გამოყენების ინსტრუქცი ა

პრეპარატის სავაჭრო დასახელება : პანანგინი ® ( PANANGIN ® )

საერთაშორისო არა პატენტირებული დასახელება ( სად ): არ არის

სამკურნალო ფორმა: აპკიანი გარსით დაფარული ტაბლეტები

შემადგენლობა

თითოეული აპკიანი გარსით დაფარული ტაბლეტი შეიცავს:

მოქმედი ნივთიერებ ები: კალიუმის ასპარაგინატი - 158.00 მგ (კალიუმის ასპარაგინატის ჰემიჰიდრატის სახით 166 , 30 მგ) ; მაგნიუმის ასპარაგინატი - 140.00 მგ ( მაგნიუმის ასპარაგინატის ტეტრაჰიდრატის სახით 175.00 მგ) ;

დამხმარე ნივთიერებები: სილიციუმის დიოქსიდი კოლოიდური უწყლო, კარტოფილის სახამებელი, პოვიდონი K-30, მაგნიუმის სტეარატი, ტალკი, სიმინდის სახამებელი;

აპკიანი გარსი: მაკროგოლი 6000, ტიტანის დიოქსიდი (E 171), ბუტილირებული მეტაკრილატის ძირითადი კოპოლიმერი (ეუდრაგიტი E), ტალკი.

აღწერა

თეთრი ან თითქმის თეთრი, აპკიანი გარსით დაფარული, დისკის ფორმის ტაბლეტები ორმხრივ ამოზნექილი, ოდნავ პრიალა და უმნიშვნელოდ არათანაბარი ზედაპირით, თითქმის უსუნო.

ფარმაკოთერაპიული ჯგუფი: მინერალური დანამატები.

ათქ კოდი: A12CX

ფარმაკოლოგიური თვისებები

ფარმაკოდინამიკა

მაგნიუმის და კალიუმის იონებიწარმოადგენენმნიშვნელოვან უჯრედშიდა კატიონებს და ასრულებენ მთავარ როლს მრავალი ენზიმის ფუნქციონირებაში , მაკრომოლეკულებსა და უჯრედშიდა სტრუქტურებს შორის ბმების ფორმირებაში და ასევე კუნთების შეკუმშვის მოლეკულურ მექანიზმში. კალიუმის, კალციუმის, ნატრიუმის და მაგნიუმის იონების უჯრედშიდა და უჯრედგარე თანაფარდობა გავლენას ახდენს მიოკარდიუმის შეკუმშვაზე. ენდოგენური ასპარაგინატი მოქმედებს როგორც იონების გამტარი: მას აქვს მაღალი აფინურობა უჯრედების მიმართ, მისი მარილების უმნიშვნელო დისოციაციის გამო იონები კომპლექსური ნაერთების სახით აღწევენ უჯრედში. კალიუმის ასპარაგინატი და მაგნიუმის ასპარაგინატი აუმჯობესებენ მიოკარდიუმის მეტაბოლიზმს. კალიუმის/მაგნიუმის დეფიციტი ზრდის არტერიული ჰიპერტენზიის, კორონარული არტერიების ათეროსკლეროზის, არითმიებისა და მეტაბოლური ცვლილებების განვითარების რისკს მიოკარდიუმში.

ფარმაკოკინეტიკა

მაგნიუმი

მაგნიუმის საერთო მარაგი 70 კგ-ს სხეულის მასის მქონე ადამიანის ორგანიზმში შეადგენს საშუალოდ 24 გ (1000 მმოლი); მაგნიუმის 60% -ზე მეტი მოდის ძვლოვან ქსოვილზე და დაახლოებით 40% ჩონჩხის კუნთებსა და სხვა ქსოვილებზე. ორგანიზმში მაგნიუმის საერთო მარაგის დაახლოებით 1% გვხვდება უჯრედგარე სითხეში, უპირატესად სისხლის შრატში . ჯანმრთელ ზრდასრულებში მაგნიუმის შემცველობა სისხლის შრატში 0,7-1,10 მმოლ/ლ დიაპაზონის ფარგლებშია.

მამაკაცებისთვის მაგნიუმის საკვებთან ერთად მიღებული რეკომენდებული ნორმა შეადგენს 350 მგ დღეში, ქალებისთვის - 280 მგ დღეში. მაგნიუმის მოთხოვნილება იზრდება ორსულობისა და ძუძუთი კვების პერიოდში.

მაგნიუმი აბსორბირდება კუჭ-ნაწლავის ტრაქტიდან აქტიური ტრანსპორტის გზით. ორგანიზმში მაგნიუმის ბალანსის ძირითადი რეგულატორი თირკმელებია. იონიზებული მაგნიუმის 3-5% გამოიყოფა თირკმელებით .

შარდვის მოცულობის მატება (მაგალითად, მაღალეფექტური მარყუჟოვანი დიურეტიკებით თერაპიის დროს) იწვევს იონიზირებული მაგნიუმის ექსკრეციის ზრდას. თუ მაგნიუმის აბსორბცია ნაწლავის წვრილ ნაწილში მცირდება, შემდგომი ჰიპომაგნიემია იწვევს მისი ექსკრეციის შემცირებას (<0,5 მმოლ/დღე-ღამეში).

კალიუმი

კალიუმის საერთო მარაგი ადამიანის ორგანიზმში, რომელიც იწონის 70 კგ-ს, შეადგენს საშუალოდ 140 გ (3570 მმოლ). კალიუმის საერთო მარაგი ქალებში ოდნავ ნაკლებია, ვიდრე მამაკაცებში და ასაკთან ერთად უმნიშვნელოდ მცირდება. ორგანიზმში კალიუმის საერთო მარაგის 2% არის უჯრედების გარეთ, ხოლო დარჩენილი 98% - უჯრედების შიგნით.

კალიუმის ოპტიმალური ნორმა, რომელიც მიიღება საკვებთან ერთად, შეადგენს 3-4 გ (75-100 მმოლ) დღეში. კალიუმის გამოყოფის ძირითადი გზაა თირკმელებით გამოყოფა ( კალიუმის დაახლოებით 90% გამოიყოფა თირკმელებით ყოველდღიურად). დარჩენილი 10% გამოიყოფა კუჭ-ნაწლავის ტრაქტით. ამრიგად, თირკმელები აგებენ პასუხს კალიუმის ხანგრძლივ ჰომეოსტაზზე, და ასევე სისხლის შრატში კალიუმის შემცველობაზე. მოკლევადიან პერსპექტივაში კალიუმის შემცველობა სისხლში ასევე რეგულირდება კალიუმის დინებით უჯრედშიდა და უჯრედგარე სივრცეებს შორის.

გამოყენების ჩვენებები

როგორც კალიუმის და მაგნიუმის დამატებითი წყარო.

მკურნალი ექიმის დანიშნულებით:

- როგორც გულის ქრონიკული დაავადებების კომპლექსური თერაპიის ნაწილი ( გულის უკმარისობის დროს ინფარქტის შემდგომ პერიოდში ), რითმის დარღვევებისას, განსაკუთრებით პარკუჭოვანი არითმიის დროს ;

- როგორც დამატებითი თერაპია საგულე გლიკოზიდების მიღებისას.

უკუჩვენებები

- მომატებული მგრძნობელობა მოქმედი ნივთიერებების ან ნებისმიერი დამხმარე ნივთიერების მიმართ;

- თირკმლის მწვავე ან ქრონიკული უკმარისობა;

- ადისონის დაავადება;

- III ხარისხის ატრიოვენტრიკულური ბლოკადა;

- კარდიოგენური შოკი (ვერცხლის წყლის 90 მმ- ზე ნაკლები არტერიული წნევა);

- ბავშვთა ასაკი 18 წლამდე.

გამო ყენება ორსულობისა და ძუძუთი კვების პერიოდში

მონაცემები, რომლებიც მიუთითებენ ორსულობისა და ძუძუთი კვების პერიოდში პანანგინის ^® უარყოფით გავლენაზე, არ გაგვაჩნია.

მიღების წესი და დოზები

მოზარდები

რეკომენდებული სადღეღამისო დოზა: 1-2 ტაბლეტი 3-ჯერ დღეში.

სადღეღამისო დოზა შეიძლება გაიზარდოს 3 ტაბლეტამდე 3-ჯერ დღეში.

გამოყენების წესი

შინაგანად მიღებისთვის.

პანანგინი ^® უნდა იქნას მიღებული ჭამის შემდეგ, რადგან კუჭის მჟავე გარემომ შესაძლოა შეამციროს პრეპარატის ეფექტურობა.

გ ვერდითი მო ქმედება

- პრეპარატის მაღალი დოზების გამოყენებისას შესაძლებელია კუჭში გასვლის ოდენობის მომატება.

შეტყობინებები საეჭვო არასასურველი მედიკამენტოზური რეაქციების შესახებ

შეტყობინებები საეჭვო არასასურველი მედიკამენტოზური რეაქციების შესახებ, რომლებიც მიღებულია სამკურნალო საშუალების რეგისტრაციის შემდეგ, ძალზე მნიშვნელოვანია. ეს იძლევა სარგებელი/რისკის თანაფარდობის მონიტორინგის გაგრძელების საშუალებას. ჯანდაცვის მუშაკებს სთხოვენ მიაწოდონ ინფორმაცია ნებისმიერი საეჭვო არასასურველი რეაქციის შესახებ მოხსენების ეროვნული სისტემის გამოყენებით.

დოზის გადაჭარბება

ინფორმაცია იმ პრეპარატების დოზის გადაჭარბების შესახებ, რომლებიც შეიცავენ კალიუმის ასპარაგინატსა და მაგნიუმის ასპარაგინატს, მაღალი დოზების მიღების შემთხვევებშიც კი, არ არსებობს. იმის გათვალისწინებით, რომ თირკმელებს გააჩნიათ დიდი რაოდენობით კალიუმის გამოყოფის უნარი, პრეპარატის დოზის გაზრდამ შეიძლება გამოიწვიოს ჰიპერკალიემია მხოლოდ კალიუმის გამოყოფის მწვავე ან აშკარა დარღვევის ფონზე.

მაგნიუმი ხასიათდება ფართო თერაპიული „ფანჯარით“ და თირკმლის უკმარისობის არარსებობის შემთხვევაში სერიოზული გვერდითი ეფექტები ძალზე იშვიათია.

ლიტერატურული მონაცემებით მაგნიუმის დანამატების შინაგანად მიღებამ შეიძლება გამოიწვიოს დიარეის ტიპის მსუბუქი გვერდითი რეაქციები. პანანგინი ®-ის მაღალმა დოზებმა შეიძლება გამოიწვიოს კუჭში ხშირი გასვლა მასში შემავალი მაგნიუმის გამო.

ჰიპერკალიემიის სიმპტომები : ზოგადი სისუსტე, პარესთეზია, ბრადიკარდია, დამბლა, არითმია.

ჰიპერმაგნიემიის სიმპტომები : გულისრევა, ღებინება, ლეთარგიული ძილი, არტერიული წნევის დაქვეითება, ბრადიკარდია, სისუსტე, ჰიპორეფლექსია.

მკურნალობა: დოზის გადაჭარბების შემთხვევაში პრეპარატის მიღება უნდა შეწყდეს; რეკომენდებულია სიმპტომური მკურნალობა (კალციუმის ქლორიდის ინტრავენური შეყვანა; საჭიროების შემთხვევაში - ჰემოდიალიზი).

ურთიერთქმედება სხვა სამკურნალო საშუალებ ებთან

კალიუმის ასპარაგინატისა და მაგნიუმის ასპარტატის შემცველი პრეპარატების მედიკამენტოზური ურთიერთქმედების კვლევები არ ჩატარებულა. სამეცნიერო ლიტერატურის მონაცემებით, კალიუმი და მაგნიუმი შეიძლება შევიდეს ურთიერთქმედებაში ზოგიერთ სამკურნალო საშუალებებთან. კალიუმის შემნახველ დიურეტიკებთან, ანგიოტენზინ-გარდამქმნელი ფერმენტის (აგფ) ინჰიბიტორებთან, ბეტა-ადრენობლოკატორებთან, ციკლოსპორინთან, ჰეპარინთან და არასტეროიდულ ანთების საწინააღმდეგო საშუალებებთან ერთდროული გამოყენებისას იზრდება ჰიპერკალიემიის განვითარების რისკი.

ტეტრაციკლინები (პერორალურად მიღებისას), რკინის მარილები და ნატრიუმის ფტორიდი ამცირებენ კალიუმის ასპარაგინატის და მაგნიუმის ასპარაგინატის აბსორბციას კუჭ-ნაწლავის ტრაქტიდან. ზემოაღნიშნული პრეპარატების მიღებასა და პანანგინის მიღებას შორის ინტერვალი უნდა იყოს მინიმუმ 3 საათი.

სიფრთხილის ზომები გამოყენებისას

ისეთი დაავადებების მქონე პაციენტები, რომლებიც ხასიათდება ჰიპერკალიემიის თანხლებით, საჭიროებენ განსაკუთრებულ ყურადღებას: რეკომენდებულია სისხლის შრატში ელექტროლიტების შემცველობის რეგულარული კონტროლი.

გა მოყენება პედიატრიაში

პანანგინი^® უკუნაჩვენებია ბავშვებსა და მოზარდებში, ვინაიდან მოცემული კატეგორიის პაციენტებში მისი გამოყენების უსაფრთხოება და ეფექტურობა დადგენილი არ არის.

გავლენა სატრანსპორტო საშუალებების მართვისა და მექანიზმებთან მუშაობის უნარზე

პანანგინი ^® არ ახდენს გავლენას სატრანსპორტო საშუალებებისა და სხვა მექანიზმების მართვის უნარზე.

შეფუთვა

50 აპკიანი გარსით დაფარული ტაბლეტი პოლიპროპილენის ფლაკონებში გარანტირებულად დახურვის თავსახურით, რომელიც აღჭურვილია გარმონისებული ფორმის პოლიეთილენის საფენით. ფლაკონი მოთავსებულია მუყაოს კოლოფში სამედიცინო გამოყენების ინსტრუქციასთან ერთად.

20 აპკიანი გარსით დაფარული ტაბლეტი PVC/PVDC ფირის და ალუმინის ფოლგის ბლისტერულ შეფუთვაში. 3 ან 5 ბლისტერი მოთავსებულია მუყაოს კოლოფში სამედიცინო გამოყენების ინსტრუქციასთან ერთად.

შენახვის პირობები

ინახება არაუმეტეს 25°C ტემპერატურაზე.

შეინახეთ ბავშვებისათვის მიუწვდომელ ადგილზე .

ვარგისობის ვადა

5 წელი.

არ გამოიყენოთ შეფუთვაზე მითითებული ვარგისობის ვადის გასვლის შემდეგ.

აფთიაქებიდან გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.

სარეგისტრაციო მოწმობის მფლობელი

ღსს "გედეონ რიხტერი"

1103 უნგრეთი, ბუდაპეშტი, დომრეის ქუჩა, 19-21

მწარმოებელი

ღსს "გედეონ რიხტერი",

1103 უნგრეთი, ბუდაპეშტი, დომრეის ქუჩა, 19-21

პრეპარატის შესახებ ნებისმიერი ინფორმაციისთვის, ისევე როგორც პრეტენზიების გაჩენის შემთხვევაში, უნდა მიმართო თ მარკეტინგული ავტორიზაციის მფლობელის წარმომადგენელს:

ღსს „გედეონ რიხტერი“-ის წარმომადგენლობა საქართველოში

მისამართი: საქართველო, 0160 ქ. თბილისი. ს.კანდელაკის ქუჩა №8

ტელეფონი: +995-322-37-11-00

ელექტრონული მისამართი: [email protected]

ღსს „გედეონ რიხტერ“-ის წარმომადგენლობა ტაჯიკეთის რესპუბლიკაში

მისამართი: ტაჯიკეთის რესპუბლიკა, 7340025 ქ.დუშანბე, ბუხოროს ქუჩა, სახლი 34, ბლოკი "ბ", 87-88

ტელეფონი: +992-37-221-74-43; +992-37-221-81-84

ელექტრონული მისამართი: [email protected]

ღსს :გედეონ რიხტერ“-ის წარმომადგენლობა თურქმენეთში

მისამართი: თურქმენეთი, 744036 ქ. აშხაბადი, ათა თურქის ქუჩა, სახლი 82, ბერკარარის ბიზნეს ცენტრი, E-6

ტელეფონი: +993-12-46-82-11

ელექტრონული მისამართი: [email protected]

ღსს „გედეონ რიხტერ“-ის წარმომადგენლობა მონღოლეთში

მისამართი: მონღოლეთი, ქალ. ულან-ბატორი, ხან-ულის რაიონი, მე-11 ქვერაიონი, ორგილის სტადიონი (17012), დიდი მონღოლური სახელმწიფოს ქუჩა, სახლი 118, ბინა. 200/1

ტელეფონი: +976-70-11-40-02

ელექტრონული მისამართი: [email protected]

ღსს „გედეონ რიხტერ“-ის წარმომადგენლობა სომხეთის რესპუბლიკაში

მისამართი: სომხეთი, 0010 ქ. ერევანი, ზაკიანის ქუჩა, სახლი 2

ტელეფონი: +374-10-53-00-71

ელექტრონული ფოსტა: [email protected]