ზეტოპტიკ-N 10მგ+5მგ/მლ5მლ თვ/წვ

ZETოპტიკ™-N

ZEToptic™-N

(10 მგ + 5 მგ)/მლ, თვალის წვეთები

1. პრეპარატი ZETოპტიკ™-N და მისი გამოყენება

პრეპარატი ZETოპიკ™-N წარმოადგენს ორი მოქმედი ნივთიერების კომბინაციას: ბრინზოლამიდისა და თიმოლოლის, რომელთა ერთობლივი მოქმედება ამცირებს წნევას თვალში.

პრეპარატი გამოიყენება თვალშიდა წნევის შესამცირებლად ღიაკუთხოვანი გლაუკომისა და ოფთალმოჰიპერტენზიის (მომატებული თვალშიდა წნევა) დროს 18 წელზე უფროსი ასაკის ზრდასრულ პაციენტებში, რომელთა  თვალშიდა მაღალი წნევა არ შეიძლება ეფექტურად კონტროლირდებოდეს ერთი პრეპარატით.

2. პრეპარატ ZETოპტიკ™-N-ის გამოყენებამდე გასათვალისწინებელი ინფორმაცია

არ გამოიყენოთ პრეპარატი ZETოპტიკ™-N, თუ გაქვთ:

• · მომატებული მგრძნობელობა (ალერგია) ბრინზოლამიდის მიმართ, ისეთი წამლების მიმართ, რომლებსაც სულფონამიდებს უწოდებენ (მაგალითად, პრეპარატები, რომლებიც გამოიყენება დიაბეტის, ინფექციების სამკურნალოდ, და ასევე შარდმდენი საშუალებები), თიმოლოლის, ბეტა-ბლოკატორების (წამლები, რომლებიც გამოიყენება არტერიული წნევის დასაწევად,  გულის დაავადებების სამკურნალოდ) ან პრეპარატის ნებისმიერი სხვა კომპონენტის მიმართ (იხილეთ ნაწილი 6);
• · გაქვთ ან გქონდათ სასუნთქი გზების დაავადებები, ისეთი,  როგორიცაა ბრონქული ასთმა, მძიმე ქრონიკული ობსტრუქციული ბრონქიტი (ფილტვების მძიმე დაავადება, რომელმაც შეიძლება გამოიწვიოს ხიხინი, სუნთქვის გაძნელება და/ან გახანგრძლივებული ხველა) ან სუნთქვის სხვა პრობლემები;
• · მძიმე ხარისხის თივის ცხელება;
• · შენელებული გულისცემა, გულის უკმარისობა ან  გულის რითმის დარღვევა;
• · სისხლის მომატებული მჟავიანობა (მდგომარეობა, რომელსაც ეწოდება ჰიპერქლორემიული აციდოზი);
• · თირკმლის მძიმე დაავადება.

თუ ზემოთ ჩამოთვლილთაგან რომელიმე გეხებათ თქვენ კონსულტაციისათვის მიმართეთ ექიმს.

განსაკუთრებული მითითებები და სიფრთხილის ზომები

გამოიყენეთ პრეპარატი ZETოპტიკ™-N მხოლოდ თვალ(ებ)ში ჩასაწვეთებლად.

სერიოზული რეაქციების ან  მომატებული მგრძნობელობის ნიშნების წარმოქმნის შემთხვევაში  შეწყვიტეთ პრეპარატის გამოყენება და მიმართეთ ექიმს.

პრეპარატ ZETოპტიკ™-N-ის  გამოყენებამდე გაიარეთ კონსულტაცია ექიმთან, თუ თქვენ გაქვთ ან გქონდათ:

• · გულის იშემიური დაავადება (სიმპტომები შეიძლება მოიცავდეს გულმკერდში ტკივილს ან მოჭერილობას, ქოშინს ან ჰაერის უკმარისობას), გულის უკმარისობა,  სისხლის დაბალი წნევა;
• · გულის რითმის დარღვევები, ისეთები, როგორიცაა შენელებული გულისცემა;
• · სუნთქვის პრობლემები, ასთმა ან ფილტვების ქრონიკული ობსტრუქციული დაავადება;
• · სისხლის მიმოქცევის დარღვევები (მაგალითად, რეინოს დაავადება ან სინდრომი);
• · დიაბეტი (თიმოლოლმა შეიძლება შენიღბოს სისხლში შაქრის დაბალი დონის ნიშნები და სიმპტომები);
• · ფარისებრი ჯირკვლის გაზრდილი აქტივობა (თიმოლოლმა შეიძლება შენიღბოს ფარისებრი ჯირკვლის დაავადების ნიშნები და სიმპტომები);
• · კუნთების სისუსტე (მიასთენია გრავისი);
• · თვალების სიმშრალე ან რქოვანას დაავადებები;
• · დარღვევები ღვიძლის მხრივ;
• · დარღვევები თირკმლის მხრივ;
• · თუ ოდესმე გქონიათ გამოხატული გამონაყარი კანზე ან კანის აქერცვლა, ბუშტუკები და/ან  წყლულები პირის ღრუში ამ პრეპარატის ან სხვა ანალოგიური მედიკამენტების გამოყენების შემდეგ.

დაიცავით სიფრთხილე პრეპარატის გამოყენებისას.

შშეტყობინებები იყო ბრინზოლამიდის გამოყენებისას სერიოზული კანისმიერი რეაქციების შესახებ, სტივენს-ჯონსონის სინდრომისა და ტოქსიკური ეპიდერმული ნეკროლიზის ჩათვლით. თუ გაქვთ სერიოზული კანისმიერი რეაქციების რაიმე სიმპტომები (აღწერილია მე-4 ნაწილში), შეწყვიტეთ პრეპარატის გამოყენება და დაუყოვნებლივ მიმართეთ ექიმს.

თუ აპირებთ ქირურგიული ოპერაციის გაკეთებას, აუცილებლად უნდა აცნობოთ ექიმს, რომ იღებთ ZETოპტიკ™-N-ს, რადგან პრეპარატში შემავალმა თიმოლოლმა შეიძლება შეცვალოს ანესთეზიის დროს გამოყენებული ზოგიერთი მედიკამენტების მოქმედება.

თუ ანამნეზში გაქვთ ატოპია (მიდრეკილება ალერგიული რეაქციის განვითარების მიმართ) და მძიმე ალერგიული რეაქციები, შესაძლოა უფრო მგრძნობიარე იყოთ ალერგიული რეაქციის განვითარების მიმართ. პრეპარატ ZETოპტიკ™-N-ის გამოყენებისას ადრენალინი შეიძლება არ აღმოჩნდეს საკმარისად ეფექტური ალერგიული რეაქციის სამკურნალოდ. თუ აპირებთ გაიაროთ სხვა მკურნალობა, აუცილებლად აცნობეთ ექიმს, რომ იღებთ პრეპარატ ZETოპტიკ™-N-ს.

ბავშვები

არ არის რეკომენდებული პრეპარატის გამოყენება ბავშვებში და 18 წლამდე ასაკის მოზარდებში.

სხვა პრეპარატები და პრეპარატი ZETოპტიკ™-N

აცნობეთ მკურნალ ექიმს ან ფარმაცევტს იმის შესახებ, რომ ღებულობთ, ცოტა ხნის წინ იღებდით ან აპირებთ რაიმე სხვა სამკურნალო პრეპარატის, მათ შორის ურეცეპტოდ გასაცემის, მიღებას.

პრეპარატი ZETოპტიკ™-N შეიძლება ურთიერთქმედებდეს სხვა მედიკამენტებთან, მათ შორის სხვა თვალის წვეთებთან, რომლებიც გამოიყენება გლაუკომის სამკურნალოდ.

აცნობეთ მკურნალ ექიმს, თუ იღებთ ან აპირებთ მიიღოთ:

- პრეპარატები, რომლებიც ამცირებს არტერიულ წნევას (როგორიცაა პარასიმპათომიმეტიკები და გუანეტიდინი);

- პრეპარატები გულის დაავადებების სამკურნალოდ, ქინიდინის ჩათვლით (ასევე გამოიყენება მალარიის სამკურნალოდ);

- ამიოდარონი ან სხვა მედიკამენტები გულის რითმის დარღვევების სამკურნალოდ;

- საგულე გლიკოზიდები გულის უკმარისობის სამკურნალოდ;

- დიაბეტის სამკურნალო პრეპარატები;

- კუჭის წყლულის სამკურნალო პრეპარატები;

- ანტიბიოტიკები, სოკოს საწინააღმდეგო ან ანტივირუსული პრეპარატები;

- ანტიდეპრესანტები (ფლუოქსეტინი, პაროქსეტინი).

თუ იღებთ კარბოანჰიდრაზას სხვა ინჰიბიტორს (აცეტაზოლამიდს ან დორზოლამიდს), აცნობეთ ამის შესახებ თქვენს მკურნალ ექიმს.

ადრენალინთან (ეპინეფრინთან) პრეპარატის ერთდროული გამოყენებისას შეიძლება აღინიშნებოდეს გუგების ზომის ზრდა.

ორსულობა და ძუძუთი კვება

თუ ხართ ორსულად ან ძუძუთი კვებავთ, ფიქრობთ, რომ შეიძლება იყოთ ორსულად, ან გეგმავთ დაორსულებას, მოცემული პრეპარატის გამოყენებამდე მიმართეთ კონსულტაციისთვის ექიმს ან ფარმაცევტს.

არ გამოიყენოთ პრეპარატი ZETოპტიკ™-N ორსულობის პერიოდში იმ შემთხვევების გამოკლებით, როცა ექიმი მიიჩნევს ამას აუცილებლად.

პრეპარატი შეიძლება გადავიდეს დედის რძეში. არ გამოიყენოთ პრეპარატი ZETოპტიკ™-N ძუძუთი კვების პერიოდში. სანამ მიიღებდეთ რაიმე მედიკამენტს ძუძუთი კვების დროს, კონსულტაცია გაიარეთ ექიმთან.

სატრანსპორტო საშუალებების მართვა და მექანიზმებთან მუშაობა

პრეპარატი ZETოპტიკ™-N-ის გამოყენების შემდეგ შეიძლება წარმოგექმნათ მხედველობის დროებითი დაბინდვა. არ მართოთ სატრანსპორტო საშუალებები ან მექანიზმები მანამ, სანამ ამგვარი სიმპტომები არ გაქრება.

პრეპარატის ერთ-ერთმა აქტიურმა ნივთიერებამ შეიძლება გავლენა მოახდინოს დავალებების შესრულების უნარზე, რომლებიც მოითხოვს გონებრივ აქტიურობას და/ან ფიზიკურ კოორდინაციას. დაიცავით სიფრთხილე სატრანსპორტო საშუალების მართვისას ან მექანიზმებთან მუშაობისას ამ მოვლენების წარმოქმნის შემთხვევაში.

3. პრეპარატ ZETოპტიკ™ -N-ისგამოყენება

ყოველთვის გამოიყენეთ მოცემული სამკურნალო  პრეპარატი მკურნალი ექიმის რეკომენდაციების სრული დაცვით. ეჭვების გაჩენის შემთხვევაში რჩევა ჰკითხეთ მკურნალ ექიმს ან ფარმაცევტს.

გამოყენების წინ ფლაკონი აუცილებლად უნდა შეანჯღრიოთ!

გამოიყენეთ პრეპარატი ZETოპტიკ™-N მხოლოდ თვალში (თვალებში) ჩასაწვეთებლად.

პრეპარატის რეკომენდებული დოზაა 1 წვეთი დაზიანებულ თვალში (თვალებში) 2-ჯერ დღეში.

თუ გლაუკომის სამკურნალო სხვა პრეპარატიდან (თვალის წვეთებიდან) გადადიხართ პრეპარატ ZETოპტიკ™-N-ზე, უნდა დაიწყოთ ZETოპტიკ™-N-ის გამოყენება სხვა მედიკამენტის გამოყენების შეწყვეტის მომდევნო დღეს.

პრეპარატი ZETოპტიკ™-N-ისგამოყენებისას მიჰყევით ქვემოთ მოცემულ ინსტრუქციას:

• უშუალოდ პირველი გამოყენების წინ დააწერეთ გახსნის თარიღი მუყაოს კოლოფზე ამისთვის განკუთვნილ ადგილზე.
• დაიბანეთ ხელები პრეპარატის გამოყენების დაწყების წინ.
• გამოყენებამდე ფლაკონი კარგად შეანჯღრიეთ.
• მოხსენით თავსახური ფლაკონს.
• ფრთხილად გადახარეთ თავი უკან. ფრთხილად ჩამოწიეთ ქვედა ქუთუთო ქვემოთ.
• მიიტანეთ ფლაკონის წვერი თვალთან ახლოს. სარკის წინ შეიძლება უფრო გაგიადვილდეთ ამის გაკეთება.
• არ შეეხოთ საწვეთურით თვალებს, ქუთუთოებს, მიმდებარე უბნებს ან სხვა ზედაპირებს. ამან შეიძლება დააინფიციროს თვალის წვეთები.
• მსუბუქად მოუჭირეთ ფლაკონის გვერდებს ქვედა ქუთუთოში 1 წვეთის ჩასაწვეთებლად. თუ წვეთი თვალში არ მოხვდა, სცადეთ ხელახლა.
• დახუჭეთ თვალები. ცხვირის ღრუში და ყელში პრეპარატის გადინების შესამცირებლად, ფრთხილად დააჭირეთ თითი თვალის შიდა კუთხეს 2 წუთის განმავლობაში.
  • თუ თქვენ იყენებთ წვეთებს ორივე თვალზე, გაიმეორეთ იგივე პროცედურა მეორე თვალზე.
  • გამოყენებისთანავე თავსახური  მჭიდროდ დახურეთ ფლაკონს.

თუ გამოიყენეთ პრეპარატი ZETოპტიკ™-Nიმაზე მეტი, ვიდრე საჭიროა

ჩამოიბანეთ თვალი თბილი წყლით. აღარ ჩაიწვეთოთ  წვეთები, სანამ არ დადგება შემდეგი დაგეგმილი დოზის დრო. თქვენ შეიძლება აღგენიშნოთ გულის შეკუმშვების სიხშირის  კლება, არტერიული წნევის დაქვეითება, გულის უკმარისობა, სუნთქვის გაძნელება და დარღვევები ნერვული სისტემის მხრიდან.

თუ დაგავიწყდათ პრეპარატ ZETოპტიკ™-N-ის გამოყენება

გამოიყენეთ შემდეგი დოზა სქემის მიხედვით. მორიგი დოზის გამოტოვების შემთხვევაში არ ჩაიწვეთოთ პრეპარატის ორმაგიდოზა.არ გამოიყენოთ დღეში 2-ჯერ  ერთ წვეთზე  მეტი დაზიანებულ თვალში (თვალებში).

თუ შეწყვიტეთ პრეპარატ ZETოპტიკ™-N-ის გამოყენება

არ შეწყვიტოთ პრეპარატის გამოყენება მკურნალ ექიმთან კონსულტაციის გარეშე.  უკონტროლო წნევამ თვალში შეიძლება გამოიწვიოს მხედველობის დაკარგვა.

თუიყენებთ თვალის სხვა წვეთებს ან თვალის მალამოებს, დაიცავით ინტერვალი არანაკლებ 5 წუთისა გამოყენებებს შორის. თვალის მალამოები  უნდა წაისვათ ბოლოს.

თუ გაქვთ რაიმე დამატებითი შეკითხვები ამ მედიკამენტის გამოყენებასთან დაკავშირებით, მიმართეთ მკურნალ ექიმს ან ფარმაცევტს.

4. შესაძლო არასასურველი რეაქციები

ყველა სამკურნალო პრეპარატის მსგავსად, მოცემულმა პრეპარატმაც შეიძლება გამოიწვიოს არასასურველი რეაქციები, თუმცა ისინი ყველას არ უვითარდება.

შეწყვიტეთ პრეპარატის გამოყენება და დაუყოვნებლივ მიმართეთ ექიმს, თუ გამოგივლინდებათ: თვალების ძლიერი სიწითლე და ქავილი, მოწითალო ლაქები სხეულზე, ხშირად ბუშტუკებით ცენტრში, კანის აქერცვლა, წყლულები პირში, ყელში, ცხვირში, სასქესო ორგანოებსა და თვალებში, რომელსაც შეიძლება წინ უსწრებდეს ცხელება და გრიპის მსგავსი სიმპტომები (სტივენს-ჯონსონის სინდრომი, ტოქსიკური ეპიდერმული ნეკროლიზი).

ჩვეულებრივ თქვენ შეგიძლიათ გააგრძელოთ პრეპარატის გამოყენება, თუ გვერდითი ეფექტები არ არის სერიოზული. არ შეწყვიტოთ პრეპარატის გამოყენება ექიმთან კონსულტაციის გარეშე.

ხშირი არასასურველი რეაქციები (შეიძლება განუვითარდეს არაუმეტეს 1 ადამიანისა 10-დან)

არასასურველი რეაქციები თვალის მხრივ: თვალის ზედაპირის ანთება, მხედველობის დაბინდვა (არამკაფიო მხედველობა), თვალის გაღიზიანების ნიშნები და სიმპტომები (მაგალითად წვა, ჩხვლეტა, ქავილი, ცრემლდენა, სიწითლე), თვალის ტკივილი.

სხვა არასასურველი რეაქციები: გულის შეკუმშვის სიხშირის შემცირება, გემოს შეგრძნების დარღვევა.

არახშირიარასასურველი რეაქციები (შეიძლება განუვითარდეს  არაუმეტეს 1ადამიანისა 100-დან)

არასასურველი რეაქციები თვალების მხრივ: ანთება და თვალის ზედაპირის დაზიანება, ანთება თვალის შიგნით, რქოვანას შეღებვა, უცხო სხეულის შეგრძნება თვალში, გამონადენი თვალიდან, თვალის სიმშრალე, თვალის დაღლილობა, ქავილი და თვალის სიწითლე.

სხვა არასასურველი რეაქციები: ლეიკოციტების რაოდენობის შემცირება, არტერიული წნევის დაქვეითება, ხველა, სისხლი შარდში, სისუსტე.

იშვიათი არასასურველი რეაქციები (შეიძლება განუვითარდესარაუმეტეს 1 ადამიანისა 1000-დან)

არასასურველი რეაქციები თვალების მხრივ: რქოვანას ეროზია (თვალის გუგის წინა შრის დაზიანება), სინათლის შიში, მომატებული ცრემლდენა, თვალების და ქუთუთოების სიწითლე, ქუთუთოების კიდეების გასწვრივ ქერქის წარმოქმნა.

სხვა არასასურველი რეაქციები: უძილობა,ყელის ტკივილი, სურდო.

სიხშირე უცნობია (შეუძლებელია შეფასდეს ხელმისაწვდომი მონაცემების მიხედვით)

არასასურველი რეაქციები თვალების მხრივ: ალერგიული რეაქციები თვალებზე, მხედველობის დარღვევა, მხედველობის ნერვის დაზიანება, რქოვანას ანთება და სისხლძარღვოვანი გარსის (ბადურის ქვეშ სისხლძარღვების შემცველი ფენა) აშრევება ფილტრაციული ოპერაციის შემდეგ, რამაც შეიძლება გამოიწვიოს მხედველობითი დარღვევები, რქოვანას მგრძნობელობის დაქვეითება, თვალისშიდა წნევის მომატება, დეპოზიტები თვალის ზედაპირზე, რქოვანას შეღებვა, რქოვანას შეშუპება, კონიუნქტივიტი, ნაპერწკლები და ელვარება თვალის წინ (ფოტოფსია), ნათება, მხედველობის გაორება (დიპლოპია), მხედველობის სიმახვილის დაქვეითება, დისკომფორტის შეგრძნება თვალში, თვალის სიმშრალე, თვალის მგრძნობელობის დაქვეითება (ჰიპესთეზია), სკლერის პიგმენტაცია, წარმონაქმნები თვალის ზედაპირზე (სუბკონიუნქტივალური კისტა), თვალების შეშუპება, წამწამების ზრდის  ან  რაოდენობის კლება, ქუთუთოსა  და ქუთუთოების ჯირკვლების ანთება, ქუთუთოების შეშუპება, ქუთუთოს ჩამოწევა (პტოზი), დარღვევები რქოვანას მხრივ (კერატოპათია, რქოვანას ზედაპირის დეფექტი), ნაკეცის გამოჩენა თვალის ზედაპირზე (პტერიგიუმი).

არასასურველი რეაქციები გულისა და სისხლის მიმოქცევის მხრივ: გულის რითმისა და შეკუმშვის სიხშირის შეცვლა, გულის რითმის შენელება (ბრადიკარდია), გულისცემის შეგრძნება, გულის რითმის გახშირება, არითმია, გულის შეკუმშვის სიხშირის მომატება, ტკივილი გულმკერდის არეში, შეშუპებები, გულის უკმარისობა, გულის შეგუბებითი უკმარისობა (გულის  დაავადება ქოშინით და ტერფებისა და ფეხების შეშუპებით  სითხის დაგროვების გამო), გულის ფუნქციის დაქვეითება, გულის შეტევა, კიდურების შეშუპება, თავის ტვინის სისხლძარღვების შევიწროება, თავის ტვინის სისხლის მიმოქცევის დარღვევა, ინსულტი, არტერიული წნევის დაქვეითება, არტერიული წნევის მომატება, ხელის  თითების და ფეხის თითების და ზოგჯერ სხეულის სხვა ნაწილების ფერის შეცვლა (რეინოს ფენომენი), კიდურების გაციება.

არასასურველი რეაქციები მთელი ორგანიზმის მხრივ: მოწითალო ლაქები სხეულზე, ხშირად ბუშტუკებით ცენტრში, კანის აქერცვლა, წყლულები პირში, ყელში, ცხვირში, სასქესო ორგანოებსა და თვალებში, რასაც შეიძლება წინ უსწრებდეს ცხელება და გრიპის მსგავსი სიმპტომები. ეს სერიოზული კანისმიერი რეაქციები შეიძლება იყოს სიცოცხლისთვის პოტენციურად საშიში (სტივენს -ჯონსონის სინდრომი, ტოქსიკური ეპიდერმული ნეკროლიზი).

არასასურველი რეაქციები სასუნთქი სისტემის მხრივ: ბრონქოსპაზმი (ძირითადად პაციენტებში ბრონქოსპაზმით ანამნეზში), ასთმა, ქოშინი ან სუნთქვის გაძნელება, ცხვირიდან სისხლდენა, გაციების სიმპტომები, ყელის გაღიზიანება, ცხვირის „გაჭედვა“, ზედა სასუნთქი გზების დახშობა, ხახის უკანა კედელზე ლორწოს ჩადინება  (პოსტნაზალური ჩადინების სინდრომი), ცემინება, სიმშრალე ცხვირში.

არასასურველი რეაქციები ნერვული სისტემის მხრივ და ზოგადი დარღვევები: გულის წასვლა, დეპრესია, ჰალუცინაციები, ღამის კოშმარები, ნერვოზულობა, აპათია, თავბრუსხვევა, თავის ტკივილი, დაღლილობა, ზოგადი/გამოხატული სისუსტე, ძილიანობა, მოტორული  დარღვევები, ცუდად ყოფნა, მეხსიერების გაუარესება ან დაკარგვა, ჩხვლეტისა და წვის შეგრძნება, მგრძნობელობის დაქვეითება და დაბუჟების შეგრძნება, კანკალი, გემოს დაკარგვა, გაღიზიანებადობა, ტკივილი.

არასასურველი რეაქციები კუჭ-ნაწლავის ტრაქტის მხრივ: დიარეა, ტკივილი მუცელში, სიმშრალე ან უჩვეულო შეგრძნებები პირის ღრუში, გულისრევა, ღებინება, საყლაპავის კედლის ანთება, დისკომფორტის შეგრძნება კუჭისა და მუცლის არეში, კუჭში ხშირად გასვლა, კუჭ-ნაწლავის აშლილობა, მეტეორიზმი.

არასასურველი რეაქციები სისხლის მხრივ: ერითროციტების რაოდენობის შემცირება, სისხლში ქლორიდების დონის მატება, ღვიძლის ფუნქციური მაჩვენებლების დარღვევა.

ალერგიული რეაქციები:  ალერგიის სიმპტომების გაძლიერება, მძიმე ალერგიული რეაქციები, რომელსაც თან ახლავს კიდურების, სახის, ხახის, ენის შეშუპება, რამაც შეიძლება გამოიწვიოს ყლაპვის ან სუნთქვის გაძნელება, ჭინჭრის ციება, ლოკალიზებული და გენერალიზებული გამონაყარი, ქავილი, მდგომარეობის უეცარი მკვეთრი გაუარესება - საშიში ალერგიული რეაქცია.

არასასურველი რეაქციები სმენის ორგანოს მხრივ: ხმაური ყურებში, ტრიალის ან თავბრუსხვევის შეგრძნება.

არასასურველი რეაქციები კანისა და კანქვეშა ქსოვილების მხრივ:  გამონაყარი, კანის სიწითლე და ანთება, თმის ცვენა, მაკულოპაპულური გამონაყარი, გენერალიზებული ქავილი, კანის დაჭიმულობა, გამონაყარი მოვერცხლისფრო-თეთრი ქერცლებით (ფსორიაზის მსგავსი  გამონაყარი) ან ფსორიაზის გამწვავება.

არასასურველი რეაქციები ძვალ-კუნთოვანი სისტემის მხრივ:  ტკივილი ზურგში, კუნთებში და სახსრებში (არ არის დაკავშირებული ფიზიკურ დატვირთვასთან), კუნთების სპაზმი, ტკივილი კიდურებში, კუნთების სისუსტე/დაღლილობა, მიასთენია გრავისის (ნეირომუსკულური დაავადება) ნიშნებისა და სიმპტომების გაძლიერება.

არასასურველი რეაქციები თირკმელების მხრივ: ტკივილი თირკმლის მიდამოში (ჰგავს წელის  ტკივილს), ხშირი შარდვა.

არასასურველი რეაქციები რეპროდუქციული სისტემის მხრივ: სექსუალური დისფუნქცია, ლიბიდოს დაქვეითება, სექსუალური დარღვევები მამაკაცებში.

დარღვევები ნივთიერებათა ცვლის მხრივ: სისხლში შაქრის დაბალი დონე.

შეტყობინება არასასურველი რეაქციების შესახებ

თუ რაიმე არასასურველი რეაქცია წარმოგექმნათ, კონსულტაცია გაიარეთ მკურნალ  ექიმთან ან ფარმაცევტთან. მოცემული  რეკომენდაცია ვრცელდება ნებისმიერ შესაძლო არასასურველ რეაქციებზე, მათ შორის ისეთებზეც, რომლებიც მოცემულ ინსტრუქციაში არ არის ჩამოთვლილი. არასასურველი რეაქციების შესახებ ასევე შეგიძლიათ შეატყობინოთ პირდაპირ ევრაზიის ეკონომიკური კავშირის წევრ-ქვეყნების შეტყობინებების  სისტემის მეშვეობით.

სომხეთის რესპუბლიკა

დსს "ლიქვორი"

0089, ერევანი, კოჩინიანის ქუჩა 7/9

ტელ: (374 93) 47 74 68; (374 15) 37 88 03

ელ ფოსტა: a.bazeyan @ liqvor . com

5. პრეპარატ  ZET ოპტიკ™-N-ის შენახვა

შეინახეთ არაუმეტეს 30^°C ტემპერატურაზე, სინათლისგან დაცულ ადგილზე. შეინახეთ ბავშვებისთვის მიუწვდომელ ადგილას.

არ გამოიყენოთ პრეპარატი  მითითებული ვარგისობის ვადის (შენახვის ვადის) გასვლის შემდეგ, რომელიც მითითებულია ფლაკონზე და კოლოფზე „ვარგისია ... მდე“-ს შემდეგ. ვარგისობის ვადაა იმ თვის ბოლო დღე, რომელიც მითითებულია შეფუთვაზე.

მოცემული სამკურნალო პრეპარატი არ საჭიროებს შენახვის რაიმე განსაკუთრებულ პირობებს.

გახსნის შემდეგ გამოიყენეთ ფლაკონის შიგთავსი 3  თვის განმავლობაში. პირველი გახსნიდან 3 თვის შემდეგ გადააგდეთ ფლაკონი, რათა ინფიცირება თავიდან იქნას  აცილებული და გამოიყენეთ ახალი ფლაკონი. დააწერეთ გახსნის თარიღი ყუთზე მითითებულ ადგილზე.

არ გადაყაროთ  (არ ჩაასხათ) პრეპარატები კანალიზაციაში (წყალსადენში). დააზუსტეთ ფარმაცევტთან, როგორ მოიშოროთ თავიდან ის პრეპარატები, რომლებიც აღარ გჭირდებათ. ეს ზომები საშუალებას გვაძლევს დავიცვათ გარემო.

6. შეფუთვის შიგთავსი და სხვა ინფორმაცია

პრეპარატის ყოველი მლ შეიცავს აქტიურ ნივთიერებებს: ბრინზოლამიდს - 10 მგ და თიმოლოლს - 5 მგ (თიმოლოლის მალეატის სახით  6,8 მგ).

დამხმარე ნივთიერებები: მანიტოლი, კარბომერი 974P, ტილოქსაპოლი, დინატრიუმი ედეტატი, ნატრიუმის ქლორიდი, მარილმჟავა და/ან ნატრიუმის ჰიდროქსიდი (pH-ის კორექციისათვის), საინექციო წყალი.

პრეპარატ  ZETოპტიკ™-N-ისგარეგანი სახედაშეფუთვისშიგთავსი

პრეპარატი ZETოპტიკ™-N თვალის წვეთები წარმოადგენს თეთრ ან თითქმის თეთრ  ჰომოგენურ  სუსპენზიას.

5 მლ პრეპარატი პოლიეთილენის ფლაკონში სილიკონის სარქველით და  ხრახნიანი საცობით პირველი გახსნის კონტროლით.

თითოეული ფლაკონი, სამედიცინო გამოყენების ინსტრუქციასთან ერთად (ფურცელ-ჩანართი), თავსდება მუყაოს კოლოფში.

სარეგისტრაციო მოწმობისმფლობელიდა მწარმოებელი

დსს "ლიქვორი", სომხეთი,

0089ერევანი, კოჩინიანის 7/9

ტელ : +37460 37 88 00

E-mail: [email protected]

გაცემის წესი

ფარმაცევტული პროდუქტის ჯგუფი II, გაიცემა ფორმა №3 რეცეპტით.