დიეტფარმი Mg ციტრატი375დირ#20პაკ

დიეტფარმი მაგნიუმის ციტრატი 375 დირექტი (პაკეტები N20)

გამოყენების ინსტრუქცია (ანოტაცია)

• აქტიური ნივთიერება: მაგნიუმი (მაგნიუმის ციტრატის სახით) – 375 მგ (1 პაკეტში - 100% NRV);

• პროდუქტის ფორმა: პირის ღრუში პირდაპირ ხსნადი ფხვნილი (Direct), წყლის მიყოლების გარეშე;

• კატეგორია: ბიოლოგიურად აქტიური საკვები დანამატი;

• გემო: ლიმონისა და ფორთოხლის ნატურალური არომატით.

პროდუქტის ზოგადი აღწერილობა:

დიეტფარმი მაგნიუმის ციტრატი 375 დირექტი წარმოადგენს უახლესი თაობის ინოვაციურ დიეტურ დანამატს მიკროგრანულირებული ფხვნილის სახით. პროდუქტი სპეციალურად შეიქმნა მაქსიმალური ბიოშეღწევადობისა და თანამედროვე, აქტიური ადამიანისთვის მოსახერხებელი ფორმატის უზრუნველსაყოფად. ფხვნილი მომენტალურად დნება პირის ღრუში, არ საჭიროებს წყლის მიყოლას და იდეალურია ნებისმიერ პირობებში (მგზავრობა, სამსახური, ვარჯიში) მისაღებად.

ჩვენება : ეფექტურობა კუჭ - ნაწლავის სისტემის დარღვევების დროს :

მაგნიუმის ციტრატი (ორგანული მარილი) ხასიათდება უმაღლესი ხსნადობითა და ბიოშეღწევადობით კუჭ-ნაწლავის ტრაქტში, რის გამოც იგი კლინიკურად ყველაზე ეფექტური ფორმაა საჭმლის მომნელებელი სისტემის ფუნქციური დარღვევების მართვისთვის:

• · ნაწლავის პერისტალტიკის რეგულაცია ( ყაბზობის მართვა ): მაგნიუმის ციტრატს გააჩნია გამოხატული ოსმოსური მოქმედება. იგი აკავებს წყალს ნაწლავის სანათურში, ზრდის განავლის მოცულობას, არბილებს მას და ასტიმულირებს ნაწლავის ფიზიოლოგიურ პერისტალტიკას. გამოიყენება ქრონიკული და ფუნქციური ყაბზობის (შეკრულობის) პროფილაქტიკისა და მკურნალობისთვის.
• · სპაზმოლიზური მოქმედება და მუცლის ტკივილი : როგორც კალციუმის ბუნებრივი ანტაგონისტი, მაგნიუმი ადუნებს კუჭ-ნაწლავის ტრაქტის გლუვ კუნთებს. იგი ეფექტურად ხსნის სპაზმებს, მუცლის შებერილობას, კოლიკასა და დისკომფორტს, რომლებიც ხშირად ასოცირდება გაღიზიანებული ნაწლავის სინდრომთან (IBS).
• · მეტაბოლური ბალანსის აღდგენა დიარეისა და ღებინების შემდგომ : კუჭ-ნაწლავის დარღვევების (დიარეა, ღებინება, ალკოჰოლური ინტოქსიკაცია) დროს ორგანიზმი მასიურად კარგავს ელექტროლიტებს. დიეტფარმი სწრაფად და სრულფასოვნად აღადგენს მაგნიუმის დეფიციტს და აბალანსებს ელექტროლიტურ ჰომეოსტაზს.
• · ნეირო - ვეგეტატიური კავშირის მოწესრიგება : სტრესით გამოწვეული კუჭ-ნაწლავის სპაზმებისა და დისპეფსიის დროს, პროდუქტი ერთდროულად მოქმედებს როგორც ნერვულ სისტემაზე (ამშვიდებს აგზნებადობას), ისე უშუალოდ მომნელებელ ტრაქტზე, რაც უზრუნველყოფს ორმაგ თერაპიულ ეფექტს.

მაგნიუმის ზოგადი ბიოლოგიური როლი ორგანიზმში:

მაგნიუმი ორგანიზმში მეოთხე ყველაზე გავრცელებული მაკროელემენტია, რომელიც კატალიზატორის როლს ასრულებს 300-ზე მეტ ფერმენტულ რეაქციაში. მისი ძირითადი ფუნქციებია:

ენერგიის მეტაბოლიზმი: წარმოადგენს ATP-ის (ადენოზინტრიფოსფატის) აუცილებელ კოფაქტორს. მონაწილეობს ცილების, დნმ-ისა და რნმ-ის სინთეზში, ნახშირწყლებისა და ცხიმების ცვლაში.

ნერვული სისტემა: ასტაბილურებს ნეირონების მემბრანებს, არეგულირებს ნერვული იმპულსების გადაცემას და ამცირებს ნეირონულ აგზნებადობას. იცავს ორგანიზმს გადაჭარბებული სტრესის, შფოთვისა და ნერვიულობისგან, აუმჯობესებს ძილის ხარისხს.

კუნთოვანი სისტემა: მართავს კუნთების შეკუმშვა-რელაქსაციის ციკლს, ხელს უშლის კუნთების დაჭიმულობას, ტკივილსა და ღამის კრუნჩხვებს (სპაზმებს).

გულ- სისხლძარღვთა სისტემა: არეგულირებს გულის რითმს, სისხლძარღვთა ტონუსს და არტერიულ წნევას. ამცირებს თრომბოზის რისკს და ხელს უწყობს ლიპიდური პროფილის ნორმალიზებას.

ენდოკრინული სისტემა და ქალის ჯანმრთელობა: ზრდის უჯრედების მგრძნობელობას ინსულინის მიმართ, ამცირებს მე-2 ტიპის დიაბეტის რისკს. არეგულირებს ჰორმონების (მელატონინი, კორტიზოლი, პროგესტერონი) სინთეზს, ამსუბუქებს პრემენსტრუალურ სინდრომს (PMS) და დისმენორეას.

მაგნიუმის დეფიციტის სიმპტომები და გამომწვევი მიზეზები:

დეფიციტის კლინიკური გამოვლინებები:
კუნთების კრუნჩხვები და დაჭიმულობა, თავის ტკივილი/შაკიკი, ქრონიკული დაღლილობა, შფოთვა, უძილობა, დეპრესიული განწყობა, მეხსიერების გაუარესება, გულის არითმიები, დისმენორეა, ოსტეოპოროზი.

დეფიციტის ძირითადი მიზეზები:
1. არაბალანსირებული კვება (რაფინირებული საკვები, შაქარი, ალკოჰოლი, მწვანილისა და თხილეულის ნაკლებობა).
2. გაძლიერებული კარგვა (გახშირებული შარდვა, დიაბეტი, შარდმდენების მიღება, ინტენსიური ოფლიანობა, კუჭ-ნაწლავის დარღვევები/დიარეა).
3. მომატებული მოთხოვნილება (ორსულობა, ლაქტაცია, აქტიური ზრდის პერიოდი, ქრონიკული ფსიქო-ემოციური და ფიზიკური სტრესი).

გამოყენების რეკომენდაციები (კომპლექსურ თერაპიაში):

დიეტფარმი მაგნიუმის ციტრატი 375 დირექტი გამოიყენება შემდეგი მდგომარეობების დროს:

• · კუჭ-ნაწლავის ტრაქტის ფუნქციური დარღვევები (ყაბზობა, ნაწლავის სპაზმები, გაღიზიანებული ნაწლავის სინდრომი);
• · მომატებული ნერვული აგზნებადობა, სტრესი, შფოთვა, ძილის დარღვევები და უძილობა;
• · ქრონიკული დაღლილობის სინდრომი, ასთენია, გონებრივი და ფიზიკური გადაძაბვა;
• · კუნთების სპაზმები, კრუნჩხვები, მიალგია;
• · ნევროლოგიური დარღვევები, მათ შორის შაკიკის პრევენცია და კომპლექსური მკურნალობა;
• · გულის რითმის დარღვევები და არტერიული ჰიპერტენზია;
• · პრემენსტრუალური სინდრომი (PMS) და კლიმაქტერული პერიოდი;
• · ორსულთა ტოქსიკოზი და საშვილოსნოს მომატებული ტონუსი (ექიმთან შეთანხმებით);
• · ნეფროლითიაზის (თირკმელ-კენჭოვანი დაავადება) კომპლექსური თერაპია.

მიღების წესი და დოზირება:

რეკომენდებული დოზა: 1 პაკეტი დღეში მოზრდილებისა და 12 წელზე უფროსი ასაკის ბავშვებისთვის.
მიღების მეთოდი: ფხვნილი მიიღება წყლის გარეშე, უშუალოდ პირის ღრუში (ენაზე) ჩაყრით. რეკომენდებულია პაკეტის შიგთავსის ნაწილ-ნაწილ (რამდენჯერმე) ჩაყრა და არა ერთიანად. ფხვნილი გააჩერეთ პირის ღრუში რამდენიმე წამით მის სრულ გადნობამდე და შემდეგ გადაყლაპეთ.

შემადგენლობა და კვებითი ღირებულება:

ინგრედიენტები: მაგნიუმის ციტრატი, დამატკბობელი: ქსილიტოლი, ფორთოხლის და ლიმონის ბუნებრივი არომატიზატორები, მჟავიანობის რეგულატორი: ლიმონმჟავა, დამატკბობლები: სუკრალოზა და სტევიოლის გლიკოზიდები (სტევიას მცენარიდან).

NRV** = საკვები ნივთიერებების ეტალონური ღირებულება

უსაფრთხოების ინფორმაცია და უკუჩვენებები:

უკუჩვენება: მომატებული ინდივიდუალური მგრძნობელობა ან ჰიპერმგრძნობელობა პროდუქტის რომელიმე ინგრედიენტის მიმართ.
გვერდითი მოვლენები: მაგნიუმის მაღალი დოზების მიღებამ ცალკეულ შემთხვევებში შესაძლოა გამოიწვიოს მსუბუქი საფაღარათო (ნაწლავების მომადუნებელი) ეფექტი.
გაფრთხილება: არ გადააჭარბოთ მითითებულ რეკომენდებულ დღიურ დოზას. ბიოლოგიურად აქტიური საკვები დანამატი არ უნდა იქნას გამოყენებული, როგორც მრავალფეროვანი, ბალანსირებული კვებისა და ჯანსაღი ცხოვრების წესის ალტერნატივა. პროდუქტი სრულად შესაფერისია ვეგეტარიანელებისა და ვეგანებისთვის.

შენახვის პირობები და გამოშვების ფორმა:

გამოშვების ფორმა: 20 ერთჯერადი პაკეტი (Sachet) მუყაოს კოლოფში გამოყენების ინსტრუქციასთან ერთად.
შენახვის პირობები: შეინახეთ მშრალ, გრილ, სინათლისგან დაცულ და ბავშვებისთვის მიუწვდომელ ადგილას, არაუმეტეს 25°C ტემპერატურაზე.
გაცემის წესი: გაიცემა აფთიაქიდან რეცეპტის გარეშე (III ჯგუფი).

მწარმოებელი და ხარისხის გარანტია:

მწარმოებელი კომპანია: Fidifarm d.o.o., ხორვატია (ევროკავშირი).
ხარისხის სერტიფიკატები: DIETPHARM-ის ყველა პროდუქტი იწარმოება უმაღლესი საერთაშორისო სტანდარტების მკაცრი დაცვით: EU GMP (კარგი საწარმოო პრაქტიკა), HACCP (საფრთხის ანალიზისა და კრიტიკული საკონტროლო წერტილების სისტემა) და CFR21. პროდუქცია სრულად შეესაბამება ევროკავშირის (EU) ყველა მოთხოვნასა და დირექტივას საკვებ დანამატებთან დაკავშირებით.