ენალაპრილ/ჰიდროქ.VIR20/12.5მგ#28ტ

სარეკომენდაციო ვერსია

ფურცელი - ჩანართი : ინფორმაცია მომხმარებლისთვის

ენალაპრილი/ჰიდროქლოროთიაზიდი VIR 20 მგ/12.5 მგ EFG ტაბლეტები

ფურცლის შინააარსი:

1. რა არის ენალაპრილი/ჰიდროქლოროთიაზიდი VIR და რისთვის გამოიყენება?

2. რა უნდა იცოდეთ ენალაპრილი/ჰიდროქლოროთიაზიდი VIR -ის მიღებამდე.

3. როგორ მიიღება ენალაპრილი/ჰიდროქლოროთიაზიდი VIR.

4. შესაძლო გვერდითი მოვლენები.

5. ენალაპრილი/ჰიდროქლოროთიაზიდი VIR-ის შენახვა.

6. შეფუთვის შიგთავსი და დამატებითი ინფორმაცია.

1. რა არის ენალაპრილი / ჰიდროქლოროთიაზიდი VIR და რისთვის გამოიყენება ?

ეს პრეპარატი შეიცავს ორ აქტიურ ინგრედიენტს: ენალაპრილს და ჰიდროქლოროთიაზიდს, რომლებიც მიეკუთვნებიან ანტიჰიპერტენზიული საშუალებების ჯგუფს და რომლებიც სხვადასხვა მექანიზმით ამცირებენ მაღალ არტერიულ წნევას.

ენალაპრილის კომპონენტი არის პრეპარატი, რომელიც მიეკუთვნება ანგიოტენზინ-გარდამქმნელი ფერმენტის ინჰიბიტორების (აგფ ინჰიბიტორები) სახელით ცნობილ მედიკამენტთა ჯგუფს, რომელიც მოქმედებს სისხლძარღვების გაფართოებით, რაც აადვილებს გულის მიერ სისხლის გადატუმბვას სხეულის ყველა ნაწილში.

ჰიდროქლოროთიაზიდის კომპონენტი მიეკუთვნება მედიკამენტების ჯგუფს, რომელიც ცნობილია როგორც თიაზიდური შარდმდენები (მედიკამენტები, რომლებიც ზრდიან შარდის გამოყოფას).

ერთად, ენალაპრილი და ჰიდროქლოროთიაზიდი ხელს უწყობენ მაღალი არტერიული წნევის შემცირებას.

თქვენმა ექიმმა დაგინიშნათ ენალაპრილი/ჰიდროქლოროთიაზიდი ჰიპერტენზიის (მაღალი არტერიული წნევის) სამკურნალოდ, რადგან ის სათანადოდ არ კონტროლდება მხოლოდ ენალაპრილით ან აგფ ინჰიბიტორით.

2. რა უნდა იცოდეთ ენალაპრილი / ჰიდროქლოროთიაზიდი VIR -ის მიღებამდე

არ მიიღოთ ენალაპრილი / ჰიდროქლოროთიაზიდი VIR :

- თუ გაქვთ ალერგია აქტიური სუბსტანციების ან ამ პრეპარატის რომელიმე სხვა ინგრედიენტის მიმართ (ჩამოთვლილია ნაწილში 6).

- თუ გაქვთ ალერგია სულფონამიდებისგან წარმოებულ ნივთიერებებზე. მიმართეთ ექიმს, თუ არ ხართ დარწმუნებული, თუ რა არის სულფონამიდური პრეპარატები.

- თუ ადრე მკურნალობდით ენალაპრილი/ჰიდროქლოროთიაზიდი VIR-ის (აგფ ინჰიბიტორები) ჯგუფის პრეპარატებით და გქონიათ ალერგიული რეაქციები სახის, ტუჩების, ენის და/ან ყელის შეშუპებით ყლაპვის ან სუნთქვის გაძნელებით.

- თუ გქონიათ ასეთი ალერგიული რეაქციები უცნობი მიზეზის გარეშე, ან თუ დაგისვეს მემკვიდრეობითი ან იდიოპათიური ანგიონევროზული შეშუპების დიაგნოზი (იმუნური სისტემის დაავადება, რომელიც იწვევს სახის და სასუნთქი გზების შეშუპებას და მუცლის სპაზმებს).

- თუ გაქვთ თირკმლის მძიმე დაავადება.

- თუ გაქვთ ანურია (არა შარდის).

- თუ გაქვთ ღვიძლის მძიმე დაავადება.

- თუ გაქვთ დიაბეტი ან თირკმლის უკმარისობა და მკურნალობთ ალისკირენის შემცველი არტერიული წნევის დამწევი პრეპარატით.

- თუ ხართ 3 თვეზე მეტი ხნის ორსული (ასევე უმჯობესია თავი აარიდოთ ენალაპრილი/ჰიდროქლორთიაზიდი VIR-ის გამოყენებას ორსულობის ადრეულ ეტაპზე - იხილეთ ნაწილი „ორსულობა“).

- თუ მკურნალობთ საკუბიტრილით/ვალსარტანით, გულის უკმარისობის სამკურნალო პრეპარატით.

თუ არ ხართ დარწმუნებული, უნდა დაიწყოთ თუ არა ენალაპრილი/ჰიდროქლორთიაზიდი VIR-ის მიღება, მიმართეთ ექიმს.

გაფრთხილებები და სიფრთხილის ზომები

ენალაპრილი/ჰიდროქლორთიაზიდი VIR-ის მიღებამდე მიმართეთ ექიმს ან ფარმაცევტს.

შემდეგ სიტუაციებში, ექიმმა შეიძლება საჭიროდ მიიჩნიოს ენალაპრილი/ჰიდროქლორთიაზიდი VIR-ის დოზის კორექტირება ან სისხლში კალიუმის დონის მონიტორინგი.

- თუ გაქვთ გულის დაავადება, რომელიც იწვევს გულის სარქვლების შევიწროებას (მიტრალური ან აორტის სარქვლის სტენოზი) ან სხვა ფაქტორები, რომლებიც ამცირებენ სისხლის ნაკადს გულის მარცხენა კამერიდან (ობსტრუქციული ჰიპერტროფიული კარდიომიოპათია).

- თუ გაქვთ დარღვევები, რომლებიც ამცირებენ სითხის მოცულობას ან ნატრიუმის დონეს ორგანიზმში (მაგალითად, ძლიერი ღებინება, დიარეა, ან თუ მკურნალობთ შარდის გამოყოფის გამაძლიერებელი მედიკამენტების მაღალი დოზებით).

- თუ გაქვთ რაიმე ცვლილება სისხლში.

- თუ გაქვთ დიაბეტი და იღებთ დიაბეტის სამკურნალო მედიკამენტებს, მათ შორის ინსულინს, შესაძლოა საჭირო გახდეს დიაბეტის სამკურნალო მედიკამენტების დოზის კორექცია. დიაბეტმა შეიძლება გამოიწვიოს სისხლში კალიუმის მაღალი დონე, რაც შეიძლება სერიოზული იყოს.

- თუ გაქვთ ღვიძლის პრობლემები.

- თუ გაქვთ თირკმლის პრობლემები (მათ შორის თირკმლის გადანერგვა), რადგან ამან შეიძლება გამოიწვიოს სისხლში კალიუმის მაღალი დონე, რაც შეიძლება სერიოზული იყოს.

- თუ იმყოფებით დიალიზზე. თუ იცავთ უმარილო დიეტას, მიიღეთ კალიუმის დანამატები, კალიუმის დამზოგავი მედიკამენტები (მედიკამენტები, რომლებიც ზრდიან კალიუმის დონეს), მარილის შემცვლელები, რომლებიც შეიცავს კალიუმს ან სხვა მედიკამენტები, რომლებსაც შეუძლიათ სისხლში კალიუმის დონის მომატება, როგორიცაა ჰეპარინი (სისხლის შედედების საპრევენციო პრეპარატი), პრეპარატები ტრიმეთოპრიმით ან კოტრიმოქსაზოლით, ასევე ცნობილი, როგორც ტრიმეტოპრიმი/სულფამეთოქსაზოლი (ინფექციების სამკურნალო პრეპარატები.

- თუ მკურნალობის დროს გამოვლინდა ალერგიული რეაქცია სახის, ტუჩების, ენის და/ან ყელის შეშუპებით, ყლაპვის ან სუნთქვის გაძნელებით. უნდა გაითვალისწინოთ, რომ შავკანიანი პაციენტები უფრო მგრძნობიარენი არიან ამ ტიპის მედიკამენტების მიმართ.

- თუ აპირებთ მკურნალობას - დაბალი სიმკვრივის ლიპოპროტეინების აფერეზის ჩატარებას (ეს არის დიალიზის მსგავსი პროცედურა, რომელიც მიზნად ისახავს დაბალი სიმკვრივის ლიპოპროტეინების (LDL) ნაწილაკების ან ცუდი ქოლესტერინის მოცილებას სისხლიდან იმ შემთხვევებში, როდესაც ის ძალიან მაღალია).

- თუ გადიხართ დესენსიბილიზაციის მკურნალობას ფუტკრის ან კრაზანის ნაკბენზე ალერგიის ეფექტის შესამცირებლად.

- თუ გაქვთ დაბალი არტერიული წნევა, რადგან ენალაპრილის/ჰიდროქლოროთიაზიდის გამოყენებამ, განსაკუთრებით პირველი დოზების მიღებისას, შეიძლება გამოიწვიოს არტერიული წნევის მკვეთრი ვარდნა (შეიძლება აღინიშნოს გულის წასვლა ან თავბრუსხვევა, განსაკუთრებით საწყისი დოზების დროს და დგომისას).

- ენალაპრილის/ჰიდროქლოროთიაზიდის მიღებამდე მიმართეთ ექიმს, თუ გქონიათ კანის კიბო ან თუ მკურნალობის დროს განვითარდა კანის მოულოდნელი დაზიანება. ჰიდროქლოროთიაზიდით მკურნალობამ, განსაკუთრებით მაღალი დოზებით ხანგრძლივმა გამოყენებამ, შეიძლება გაზარდოს კანისა და ტუჩების კიბოს ზოგიერთი ტიპის (არამელანომური კანის კიბოს) განვითარების რისკი. ენალაპრილის/ჰიდროქლოროთიაზიდის მიღების დროს დაიცავით კანი მზისა და ულტრაიისფერი გამოსხივებისგან.

- თუ იღებთ მედიკამენტს, რომელიც შეიცავს ნეპრილიზინის ინჰიბიტორს, როგორიცაა საკუბიტრილი (ხელმისაწვდომია ვალსარტანთან ფიქსირებული დოზის კომბინაციაში), რომელიც გამოიყენება გულის უკმარისობის მქონე პაციენტებში, და რაცეკადოტრილი, რომელიც გამოიყენება მწვავე დიარეის მქონე პაციენტებში. თქვენ შეიძლება გქონდეთ ალერგიული რეაქციის, ანგიონევროზული შეშუპების, მაღალი რისკი.

- აცნობეთ ექიმს, თუ იღებთ რომელიმე შემდეგ მედიკამენტს, რომლებიც გამოიყენება მაღალი არტერიული წნევის სამკურნალოდ:

- ანგიოტენზინ II რეცეპტორების ანტაგონისტი (ARA) (ასევე ცნობილია როგორც „სარტანები“ - მაგალითად, ვალსარტანი, ტელმისარტანი, ირბესარტანი), განსაკუთრებით თუ გაქვთ დიაბეტთან დაკავშირებული თირკმლის პრობლემები.

- ალისკირენი

- თუ განვითარდა მხედველობის დაქვეითება ან თვალის ტკივილი, ეს შეიძლება იყოს თვალის სისხლძარღვოვან შრეში სითხის დაგროვების (ქოროიდული ეფუზია) ან თვალში წნევის მატების სიმპტომები და შეიძლება განვითარდეს ენალაპრილი/ჰიდროქლოროთიაზიდი VIR-ის მიღებიდან რამდენიმე საათიდან ერთ კვირამდე პერიოდში.

- თუ წარსულში ჰიდროქლოროთიაზიდის მიღების შემდეგ გქონდათ სუნთქვის ან ფილტვების პრობლემები (მაგალითად, ანთება ან სითხე ფილტვებში). თუ ენალაპრილი/ჰიდროქლოროთიაზიდი VIR-ის მიღების შემდეგ განვითარდა ქოშინი ან სუნთქვის ძლიერი უკმარისობა, დაუყოვნებლივ მიმართეთ ექიმს.

ექიმმა შეიძლება რეგულარულად შეამოწმოს თქვენი თირკმლის ფუნქცია, არტერიული წნევა და სისხლში ელექტროლიტების (მაგალითად, კალიუმი) დონე. იხილეთ აგრეთვე ინფორმაცია „არ მიიღოთ ენალაპრილი/ჰიდროქლოროთიაზიდი VIR“.

ქირურგიულ ოპერაციამდე ან ანესთეზიამდე (მათ შორის სტომატოლოგთან), უთხარით თქვენს ექიმს ან სტომატოლოგს, რომ იღებთ ენალაპრილს/ჰიდროქლოროთიაზიდს, ვინაიდან შეიძლება აღინიშნოს ანესთეზიის გამო არტერიული წნევის მკვეთრი დაცემა.

ექიმს უნდა უტთხრათ, თუ ფიქრობთ, რომ ხართ ორსულად (ან შეიძლენ აორსულად იყოთ). ენალაპრილი/ჰიდროქლოროთიაზიდი რეკომენდებული არ არის ადრეული ორსულობისას და არ უნდა გამოიყენოთ, თუ ხართ 3 თვეზე მეტი ხნის ორსული, რადგან ამ ეტაპზე გამოყენების შემთხვევაში, მას შეუძლია სერიოზული ზიანი მიაყენოს თქვენს ბავშვს (იხილეთ ნაწილი „ორსულობა“).

ბავშვები და მოზარდები

ენალაპრილის/ჰიდროქლოროთიაზიდის უსაფრთხოება და ეფექტურობა ამ პოპულაციურ ჯგუფში დადგენილი არ არის, ამიტომ მისი გამოყენება ბავშვებში არ არის რეკომენდებული.

გამოყენება ხანდაზმულ პაციენტებში

კვლევებში, რომლებშიც ენალაპრილი და ჰიდროქლოროთიაზიდი ერთად გამოიყენებოდა, პრეპარატების ეფექტი და ამტანობა მსგავსი იყო მაღალი არტერიული წნევის მქონე ახალგაზრდებსა და ხანდაზმულებში.

სხვა მედიკამენტები და ენალაპრილი/ჰიდროქლოროთიაზიდის VIR აცნობეთ თქვენს ექიმს ან ფარმაცევტს, თუ იღებთ, ბოლო დროს იღებდით ან შეიძლება დაგჭირდეთ სხვა მედიკამენტების მიღება. ექიმმა შეიძლება საჭიროდ მიიჩნიოს თქვენი დოზის კორექტირება და/ან სხვა სიფრთხილის ზომების მიღება.

განსაკუთრებით მნიშვნელოვანია აცნობოთ თქვენს ექიმს, თუ იყენებთ ან ბოლო დროს იყენებდით რომელიმე შემდეგ მედიკამენტს:

- ანგიოტენზინ II რეცეპტორების ანტაგონისტი (ARA) ან ალისკირენი (იხილეთ აგრეთვე ინფორმაცია "არ მიიღოთ ენალაპრილი/ჰიდროქლოროთიაზიდი VIR" და "გაფრთხილებები ან სიფრთხილის ზომები").

- ანტიჰიპერტენზიული მედიკამენტები (მაღალი არტერიული წნევის შესამცირებლად), როგორიცაა ვაზოდილატატორები, ბეტა-ბლოკატორები, შარდმდენები.

- კალიუმის შემცველი მედიკამენტები (მათ შორის, საკვები მარილის შემცვლელები) ან სხვა მედიკამენტები, რომლებსაც შეუძლიათ სისხლში კალიუმის დონის მატება, როგორიცაა ჰეპარინი (მედიკამენტი, რომელიც გამოიყენება თრომბების წარმოქმნის თავიდან ასაცილებლად), ტრიმეტოპრიმის მედიკამენტები და კოტრიმოქსაზოლი, ასევე ცნობილი როგორც ტრიმეტოპრინი/სულფამეტოქსაზოლი (მედიკამენტები, რომლებიც გამოიყენება ინფექციების სამკურნალოდ) ბაქტერიებით გამოწვეული ინფექციებისთვის; ციკლოსპორინი, მედიკამენტი,

- მედიკამენტები, რომლებიც გამოიყენება ზოგიერთი ფსიქიკური აშლილობის სამკურნალოდ, როგორიცაა ლითიუმი, ანტიფსიქოზური საშუალებები ან ტრიციკლური ანტიდეპრესანტები.

- ანესთეტიკები.

- ნარკოტიკული საშუალებები (მედიკამენტები, რომლებიც გამოიყენება ძლიერი ტკივილის სამკურნალოდ).

- დიაბეტის სამკურნალოდ გამოყენებული მედიკამენტები, როგორიცაა ინსულინი ან პერორალური ანტიდიაბეტური საშუალებები (მაგ., მეტფორმინი).

- ტკივილის ან გარკვეული ანთების სამკურნალო მედიკამენტები, როგორიცაა არასტეროიდული ანთების საწინააღმდეგო პრეპარატები, როგორიცაა აცეტილსალიცილის მჟავა, მათ შორის სელექციური ციკლოოქსიგენაზა-2 (COX-2) ინჰიბიტორები.

- სიმპათომიმეტური მედიკამენტები (მედიკამენტები, რომლებიც გამოიყენება გულის და სისხლძარღვების გარკვეული დაავადებების სამკურნალოდ და გაციების სამკურნალოდ).

- პრესორული ამინები, როგორიცაა ნორეპინეფრინი.

- კუნთების რელაქსანტები, როგორიცაა ტუბოკურარინი.

- თრომბოლიზური მედიკამენტები (რომლებიც ხელს უშლიან თრომბების წარმოქმნას).

- კალციუმის მარილები და ვიტამინი D.

- იონური ცვლის ფისები (პრეპარატები, რომლებიც გამოიყენება სისხლში ქოლესტერინის დონის დასაწევად), როგორიცაა ქოლესტირამინი და ქოლესტიპოლი.

- ანტიარითმიული მედიკამენტები (მედიკამენტები, რომლებიც გამოიყენება გულის რიტმის დარღვევების პრევენციისა და კონტროლისთვის), როგორიცაა დიგიტალის გლიკოზიდები, ქინიდინი, ამიოდარონი.

- ანტიქოლინერგული მედიკამენტები (მედიკამენტები, რომლებიც ანელებენ კუჭის დაცლას), როგორიცაა ატროპინი (გამოიყენება ზოგადი ანესთეზიის წინ ან სპაზმების თავიდან ასაცილებლად) ან ბიპერიდინი (გამოიყენება პარკინსონის დაავადების მქონე პაციენტებში).

- პოდაგრის სამკურნალო მედიკამენტები, როგორიცაა პრობენეციდი, სულფინპირაზონი და ალოპურინოლი.

- ანტივირუსული საშუალებები (მედიკამენტები ვირუსებით გამოწვეული ინფექციების სამკურნალოდ), როგორიცაა ამანტადიტა.

- ციტოტოქსიური პრეპარატები (გამოიყენება კიბოს სამკურნალოდ), როგორიცაა ციკლოფოსფამიდი და მეტოტრექსატი.

- იმუნოსუპრესიული მედიკამენტები (გამოიყენება გადანერგილი ორგანოს უკუგდების თავიდან ასაცილებლად), როგორიცაა ციკლოსპორინი.

- ანტიბიოტიკები (ზოგიერთი ინფექციის სამკურნალო პრეპარატები), როგორიცაა ტეტრაციკლინები, ამფოტერიცინი B.

- ოქროს მარილები (გამოიყენება რევმატული დაავადებების, მაგალითად, რევმატოიდული ართრიტის სამკურნალოდ).

- mTOR ინჰიბიტორების (მაგ., ტემსიროლიმუსი, სიროლიმუსი, ევეროლიმუსი) ერთდროულმა მიღებამ შეიძლება გაზარდოს ალერგიული რეაქციის, ანგიონევროზული შეშუპების, რისკი.

- მედიკამენტი, რომელიც შეიცავს ნეპრილიზინის ინჰიბიტორს, როგორიცაა საკუბიტრილი (ხელმისაწვდომია ფიქსირებული დოზით კომბინაციაში ვალსარტანთან) და რაცეკადოტრილი. შეიძლება გაზარდოს ანგიონევროზული შეშუპების (სახის, ტუჩების, ენის ან ყელის შეშუპება ყლაპვის ან სუნთქვის გაძნელებით) რისკი. იხილეთ აგრეთვე ინფორმაცია "არ მიიღოთ ენალაპრილი-ჰიდროქლოროთიაზიდი VIR" და "გაფრთხილებები და სიფრთხილის ზომები".

ენალაპრილი/ჰიდროქლოროთიაზიდი VIR-ის მიღება საკვებთან და სასმელთან ერთად: ენალაპრილი/ჰიდროქლოროთიაზიდი VIR შეიძლება მიღებულ იქნას საკვებთან ერთად ან მის გარეშე. ალკოჰოლმა შეიძლება გააძლიეროს ამ პრეპარატის არტერიული წნევის დამწევი ეფექტი.

ორსულობა და ძუძუთი კვება:

ორსულობა

თუ ხართ ორსულად ან ძუძუთი კვებავთ ბავშვს, ფიქრობთ, რომ შესაძლოა ორსულად იყოთ ან აპირებთ დაორსულებას, ამ მედიკამენტის გამოყენებამდე მიმართეთ ექიმს. ექიმი, როგორც წესი, გირჩევთ ენალაპრილი/ჰიდროქლოროთიაზიდი VIR-ს მიღების შეწყვეტას ორსულობამდე ან ორსულობის შესახებ ინფორმაციის მიღებისთანავე და გირჩევთ ენალაპრილი/ჰიდროქლოროთიაზიდი VIR-ის გარდა სხვა მედიკამენტის მიღებას.

ენალაპრილი/ჰიდროქლოროთიაზიდი VIR-ის გამოყენება ორსულობის დროს არ არის რეკომენდებული და არ უნდა მიიღოთ, თუ 3 თვეზე მეტი ხნის ორსული ხართ, რადგან ორსულობის მესამე თვიდან გამოყენების შემთხვევაში, მას შეუძლია სერიოზული ზიანი მიაყენოს თქვენს ბავშვს.

ძუძუთი კვება

აცნობეთ ექიმს, თუ ძუძუთი კვებავთ ან აპირებთ ძუძუთი კვების დაწყებას. ენალაპრილი/ჰიდროქლოროთიაზიდის გამოყენება არ არის რეკომენდებული მეძუძური დედებისთვის.

ენალაპრილი/ჰიდროქლოროთიაზიდი Vir-ის ორი აქტიური სუბსტანცია , ენალაპრილი და ჰიდროქლოროთიაზიდი, გაგადის დედის რძეში. თუ ძუძუთი კვებავთ ბავშვს ან აპირებთ ძუძუთი კვებას, კონსულტაციისთვის მიმართეთ თქვენს ექიმს.

გამოყენება სპორტსმენებში

სპორტსმენებს უნდა მიეწოდოთ ინფორმაცია, რომ ეს მედიკამენტი შეიცავს კომპონენტს, რომელმაც შეიძლება გამოიწვიოს დადებითი შედეგი დოპინგ-კონტროლის ტესტებში.

ავტომობილის მართვა და მექანიზმებთან მუშაობა

ნაკლებად სავარაუდოა, რომ ენალაპრილი/ჰიდროქლოროთიაზიდმა გავლენა მოახდინოს ავტომობილის მართვის ან მექანიზმებთან მუშაობის უნარი. თუმცა, მაღალი არტერიული წნევის მკურნალობის დროს, განსაკუთრებით დასაწყისში, შეიძლება ზოგჯერ განვითარდეს თავბრუსხვევა ან დაღლილობა. თუ შეამჩნევთ ასეთ ეფექტებს, ამ ქმედებების შესრულებამდე უნდა მიმართოთ ექიმს.

ენალაპრილი/ჰიდროქლოროთიაზიდი VIR შეიცავს ლაქტოზას

ეს პრეპარატი შეიცავს ლაქტოზას. თუ ექიმმა გითხრათ, რომ გაქვთ გარკვეული შაქრის აუტანლობა, ამ პრეპარატის მიღებამდე მიმართეთ ექიმს.

დიაგნოსტიკურ ტესტებზე ზემოქმედება

თუ საჭიროა პარათირეოიდული ჯირკვლის ფუნქციის შესაფასებლად დიაგნოსტიკური ტესტის ჩატარება, აცნობეთ ექიმს, რომ იღებთ ენალაპრილს/ჰიდროქლოროთიაზიდს, რადგან ამან შეიძლება შეცვალოს შედეგები.

3. როგორ მიიღება ენალაპრილი/ჰიდროქლოროთიაზიდი VIR

ზუსტად შეასრულეთ ექიმის ან ფარმაცევტის მიერ მოცემული მითითებები ამ მედიკამენტის გამოყენების შესახებ. ეჭვის შემთხვევაში, კვლავ მიმართეთ ექიმს ან ფარმაცევტს.

არ დაგავიწყდეთ მედიკამენტის მიღება.

ექიმი გადაწყვეტს შესაბამის დოზას თქვენი მდგომარეობისა და თქვენ მიერ მიღებული სხვა მედიკამენტების გათვალისწინებით.

მიიღეთ მედიკამენტი ყოველდღე, ზუსტად ექიმის დანიშნულებისამებრ. ძალიან მნიშვნელოვანია, რომ ამ მედიკამენტის მიღება გააგრძელოთ ექიმის მიერ დანიშნული დროის განმავლობაში. არ მიიღოთ დანიშნულ დოზაზე მეტი ტაბლეტი.

რეკომენდებული დოზაა ერთი ან ორი ტაბლეტი დღეში ერთხელ. მიიღეთ ენალაპრილი/ჰიდროქლოროთიაზიდი ყოველდღე, ზუსტად ექიმის დანიშნულებისამებრ. ძალიან მნიშვნელოვანია, რომ ამ მედიკამენტის მიღება გააგრძელოთ ექიმის მიერ დანიშნული დროის განმავლობაში. არ მიიღოთ დანიშნულ დოზაზე მეტი ტაბლეტი.

საწყისმა დოზამ შეიძლება გამოიწვიოს არტერიული წნევის უფრო მეტად დაწევა, ვიდრე მკურნალობის გაგრძელების შემდეგ. შეიძლება აღინიშნოს გონების დაკარგვა ან თავბრუსხვევა, შეიძლება დაგეხმაროთ, თუ დაწვებით. თუ რაიმე გაწუხებთ, მიმართეთ ექიმს.

თირკმლის ფუნქციის დარღვევის მქონე პაციენტები:

თუ გაქვთ თირკმლის დაავადება, ექიმი დაგინიშნავთ ყველაზე შესაფერის დოზას.

მიღების წესი

ეს მედიკამენტი მიიღება პერორალურად.

მიიღეთ ტაბლეტები ერთი ჭიქა წყლის მიყოლებით.

ეს მედიკამენტი შეიძლება მიიღოთ ჭამის წინ ან ჭამის შემდეგ.

თუ მიიღეთ ენალაპრილი/ჰიდროქლოროთიაზიდი Vir-ის საჭიროზე მეტი დოზა.

თუ მიიღეთ ენალაპრილი/ჰიდროქლოროთიაზიდის საჭიროზე მეტი დოზა, მიმართეთ ექიმს, ფარმაცევტს ან დაუკავშირდით ტოქსიკოლოგიის საინფორმაციო სამსახურს, ტელეფონი: 91-562 04 20, აცნობეთ, თუ რომელი პრეპარატი და რა რაოდენობით მიიღეთ.

რეკომენდებულია, რომ მედიკამენტის შეფუთვა და სამედიცინო პერსონალისთვის განკუთვნილი ინსტრუქცია თან იქონიოთ.

ყველაზე სავარაუდო სიმპტომები იქნება: თავბრუსხვევის შეგრძნება ან თავბრუსხვევა არტერიული წნევის უეცარი ან ძლიერი დაცემის გამო და/ან ძლიერი წყურვილი, დეზორიენტაცია, შარდის გამოყოფის შემცირება და/ან ტაქიკარდია.

თუ დაგავიწყდათ ენალაპრილი/ჰიდროქლოროთიაზიდი Vir-ი ს მიღება:

ეს მედიკამენტი უნდა მიიღოთ ექიმის დანიშნულებით. არ მიიღოთ ორმაგი დოზა გამოტოვებული დოზების კომპენსაციისთვის. გააგრძელეთ შემდეგი დოზის მიღება ჩვეულებისამებრ.

თუ შეწყვეტთ ენალაპრილის/ჰიდროქლოროთიაზიდი Vir -ის მიღებას

ექიმი გეტყვით, რამდენ ხანს გაგრძელდება მკურნალობა.

არ შეწყვიტოთ მკურნალობა წინასწარ, თუნდაც თავს უკეთ გრძნობდეთ.

არ შეწყვიტოთ მედიკამენტის მიღება, თუ ექიმი არ გირჩევთ.

თუ გაქვთ რაიმე სხვა შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლო გვერდითი მოვლენები

ყველა მედიკამენტის მსგავსად, ამ მედიკამენტმაც შეიძლება გამოიწვიოს გვერდითი მოვლენები, თუმცა ისინი ყველას არ უვითარდება.

აღწერილი გვერდითი მოვლენები ქვემოთ დეტალურად არის მოცემული შემდეგი სიხშირის მიხედვით:

ძალიან ხშირი: (შეიძლება გამოვლინდეს 10-დან მინიმუმ 1-ში ნამკურნალებ პაციენტში)

ხშირი: (შეიძლება გამოვლინდეს 100-დან მინიმუმ 1-ში და 10-დან 1-ზე ნაკლებ ნამკურნალებ პაციენტში)

არახშირი: (შეიძლება გამოვლინდეს 1000-დან მინიმუმ 1-ში და 100-დან 1-ზე ნაკლებ ნამკურნალებ პაციენტში)

იშვიათი: (შეიძლება გამოვლინდეს 10000-დან მინიმუმ 1-ში და 1000-დან 1-ზე ნაკლებ ნამკურნალებ პაციენტში)

ძალიან იშვიათი: (შეიძლება გამოვლინდეს 10000-დან 1-ზე ნაკლებ ნამკურნალებ პაციენტში) უცნობი სიხშირე: (არსებული მონაცემებით შეფასება შეუძლებელია)

კეთილთვისებიანი, ავთვისებიანი და დაუზუსტებელი ნეოპლაზმები (მათ შორის კისტები და პოლიპები): უცნობია: კანისა და ტუჩის კიბო (არამელანომური კანის კიბო).

სისხლისა და ლიმფური სისტემის დარღვევები:

არახშირი: სისხლის წითელი უჯრედების (ჟანგბადის გადამტანი სისხლის უჯრედები) რაოდენობის შემცირება

იშვიათი: სისხლის თეთრი უჯრედების (ნეიტროფილების) შემცირება, ჰემოგლობინის (სისხლის წითელი უჯრედების ცილა, რომელიც ახდენს ჟანგბადის გადატანას) შემცირება, სისხლში თრომბოციტების რაოდენობის შემცირება, ჰემატოკრიტის (სისხლში სისხლის წითელი უჯრედების პროპორცია) შემცირება, სისხლის თეთრი უჯრედების რაოდენობის შემცირება, ძვლის ტვინის დათრგუნვა (ორგანიზმის მიერ სისხლის უჯრედების წარმოქმნის უნარის შემცირება), ლიმფური კვანძების ანთება, იმუნური სისტემის დაავადებები.

ენდოკრინული დარღვევები:

უცნობი: ანტიდიურეზული ჰორმონის არასაკმარისი სეკრეციის სინდრომი.

მეტაბოლიზმისა და კვების დარღვევები:

ხშირი: სისხლში კალიუმის მაღალი დონე, ქოლესტერინის მომატება, ტრიგლიცერიდების მომატება, სისხლში შარდმჟავას დონის მომატება.

არახშირი: სისხლში გლუკოზისა და მაგნიუმის დაბალი დონე, პოდაგრა. იშვიათი: სისხლში გლუკოზის მომატება.

ძალიან იშვიათი: სისხლში კალციუმის მაღალი დონე.

ნერვული სისტემის დარღვევები:

ხშირი: თავის ტკივილი, სინკოპე, გემოს დარღვევა.

არახშირი: დაბნეულობა, ძილიანობა, უძილობა, ჩხვლეტის შეგრძნება, თავბრუსხვევა. იშვიათი: დამბლა (კალიუმის დაბალი შემცველობის გამო).

ფსიქიატრიული დარღვევები:

ხშირი: დეპრესია.

არახშირი: ნერვიულობა, ლიბიდოს დაქვეითება*.

იშვიათი: უჩვეულო სიზმრები, ძილის დარღვევა.

თვალის დარღვევები:

ძალიან ხშირი: მხედველობის დაბინდვა.

უცნობი: მხედველობის დაქვეითება ან თვალის ტკივილი მაღალი წნევის გამო [თვალის სისხლძარღვოვან შრეში სითხის დაგროვების შესაძლო ნიშნები (ქოროიდული ეფუზია) ან მწვავე დახურულკუთხოვანი გლაუკომა.

ყურის და ლაბირინთის დარღვევები:

არახშირი: ყურებში შუილი.

გულისა და სისხლძარღვების დარღვევები:

ძალიან ხშირი: თავბრუსხვევა

ხშირი: დაბალი არტერიული წნევა, რომელსაც თან ახლავს გონების დაკარგვა, გულის რიტმის დარღვევები, სტენოკარდია, ტაქიკარდია (გულისცემის გახშირება)

არახშირი: სახის გაწითლება, პალპიტაცია (გულისცემის გახშირებული, არარეგულარული შეგრძნება), მიოკარდიუმის ინფარქტი ან ინსულტი, შესაძლოა გამოწვეული იყოს მაღალი რისკის მქონე პაციენტებში არტერიული წნევის ჭარბი დაქვეითებით (იხილეთ პუნქტი „განსაკუთრებული სიფრთხილე გამოიჩინეთ ენალაპრილის/ჰიდროქლორთიაზიდი Vir-ის გამოყენებისას“)

იშვიათი: ხელის და ფეხის თითების, ცხვირის ან ყურების კანის ფერის ცვლილებები (რეინოს ფენომენი).

სასუნთქი სისტემის, გულმკერდის და შუასაყრის დარღვევები:

ძალიან ხშირი: ხველა,

ხშირი: სუნთქვის გაძნელება.

არახშირი: ლორწოვანი გამონადენი, ყელის ტკივილი და ხმის ჩახლეჩა, ბრონქოსპაზმი (ქოშინი) და ასთმა.

იშვიათი: ფილტვის ინფილტრატები, სუნთქვისას დისკომფორტი (მათ შორის პნევმონია და ფილტვის შეშუპება), ცხვირის ლორწოვანი გარსის ანთება, ალერგიული ალვეოლიტი (ფილტვის ალვეოლის ანთება ალერგიის გამო)/ეოზინოფილური პნევმონია (დაავადება, რომლის დროსაც ფილტვებში გროვდება სისხლის თეთრი უჯრედების ტიპი, რომელსაც ეოზინოფილები ეწოდება).

ძალიან იშვიათი: მწვავე რესპირატორული დისტრესი (ნიშნები მოიცავს ძლიერ ქოშინს, ცხელებას, სისუსტეს და დაბნეულობას.

კუჭ-ნაწლავის დარღვევები:

ძალიან ხშირი: გულისრევა,

ხშირი: დიარეა, მუცლის ტკივილი,

არახშირი: ნაწლავის გაუვალობა ძლიერი ტკივილით, პანკრეასის ანთება, ღებინება, საჭმლის მონელებასთან დაკავშირებული დისკომფორტი, ყაბზობა, მადის დაკარგვა, კუჭის გაღიზიანება, პირის სიმშრალე, პეპტიური წყლული, მეტეორიზმი (გაზები).

იშვიათი: პირის ღრუს ლორწოვანი გარსის ინფექცია ან ანთება. ენის ანთება

ძალიან იშვიათი: ნაწლავის ანგიონევროზული შეშუპება (ნაწლავის კედლის ანთება).

ჰეპატო-ბილიარული დარღვევები:

იშვიათი: ღვიძლის უკმარისობა, ღვიძლის ნეკროზი (რომელიც შეიძლება ფატალური იყოს), ღვიძლის ანთება, ნაღვლის სეკრეციის დათრგუნვა ან შეჩერება, კანის ან თვალების გაყვითლება, ნაღვლის ბუშტის ანთება (განსაკუთრებით პაციენტებში, რომლებსაც მანამდე ჰქონდათ კენჭები ნაღვლის სადინარში).

კანისა და კანქვეშა ქსოვილის დარღვევები:

ხშირი: გამონაყარი (გამონაყარი), ანგიონევროზული ჰიპერმგრძნობელობა/შეშუპება: სახის, კიდურების, ტუჩების, ენის, ხორხის და/ან ხახის შეშუპება

არახშირი: ძლიერი ოფლიანობა, ქავილი, ჭინჭრის ციება, თმის ცვენა

იშვიათი: კანის სიწითლე, კანის ძლიერი ბუშტუკები ან სისხლდენა (სტივენს-ჯონსონის სინდრომი), ძლიერი სიწითლე/გამონაყარი კანისა და თმის ცვენით, კანის აქერცვლა, კანზე წითელი ლაქების გაჩენა, კანის ცვლილება, კანის სიწითლე, კანზე ვეზიკულების წარმოქმნა.

აღწერილია სიმპტომური კომპლექსი, რომელიც შეიძლება მოიცავდეს შემდეგ სიმპტომებს: ცხელება, სეროზიტი, ვასკულიტი, კუნთების ანთება/ტკივილი, სახსრების ანთება/ტკივილი, დადებითი ანტინუკლეარული ანტისხეულების ტესტი, ერითროციტების დალექვის სიჩქარის მომატება, ეოზინოფილია და ლეიკოციტოზი. ასევე შეიძლება გამოვლინდეს გამონაყარი, მზის სხივების მიმართ მგრძნობელობა ან კანის სხვა გამოვლინებები.

კუნთოვანი, შემაერთებელი ქსოვილის და ძვლების დარღვევები:

ხშირი: კუნთების სპაზმები†

არახშირი: სახსრების ტკივილი*.

თირკმლების და საშარდე გზების დარღვევები:

არახშირი: თირკმლის დისფუნქცია (თირკმლის ფუნქციის დარღვევა), თირკმლის უკმარისობა, ცილა შარდში

იშვიათი: შარდის ცუდი გამოყოფა, თირკმლის უჯრედების ანთება.

რეპროდუქციული და სარძევე ჯირკვლის დარღვევები:

არახშირი: იმპოტენცია.

იშვიათი: მამაკაცებში სარძევე ჯირკვლის გადიდება.

ზოგადი დარღვევები და ცვლილებები შეყვანის ადგილას:

ძალიან ხშირი: დაღლილობა. ხშირი: დაღლილობა, ტკივილი გულმკერდის არეში. არახშირი: სისუსტე, ცხელება.

დამატებითი გამოკვლევები:

ხშირი: სისხლში კალიუმის მაღალი დონე, შრატის კრეატინინის მომატება. არახშირი: სისხლში შარდოვანას მომატება, სისხლში ნატრიუმის დაბალი დონე. იშვიათი: ღვიძლის ფერმენტების მომატება, შრატის ბილირუბინის მომატება.

*დაფიქსირდა მხოლოდ ჰიდროქლოროთიაზიდის 12.5 მგ და 25 მგ დოზების გამოყენებისას, როგორც ეს აღწერილია ენალაპრილი/ჰიდროქლოროთიაზიდ VIR-ში.

† კუნთების სპაზმების სიხშირე, როგორც „ხშირი“, ვრცელდება ჰიდროქლოროთიაზიდის 12.5 მგ და 25 მგ დოზებზე, როგორც ეს აღწერილია ენალაპრილ/ჰიდროქლოროთიაზიდ VIR-ში, თუმცა მოვლენის სიხშირე არის „იშვიათი“ და ვრცელდება ჰიდროქლოროთიაზიდის 6 მგ დოზაზე.

გვერდითი მოვლენების შეტყობინება:

თუ განვითარდა ნებისმიერი გვერდითი ეფექტი, მათ შორის ნებისმიერი შესაძლო გვერდითი ეფექტი, რომელიც მითითებული არ არის ამ ინსტრუქციის ფურცელში, კონსულტაციისთვის მიმართეთ თქვენს ექიმს ან ფარმაცევტს. გვერდითი ეფექტების შეტყობინებით, თქვენ შეგიძლიათ ხელი შეუწყოთ ამ პრეპარატის უსაფრთხოების შესახებ მეტი ინფორმაციის მიწოდებას.

5. ენალაპრილი/ჰიდროქლოროთიაზიდი VIR-ის შენახვა

ეს მედიკამენტი შეინახეთ ბავშვებისთვის მიუწვდომელ ადგილას.

არ შეინახოთ 25⁰C-ზე მაღალ ტემპერატურაზე. შეინახეთ ორიგინალ შეფუთვაში.

არ გამოიყენოთ ეს მედიკამენტი ვარგისიანობის ვადის გასვლის შემდეგ, რომელიც მითითებულია კოლოფზე „EXP” „ვარგისიანობის ვადა“-ს შემდეგ. ვარგისიანობის ვადა მითითებული თვის ბოლო დღეა.

მედიკამენტები არ უნდა გადაყაროთ კანალიზაციაში ან ნაგავში. ეჭვის შემთხვევაში, ჰკითხეთ ფარმაცევტს, თუ როგორ უნდა გადაყაროთ არასაჭირო კონტეინერები და მედიკამენტები. ამ გზით თქვენ ხელს შეუწყობთ გარემოს დაცვას.

6. შეფუთვის შიგთავსი და დამატებითი ინფორმაცია

ენალაპრილი/ჰიდროქლოროთიაზიდი VIR 20/12.5 მგ-ს შემადგენლობა

აქტიური ინგრედიენტებია ენალაპრილი მალეატის ფორმით და ჰიდროქლოროთიაზიდი. თითოეული ტაბლეტი შეიცავს 20 მგ ენალაპრილს და 12.5 მგ ჰიდროქლოროთიაზიდს.

სხვა ინგრედიენტებია (დამხმარე ნივთიერებები): ლაქტოზის მონოჰიდრატი, ნატრიუმის ჰიდროკარბონატი (E-500), სიმინდის სახამებელი, პრეგელატინიზებული სიმინდის სახამებელი, მაგნიუმის სტეარატი (E-572) და ყვითელი რკინის ოქსიდი (E-172).

პროდუქტის გარეგნობა და შეფუთვის შიგთავსი:

წარმოდგენილია ტაბლეტების სახით.

მრგვალი, ყვითელი ტაბლეტი, ერთ მხარეს გამყოფი ხაზით.

თითოეული კოლოფი შეიცავს 28 ტაბლეტს.

სავაჭრო ნებართვის მფლობელი და წარმოებაზე პასუხისმგებელი პირი:

ფარმაცევტული პროდუქტის ჯგუფი -

ფარმაცევტული პროდუქტის ჯგუფი II, გაიცემა ფორმა №3 რეცეპტით

Industria Quimica y Farmaceutica VIR, S.A.

C/Laguna 66-68-70, Poligono Industrial Urtinsa II

28923 Alcorcon (მადრიდი)

ესპანეთი

ეს ფურცელი დამტკიცდა: 2022 წლის იანვარში.