ჰემორზონი 10მგ/5მგ/4მგ/გ 18გ მალამო

 ჰემორზონი 10 მგ/5 მგ/4 მგ/გ მალამო

შემადგენლობა

მოქმედი ნივთიერებები: ტეტრაციკლინი (ტეტრაციკლინის ჰიდროქლორიდის სახით), ჰიდროკორტიზონის აცეტატი, ბენზოკაინი.

ერთი გრამი მალამო შეიცავს 10 მგ ტეტრაციკლინს (10.820 მგ ტეტრაციკლინის ჰიდროქლორიდის სახით), 5.00 მგ ჰიდროკორტიზონის აცეტატს, 4.00 მგ ბენზოკაინს.

სხვა ინგრედიენტები: ფუტკრის ყვითელი ცვილი, თეთრი რბილი პარაფინი.

გამოყენება

ჰემორზონის მალამო მიეკუთვნება ანტიჰემოროიდულ საშუალებებს ადგილობრივი გამოყენებისთვის, ამასთან შეიცავს კორტიკოსტეროიდს. ჰემორზონის მალამო ხსნის ტკივილს და ანალურ ქავილს, განსაკუთრებით ჰემოროიდული კრიზებისა და ჰემოროიდული თრომბოფლებიტის დროს.

უკუჩვენებები

ჰემორზონის გამოყენება უკუნაჩვენებია შემდეგ შემთხვევებში:

-        ალერგია (მომატებული მგრძნობელობა) ჰიდროკორტიზონის, ტეტრაციკლინის, ბენზოკაინის ან ამ პრეპარატის რომელიმე სხვა ინგრედიენტის მიმართ (ჩამოთვლილი შემადგენლობაში);

-        ბაქტერიული ანორექტალური ინფექციები (ტუბერკულოზური ინფექციების ჩათვლით), ვირუსული ინფექციები, სოკოვანი და პარაზიტული ინფექციები;

-        ინფიცირებული ანორექტალური დაზიანებები;

გაფრთხილებები და სიფრთხილის ზომები

ჰემორზონის მალამოს გამოყენებამდესაჭიროა ექიმთან ან ფარმაცევტთან კონსულტაცია.

თუ სიმპტომები არ გაქრება 7 დღის შემდეგ ან აღინიშნება ადგილობრივი სისხლდენა, შეწყვიტეთ მკურნალობა და მიმართეთ ექიმს. ექიმმა შეიძლება საჭიროდ ჩათვალოს პროქტოლოგიური გამოკვლევა.

ანტიბაქტერიული პრეპარატების ხანგრძლივმა გამოყენებამ შეიძლება გამოიწვიოს სუპერინფექციების განვითარება, მათ შორის სოკოებით გამოწვეული, რომელიც მკურნალობისადმი რეზისტენტულია.

თუ პრეპარატის გამოყენების შემდეგ აღინიშნება ადგილობრივი გაღიზიანება, შეწყვიტეთ მკურნალობა.

ჰემორზონის მალამოებით მკურნალობა არ ანაცვლებს ანალური დაავადების სპეციფიკურ მკურნალობას.

არ გამოიყენოთ ჰემორზონის მალამო დიდი ხნის განმავლობაში. იგი შეიცავს ჰიდროკორტიზონს, რომელმაც შეწოვის შემდეგ შეიძლება გამოიწვიოს გვერდითი მოვლენები ორგანიზმში.

ბავშვები

ჰემორზონის მალამო არ არის რეკომენდებული ბავშვებში გამოსაყენებლად.

სხვა პრეპარატები და ჰემორზონი

აცნობეთ ექიმს ან ფარმაცევტს, თუ იღებთ, ცოტა ხნის წინ იღებდით ან შესაძლოა მიიღოთ სხვა პრეპარატები.

არ არის რეკომენდებული ჰემორზონის მალამოს გამოყენება ინტრარექტალურად შეყვანილ სხვა სამკურნალო საშუალებებთან ერთად.

კორტიკოსტეროიდების შემცველ სხვა ადგილობრივ ან პერორალურ პრეპარატებთან ერთდროულმა გამოყენებამ შეიძლება გაზარდოს სისტემური ეფექტების რისკი.

ჰემორზონი საკვებთან და სასმელთან ერთად

არ არის ცნობილი ურთიერთქმედება ჰემორზონსა და საკვებს ან სასმელს შორის.

ორსულობა, ძუძუთი კვება და ფერტილობა

თუ ხართ ორსულად ან ძუძუთი კვებავთ ბავშვს, ფიქრობთ, რომ შეიძლება იყოთ ორსულად ან გეგმავთ ბავშვის გაჩენას, ამ პრეპარატის გამოყენებამდე რჩევისთვის მიმართეთ თქვენს ექიმს ან ფარმაცევტს.

ვინაიდან ჰიდროკორტიზონი გამოიყოფა დედის რძეში, პრეპარატის გამოყენება არ არის რეკომენდებული მეძუძურ ქალებში.

სატრანსპორტი საშუალებების მართვა და მექანიზმების გამოყენება

ჰემორზონიარ ახდენს ზეგავლენას სატრანსპორტი საშუალებების მართვისა და მექანიზმების გამოყენების უნარზე.

გამოიყენების წესი

პრეპარატი ყოველთვის გამოიყენეთ  ექიმის ან ფარმაცევტის რეკომენდაციის ზუსტი დაცვით. თუ არ ხართ დარწმუნებული, მიმართეთ ექიმს ან ფარმაცევტს.

რეკომენდებული დოზა არის ერთი წასმა ანალურ მიდამოში, სასურველია დეფეკაციის შემდეგ და ძილის წინ ადგილობრივად, დაბანის შემდეგ. საჭიროების შემთხვევაში, დოზა შეიძლება გაიზარდოს მალამოს 2-3 წასმამდე დღეში.

მკურნალობა უნდა გაგრძელდეს ადგილობრივი სიმპტომების გაქრობიდან კიდევ ერთი კვირის განმავლობაში ჰემორზონის მალამოს 2 დღეში ერთხელ წასმით.

ჭარბი დოზირება

ჰემორზონით დოზის გადაჭარბების შემთხვევები არ დაფიქსირებულა. თუმცა, თუ ეჭვი გეპარებათ, დაუყოვნებლივ მიმართეთ ექიმს ან სასწრაფო დახმარების განყოფილებას.

დოზის გამოტოვება

არ გამოიყენოთ ორმაგი დოზა გამოტოვებული დოზის ასანაზღაურებლად.

მკურნალობის შეწყვეტა

არ შეწყვიტოთ ჰემორზონით მკურნალობა ექიმთან შეთანხმების გარეშე.

პრეპარატის გამოყენებასთან დაკავშირებით  დამატებითი შეკითხვების შემთხვევაში, მიმართეთ ექიმს ან ფარმაცევტს.

შესაძლო გვერდითი მოვლენები

სხვა სამკურნალო საშუალებების მსგავსად, ჰემორზონის მალამომაც შეიძლება გამოიწვიოს გვერდითი მოვლენები, თუმცა ისინი არ უვითარდება ყველა პაციენტს.

იშვიათად შეიძლება განვითარდეს ალერგიული რეაქციები, ადგილობრივი გამაღიზიანებელი რეაქციები და სწორი ნაწლავის ლორწოვანის ატროფია, აგრეთვე კორტიკოსტეროიდების სისტემური დონის მომატებით გამოწვეული რეაქციები (კუშინგის სინდრომი, ჰიპერგლიკემია, გლუკოზურია).

გვერდითი მოვლენები გამოვლენის სიხშირის მიხედვით კლასიფიცირდება შემდეგნაირად:

ძალიან ხშირი: შეიძლება გავლენა იქონიოს 10-დან 1-ზე მეტ ადამიანზე.

ხშირი: შეიძლება გავლენა იქონიოს 10-დან 1 ადამიანზე.

არახშირი: შეიძლება გავლენა იქონიოს 100-დან 1 ადამიანზე.

იშვიათი: შეიძლება გავლენა იქონიოს 1000-დან 1 ადამიანზე.

ძალიან იშვიათად: შეიძლება გავლენა იქონიოს 10000-დან 1 ადამიანზე.

სიხშირე უცნობია: სიხშირის შეფასება შეუძლებელია არსებული მონაცემებით.

შეტყობინება გვერდითი მოვლენების შესახებ

ნებისმიერი გვერდითი მოვლენის განვითარების შემთხვევაში, ან ისეთი გვერდითი მოვლენების აღნიშვნის შემთხვევაში, რომელიც ზემოთ არ არის მითითებული, მიმართეთ ექიმს ან ფარმაცევტს.

გვერდითი მოვლენების შესახებ ასევე, შეგიძლიათ შეატყობინოთ პირდაპირ რუმინეთის მედიკამენტებისა და სამედიცინო ხელსაწყოების ეროვნული სააგენტოს:  

Aviator Sănătescu (ავიატორ სანატესკუ) ქ. #. 48, სექტორი 1

ბუქარესტი 011478- RO

ტელ: + 4 0757 117 259

ფაქსი: +4 0213 163 497

ელ.ფოსტა: [email protected]

გვერდითი მოვლენების შეტყობინებით, ხელს შეუწყობთ წამლის უსაფრთხოებასთან დაკავშირებით  მეტი ინფორმაციის უზრუნველყოფას.

შენახვის წესი

შეინახეთ  პრეპარატი ბავშვებისთვის მიუწვდომელ ადგილას.

არ გამოიყენოთ პრეპარატი შეფუთვაზე მითითებული ვარგისობის ვადის (EXP) გასვლის შემდეგ. ვარგისობის ვადად ითვლება მითითებული თვის ბოლო დღე.

ტუბის პირველი გახსნიდან გამოიყენეთ მაქსიმუმ 8 კვირის განმავლობაში.

შეინახეთ ორიგინალურ შეფუთვაში, 25°C-ზე დაბალ ტემპერატურაზე.

არ გადაყაროთ სამკურნალო საშუალებები საყოფაცხოვრებო ნაგავში ან გამდინარე წყლებში. ჰკითხეთ ფარმაცევტს, როგორ გადაყაროთ პრეპარატები, რომლებსაც აღარ იყენებთ. ეს ზომები ხელს შეუწყობს გარემოს დაბინძურების თავიდან აცილებას.

ჰემორზონის გარეგნული სახე და შეფუთვის შემადგენლობა

ჰემორზონი არის მოყვითალო-ყავისფერი ერთგვაროვანი მალამო.

გარე მუყაოს შეფუთვაში მოთავსებულია ერთი ალუმინის ტუბი, შიგნიდან შეღებული პოლიფენოლური ლაქით და დახურული პოლიპროპილენის სახურავით, შეიცავს 18 გ მალამოს.

მარკეტინგული ლიცენზიის მფლობელი და მწარმოებელი

Antibiotice  SA (ანტიბიოტიკ სა)

1 ვალეა ლუპულუის ქუჩა, იასი 707410, რუმინეთი.

დეტალური ინფორმაცია ამ პრეპარატის შესახებ ხელმისაწვდომია მედიკამენტებისა და სამედიცინო ხელსაწყოების ეროვნულ სააგენტოს გვერდზე http://www.anm.ro/