პოლიფლექსი 3% 150მლ #1ფლ

პაციენტის საინფორმაციო ფურცელი

პოლიფლექსი 3% ჰიპერტონული ნატრიუმის ქლორიდის ხსნარი ი.ვ. ინფუზიისთვის

გამოიყენება ინტრავენურად.

სტერილური

აქტიური ინგრედიენტები: ყოველი 100 მილილიტრი ხსნარი შეიცავს 3 გრამ (30 მგ/მლ) ნატრიუმის ქლორიდს.

დამხმარე ნივთიერებები: სტერილური საინექციო წყალი

გთხოვთ, ყურადღებითწაიკითხოთპაციენტისსაინფორმაციოფურცელი, სანამდაიწყებთპრეპარატისგამოყენებას; რადგანაქ მოცემულიამნიშვნელოვანიინფორმაცია.

• შეინახეთ პაციენტის საინფორმაციო ფურცელი. მოგვიანებით შეიძლება დაგჭირდეთ მისი ხელახლა წაკითხვა.
• დამატებითი კითხვების შემთხვევაში, გთხოვთ, მიმართოთ თქვენს ექიმს ან ფარმაცევტს.
• ეს პრეპარატი გამოწერილია პირადად თქვენთვის, არ მისცეთ ის სხვებს.
• ამ პრეპარატის გამოყენების პერიოდში ექიმთან ან საავადმყოფოში ვიზიტისას, გთხოვთ, აცნობეთ თქვენს ექიმს, რომ იყენებთ ამ პრეპარატს
• გთხოვთ, მკაცრად დაიცვათ ეს ინსტრუქციები. არ გამოიყენოთ თქვენთვის რეკომენდებულ დოზაზე უფრო მაღალიანდაბალი დოზები.

პაციენტის საინფორმაციო ფურცელში მოცემულია შემდეგი საკითხები:

1. რა არის პოლიფლექსი 3% ჰიპერტონული ნატრიუმის ქლორიდი და რისთვის გამოიყენება?

2. სანამ მიიღებთ პოლიფლექსი 3% ჰიპერტონული ნატრიუმის ქლორიდს

3. როგორ მიიღება პოლიფლექსი 3% ჰიპერტონული ნატრიუმის ქლორიდი?

4. შესაძლო გვერდითი მოვლენები

5. როგორ ინახება პოლიფლექსი 3% ჰიპერტონული ნატრიუმის ქლორიდი

სათაურები მოცემულია

1. რაარის პოლიფლექსი 3% ჰიპერტონულინატრიუმისქლორიდიდარისთვისგამოიყენება?

პოლიფლექსი 3% ჰიპერტონული ნატრიუმის ქლორიდი არის ხსნარი, რომელიც შეჰყავთ ინტრავენურად.

ხსნარის თითოეული მილილიტრი შეიცავს 30 მილიგრამ მარილს, რომელსაც ეწოდება ნატრიუმის ქლორიდი. ნატრიუმის ქლორიდის ხსნარი შეიცავს ნატრიუმს და ქლორიდის იონს, რომლებიც ორგანიზმის ძირითადი ელემენტებია. გამოსაყენებლად მზა ხსნარი არის  გამჭვირვალე და ხელმისაწვდომია გამჭვირვალე პლასტმასის საინფუზიო ტომრებში, რომლებიც შეფუთულია უფრო სქელი დამცავი საფარით.

პოლიფლექსი 3% ჰიპერტონული ნატრიუმის ქლორიდი წარმოდგენილია პვქ და პპ ტომრებში 100, 150, 250, 500 და 1000 მილილიტრი მოცულობით (ეს ტომრები შეიცავს შესაბამისად 3 გრამ, 4,5 გრამ, 7,5 გრამ, 15 გრამ და 30 გრამ მარილს).

პრეპარატი შეჰყავთ მხოლოდ ვენაში და შესაბამისი პლასტმასის მილით (კომპლექტი).

პოლიფლექსი 3% ჰიპერტონული ნატრიუმის ქლორიდი გამოიყენება შემდეგ შემთხვევებში:

• ორგანიზმიდან სითხის ან ელექტრულად დატვირთული იონების (ელექტროლიტები) დაკარგვის შემთხვევაში, თუ თქვენ მკურნალობდით უნატრიუმო ხსნარებით და სისხლში ნატრიუმის და ქლორიდის დონეები შემცირდა (ჰიპონატრიემიის და ჰიპოქლორემიის შემთხვევები)
• ორგანიზმში წყლის გადაჭარბებული გაზავებისას ოყნის შეყვანის გამო ან ჭარბი მოცულობის გამოსარეცხი წყლის გამოყენების გამო დახურული მეთოდით პროსტატის ოპერაციის დროს (პროსტატის ტრანსურეთრალური რეზექციის ოპერაცია).
• მარილის კრიტიკული დაკარგვის შემთხვევაში ჭარბი ოფლიანობის, ღებინების, ფაღარათის და სხვა მიზეზების გამო და როდესაც საჭიროა ამ მდგომარეობის სწრაფი მკურნალობა.

2. სანამმიიღებთ პოლიფლექსი 3% ჰიპერტონულინატრიუმისქლორიდს

არგამოიყენოთ პოლიფლექსი 3% ჰიპერტონულინატრიუმისქლორიდიშემდეგიმდგომარეობების დროს:

თუ:

• გაქვთ ალერგია (გადაჭარბებული მგრძნობელობა) ნატრიუმის, ქლორიდის ან პროდუქტში შემავალი დამხმარე ნივთიერებების მიმართ, არ გამოიყენოთ პოლიფლექსი 3% ჰიპერტონული ნატრიუმის ქლორიდი. ეს ალერგიული რეაქციები შეიძლება გამოვლინდეს ქავილის, სიწითლის სახით კანზე ან სტერტორული სუნთქვის ან მსგავსი სუნთქვის გაძნელების სახით. თუ რაიმეში არ ხართ დარწმუნებული, გაიარეთ კონსულტაცია ექიმთან.
• სისხლში კალიუმის დონე (ელექტრო-დატვირთული იონი) ნორმაზე უფრო დაბალია (ჰიპოკალიემია), არ გამოიყენოთ პოლიფლექსი 3% ჰიპერტონული ნატრიუმის ქლორიდი.
• სისხლის მჟავა სტრუქტურა ნორმაზე უფრო მაღალია (აციდოზი), არ გამოიყენოთ პოლიფლექსი 3% ჰიპერტონული ნატრიუმის ქლორიდი.
• თუ სისხლში ელექტროლიტების (ელექტრო-დატვირთული ნატრიუმი, კალიუმი, ქლორიდი და მსგავსი ნივთიერებები) დონე მაღალი, ნორმალური ან ოდნავ დაბალია, არ გამოიყენოთ პოლიფლექსი 3% ჰიპერტონული ნატრიუმის ქლორიდი.
• არ გამოიყენება გულის თანდაყოლილი უკმარისობის, შეშუპებისა და ნატრიუმის შეკავების, მაღალი წნევვის და გულის უკმარისობის შემთხვევაში.

საფრთხილით გამოიყენეთ პოლიფლექსი 3% ჰიპერტონულინატრიუმისქლორიდიშემდეგი მდგომარეობების დროს:

• წარსულში ვენებთან დაკავშირებული ანთების შემთხვევაში (ამ შემთხვევაში, ექიმმა უნდა შეიყვანოს პრეპარატი დიდი ვენიდან, რათა შეამციროს თქვენს ვენებში შემდგომი ანთების შესაძლებლობა, შეცვალოს ვენა ყოველ 24 საათში და შეძლებისდაგვარად შეანელოს შეყვანა).
• თუ გაქვთ არანამკურნალები გულის უკმარისობა,
• თუ გაქვთ მაღალი წნევა,
• თუ გაქვთ შეშუპება მკლავებში, ფეხებსა და სხეულში,
• თუ იღებთ სტეროიდულ პრეპარატებს ან პრეპარატებს, რომლებიც აძლიერებენ ამ ჰორმონის სეკრეციას ორგანიზმში,
• თუ გაქვთ თირკმლის სერიოზული უკმარისობა,
• თუ გაქვთ დაავადება ციროზი,
• თუ იყენებთ კორტიზონს,
• თუ ხართ ხანდაზმული ან იმყოფებით ოპერაციის შემდგომ პერიოდში,
• თუ თქვენი ფიზიკური მდგომარეობა სუსტია ან თუ ხართ ალკოჰოლის მომხმარებელი (რადგან ჰიპერტონული ნატრიუმის ქლორიდის ხსნარის გადაჭარბებული სიჩქარით ან ჭარბი მოცულობით შეყვანამ შეიძლება გამოიწვიოს კრიტიკული ეფექტები ნერვულ სისტემაზე, განსაკუთრებით იმ პირებში, რომლებისაც აქვთ სუსტი ფიზიკური მდგომარეობა ან დიდი ხნის განმავლობაში იღებდნენ ალკოჰოლს, ექიმი უნდა დარწმუნდეს, რომ თქვენს სისხლში ნატრიუმის დონე არ აღემატებოდეს გარკვეულ მნიშვნელობას და უზრუნველყოს რაც შეიძლება ნელი შეყვანა).

თუ ეს გაფრთხილებები ვრცელდება თქვენზე, თუნდაც გარკვეული პერიოდის განმავლობაში, მიმართეთ თქვენს ექიმს.

პოლიფლექსი 3% ჰიპერტონული ნატრიუმის ქლორიდის გამოყენება საკვებთან და სასმელთან ერთად

პრაქტიკულად შეუძლებელია მისი გამოყენება საკვებთან და სასმელთან ერთად მიღებისას. თუ თქვენ იღებდით ალკოჰოლს დიდი ხნის განმავლობაში, პრეპარატის გადაჭარბებული სიჩქარით ან ჭარბი მოცულობით შეყვანამ შეიძლება გამოიწვიოს ნერვულ სისტემასთან დაკავშირებული კრიტიკული ეფექტები (იხ. 2: მდგომარეობები, რომლებიც საჭიროებენ ფრთხილად გამოყენებას)

ორსულობა

ამ პრეპარატის გამოყენებამდე მიმართეთ თქვენს ექიმს ან ფარმაცევტს.

არ არსებობს საკმარისი მონაცემები ორსულ ქალებში პრეპარატის გამოყენების შესახებ. არ გამოიყენოთ ის ორსულობის პერიოდში, თუ ექიმის მიერ  არ არის დანიშნული.

თუ მკურნალობის დროს შეიტყობთ, რომ ორსულად ხართ, დაუყოვნებლივ მიმართეთ თქვენს ექიმს ან ფარმაცევტს.

ლაქტაცია

ამ პრეპარატის გამოყენებამდე მიმართეთ თქვენს ექიმს ან ფარმაცევტს.

ვინაიდან პოლიფლექსი 3% ჰიპერტონული ნატრიუმის ქლორიდი შეიცავს ნატრიუმის მაღალ დონეს, ის არ უნდა იქნას გამოყენებული ძუძუთი კვების პერიოდში, გარდა იმ შემთხვევისა, როდესაც აუცილებელია მისი გამოყენება, იმის გათვალისწინებით, რომ შეიძლება გამოიწვიოს დეჰიდრატაცია ახალშობილთა სისხლში ნატრიუმის მოცულობის მაღალი ზრდის გამო.

ავტომობილის მართვა და მექანიზმების გამოყენება

შეყვანის დროს სატრანსპორტო საშუალებების მართვა და მექანიზმების გამოყენება პრაქტიკულად შეუძლებელია. შეყვანის შემდეგ პრეპარატი გავლენას არ ახდენს ავტომობილის მართვისა და მექანიზმის გამოყენების უნარზე.

მნიშვნელოვანი ინფორმაცია პოლიფლექსი 3% ჰიპერტონული ნატრიუმის ქლორიდის ზოგიერთი ინგრედიენტის შესახებ

თუ არ ხართ მგრძნობიარე პოლიფლექსი 3% ჰიპერტონული ნატრიუმის ქლორიდში შემავალი დამხმარე ნივთიერებების მიმართ, ამ ნივთიერებების გამო უარყოფითი ეფექტი მოსალოდნელი არ არის.

სხვა მედიკამენტების მიღება

ხსნარში სხვა პრეპარატის შეყვანა არ არის რეკომენდებული, თუ ეს სავალდებულო არ არის. სავალდებულო დამატებისას ყურადღება უნდა მიექცეს იმის უზრუნველყოფას, რომ დამატებული პრეპარატი იყოს სტაბილური ხსნარის pH-ში და თავსებადი ხსნარში შემავალ აგენტებთან და ეს გადაწყვეტილება უნდა მიიღოს ექიმმა.

არ არის ცნობილი სხვა პრეპარატებთან ურთიერთქმედების შესახებ. თუმცა, თუ იყენებთ სტეროიდს ან პრეპარატებს, რომლებიც აძლიერებენ ამ ჰორმონის სეკრეციას ორგანიზმში, პოლიფლექსი 3% ჰიპერტონული ნატრიუმის ქლორიდი ფრთხილად გამოიყენება წნევისა და წყალმანკის თავიდან აცილების მიზნით (იხილეთ ნაწილი 2: ფრთხილად გამოყენების მდგომარეობები).

თუ იღებთ რომელიმე ზემოთ ჩამოთვლილ პრეპარატს, ექიმმა შეიძლება შეცვალოს ამ პრეპარატების დოზა ან მოგცეთ სხვა პრეპარატი ან შეცვალოს პოლიფლექსი 3% ჰიპერტონული ნატრიუმის ქლორიდის დოზა.

გთხოვთ, აცნობეთ თქვენს ექიმს ან ფარმაცევტს, თუ იღებთ ან ცოტა ხნის წინ იღებდით სხვა რეცეპტით ან ურეცეპტო მედიკამენტს.

3. როგორ მიიღება პოლიფლექსი 3% ჰიპერტონული ნატრიუმის ქლორიდი?

თქვენი ექიმი გადაწყვეტს პრეპარატის თქვენთვის საჭირო მოცულობას და მკურნალობის პერიოდს.

პრეპარატის მოცულობა, რომელიც უნდა მიიღოთ, დამოკიდებულია თქვენს ასაკზე, წონაზე, ამჟამინდელ კლინიკურ მდგომარეობაზე, თქვენს მიერ გამოყენებულ სხვა პრეპარატებზე და სამკურნალო დაავადების ტიპსა და სიმძიმეზე.

ინსტრუქცია სათანადო გამოყენების და დოზირების/შეყვანის სიხშირე:

თქვენი ექიმი განსაზღვრავს პრეპარატის დოზას თქვენი დაავადების მიხედვით და  შესაბამისად მოგცემთ მას.

ზოგადად, 100 მლ ხსნარი შეჰყავთ ერთ საათზე მეტი პერიოდის განმავლობაში. მკურნალობის გასაგრძელებლად თქვენი ექიმი გაზომავს ელექტროლიტების ინტენსივობას თქვენს სისხლში და შესაბამისად გადაწყვეტს გააგრძელოს თუ არა მკურნალობა.

მიღების გზა და მეთოდი:

პოლიფლექსი 3% ჰიპერტონული ნატრიუმის ქლორიდი არის გამოსაყენებლად მზა  ხსნარი და შეჰყავთ ვენაში (ინტრავენურად). ვენაში შეყვანა ხდება ჯანდაცვის სპეციალისტის მიერ (ექიმი ან მედდა) 60 წუთზე მეტი ხნის განმავლობაში.

ეს სამედიცინო პროდუქტი შეიძლება შერეული იყოს სხვა პრეპარატთან ვენაში შეყვანამდე ან შეყვანის დროს (იხ. პუნქტი სათაურით „ინფორმაცია ჯანდაცვის სპეციალისტებისთვის პრეპარატის შესაყვანად“ ამ მომხმარებლის სახელმძღვანელოს ბოლოს).

სხვადასხვა ასაკობრივი ჯგუფები:

გამოყენება ბავშვებში

პოლიფლექსი 3% ჰიპერტონული ნატრიუმის ქლორიდი ასევე შეიძლება გამოყენებულ იქნას ბავშვებში. თქვენი ექიმი განსაზღვრავს პრეპარატის დოზას დაავადების მიხედვით და შესაბამისად შეიყვანს მას.

გამოყენება ხანდაზმულებში:

არ გამოიყენოთ პოლიფლექსი 3% ჰიპერტონული ნატრიუმის ქლორიდი ხანდაზმულებში.

სპეციალური გამოყენების პირობები:

თირკმლის/ღვიძლის უკმარისობა:

თირკმლის და ღვიძლის უკმარისობის შემთხვევაში, თქვენი ექიმი განსაზღვრავს პრეპარატის დოზას თქვენი დაავადების მიხედვით და შესაბამისად შეიყვანს მას. 

თუ გაქვთ შთაბეჭდილება, რომ პოლიფლექსი 3% ჰიპერტონული ნატრიუმის  ქლორიდის ეფექტი ძალიან ძლიერი ან ძალიან სუსტია, მიმართეთ თქვენს ექიმს ან ფარმაცევტს.

პოლიფლექსი 3% ჰიპერტონული ნატრიუმის ქლორიდს საჭიროზე მეტი რაოდენობით გამოყენების შემთხვევაში:

პოლიფლექსი 3% ჰიპერტონული ნატრიუმის ქლორიდის საჭიროზე მეტი მოცულობით გამოყენების შემთხვევაში, თქვენი ექიმი შეამოწმებს თირკმელების მუშაობას და ელექტროლიტების ინტენსივობას სისხლში და გადაწყვეტს დიურეზული პრეპარატის გამოყენებას ან დიალიზის საჭიროებას.

პოლიფლექსი 3% ჰიპერტონული ნატრიუმის ქლორიდის საჭიროზე მეტი რაოდენობით გამოყენების შემთხვევაში,  გთხოვთ მიმართოთ თქვენს ექიმს ან ფარმაცევტს.

თუ დაგავიწყდათ პოლიფლექსი 3% ჰიპერტონული ნატრიუმის ქლორიდის მიღება:

არ მიიღოთ ორმაგი დოზა იმავე დღეს გამოტოვებული დოზის ასანაზღაურებლად

შესაძლო ეფექტები პოლიფლექსი 3% ჰიპერტონული ნატრიუმის ქლორიდით მკურნალობის დასრულებისას:

პოლიფლექსი 3% ჰიპერტონული ნატრიუმის ქლორიდით მკურნალობის დასრულებისას რაიმე ეფექტი არ აღინიშნება.

4. შესაძლო გვერდითი მოვლენები

ყველა სხვა პრეპარატის მსგავსად, პოლიფლექსი 3% ჰიპერტონული ნატრიუმის ქლორიდმა შეიძლება გამოიწვიოს გვერდითი მოვლენები, მაგრამ ყველა პაციენტში შეიძლება არ განვითარდეს.

შემდეგი გვერდითი მოვლენები შეიძლება გამოვლინდეს პოლიფლექსი 3% ჰიპერტონული ნატრიუმის ქლორიდის გადაჭარბებული გამოყენების გამო და მათი სიხშირე უცნობია. ამიტომ, ისინი ჩამოთვლილია სიმძიმის თანმიმდევრობით:

- კომა და სიკვდილი

- თავის ტვინში სისხლდენის შედეგად წარმოქმნილი მდგომარეობა (ჰემორაგიული ენცეფალოპათია)

- კრუნჩხვა

− დელირიუმი კანკალით და შოკით

- თირკმელების ფუნქციის დარღვევა (თირკმელების უკმარისობა)

- სისხლის მჟავიანობის მატება

- სუნთქვის გაძნელება ან მძიმე სუნთქვა (გაუარესებული გულის შეგუბებითი უკმარისობა)

- გულისცემის მატება (ტაქიკარდია)

- დაბალი წნევა (ჰიპოტენზია) ან მაღალი წნევა (ჰიპერტენზია)

- შარდის მოცულობის შემცირება

- ხელების, მკლავების, ტერფების, ფეხების ან მთელი სხეულის შეშუპება

- სისხლიანი ღებინება

− აგზნებადობა, კრუნჩხვა და კუნთების რიგიდობა

- მოუსვენრობა

- ცხელება

- თავის ტკივილი

- თავბრუსხვევა

- ძილიანობა

- დიარეა

- მუცლის სპაზმები

- ღებინება

- გულისრევა

− ძილიანობა

− ოფლიანობის დაქვეითება, ნერწყვის წარმოქმნის დაქვეითება

- სისხლის მოცულობის გაზრდა

- სისხლში ნატრიუმის დონის მატება

გარდა ამისა, ინტრავენური შეყვანის გამო, შეიძლება ასევე გამოვლინდეს შემდეგი გვერდითი მოვლენები:

- ანთება შეყვანის ადგილებში და ვენებში.

- ვენიდან გაჟონვა.

- ინფექცია ინექციის არეში

- სისხლის შენადედის წარმოქმნა ვენაში

თუ განვითარდა რაიმე არასასურველი ეფექტი, რომელიც მითითებული არ არის პაციენტის საინფორმაციო ფურცელში, დაუყოვნებლივ აცნობეთ თქვენს ექიმს ან ფარმაცევტს.

გვერდითი მოვლენების შეტყობინება

გამოყენების ინსტრუქციაში მითითებული ან არა-მითითებული გვერდითი მოვლენის გამოვლენის შემთხვევაში, გთხოვთ, მიმართოთ თქვენს ექიმს, ფარმაცევტს ან მედდას.

ასევე, გამოვლენილი გვერდითი მოვლენების შესახებ შეგიძლიათ შეატყობინოთ www.titck.gov.tr ვებსაიტზე მდებარე „მედიკამენტის გვერდითი მოვლენის შეტყობინება“-ს ღილაკზე დაჭერით ან დარეკოთ 0 800 314 00 08 ნომერზე და აცნობოთ Türkiye Farmakovijilans Merkezi-ს (თურქეთის ფარმაკოვიჯილანსის ცენტრს – TÜFAM).

გვერდითი მოვლენების შესახებ ინფორმაციის მიწოდებით, ხელს შეუწყობთ იმ პრეპარატის უსაფრთხოების შესახებ მეტის გაგებას, რომელსაც ამჟამად იყენებთ.

5. როგორ ინახება პოლიფლექსი  3% ჰიპერტონული ნატრიუმის ქლორიდი

შეინახეთ პოლიფლექსი 3% ჰიპერტონული ნატრიუმის ქლორიდიბავშვებისაგან მიუწვდომელ ადგილას და შეინახეთ საკუთარ შეფუთვაში.

შეინახეთ 25 °C-ზე ნაკლებ ოთახის ტემპერატურაზე, პირდაპირი სინათლისგან დაცულ ადგილას. ეს სამედიცინო პროდუქტი მომზადებულია მხოლოდ სტერილიზებული მოწყობილობებით ინტრავენური გზით შესაყვანად.

თითოეული საინფუზიო ტომარა არის ერთჯერადი მოხმარების.  გახსნის შემდეგ მისი გამოუყენებელი ნაწილი უნდა განადგურდეს.

გამოიყენეთ ვარგისიანობის ვადის მიხედვით.

არ გამოიყენოთ პოლიფლექსი 3% ჰიპერტონული ნატრიუმის ქლორიდი შეფუთვაზე მითითებული ვარგისიანობის ვადის გასვლის შემდეგ.

თუ შენიშნეთ პროდუქტის და/ან მისი შეფუთვის რაიმე დარღვევა, არ გამოიყენოთ პოლიფლექსი 3% ჰიპერტონული ნატრიუმის ქლორიდი.

არ გადაყაროთ ვადაგასული ან გამოუყენებელი პრეპარატები! გადაეცით ისინი გარემოს დაცვისა და ურბანიზაციის სამინისტროს მიერ განსაზღვრულ საკოლექციო სისტემას.

სავაჭრო ნებართვის მფლობელი და საწარმოო ადგილი

POLİFARMA İLAÇ SAN. VE TİC. A.Ş.

Vakıflar OSB Mahallesi No:22/1

Ergene/TEKİRDAĞ

ტელეფონი: +90 282 675 14 04

ფაქსი: +90 282 675 14 05

ელ-ფოსტა:[email protected]

ეს პაციენტის ფურცელი დამტკიცდა 02.10.2019

ქვემოთ მოცემული ინფორმაცია განკუთვნილია ჯანდაცვის პერსონალისთვის, რომელიც ახორციელებს ამ პრეპარატის შეყვანას

ეს სამედიცინო პროდუქტი მომზადებულია მხოლოდ ინტრავენური შეყვანისთვის სტერილური ხელსაწყოებითა და ნაკრებით. მისი შეყვანა უნდა მოხდეს მხოლოდ ასეპტიურად ინტრავენური ინფუზიით.

განკუთვნილია ერთჯერადი მოხმარებისთვის. ნაწილობრივ გამოყენებული ხსნარები არ უნდა ინახებოდეს; ისინი უნდა განადგურდეს იმ სამედიცინო დაწესებულების სამედიცინო ნარჩენების მართვის პროცედურების მიხედვით, სადაც ხდება ინტრავენური შეყვანა.

პარენტერალური პრეპარატების გამოყენებამდე უნდა ჩატარდეს ვიზუალური კონტროლი; გამოყენებული უნდა იყოს მხოლოდ გამჭვირვალე, ნაწილაკებისგან თავისუფალი პროდუქტები ინტეგრალურ შეფუთვაში.

არ ამოიღოთ გარე დამცავი უშუალოდ გამოყენებამდე; დაიწყეთ შეყვანა დამცავის ამოღებისთანავე. დამცავი გარე კორპუსი იცავს პროდუქტს აორთქლების და წყლის ინგრედიენტის დაკარგვის პრევენციის გზით. შიდა ტომარა უზრუნველყოფს პროდუქტის სტერილურობის შენარჩუნებას.

სიფრთხილე: არ გააკეთოთ სერიული დაკავშირება სხვა საინფუზიო სითხეებთან, რათა თავიდან აიცილოთ ჰაერის ემბოლია, რომელიც შეიძლება წარმოიშვას ტომარაში ნარჩენი ჰაერისგან.

როგორ უნდა გაიხსნას:

• მოხსენით გარე დამცავი უშუალოდ გამოყენების წინ. დამცავი იხსნება მოხევით, რის შემდეგაც ტომარა უნდა ამოიღოთ.  შეყვანა დაიწყეთ დამცავის მოხსნისთანავე.
• ტომარაში სტერილიზაციის პროცესის გამო შეიძლება გამოვლინდეს მცირე გაუმჭვირვალობა. ეს ნორმალურია და გავლენას არ ახდენს ხსნარის ხარისხსა და საიმედოობაზე. გაუმჭვირვალობა თანდათან გაქრება.
• ტომარას მოუჭირეთ, რათა გააკონტროლოთ მისი მთლიანობა დამცავი პაკეტიდან ამოღების შემდეგ. თუ აღმოჩნდა გაჟონვა, პროდუქტი არ უნდა იქნას გამოყენებული; მისი სტერილობა შეიძლება დაირღვეს.

მოზადება შეყვანისთვის:

1. ჩამოკიდეთ ტომარა.

2. მოხსენით დამცავი თავსახური გამოყენების თავზე.

3. შესაყვანი კომპლექტის თავი ჩხვლეტით მჭიდროდ დაამაგრეთ შესაყვან წვერზე.

4. პაციენტებისთვის ხსნარის შეყვანისას აუცილებელია კომპლექტის პაციენტის საინფორმაციო ფურცელში მოცემული ინსტრუქციების დაცვა.

დამატებითი პრეპარატების შერევა:

სიფრთხილე: ყველა პარენტერალური ხსნარის მსგავსად, პროდუქტში დასამატებელი ყველა ნივთიერება უნდა იყოს პროდუქტთან თავსებადი. თუ რაიმე პრეპარატი დაემატება ხსნარს, საბოლოო ნარევის თავსებადობა უნდა შემოწმდეს საბოლოო ნარევში შეყვანამდე.

პრეპარატების დამატება შეყვანამდე

1. შეყვანის ბოლოს ტარდება დეზინფექცია.

2. დასამატებელი პრეპარატი უნდა დაემატოს ტომარაში და 19-22 დიამეტრის წვერის მქონე ინჟექტორის გამოყენებით.

3. ხსნარი დამატებული პრეპარატით კარგად უნდა იყოს შერეული. მაღალი სიმკვრივის სამკურნალო საშუალებებისთვის, როგორიცაა კალიუმის ქლორიდი, შერევა უზრუნველყოფილი იქნება ამოტრიალებულ მდგომარეობაში ტომრის გამოსასვლელზე ნაზად დარტყმით.

სიფრთხილე: ტომრები, რომლებშიც დამატებითი პრეპარატი იყო შეყვანილი,  არ უნდა ინახებოდეს.

პრეპარატების შერევა შეყვანის დროს

1. კომპლექტის მომჭერი უნდა დაიხუროს.

2. შესაყვანი კომპლექტის ბოლო ნაწილს უნდა ჩაუტარდეს დეზინფექცია.

3. დასამატებელი პრეპარატი უნდა დაემატოს ტომარაში 19-22 დიამეტრის წვერით ინჟექტორის გამოყენებით.

4. ხსნარი უნდა მოიხსნას საკიდიდან და ამოტრიალდეს.

5. ამ მდგომარეობაში, დამატებული პრეპარატისა და ხსნარის შერევა უზრუნველყოფილი იქნება შეყვანის ბოლოზე და ინექციის შესასვლელზე ნაზად დარტყმით.

6. ტომარა უნდა დაბრუნდეს წინა პოზიციაზე და გაგრძელდეს შეყვანა.

შესაბამისობა სხვა ინტრავენურ პრეპარატებთან

ეს პროდუქტი არ უნდა იყოს შერეული სხვა პრეპარატებთან, სანამ არ დადასტურდება მისი თავსებადობა.

შეყვანის შემდეგ

გამოუყენებელი პროდუქტები ან ნარჩენები უნდა განადგურდეს ინსტრუქციების შესაბამისად.