პრეფემინი 20მგ #30ტ

0.00 ლარი

ფარმაკოლოგიური ჯგუფი: პროლაქტინის სეკრეციის ინჰიბიტორები

ქვეყანა:

მწარმოებელი:

ჯენერიკი - შეადარეთ ანალოგები: ხეპილპილა

გაცემის ფორმა: III ჯგუფი ურეცეპტო

კოდი: 144874

გააზიარე:

შეუკვეთე

პროდუქტი გაყიდვაში არ არის.

ანოტაცია
სად შევიძინო

პრეფემინი 20 მგ ტაბლეტები

1. პრეფემინის დახასიათება და მისი გამოყენება

პრეფემინის აქტიური ინგრედიენტია აბრაამის ხის ნაყოფების (Agnus castus) მშრალი ექსტრაქტი (Vitex agnus-castus L., fructus). ეს სამკურნალო პროდუქტი დამზადებულია სტანდარტიზებული პროცედურის შესაბამისად. სტანდარტიზაცია უზრუნველყოფს პროდუქციის ხარისხს თანმიმდევრულად, სერიიდან სერიამდე. Vitex agnus-castus L ნაყოფი ამცირებს პრემენსტრუალურ ჩივილებს (პრემენსტრუალური სინდრომი). ამრიგად, პრეფემინი გამოიყენება ჩივილების სამკურნალოდ, რომლებიც იწყება მენსტრუაციამდე ორი კვირით ადრე და მენსტრუალური სისხლდენის დაწყებისთანავე ქრება. ეს სიმპტომები შეიძლება იყოს ფიზიკური და ფსიქიკური დისკომფორტის მიზეზი, რაც ართულებს ყოველდღიური სამუშაოს შესრულებას. ასეთი ჩივილებია: თავის ტკივილი, კანის პრობლემები, მკერდში მსუბუქი დაჭიმულობის შეგრძნება და აბდომინალური ჩივილები, ასევე განწყობის ცვალებადობა, გაღიზიანება, ნერვული დაძაბულობა, დეპრესიული განწყობა, დაღლილობა და ძილის პრობლემები. ამასთან პრეფემინი ტრადიციულად გამოიყენება მენსტრუალური ციკლის დარღვევის სამკურნალოდ (ძალიან ხშირი ან ძალიან იშვიათი მენსტრუაცია). პრეფემინი შეიძლება მიიღონ ქალებმა, რომლებიც იღებენ ჰორმონალურ კონტრაცეპტივს („აბი“) მოსალოდნდელი პრემენსტრუალური ჩივილების დროს.

2. პრეფემინის გამოყენებამდე გასათვალისწინებელი ინფორმაცია

არ გამოიყენოთ პრეფემინი, თუ:

- თუ ხართ ალერგიული აქტიური ნივთიერების ან პრეპარატის ნებისმიერი სხვა ინგრედიენტის მიმართ (ჩამოთვლილია მე-6 ნაწილში).

გაფრთხილებები და სიფრთხილის ზომები

პრეფემინის გამოყენებამდე გაესაუბრეთ თქვენს ექიმს ან ფარმაცევტს.

აცნობეთ თქვენს ექიმს ან ფარმაცევტს, თუ თქვენ:

- გაქვთ სხვა დაავადებები;

- გაქვთ ან გქონდათ ესტროგენ-დამოკიდებული კიბო;

- გაქვთ ან გქონდათ ჰიპოფიზის დარღვევები, მათ შორის სიმსივნეები, რომლის დროსაც იზრდება პროლაქტინის გამოყოფა;

- გაქვთ ნებისმიერი სახის ალერგია;

- იღებთ სხვა მედიკამენტებს (ჩამონათვალი იხილით - პრეფემინი სხვა მედიკამენტებთან ერთად).

თუ გაქვთ მკერდში შებოჭილობის და შეშუპების შეგრძნება ან გაქვთ მენსტრუალური ციკლის დარღვევა, რეკომენდებულია მიმართოთ ექიმს.

პროდუქტი შეიცავს დაახლოებით 40მგ/დოზაზე (1 აპკიანი გარსით დაფარული ტაბლეტი) ადვილად ასათვისებელ ნახშირწყალს. ეს წამალი განკუთვნილია დიაბეტით დაავადებულთათვის.

თუ სიმპტომები გაუარესდება სამკურნალო პროდუქტის გამოყენებისას, უნდა მიმართოთ ექიმს.

ბავშვები და მოზარდები

ადეკვატური მონაცემების არარსებობის გამო, მისი გამოყენება არ არის რეკომენდებული ბავშვებში და 18 წლამდე მოზარდებში.

პრეფემინი სხვა პრეპარატებთან ერთად

აცნობეთ თქვენს ექიმს ან ფარმაცევტს იმ პრეპარატების შესახებ, რომლებსაც იყენებდით ცოტა ხნის წინ, ახლა იყენებთ ან შეიძლება გამოიყენოთ ახლო მომავალში, მათ შორის ურეცეპტოდ გასაცემი მედიკამენტების შესახებაც.

- თუ მკურნალობდით მედიკამენტებით, რომლებიც გავლენას ახდენს დოფამინის ფარმაკოდინამიკაზე თავის ტვინში, როგორიცაა პარკინსონის დაავადების ან ფსიქოზის სამკურნალო საშუალებები;

- თუ მკურნალობთ ესტროგენებით ან ანტიესტროგენებით.

ორსულობა, ძუძუთი კვებადა ფერტილობა

პრეფემინის გამოყენება არ არის საჭირო მენსტრუაციის ბუნებრივი არ არსებობისას - ორსულობის დროს. პრეფემინი არ მიიღოთ ძუძუთი კვების დროს ან მიმართეთ ექიმს რჩევისთვის.

არსებული გამოცდილებიდან გამომდინარე, ჯერ-ჯერობით ცნობილი არ არის ნაყოფისათვის რისკი, როდესაც პრეფემინი ინსტრუქციის შესაბამისად გამოიყენება. თუმცა, სისტემატური მეცნიერული გამოკვლევები არასოდეს ჩატარებულა. სიფრთხილის მიზნით, რეკომენდებულია არ გამოიყენოთ მედიკამენტები ორსულობისა და ლაქტაციის პერიოდში ან რჩევისთვის მიმართეთ ექიმს ან ფარმაცევტს.

ავტომობილის მართვა და მექანიზმების გამოყენება

პრეფემინის გავლენის შესახებ ავტომობილის მართვისა და მექანიზმებთან მუშაობის უნარზე კვლევები არ ჩატარებულა.

პრეფემინი შეიცავს ლაქტოზას მონოჰიდრატს

თუ ექიმმა გითხრათ, რომ გაქვთ აუტანლობა ზოგიერთი შაქრის მიმართ, ამ სამკურნალო პროდუქტის მიღებამდე მიმართეთ ექიმს.

3. პრეფემინის გამოყენების წესი

ყოველთვის გამოიყენეთ ეს წამალი ზუსტად ისე, როგორც თქვენმა ექიმმა ან ფარმაცევტმა მოგცათ რეკომენდაცია. მიმართეთ თქვენს ექიმს ან ფარმაცევტს თუ რაიმეში არ ხართ დარწმუნებული.

დოზირება

მოზრდილები

აპკიანი გარსით დაფარული ერთი ტაბლეტი დღეში.

პედიატრიული პოპულაცია

ბავშვებში და 18 წლამდე მოზარდებში არ არის რეკომენდებული მისი გამოყენება ადეკვატური მონაცემების არარსებობის გამო.

გამოყენების ხანგრძლივობა

მკურნალობის ოპტიმალური ეფექტის მისაღწევად, რეკომენდებულია მისი გამოყენება სამი თვის განმავლობაში.

თუ სიმპტომები გრძელდება ხანგრძლივი, 3 თვიანი გამოყენების შემდეგაც, უნდა მიმართოთ ექიმს.

მიღების მეთოდი

პერორალური გამოყენება.

აპკიანი გარსით დაფარული ტაბლეტი უნდა იქნას მიღებული მცირე რაოდენობით წყალთან ერთად, სასურველია ყოველთვის დღის ერთსა და იმავე დროს, მაგ. ადგომის შემდეგ ან ძილის წინ, კვებისგან დამოუკიდებლად.

თუ ფიქრობთ, რომ პრეპარატის ეფექტი ძალიან სუსტი ან ძალიან ძლიერია, რჩევისთვის მიმართეთ ექიმს ან ფარმაცევტს.

თუ გამოიყენეთ პრეფემინი ჭარბი დოზით

დოზის გადაჭარბების შემთხვევა არ დაფიქსირებულა.

თუ გამოგრჩათ პრეფემინის მიღება

არ მიიღოთ ორმაგი დოზა გამოტოვებული დოზის ასანაზღაურებლად. გააგრძელეთ ჩვეული დოზა.

თუ დამატებითი კითხვები გაქვთ ამ მედიკამენტის გამოყენებასთან დაკავშირებით, მიმართეთ ექიმს ან ფარმაცევტს.

4. შესაძლო გვერდითი ეფექტები

სხვა სამკურნალო საშუალებების მსგავსად, პრეფემინმა შეიძლება გამოიწვიოს გვერდითი ეფექტები, თუმცა მხოლოდ ზოგიერთ პაციენტში.

არასასურველი რეაქციების სიხშირე უცნობია (სიხშირის შეფასება შეუძლებელია არსებული მონაცემების საფუძველზე)

- მძიმე ალერგიული რეაქციები სახის შეშუპებით, ქოშინით და ყლაპვის გაძნელებით;

- თავის ტკივილი, თავბრუსხვევა;

- გულისრევა, მუცლის ტკივილი;

- კანის ალერგიული რეაქციები (გამონაყარი, ჭინჭრის ციება, აკნე);

- მენსტრუალური დარღვევები.

ცალკეულ შემთხვევებში პრემენსტრუალური სინდრომის ინდივიდუალური სიმპტომები პრეფემინით პირველადი მკურნალობისას შეიძლება გაძლიერდეს.

თუ ჩივილები ან მენსტრუალური ციკლის დარღვევა არ გაუმჯობესდა ან პირიქით გაუარესდა, უნდა მიმართოთ ექიმს.

შეტყობინება არასასურველი რეაქციების შესახებ

რაიმე გვერდით ეფექტის გამოვლენის შემთხვევაში, მიმართეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით ეფექტს, მათ შორის ისეთ ეფექტსაც, რომელიც არ არის ჩამოთვლილი ამ ინსტრუქციაში. გვერდითი ეფექტების შესახებ, ასევე შეგიძლიათ შეატყობინოთ უშუალოდ შეტყობინების ეროვნული სისტემის მეშვეობით, რომლის დეტალები გამოქვეყნებულია მედიკამენტებისა და სამედიცინო მოწყობილობების სააგენტოს შემდეგ ვებსაიტზე: www.amdm.gov.md ან ელექტრონული ფოსტით: [email protected]

გვერდითი ეფექტების შეტყობინებით, თქვენ შეგიძლიათ დაეხმაროთ ამ მედიკამენტის უსაფრთხოების შესახებ მეტი ინფორმაციის მოწოდებას.

5. პრეფემინის შენახვის წესი

შეინახეთ 25°C -ზე დაბალ ტემპერატურაზე, ორიგინალ შეფუთვაში.

შეინახეთ ბავშვებისათვის მიუწვდომელ ადგილას.

არ გამოიყენოთ პრეფემინი ვარგისობის ვადის გასვლის შემდეგ, რომელიც მითითებულია კოლოფზე წარწერა „EXP“-ის შემდეგ. ვარგისობის ვადად ითვლება მითითებული თვის ბოლო დღე.

მედიკამენტები არ უნდა გადაყაროთ კანალიზაციაში ან საყოფაცხოვრებო ნაგავში. კითხეთ ფარმაცევტს, როგორ გაანადგუროთ ის მედიკამენტები, რომლებიც აღარ არის საჭირო. ეს ზომები ხელს შეუწყობს გარემოს დაცვას.

6. შეფუთვის შემადგენლობა და სხვა ინფორმაცია

პრეფემინის შემცველობა

პრეფემინის აქტიური ნივთიერებაა აბრაამის ხის ნაყოფის (Vitex agnus-castus L., fructus) ნატურალური მშრალი ექსტრაქტი.

აპკიანი გარსით დაფარული ერთი ტაბლეტი შეიცავს:

აქტიური ნივთიერება: Agnus castus ნაყოფების (Vitex agnus-castus L., fructus) ნატურალური მშრალი ექსტრაქტი 20 მგ (DER native 6-12:1); ექსტრაგენტი გამხსნელი: 60% ეთანოლი (m/m);

დამხმარე ნივთიერებები: მიკროკრისტალური ცელულოზა; ლაქტოზას მონოჰიდრატი; ჰიპრომელოზა; ტიტანის დიოქსიდი (E 171); მაგნიუმის სტეარატი; მაკროგოლი 400; პროპილენგლიკოლი (E 1520); მაკროგოლი 20000; სილიციუმი, კოლოიდური უწყლო.

პრეფემინის აღწერილობა დაშეფუთვის შემადგენლობა

მრგვალი, ორმხრივ ამოზნექილი, თეთრი აპკიანი გარსით დაფარული ტაბლეტები.

ხელმისაწვდომია PVC/PVDC /ალუმინის ფოლგის ბლისტერებში. 30 შემოგარსული ტაბლეტი ბლისტერში, 1 ან 3 ბლისტერი მუყაოს კოლოფში.

გაცემის წესი

ფარმაცევტული პროდუქტის ჯგუფი III, გაიცემა რეცეპტის გარეშე

რეგისტრაციის მოწმობის მფლობელი და მწარმოებელი

რეგისტრაციის მოწმობის მფლობელი

შპს ამაქსა

ჯონ ისლიპის ქუჩა 31 ლონდონი SW1P 4 FE გაერთიანებული სამეფო

მწარმოებელი

Max Zeller Söhne AG

Seeblickstrasse 4 8590 Romanshorn