დიფერინი 0,1% 30გ გელი

ინსტრუქცია: ინფორმაცია მომხმარებლისათვის

დიფერინი 0,1 % გელი

ადაპალენი

ინსტრუქციის შინაარსი:

1. რას წარმოადგენს დიფერინი 0,1 % გელი და რისთვის გამოიყენება?

2. ინფორმაცია დიფერინი 0,1% გელის გამოყენებამდე

3. დიფერინი 0,1% გელის გამოყენების წესი

4. მოსალოდნელი გვერდითი ეფექტები

5. დიფერინი 0,1 % გელის შენახვის პირობები

6. შეფუთვის შემადგენლობა და დამატებითი ინფორმაცია.

1. რას წარმოადგენს დიფერინი 0,1% გელი და რისთვის გამოიყენება?

დიფერინი მიეკუთვნება აკნეს სამკურნალო საშუალებების ჯგუფს, რომლებიც პირდაპირ კანზე დაიტანება. ის გამოიყენება ზომიერი სიმძიმის აკნეს, განსაკუთრებით კომედონური აკნეს სამკურნალოდ.

2. ინფორმაცია დიფერინი 0,1% გელის გამოყენებამდე

არ შეიძლება დიფერინი 0,1% გელის გამოყენება:

• · თუ ხართ ორსულად
• · თუ გეგმავთ ორსულობას
• · თუ გაქვთ ალერგია ადაპალენის ან ამ პრეპარატის რომელიმე სხვა ინგრედიენტის მიმართ, რომლებიც ჩამოთვლილია პუნქტში 6.

გაფრთხილებები და სიფრთხილის ზომები

გამოყენებული რაოდენობის გაზრდა არ გააუმჯობესებს პროდუქტის აქტივობას ან მოქმედების სიჩქარეს, მაგრამ შეიძლება გამოიწვიოს სიწითლე, აქერცვლა (კანის აშრევება) და დისკომფორტი.

მოქმედების მექანიზმის გამო, ეს გელი, როგორც წესი, იწვევს კანის გაღიზიანებას.

ამ არასასურველი ეფექტის შესამცირებლად, უნდა იქნას მიღებული გარკვეული ზომები:

• · მოერიდეთ გელის თვალებთან, ქუთუთოებთან, ნესტოებთან და პირის ღრუსთან კონტაქტს. შემთხვევითი კონტაქტის შემთხვევაში, კარგად ჩამოიბანეთ წყლით.
• · თუ ადრე გამოგიყენებიათ სხვა ადგილობრივი ამქერცლავი საშუალებები (კანის მკვდარი უჯრედების მოსაშორებლად), დაელოდეთ კანის გაღიზიანების შემსუბუქებას.
• · მზის სხივებმა და ულტრაიისფერმა ნათურებმა შეიძლება გააღიზიანოს კანი. ამიტომ, მკურნალობის დროს მაქსიმალურად მოერიდეთ მზის სხივებს. თუმცა, მკურნალობა შეიძლება გაგრძელდეს, თუ გამოსხივება მინიმუმამდე იქნება დაყვანილი (თავი დაიცავით ქუდის ტარებით და მზისგან დამცავი კრემის გამოყენებით) და გამოყენების სიხშირე დარეგულირდება.
• · მზის სხივების ძლიერი ზემოქმედების შემთხვევაში (მაგ., სანაპიროზე გატარებული დღე), არ წაისვათ პროდუქტი წინა დღეს, იმავე დღეს ან მის შემდეგ. თუ ადრე გქონიათ დამწვრობა, მკურნალობის დაწყებამდე დაელოდეთ სრულ გამოჯანმრთელებას.
• · მოერიდეთ შემკვრელ (ფორების შემავიწროებელ), გამწმენდ საშუალებებს გამოსაშრობი ან გამაღიზიანებელი ეფექტით, ასევე სურნელოვან ან სპირტზე დამზადებულ პროდუქტებს, რადგან მათ შეუძლიათ კანის კიდევ უფრო გაღიზიანება.

შეგიძლიათ გამოიყენოთ თქვენი ჩვეული მაკიაჟი და დამატენიანებლები. აუცილებლად გამოიყენეთ არაკომედოგენური პროდუქტები (მიმართეთ ექიმს ან ფარმაცევტს).

მედიკამენტი შეიცავს მეთილპარაჰიდროქსიბენზოატს(E218) და შეიძლება გამოიწვიოს ალერგიული რეაქციები.

პრეპარატი შეიცავს პროპილენგლიკოლს და შეიძლება გამოიწვიოს კანის გაღიზიანება.

სხვა მედიკამენტები და დიფერინი 0.1%-იანი გელი

აცნობეთ ფარმაცევტს, თუ იღებთ, ბოლო დროს იღებდით ან შესაძლოა მიიღოთ სხვა მედიკამენტები.

ორსულობა, ძუძუთი კვება და ნაყოფიერება

არ გამოიყენოთ დიფერინი, თუ ხართ ორსულად ან გეგმავთ ორსულობას. დამატებითი ინფორმაციის მისაღებად მიმართეთ ექიმს.

ორსულობა

დიფერინი არ უნდა იქნას გამოყენებული ორსულობის დროს.

თუ დიფერინით მკურნალობის დროს აღმოაჩენთ, რომ ორსულად ხართ, მკურნალობა უნდა შეწყდეს და რაც შეიძლება სწრაფად ეცნობის ექიმს ამის შესახებ, რათა მან მიიღოს შესაბამისი ზომები.

ძუძუთი კვება

დიფერინის გამოყენება შესაძლებელია ძუძუთი კვების დროს.

ბავშვთან შემთხვევითი კონტაქტის თავიდან ასაცილებლად, დიფერინის წასმა ძუძუზე, ძუძუთი კვების დროს არ შეიძლება.

თუ ხართ ორსულად ან ძუძუთი კვებავთ ბავშვს, ეჭვი გაქვთ ორსულობაზე ან გეგმავთ ორსულობას, ამ პრეპარატის გამოყენებამდე მიმართეთ ექიმს ან ფარმაცევტს.

დიფერინის 0.1%-იანი გელი შეიცავს 40 მგ პროპილენგლიკოლს (E1520) ყოველ გრამზე, რაც 4%-იანი თანაფარდობის ექვივალენტურია და შეიძლება გამოიწვიოს კანის გაღიზიანება, ხოლო მეთილპარაჰიდროქსიბენზოატმა (E218) შეიძლება გამოიწვიოს ალერგიული რეაქციები.

3. დიფერინი 0,1 % გელის გამოყენების წესი

დოზირება

ეს სამკურნალო საშუალება ყოველთვის გამოიყენეთ ზუსტად ისე, როგორც აღწერილია ამ ინსტრუქციაში ან ისე, როგორც დაგინიშნათ ფარმაცევტმა. თუ არ ხართ დარწმუნებული, მიმართეთ ფარმაცევტს.

გამოყენებული რაოდენობის გაზრდა არ გააუმჯობესებს პროდუქტის ეფექტურობას ან მოქმედების სიჩქარეს, მაგრამ შეიძლება გამოიწვიოს სიწითლე, აქერცვლა და დისკომფორტი.

დიფერინი განკუთვნილია 12 წლის და უფროსი ასაკის მოზრდილებისა და მოზარდებისთვის.

გამოყენების გზა

კანზე წასასმელი.

კანის დაბანისა და კარგად გაშრობის შემდეგ, წაისვით ბარდის მარცვლის ზომის რაოდენობა დაზიანებულ ადგილებში. მოერიდეთ თვალებთან, ქუთუთოებთან, ნესტოებთან და ტუჩებთან მოხვედრას.

გამოყენების შემდეგ დაიბანეთ ხელები.

გამოყენების სიხშირე

როგორც წესი, გამოიყენება საღამოს, დაბანის შემდეგ.

გამოყენების ხანგრძლივობა

გაუმჯობესების პირველი ნიშნები, როგორც წესი, მკურნალობის დაწყებიდან 4-8 კვირის შემდეგ ვლინდება.

მკურნალობა საშუალოდ 3 თვის განმავლობაში უნდა გაგრძელდეს.

თუ თქვენ გაქვთ დამატებითი კითხვები ამ პრეპარატის გამოყენებასთან დაკავშირებით, დამატებითი ინფორმაციისთვის მიმართეთ თქვენს ექიმს ან ფარმაცევტს.

4. მოსალოდნელი გვერდითი ეფექტები

ყველა მედიკამენტის მსგავსად, ამ პრეპარატმაც შეიძლება გამოიწვიოს გვერდითი მოვლენები, თუმცა ისინი ყველას არ უვითარდება.

დაუყოვნებლივ მიმართეთ ექიმს, თუ შეამჩნევთ შემდეგ სიმპტომებს - შეიძლება დაგჭირდეთ სასწრაფო სამედიცინო დახმარება: სახის, ტუჩების ან ენის შეშუპება, რაც იწვევს ყლაპვის ან სუნთქვის გაძნელებას, გამონაყარი, ქავილი, ჭინჭრის ციება და თავბრუსხვევა. ეს შეიძლება იყოს ანგიონევროზული შეშუპების ან მძიმე ალერგიული რეაქციის ნიშნები (სიხშირე უცნობია, მისი შეფასება არსებული მონაცემებით შეუძლებელია).

ხშირი გვერდითი მოვლენები (ვლინდება10-დან 1-ზე ნაკლებ პაციენტში)

• · კანის სიმშრალე,
• · კანის გაღიზიანება,
• · კანზე წვის შეგრძნება,
• · ერითემა (წითელი ლაქები).

არახშირი გვერდითი მოვლენები (ვლინდება100-დან 1-ზე ნაკლებ პაციენტში)

• · კონტაქტური დერმატიტი (კანის სიწითლე, აქერცვლა, ქავილი),
• · კანის დისკომფორტი,
• · მზის დამწვრობის მსგავსი წვა,
• · ქავილი (კანის ქავილი),
• · კანის აქერცვლა (კანის მკვდარი უჯრედების მოცილება),
• · აკნეს გახშირება.

გვერდითი მოვლენები, რომელთა გამოვლენის სიხშირე უცნობია (ხელმისაწვდომი მონაცემებით სიხშირის დადგენა შეუძლებელია):

• · ალერგიული კონტაქტური რეაქცია
• · კანის ტკივილი ან შეშუპება
• · ქუთუთოების გაღიზიანება, სიწითლე, ქავილი ან შეშუპება
• · ღია ფერის კანის გამუქება
• · მუქი ფერის კანის გაღიავება
• · წვის შეგრძნება გამოყენების ადგილას.
• · აღწერილია დამწვრობა გამოყენების ადგილას (ძირითადად ზედაპირული დამწვრობა, ასევე მეორე ხარისხის ან მძიმე დამწვრობა).

გვერდითი მოვლენების შესახებ შეტყობინება

თუ თქვენ შენიშნეთ რაიმე გვერდითი მოვლენა, მიმართეთ ექიმს ან ფარმაცევტს. ეს მოიცავს ნებისმიერ შესაძლო გვერდით მოვლენას, რომელიც არ არის ჩამოთვლილი ამ ინსტრუქციაში. თქვენ ასევე შეგიძლიათ გვერდითი მოვლენების შესახებ შეტყობინება განახორციელოთ პირდაპირ ეროვნული შეტყობინების სისტემის მეშვეობით: საფრანგეთის მედიკამენტებისა და ჯანმრთელობის პროდუქტების უსაფრთხოების ეროვნული სააგენტო (ANSM) და რეგიონული ფარმაკოზედამხედველობის ცენტრის - ვებ-გვერდზე: www.signalement-sante.gouv.fr. გვერდითი მოვლენების შესახებ შეტყობინების გაგზავნით, თქვენ ხელს შეუწყობთ ამ მედიკამენტის უსაფრთხოების შესახებ მეტი ინფორმაციის მოპოვებას.

5. დიფერინი 0,1 % გელის შენახვის პირობები

შეინახეთ პრეპარატი ბავშვებისთვის შეუმჩნეველ და მიუწვდომელ ადგილას.

არ გამოიყენოთ ეს მედიკამენტი ვარგისობის ვადის გასვლის შემდეგ, რომელიც მითითებულია კოლოფზე „EXP“-ს შემდეგ. ვარგისობის ვადა გულისხმობს მოცემული თვის ბოლო დღეს.

შეინახეთ არაუმეტეს 25°C ტემპერატურაზე.

არ გაყინოთ.

მედიკამენტები არ უნდა გადაყაროთ გამდინარე წყლებში ან საყოფაცხოვრებო ნარჩენებში. ჰკითხეთ ფარმაცევტს, თუ როგორ უნდა გადააგდოთ მედიკამენტები, რომლებიც აღარ გჭირდებათ. ეს ზომები ხელს შეუწყობს გარემოს დაცვას.

6. შეფუთვის შემადგენლობა და დამატებითი ინფორმაცი a

რას შეიცავს დიფერინი 0,1 % გელი

• · აქტიური ნივთიერება არის:

ადაპალენი..................................................................................................... 0,1 გ

100 გრ გელზე.

• · დამხმარე ნივთიერებებია: კარბომერი, პროპილენგლიკოლი (E1520), პოლოქსამერი 182, ნატრიუმის ედეტატი, მეთილპარაჰიდროქსიბენზოატი (E218), ფენოქსიეთანოლი, ნატრიუმის ჰიდროქსიდი ან მარილმჟავა, გასუფთავებული წყალი.

დიფერინის 0.1% გელის გარეგნული სახე და შეფუთვის შემცველობა

ეს სამკურნალო საშუალება ხელმისაწვდომია გელის სახით 30 გ ტუბში.

ინსტრუქციის ბოლო გადახედვის თარიღია: 03 ივნისი 2024

ამ მედიკამენტის შესახებ დეტალური ინფორმაცია ხელმისაწვდომია ANSM-ის ვებ-გვერდზე (საფრანგეთი).