოებულია:

შპს “ავერსი-რაციონალისთვის”

დავით კობახიძის ქ.33

თბილისი 0198, საქართველო