კოლხიცინი დეცე 500მკგ #60ტ

სამედიცინო პროდუქტის

გამოყენების ინსტრუქცია 

კოლხიცინი DECE 

საერთაშორისო არადაპატენტებული დასახელება: - კოლხიცინი ტაბლეტები BP 500 მკგ

ქიმიური დასახელება: -N-[7R)-1,2,3,10-ტეტრამეთოქსი-9-ოქსო-6,7-დიჰიდრო-5H-ბენზო[a]ჰეპტალენ-7-yl]აცეტამიდი

დოზირების ფორმა: კოლხიცინი ტაბლეტები BP 500 მკგ - შემოუგარსავი ტაბლეტი

შემადგენლობა

თითოეული შემოუგარსავი ტაბლეტი შეიცავს:

კოლხიცინი ...........BP 500 მკგ

დამხმარე ნივთიერებები ......... Q.S.

დამხმარე ნივთიერებები

დიქლორმეთანი, ლაქტოზა, კალციუმის წყალბადოფოსფატის დეჰიდრატი, სიმინდის სახამებელი, კოლოიდური სილიციუმის დიოქსიდი, პოვიდონი, ტალკი, მაგნიუმის სტეარატი, ნატრიუმის სახამებლის გლიკოლატი.

აღწერა:

ალუ პვქ ბლისტერული შეფუთვა, რომელიც შეიცავს 10 ტაბლეტს. თეთრი ფერის მრგვალი ფორმის ორმხრივამოზნექილი შემოუგარსავი ტაბლეტი, რომელსაც ერთ გვერდზე აქვს ხაზი და მეორე მხარე არის გლუვი.

ფარმაკოლოგიური კლასიფიკაცია

ფარმაკოთერაპიული ჯგუფი: პოდაგრის სამკურნალო საშუალებები, რომლებიც არ მოქმედებენ შარდმჟავას მეტაბოლიზმზე. ათქ კოდი: M04AC01

ფარმაკოლოგიური მოქმედება

ფარმაკოდინამიკა

მოქმედების მექანიზმი

AGREE (მწვავე პოდაგრის გამწვავებისას კოლხიცინის შეფასება) კვლევაში კოლხიცინი დაბალი და მაღალი დოზები შედარებულია რანდომიზებული, პლაცებო კონტროლირებადი დიზაინის გამოყენებით. მაღალი დოზით გახანგრძლივებული კოლხიცინის რეჟიმი (4.8 მგ სულ 6 საათის განმავლობაში) შედარებული იყო პლაცებოსთან და დაბალი დოზების შემოკლებულ რეჟიმთან (1.8 მგ სულ 1 საათის განმავლობაში, ანუ 1.2 მგ, შემდეგ კი 0.6 მგ 1 საათში). კოლხიცინის ორივე რეჟიმი მნიშვნელოვნად უფრო ეფექტური იყო ვიდრე პლაცებო, მაღალი დოზების ჯგუფში - 32,7%, დაბალი დოზების ჯგუფში - 37,8% და პლაცებოს ჯგუფში - 15,5% (P = 0,034 და P = 0,005, შესაბამისად, პლაცებოს წინააღმდეგ). პირველადი 24-საათიანი საბოლოო წერტილის შედეგები აჩვენებს დაბალი დოზის კოლხიცინის მაღალ უსაფრთხოებას, ეფექტურობის დაკარგვის გარეშე, მაღალი დოზის კოლხიცინთან შედარებით მწვავე პოდაგრის ადრეული გამწვავებისთვის (თვითმიღება გამწვავების დაწყებიდან 12 საათის განმავლობაში). ამ კვლევაში ჩატარებულმა ფარმაკოკინეტიკურმა ანალიზმა აჩვენა, რომ ჯანმრთელ მოხალისეებში კოლხიცინის კონცენტრაცია პლაზმაში არსებითად შემცირდა შეყვანიდან დაახლოებით 12 საათის შემდეგ.

კოლხიცინით პროფილაქტიკა (0.6 მგ ორჯერ დღეში) ქრონიკული პოდაგრის ართრიტის დროს ალოპურინოლის დაწყებისას ამცირებს მწვავე გამწვავების სიხშირეს და სიმძიმეს და ამცირებს განმეორებითი გამწვავების ალბათობას. კლინიკური მონაცემების საფუძველზე, მკურნალობა შეიძლება გაგრძელდეს 6 თვემდე. საჭიროა პერსპექტიული რანდომიზებული კონტროლირებადი კვლევები გამწვავების პროფილაქტიკის შემდგომი შეფასებისთვის 6 თვემდე, 6 თვის შემდეგ და პერიოდულად.

კოლხიცინის მოქმედების მექანიზმი პოდაგრის მკურნალობისას არ არის მკაფიო. მიიჩნევა, რომ კოლხიცინი მოქმედებს ურატის კრისტალების ანთებითი რეაქციის წინააღმდეგ, შესაძლოა ანთებით ზონაში გრანულოციტების მიგრაციის შეფერხებით. კოლხიცინის სხვა თვისებები, როგორიცაა მიკროტუბულებთან ურთიერთქმედება, ასევე შეიძლება იყოს ხელშემწყობი ფაქტორი. მოქმედება იწყება პერორალური მიღებიდან დაახლოებით 12 საათის შემდეგ და მაქსიმალურს აღწევს 1-2 დღის შემდეგ.

ფარმაკოკინეტიკა

პერორალური მიღების შემდეგ კოლხიცინი სწრაფად და თითქმის მთლიანად შეიწოვება. მაქსიმალური პლაზმური კონცენტრაცია ჩვეულებრივ მიიღწევა 30-120 წუთის შემდეგ. ტერმინალური ნახევარგამოყოფის პერიოდი 3-დან 10 საათამდეა. პლაზმის ცილებთან შეკავშირება არის დაახლოებით 30%. კოლხიცინი ნაწილობრივ მეტაბოლიზდება ღვიძლში და შემდეგ ნაწილობრივ ნაღვლის მეშვეობით. ის გროვდება ლეიკოციტებში. კოლხიცინი ძირითადად (80%) გამოიყოფა უცვლელი სახით და მეტაბოლიტების სახით განავლით. 10-20% გამოიყოფა შარდით.

თირკმლის უკმარისობა

ჯანმრთელ სუბიექტებში კოლხიცინი მნიშვნელოვნად გამოიყოფა შარდით. თირკმლის ფუნქციის დარღვევის მქონე პაციენტებში კოლხიცინის კლირენსი მცირდება. კოლხიცინის საერთო კლირენსი შემცირდა 75%-ით პაციენტებში, რომლებსაც ჰქონდათ თირკმლის დაავადების ბოლო სტადია, რომლებიც გადიან დიალიზს.

თირკმლის უკმარისობის გავლენა კოლხიცინის ფარმაკოკინეტიკაზე შეფასდა კვლევაში, რომელშიც მონაწილეობდნენ პაციენტები ოჯახური ხმელთაშუა ზღვის ცხელებით, საიდანაც 5 ქალი იყო და 4 მამაკაცი, (n=4) და (n=5) თირკმლის უკმარისობის გარეშე. საშუალო ასაკი იყო 30 წელი (დიაპაზონი 19-42 წელი). თირკმლის უკმარისობის მქონე 5-ვე პაციენტს ჰქონდა ბიოფსიით დადასტურებული ამილოიდოზი; 4 იყო რუტინულ ჰემოდიალიზზე და 1-ს ჰქონდა შრატის კრეატინინის კლირენსი 15 მლ/წთ. ამიტომ ისინი შეიძლება კლასიფიცირდეს, როგორც თირკმლის მძიმე უკმარისობის მქონე. სუბიექტებმა მიიღეს 1 მგ კოლხიცინი, გარდა 1 სუბიექტისა ციროზით, რომელმაც მიიღო 500 მიკროგრამი. კოლხიცინის კლირენსის 4-ჯერ შემცირება დაფიქსირდა თირკმელების უკმარისობის მქონე სუბიექტებში თირკმლის ნორმალური ფუნქციის მქონე პირებთან შედარებით (0,168 ± 0,063 1/სთ/კგ vs 0,727 ± 0,110 1/სთ/კგ). ტერმინალური ნახევარგამოყოფის პერიოდი იყო 18.8 ± 1.2 სთ სუბიექტებისთვის თირკმელების მძიმე უკმარისობით და 4.4 ± 1.0 სთ თირკმლის ნორმალური ფუნქციის მქონე პირებისთვის. განაწილების მოცულობა ჯგუფებს შორის მსგავსი იყო. ციროზით დაავადებულ პაციენტებში კრეატინინის კლირენსი 10-ჯერ უფრო დაბალია თირკმელების ნორმალური ფუნქციის მქონე სუბიექტებთან შედარებით.

პედიატრიული მოსახლეობა

ბავშვებში ფარმაკოკინეტიკის მონაცემები ხელმისაწვდომი არ არის.

ჩვენებები

მოზრდილები

• მწვავე პოდაგრის მკურნალობა
• პოდაგრის შეტევის პროფილაქტიკა ალოპურინოლით და ურიკოზურიული პრეპარატებით თერაპიის დაწყებისას.

უკუჩვენებები

• ჰიპერმგრძნობელობა აქტიური ნივთიერების ან რომელიმე ჩამოთვლილი დამხმარე ნივთიერების მიმართ
• პაციენტები სისხლის დისკრაზიით
• ორსულობა
• ძუძუთი კვება
• რეპროდუქციული ასაკის ქალები, თუ ისინი არ იყენებენ ეფექტურ კონტრაცეფციულ ზომებს
• თირკმლის მძიმე უკმარისობის მქონე პაციენტები
• ღვიძლის მძიმე უკმარისობის მქონე პაციენტები
• კოლხიცინი არ გამოიყენება ჰემოდიალიზზე მყოფ პაციენტებში, ვინაიდან მისი გამოდევნა შეუძლებელია დიალიზით ან გაცვლითი ტრანსფუზიით.
• კოლხიცინი უკუნაჩვენებია თირკმლის ან ღვიძლის უკმარისობის მქონე პაციენტებში, რომლებიც იღებენ P-გლიკოპროტეინის (P-gp) ინჰიბიტორს ან ძლიერ CYP3A4 ინჰიბიტორს

გაფრთხილებები და სიფრთხილის ზომები ორსულობისა და ლაქტაციის პერიოდში

კოლხიცინი პოტენციურად ტოქსიკურია, ამიტომ მნიშვნელოვანია არ გადააჭარბოთ სათანადო ცოდნისა და გამოცდილების მქონე ექიმის მიერ დანიშნულ დოზას.

კოლხიცინს აქვს ვიწრო თერაპიული ფანჯარა. პრეპარატის მიღება უნდა შეწყდეს, თუ გამოვლინდება ტოქსიკური სიმპტომები, როგორიცაა გულისრევა, ღებინება, მუცლის ტკივილი, დიარეა.

კოლხიცინმა შეიძლება გამოიწვიოს ძვლის ტვინის მძიმე დათრგუნვა (აგრანულოციტოზი, აპლასტური ანემია და თრომბოციტოპენია). სისხლის ანალიზებში ცვლილება შეიძლება იყოს თანდათანობითი ან ძალიან მოულოდნელი. განსაკუთრებით აპლასტურ ანემიას აქვს მაღალი სიკვდილიანობა. აუცილებელია სისხლის სურათის პერიოდული შემოწმება.

თუ პაციენტებს განუვითარდებათ ნიშნები ან სიმპტომები, რომლებიც შეიძლება მიუთითებდეს სისხლის უჯრედების დისკრაზიაზე, როგორიცაა ცხელება, სტომატიტი, ყელის ტკივილი, გახანგრძლივებული სისხლდენა, სისხლჩაქცევები ან კანის მხრივ დარღვევები, კოლხიცინით მკურნალობა დაუყოვნებლივ უნდა შეწყდეს და მაშინვე უნდა ჩატარდეს სრული ჰემატოლოგიური გამოკვლევა.

სიფრთხილეა რეკომენდებული შემდეგ შემთხვევებში:

• ღვიძლის ან თირკმლის უკმარისობა
• გულ-სისხლძარღვთა დაავადება
• კუჭ-ნაწლავის მხრივ დარღვევები
• ხანდაზმული და დასუსტებული პაციენტები
• პაციენტები სისხლის ანალიზში დარღვევებით

პაციენტები ღვიძლის ან თირკმელების უკმარისობით უნდა იმყოფებოდნენ ფრთხილი მონიტორინგის ქვეშ კოლხიცინის გვერდითი ეფექტების გამო.

P-gp ინჰიბიტორებთან და/ან ზომიერ ან ძლიერ CYP3A4 ინჰიბიტორებთან ერთდროული გამოყენება გაზრდის კოლხიცინის ექსპოზიციას, რამაც შეიძლება გამოიწვიოს კოლხიცინით ინდუცირებული ტოქსიკურობა, მათ შორის ფატალური გამოსავლით. თუ თირკმელებისა და ღვიძლის ნორმალური ფუნქციის მქონე პაციენტებში საჭიროა P-gp ინჰიბიტორით ან ზომიერი ან ძლიერი CYP3A4 ინჰიბიტორით მკურნალობა, რეკომენდებულია კოლხიცინის დოზის შემცირება ან კოლხიცინით მკურნალობის შეწყვეტა.

ეს სამკურნალო პროდუქტი შეიცავს ლაქტოზას. გალაქტოზას აუტანლობის, ლაპ-ლაქტაზას დეფიციტის ან გლუკოზა-გალაქტოზას მალაბსორბციის იშვიათი მემკვიდრეობითი პრობლემების მქონე პაციენტებმა არ უნდა მიიღოთ ეს პრეპარატი.

ურთიერთქმედებები

კოლხიცინი არის სუბსტრატი როგორც CYP3A4-ისთვის, ასევე P-gp ტრანსპორტული ცილისთვის.  CYP3A4 ან P-gp ინჰიბიტორების არსებობისას, კოლხიცინის კონცენტრაციები სისხლში იზრდება. ტოქსიკურობა, მათ შორის ლეთალური შემთხვევები, დაფიქსირდა CYP3A4 ან P-gp ინჰიბიტორების ერთდროული გამოყენებისას, როგორიცაა მაკროლიდები (კლარითრომიცინი და ერითრომიცინი), ციკლოსპორინი, კეტოკონაზოლი, იტრაკონაზოლი, ვორიკონაზოლი, აივ პროტეაზას ინჰიბიტორები, კალციუმის არხის ბლოკატორები (ვერაპამილი და დილთიაზემი) და დისულფირამი (იხ. პუნქტი 4.4.).

კოლხიცინი უკუნაჩვენებია თირკმლის ან ღვიძლის უკმარისობის მქონე პაციენტებში, რომლებიც იღებენ P-gp ინჰიბიტორს (მაგ. ციკლოსპორინს, ვერაპამილს ან ქინიდინს) ან CYP3A4 ძლიერ ინჰიბიტორს (მაგ. რიტონავირი, ატაზანავირი, ინდინავირი, კლარითრომიცინი, ტელითრომიცინი, იტრაკონაზოლი ან კეტოკონაზოლი (იხ. პუნქტი 4.3).

კოლხიცინის დოზის შემცირება ან კოლხიცინით მკურნალობის შეწყვეტა რეკომენდებულია თირკმელების ან ღვიძლის ნორმალური ფუნქციის მქონე პაციენტებში, თუ საჭიროა P-gp ინჰიბიტორით ან CYP3A4 ძლიერი ინჰიბიტორით მკურნალობა (იხ. ნაწილი 4.4).

კოლხიცინის დოზის 4-ჯერ შემცირება რეკომენდებულია P-gp ინჰიბიტორთან და/ან ძლიერ CYP3A4 ინჰიბიტორთან ერთად მიღებისას. ზომიერ CYP3A4 ინჰიბიტორთან ერთად გამოყენებისას რეკომენდებულია კოლხიცინის დოზის 2-ჯერ შემცირება.

ურთიერთქმედების სიდიდე ძლიერი და ზომიერი CYP3A4 ინჰიბიტორებით, ასევე P-gp ინჰიბიტორებით ჩატარებული in vivo კვლევებიდან შეჯამებულია ქვემოთ მოცემულ ცხრილში:

გვერდითი ეფექტების ხასიათიდან გამომდინარე, სიფრთხილეა რეკომენდებული იმ პრეპარატების ერთდროული მიღებისას, რომლებსაც შეუძლიათ გავლენა მოახდინონ სისხლის ანალიზზე ან უარყოფითი ზეგავლენა მოახდინონ ღვიძლის და/ან თირკმელების ფუნქციაზე.

გარდა ამისა, ისეთი ნივთიერებები, როგორიცაა ციმეტიდინი და ტოლბუტამიდი ამცირებენ კოლხიცინის მეტაბოლიზმს და, შესაბამისად, იზრდება კოლხიცინის დონე პლაზმაში.

გრეიფრუტის წვენს შეუძლია გაზარდოს კოლხიცინის პლაზმური დონე. ამიტომ გრეიფრუტის წვენი არ მიიღება კოლხიცინთან ერთად.

ციანოკობალამინის (ვიტამინი Bl2) შექცევადი მალაბსორბცია შეიძლება გამოწვეული იყოს ნაწლავის ლორწოვანი გარსის ფუნქციის შეცვლით.

მიოპათიის და რაბდომიოლიზის რისკი იზრდება კოლხიცინის სტატინებთან, ფიბრატებთან, ციკლოსპორინთან ან დიგოქსინთან კომბინაციაში.

ზემოქმედება ავტომობილის მართვისა და მექანიზმებთან მუშაობის უნარზე

არ არსებობს მონაცემები კოლხიცინის ზემოქმედების შესახებ ავტომობილის მართვისა და მექანიზმებთან მუშაობის უნარზე. თუმცა, გათვალისწინებული უნდა იყოს ძილიანობის და თავბრუსხვევის შესაძლებლობა.

დოზირება და გამოყენების შესახებ მითითებები

დოზირება

მოზრდილები

პოდაგრის მწვავე შეტევის მკურნალობა:

1 მგ (2 ტაბლეტი) დასაწყისში, შემდეგ 500 მიკროგრამი (1 ტაბლეტი) 1 საათის შემდეგ.

შემდგომი ტაბლეტების მიღება არ შეიძლება 12 საათის განმავლობაში.

საჭიროების შემთხვევაში, 12 საათის შემდეგ მკურნალობა შეიძლება განახლდეს მაქსიმალური დოზით 500 მიკროგრამი (1 ტაბლეტი) ყოველ 8 საათში სიმპტომების შემსუბუქებამდე.

მკურნალობის კურსი უნდა დასრულდეს სიმპტომების შემსუბუქების ან საერთო 6 მგ (12 ტაბლეტი) დოზის მიღების შემდეგ.

მკურნალობის კურსის სახით მიღებული უნდა იქნას არაუმეტეს 6 მგ (12 ტაბლეტი).

კურსის დასრულების შემდეგ სხვა კურსი არ უნდა დაიწყოს მინიმუმ 3 დღის განმავლობაში (72 საათი).

პოდაგრის შეტევის პროფილაქტიკა ალოპურინოლით და ურიკოზურიული პრეპარატებით თერაპიის დაწყებისას:

500 მიკროგრამი დღეში ორჯერ.

მკურნალობის ხანგრძლივობა უნდა გადაწყდეს მას შემდეგ, რაც შეფასდება ისეთი ფაქტორები, როგორიცაა გამწვავების სიხშირე, პოდაგრის ხანგრძლივობა და ტოფუსების არსებობა და ზომა.

თირკმლის უკმარისობის მქონე პაციენტები:

სიფრთხილით გამოიყენება თირკმლის მსუბუქი უკმარისობის მქონე პაციენტებში.

თირკმლის ზომიერი უკმარისობის მქონე პაციენტებში, დოზა უნდა შემცირდეს ან დოზებს შორის ინტერვალი უნდა გაიზარდოს. აუცილებელია ასეთი პაციენტების ფრთხილი მონიტორინგი კოლხიცინის გვერდით ეფექტებზე.  

თირკმელების მძიმე უკმარისობის მქონე პაციენტებისთვის

ღვიძლის ფუნქციის დარღვევის მქონე პაციენტები

გამოიყენება სიფრთხილით ღვიძლის მსუბუქი/ზომიერი უკმარისობის მქონე პაციენტებში. ასეთ პაციენტებში აუცილებელია ფრთხილი მონიტორინგი კოლხიცინის არასასურველ ეფექტებზე.

ღვიძლის მძიმე უკმარისობის მქონე პაციენტებისთვის,

ხანდაზმულები:

გამოიყენება სიფრთხილით.

მიღების მეთოდი

მიიღება პერორალურად

ტაბლეტები უნდა გადაიყლაპოს მთლიანად ჭიქა წყალთან ერთად.

გვერდითი ეფექტები და განსაკუთრებული სიფრთხილის ზომები

დაფიქსირდა შემდეგი გვერდითი რეაქციები.

სიხშირეები ჩამოთვლილია ერთ-ერთი შემდეგი კლასიფიკაციით:

ძალიან ხშირი > 1/10

ხშირი > 1/100 და < 1/10

არახშირი> 1/1000 და < 1/100

იშვიათი > 1/10 000 და < 1/1000

ძალიან იშვიათი < 1/10 000

უცნობია (არ შეიძლება შეფასდეს არსებული მონაცემებით)

სისხლისა და ლიმფური სისტემის მხრივ დარღვევები

უცნობია: ძვლის ტვინის დათრგუნვა აგრანულოციტოზით, აპლასტური ანემია და თრომბოციტოპენია.

ნერვული სისტემის მხრივ დარღვევები

უცნობია: პერიფერიული ნევრიტი, ნეიროპათია.

კუჭ-ნაწლავის სისტემის მხრივ დარღვევები

ხშირი: მუცლის ტკივილი, გულისრევა, ღებინება და დიარეა.

უცნობია: კუჭ-ნაწლავის სისხლდენა.

ჰეპატობილიარული დარღვევები

უცნობია: ღვიძლის დაზიანება.

კანისა და კანქვეშა ქსოვილის მხრივ დარღვევები

უცნობია: ალოპეცია, გამონაყარი.

ჩონჩხ-კუნთოვანი და შემაერთებელი ქსოვილის მხრივ დარღვევები

უცნობია: მიოპათია და რაბდომიოლიზი.

თირკმელებისა და შარდის მხრივ დარღვევები

უცნობია: თირკმლის დაზიანება.

რეპროდუქციული სისტემის და მკერდის მხრივ დარღვევები

უცნობია: ამენორეა, დისმენორეა, ოლიგოსპერმია, აზოოსპერმია.

ჭარბი დოზირების ცნობილი სიმპტომები და მისი მკურნალობის თავისებურებები

კოლხიცინს აქვს ვიწრო თერაპიული ფანჯარა და უკიდურესად ტოქსიკურია დოზის გადაჭარბებისას. ტოქსიკურობის განსაკუთრებული რისკის ქვეშ მყოფი პაციენტები არიან თირკმელების ან ღვიძლის უკმარისობის, კუჭ-ნაწლავის ან გულის დაავადებების მქონე პაციენტები და ხანდაზმული პაციენტები.

კოლხიცინის დოზის გადაჭარბების შემდეგ, ყველა პაციენტს, თუნდაც ადრეული სიმპტომების არარსებობის შემთხვევაში, უნდა ჩაუტარდეს სასწრაფო სამედიცინო შეფასება.

კლინიკური:

მწვავე ჭარბი დოზირების სიმპტომები შეიძლება დაგვიანებით განვითარდეს (საშუალოდ 3 საათი): გულისრევა, ღებინება, მუცლის ტკივილი, ჰემორაგიული გასტროენტერიტი, მოცულობის შემცირება, ელექტროლიტების დარღვევები, ლეიკოციტოზი, ჰიპოტენზია მძიმე შემთხვევებში. მეორე ფაზა სიცოცხლისათვის საშიში გართულებებით ვითარდება პრეპარატის მიღებიდან 24-72 საათის შემდეგ: მრავალსისტემური ორგანოს დისფუნქცია, თირკმლის მწვავე უკმარისობა, დაბნეულობა, კომა, აღმავალი პერიფერიული მოტორული და სენსორული ნეიროპათია, მიოკარდიუმის დათრგუნვა, პანციტოპენია, დისრითმია, რესპირატორული უკმარისობა, მოხმარების კოაგულოპათია. სიკვდილი, როგორც წესი, რესპირატორული დათრგუნვისა და გულ-სისხლძარღვთა კოლაფსის შედეგია. თუ პაციენტი გადარჩება, გამოჯანმრთელებას შეიძლება თან ახლდეს მობრუნებული ლეიკოციტოზი და შექცევადი ალოპეცია, რომელიც იწყება პირველი მიღებიდან დაახლოებით ერთი კვირის შემდეგ.

მკურნალობა:

ანტიდოტი არ არის ხელმისაწვდომი.

ტოქსინების ელიმინაცია კუჭის ამორეცხვით მწვავე მოწამვლიდან ერთი საათის განმავლობაში.

განიხილეთ პერორალური გააქტიურებული ნახშირის გამოყენება მოზრდილებში, რომლებმაც მიიღეს 0.l მგ-ზე მეტი კგ სხეულის წონაზე გამოვლენიდან 1 საათის განმავლობაში და ბავშვებში, რომლებმაც მიიღეს ნებისმიერი რაოდენობა გამოვლენიდან 1 საათის განმავლობაში.

ჰემოდიალიზი არ არის ეფექტური (განაწილების აშკარა მაღალი მოცულობა).

მჭიდრო კლინიკური და ბიოლოგიური მონიტორინგი საავადმყოფოში.

სიმპტომური და დამხმარე მკურნალობა: სუნთქვის კონტროლი, არტერიული წნევის და სისხლის მიმოქცევის შენარჩუნება, სითხისა და ელექტროლიტების დისბალანსის კორექტირება.

ლეტალური დოზა ფართოდ განსხვავდება (7-65 მგ ერთჯერადი დოზა) მოზრდილებში, მაგრამ ზოგადად არის დაახლოებით 20 მგ.

შენახვა

ინახება არაუმეტეს 30°C ტემპერატურაზე.

შეინახეთ სინათლისგან დაცულ ადგილას.

შეფუთვა

ალუ პვქ ბლისტერი, რომელიც შეიცავს კოლხიცინის 10 ტაბლეტს 500 მკგ. 6 ასეთი ფირფიტა შეფუთულია ერთ მონო მუყაოს კოლოფში ინსტრუქციის ფურცელთან ერთად.

ვარგისიანობის ვადა

36 თვე წარმოების დღიდან. არ გამოიყენოთ შეფუთვაზე დაბეჭდილი ვარგისიანობის ვადის გასვლის შემდეგ.

აფთიაქებიდან მიწოდების პირობები

ფარმაცევტული პროდუქტის ჯგუფი II, გაიცემა ფორმა №3 რეცეპტით.

წარმოებულია კომპანიისთვის:

Decefrag Pharmaceuticals

ჩანდხედა, აჰმედაბადი-382424, ინდოეთი