დუფასტონი 10მგ #20(თურქ)

სამკურნალო პრეპარატის ზოგადი დახასიათება

1. სამკურნალო პრეპარატის დასახელება

დუფასტონი, 10 მგ, აპკიანი გარსით დაფარული ტაბლეტები.

2. თვისობრივი და რაოდენობრივი შემადგენლობა

დიდროგესტერონი (Dydrogesterone)

აპკიანი გარსით დაფარული 1 ტაბლეტი შეიცავს 10 მგ დიდროგესტერონს.

დამხმარე ნივთიერებები, რომელთა გათვალისწინება საჭიროა სამკურნალო პრეპარატის შემადგენლობაში: ლაქტოზას მონოჰიდრატი.

დამხმარე ნივთიერებების სრული სია მოცემულია 6.1 თავში.

3. სამკურნალო ფორმა

აპკიანი გარსით დაფარული ტაბლეტები.

თეთრი ფერის, მრგვალი, ორმხრივამოზნექილი, დახრილი კიდეებით, აპკიანი გარსით დაფარული ტაბლეტი ერთ მხარეს დაყოფის ხაზით და გრავირებით „155“ დაყოფის ხაზის ორივე მხარეს.

დაყოფის ხაზით შესაძლებელია ტაბლეტის დაყოფა, რათა გაადვილდეს გადაყლაპვა, მაგრამ ამ ხაზის მიზანი არ არის ტაბლეტის დაყოფა ორ თანაბარ დოზად.

4. კლინიკური მონაცემები

4.1. პრეპარატის გამოყენების ჩვენებები

- მენსტრუალური ციკლის დარეგულირება;

- ენდომეტრიოზი;

- დისმენორეა;

- უნაყოფობა გამოწვეული ლუთეინური უკმარისობით;

- ლუთეინური ფაზის მხარდაჭერა დამხმარე რეპროდუქციული ტექნოლოგიების გამოყენებისას (ART);

- პროგესტერონის დეფიციტის გამო სპონტანური აბორტის საფრთხე;

- განმეორებითი აბორტი პროგესტერონის დეფიციტის გამო.

დუფასტონი შესაძლებელია გამოიყენონ ციკლური რეჟიმით, როგორც ესტროგენით მკურნალობაზე დამატება ინტაქტური საშვილოსნოს მქონე ქალებში:

- პოსტმენოპაუზის დროს ენდომეტრიუმის ჰიპერპლაზიის პროფილაქტიკისთვის;

- საშვილოსნოს დისფუნქციური სისხლდენისას;

- მეორადი ამენორეისას.

4.2. დოზირების რეჟიმი და გამოყენების მეთოდი

დოზირების რეჟიმი

რეკომენდებულია დუფასტონის მკურნალობის შემდეგი რეჟიმები. დოზის კორექტირება შესაძლებელია დაავადების სიმძიმისა და მკურნალობაზე ინდივიდუალური პასუხის მიხედვით.

მენსტრუალური ციკლის დარეგულირება

ციკლის ხანგრძლივობა 28 დღე მიიღწევა 1 ტაბლეტი დუფასტონის® დანიშვნით დღეში ერთხელ ციკლის მე-11-დან 25-ე დღემდე.

ენდომეტრიოზი

დუფასტონის 1-3 ტაბლეტამდე დღეში ციკლის მე-5-დან 25-ე დღემდე ან მთელი ციკლის განმავლობაში. მრავალჯერადი დოზა 10 მგ/დღეში უნდა გადანაწილდეს თანაბრად მთელი დღის განმავლობაში. რეკომენდებულია მაქსიმალური დოზის დანიშვნა მკურნალობის საწყის ეტაპზე.

დისმენორეა

დუფასტონის 1-2 ტაბლეტი დღეში ციკლის მე-5-დან 25-ე დღემდე. მრავალჯერადი დოზა 10 მგ/დღეში უნდა გადანაწილდეს თანაბრად მთელი დღის განმავლობაში. რეკომენდებულია მაქსიმალური დოზის დანიშვნა მკურნალობის საწყის ეტაპზე.

ლუთეინური უკმარისობით გამოწვეული უნაყოფობა

დუფასტონის 1 ტაბლეტი დღეში ერთხელ ციკლის მე-14-დან 25-ე დღემდე.

ეს მკურნალობა სასურველია გაგრძელდეს მინიმუმ 6 ერთმანეთის მომდევნო ციკლის განმავლობაში. რეკომენდებულია ორსულობის პირველი თვის განმავლობაში თერაპიის გაგრძელება იმავე დოზებით, როგორც განმეორებითი აბორტის დროს.

ლუთეინური უკმარისობით გამოწვეული უნაყოფობა

დუფასტონის 1 ტაბლეტი დღეში ერთხელ ციკლის მე-14-დან 25-ე დღემდე.

ეს მკურნალობა სასურველია გაგრძელდეს მინიმუმ 6 ერთმანეთის მომდევნო ციკლის განმავლობაში. რეკომენდებულია ორსულობის პირველი თვის განმავლობაში თერაპიის გაგრძელება იმავე დოზებით, როგორც განმეორებითი აბორტის დროს.

ლუთეინური ფაზის მხარდაჭერა დამხმარე რეპროდუქციული ტექნოლოგიების გამოყენებისას (ART):

დუფასტონის 1 ტაბლეტი სამჯერ დღეში (30 მგ დღეში). მკურნალობა იწყება კვერცხუჯრედის შეგროვების დღიდან და გრძელდება 10 კვირის განმავლობაში, თუ ორსულობა დადასტურდება.

პროგესტერონის დეფიციტით გამოწვეული სპონტანური აბორტის საფრთხე

საწყისი დოზა: დუფასტონის 4 ტაბლეტი ერთჯერადა, შემდეგ 1 ტაბლეტი ყოველ 8 საათში ერთხელ, მარავჯერადი დოზები 10 მგ/დღეში თანაბრად უნდა გადანაწილდეს დღის განმავლობაში. მკურნალობის საწყის ეტაპზე რეკომენდებულია ყველაზე მაღალი დოზის დანიშვნა.

თუ სიმპტომები არ ქრება ან ხელახლა ჩნდება მკურნალობის დროს, დოზა უნდა გაიზარდოს 1 ტაბლეტით ყოველ 8 საათში.

სიმპტომების გაქრობის შემდეგ ეფექტური დოზა უნდა შენარჩუნდეს 1 კვირის განმავლობაში, რის შემდეგაც შეიძლება თანდათან შემცირდეს. სიმპტომების ხელახლა გამოვლენის შემთხვევაში მკურნალობა დაუყოვნებლივ უნდა განახლდეს იმ დოზით, რომელიც აღმოჩნდა ეფექტური.

პროგესტერონის დეფიციტით გამოწვეული განმეორებითი აბორტი

დუფასტონის 1 ტაბლეტი დღეში ერთხელ ორსულობის მე-20 კვირამდე, რასაც მოჰყვება დოზის თანდათანობითი შემცირება. მკურნალობა უნდა დაიწყოს ჩასახვამდე. თუ მკურნალობის დროს გამოვლინდება ორსულობის შეწყვეტის სიმპტომები, საჭიროა მკურნალობა გაგრძელდეს როგორც ეს რეკომენდებულია საფრთხის შემცველი აბორტის შემთხვევაში.

საშვილოსნოს დისფუნქციური სისხლდენა

საშვილოსნოდან დისფუნქციური სისხლდენის შესაჩერებლად ინიშნება დუფასტონის 2 ტაბლეტი 5-7 დღის განმავლობაში. სისხლის დაკარგვა მნიშვნელოვნად მცირდება რამდენიმე დღეში. ასეთი მკურნალობის დასრულებიდან რამდენიმე დღეში სისხლდენა წყდება, რის შესახებაც პაციენტი უნდა იყოს გაფრთხილებული.

შემდგომი სისხლდენის თავიდან ასაცილებლად დუფასტონის 1 ტაბლეტი ინიშნება დღეში ერთხელ ციკლის მე-11-დან 25-ე დღემდე, საჭიროების შემთხვევაში ესტროგენებთან ერთად კომბინაციაში 2-3 ციკლის მანძილზე. ამის შემდეგ მკურნალობა შეიძლება შეწყდეს, რომ პაციენტის ციკლი ნორმალურს დაუბრუნდეს.

მეორადი ამენორეა

დუფასტონის 1 ან 2 ტაბლეტი დღეში ერთხელ ციკლის მე-11-დან 25-ე დღემდე ენდომეტრიუმის ოპტიმალური სეკრეტორული ტრანსფორმაციისთვის, რომლის მომზადება ხდება ადეკვატურად ენდოგენური ან ეგზოგენური ესტროგენების გამოყენების შედეგად.

პოსტმენოპაუზის დროს ენდომეტრიუმის ჰიპერპლაზიის პრევენცია

ესტროგენებით თერაპიის ყოველი 28-დღიანი ციკლისთვის, ესტროგენი მიიღება მხოლოდ პირველი 14 დღის განმავლობაში და დამატებითი თერაპიის სახით დღეში ერთხელ მიიღება 1 ან 2 ტაბლეტი, რომელიც შეიცავს 10 მგ დიდროგესტერონს, მომდევნო 14 დღის განმავლობაში.

10 მგ დიდროგესტერონის 2-ჯერ დღეში დანიშვნისას, ტაბლეტები თანაბრად უნდა გადანაწილდეს მთელი დღის განმავლობაში. მოხსნისას სისხლდენა ჩვეულებრივ ვითარდება დიდროგესტერონის მიღების დროს.

ესტროგენისა და პროგესტოგენის შემცველი კომბინირებული თერაპიის გამოყენება პოსტმენოპაუზის მქონე ქალებში უნდა შემოიფარგლოს მინიმალური ეფექტური დოზით და ხანმოკლე ხანგრძლივობით თერაპიული მიზნის მისაღწევად და თითოეული ქალისთვის რისკი პერიოდულად უნდა გადაიხედოს (იხილეთ თავი "სპეციალური მითითებები და სიფრთხილის ზომები").

მენარქემდე დიდროგესტერონის გამოყენების შესახებ შესაბამისი მონაცემები არ არსებობს. დიდროგესტერონის უსაფრთხოება და ეფექტურობა 12-18 წლის მოზარდებში დადგენილი არ არის.

პრეპარატის გამოყენების რეჟიმი

მიიღება პერორალურად.

პრეპარატის უფრო მაღალი დოზებით დანიშვნისას, პრეპარატის დღიური დოზა თანაბრად უნდა გადანაწილდეს რამდენიმე დოზაზე დღის განმავლობაში.

4.3. უკუჩვენებები

- ვაგინალური სისხლდენა, რომლის მიზეზი არ არის დადგენილი;

- მკურნალობა ლუთეინური ფაზის მხარდასაჭერად დამხმარე რეპროდუქციული ტექნოლოგიების (ART) გამოყენებისას უნდა შეწყდეს აბორტის/სპონტანური აბორტის დიაგნოსტირების შემთხვევაში;

- ღვიძლის მძიმე დაავადებები ან ანამნეზში ასეთი დაავადებების არსებობა (ღვიძლის ფუნქციის ლაბორატორიული მაჩვენებლების ნორმალიზებამდე);

- ესტროგენების მიღების უკუჩვენებები კომბინაციაში პროგესტოგენებთან ერთად, როგორიცაა დიდროგესტერონი, კომბინირებული ჰორმონული თერაპიისთვის;

- დადგენილი ჰიპერმგრძნობელობა დიდროგესტერონის ან პრეპარატის სხვა კომპონენტების მიმართ;

- ცნობილი ან საეჭვო ავთვისებიანი სიმსივნეები, რომლებიც დამოკიდებულია სქესობრივ ჰორმონებზე.

4.4. განსაკუთრებული მითითებები და სიფრთხილის ზომები პრეპარატის გამოყენებისას

საშვილოსნოდან დისფუნქციური სისხლდენისას დიდროგესტერონით მკურნალობის დაწყებამდე აუცილებელია სისხლდენის ორგანული მიზეზის გამორიცხვა.

ზოგჯერ, მკურნალობის პირველ თვეებში შეიძლება განვითარდეს გარღვევის სისხლდენა ან სისხლიანი გამონადენი. თუ გარღვევის სისხლდენა ან სისხლიანი გამონადენი ვითარდება პრეპარატის მიღებიდან გარკვეული პერიოდის შემდეგ ან გრძელდება მკურნალობის დასრულების შემდეგ, უნდა დადგინდეს მიზეზი, მათ შორის, საჭიროების შემთხვევაში, ენდომეტრიუმის ბიოფსიით, რათა გამოირიცხოს ავთვისებიანი ცვლილებები ენდომეტრიუმში.

დუფასტონის® მიღებიას ქვემოთ ჩამოთვლილი რომელიმე დაავადების იმ პერიოდში არსებობის ან გაუარესების შემთხვევაში, საჭიროა განხილულ იქნას მკურნალობის შეწყვეტის საკითხი:

- უჩვეულოდ ძლიერი თავის ტკივილი, შაკიკი ან სიმპტომები, რომლებიც შეიძლება მიუთითებდეს თავის ტვინის იშემიაზე;

- არტერიული წნევის მნიშვნელოვანი მატება;

- ვენური თრომბოემბოლია.

განმეორებითი ან მოსალოდნელი სპონტანური აბორტის შემთხვევაში, ემბრიონის ან ნაყოფის სიცოცხლისუნარიანობა უნდა შემოწმდეს მკურნალობის დროს ორსულობის პროგრესირების დადასტურების მიზნით.

მდგომარეობები, რომელთა დროსაც აუცილებელია დაკვირვება

ცნობილია, რომ სასქესო ჰორმონებმა შესაძლებელია გავლენა მოახდინოს შემდეგ იშვიათ მდგომარეობებზე და ეს მდგომარეობები შეიძლება განვითარდეს ან გაუარესდეს ორსულობისას ან წარსულში ჩატარებული ჰორმონული მკურნალობის დროს: ქოლესტაზური სიყვითლე, ორსულთა ჰერპესი, ძლიერი ქავილი, ოტოსკლეროზი ან პორფირია.

ანამნეზში დეპრესიის ეპიზოდების მქონე პაციენტები საჭიროა იმყოფებოდნენ ექიმის მჭიდრო მონიტორინგის ქვეშ. დეპრესიის მძიმე ფორმების რეციდივის შემთხვევაში, დიდროგესტერონით მკურნალობა საჭიროა შეწყდეს.

სხვა მდგომარეობები

იშვიათი მემკვიდრეობითი დაავადებების მქონე პაციენტებმა, როგორიცაა გალაქტოზას აუტანლობა, ლაქტაზას დეფიციტი ან გლუკოზა-გალაქტოზას მალაბსორბციის სინდრომი, არ უნდა მიიღონ დუფასტონი.

სიფრთხილის ზომები პრეპარატის დუფასტონის მიღებისას პოსტმენოპაუზის პერიოდში ენდომეტრიუმის ჰიპერპლაზიის პროფილაქტიკისთვის.

განსაკუთრებული ყურადღება მიაქციეთ ესტროგენის პრეპარატის ინსტრუქციის თავს „სამედინო დანიშნულებით პრეპარატის გამოყენების სიფრთხილის ზომები“.

ჰორმონით ჩანაცვლებითი თერაპია (HRT) ინიშნება, როდესაც პოსტმენოპაუზასთან დაკავშირებული სიმპტომები უარყოფითად მოქმედებს ქალის ცხოვრების ხარისხზე. ცალკეული შემთხვევისას საჭიროა ჩატარდეს რისკებისა და სარგებლის საფუძვლიანი შეფასება მინიმუმ წელიწადში ერთხელ მაინც. HRT გრძელდება მანამ, სანამ მოსალოდნელი სარგებელი აღემატება შესაძლო რისკებს.

სამედიცინო გამოკვლევა/შემდგომი სამედიცინო დაკვირვება

სრული სამედიცინო და ოჯახური ანამნეზი უნდა შეგროვდეს HRT-ის დაწყებამდე ან განახლებამდე. ტარდება სამედიცინო გამოკვლევა (მათ შორის სარძევე ჯირკვლების და მენჯის ორგანოების გამოკვლევა) შესაძლო უკუჩვენებებისა და იმ მდგომარეობების გამოსავლენად, რომლებიც სიფრთხილის ზომების დაცვას საჭიროებს. რეკომენდებულია დინამიური დაკვირვება, გამოკვლევების სიხშირე და ბუნება განისაზღვრება ინდივიდუალურად. პაციენტებმა უნდა იცოდნენ, რომ დაუყოვნებლივ უნდა აცნობონ ექიმს სარძევე ჯირკვლებში ნებისმიერი ცვლილების შესახებ (იხ. „ძუძუს კიბო“ ქვემოთ). სარძევე ჯირკვლის გამოკვლევა, მათ შორის მამოგრაფია, ტარდება სკრინინგის მიღებული სტანდარტების შესაბამისად და თითოეული პაციენტის კლინიკური ჩვენებების გათვალისწინებით.

ენდომეტრიუმის ჰიპერპლაზია და კიბო

ინტაქტური საშვილოსნოს მქონე ქალებში ენდომეტრიუმის ჰიპერპლაზიისა და კიბოს რისკი იზრდება ესტროგენების ხანგრძლივი გამოყენებისას. ესტროგენებით მონოთერაპიის დროს ენდომეტრიუმის კიბოს განვითარების რისკი 2-12-ჯერ მეტია იმ ქალებთან შედარებით, რომლებიც არ იყენებდნენ HRT-ს და დამოკიდებულია მკურნალობის ხანგრძლივობასა და ესტროგენის დოზაზე. ესტროგენის შეწყვეტის შემდეგ რისკი მაღალი რჩება 10 წლის განმავლობაში. ამ დამატებითი რისკის თავიდან აცილება შესაძლებელია ესტროგენებითა და პროგესტოგენებით, როგორიცაა დიდროგესტერონი, კომბინაციური მკურნალობის გზით, მინიმუმ 12 დღის განმავლობაში 28-დღიანი ციკლიდან.

პრეპარატით მკურნალობის პირველ თვეებში შესაძლებელია განვითარდეს გარღვევის სისხლდენა და სისხლიანი გამონადენი საშოდან. თუ ასეთი სისხლდენა ვლინდება დუფასტონით® თერაპიის დაწყებიდან გარკვეული პერიოდის შემდეგ ან გრძელდება მკურნალობის შეწყვეტის შემდეგ, უნდა დადგინდეს მისი მიზეზი. ავთვისებიანი სიმსივნის გამოსარიცხად შეიძლება ჩატარდეს ენდომეტრიუმის ბიოფსია.

ძუძუს კიბო

ყველა არსებული მონაცემი მიუთითებს სარძევე ჯირკვლის კიბოს გაზრდილ რისკს ქალებში, რომლებიც იღებენ კომბინირებულ ესტროგენ-პროგესტოგენულ თერაპიას ან მხოლოდ ესტროგენებით თერაპიას HRT-ის სახით. ეს რისკი დამოკიდებულია გამოყენების ხანგრძლივობაზე.

ესტროგენ-პროგესტოგენით კომბინირებული თერაპია:

რანდომიზებული პლაცებოთი კონტროლირებადი კვლევა (ქალთა ჯანმრთელობის ინიციატივის (WHI) კვლევა) და პროსპექტიული ეპიდემიოლოგიური კვლევების მეტა-ანალიზი ადასტურებს ძუძუს კიბოს გაზრდილ რისკს ქალებში, რომლებიც იღებენ ესტროგენ-პროგესტოგენით კომბინირებულ HRT-ს, რაც ცხადი ხდება დაახლოებით 3 (1– 4) წლის შემდეგ. გაფართოებული მეტა-ანალიზის შედეგებმა აჩვენა, რომ მკურნალობის შეწყვეტის შემდეგ, ჭარბი რისკი დროთა განმავლობაში შემცირდება და საწყის დონემდე დასაბრუნებლად საჭირო დრო დამოკიდებულია წარსულში ჩატარებული HRT-ის ხანგრძლივობაზე. HRT-ის 5 წელზე მეტი პერიოდის ჩატარების შემთხვევაში, რისკი შეიძლება შენარჩუნდეს 10 წლის ან უფრო მეტი ხნის განმავლობაში. HRT-ის შედეგად, კერძოდ, კომბინირებული ესტროგენ-პროგესტოგენით თერაპიის შედეგად, იზრდება მამოგრაფიული გამოსახულების სიმკვრივე, რამაც შეიძლება უარყოფითად იმოქმედოს სარძევე ჯირკვლის კიბოს რენტგენოლოგიური დიაგნოსტიკის შედეგებზე.

საკვერცხის კიბო

ძუძუს კიბოსთან შედარებით საკვერცხის კიბო გაცილებით ნაკლებად გავრცელებულია. გაფართოებული მეტა-ანალიზის ეპიდემიოლოგიურმა მონაცემებმა აჩვენა ოდნავ გაზრდილი რისკი ქალებში, რომლებიც იღებდნენ მარტო ესტროგენს ან ესტროგენს პლუს პროგესტაგენს HRT-ის სახით, რაც ვლინდება პრეპარატების გამოყენების 5 წლის განმავლობაში და მცირდება გამოყენების შეწყვეტის შემდეგ. ზოგიერთი სხვა კვლევა, მათ შორის WHI, ადასტურებს, რომ კომბინირებული HRT პრეპარატების გამოყენება შეიძლება დაკავშირებული იყოს იგივე ან ოდნავ დაბალ რისკთან.

ვენური თრომბოემბოლია

HRT ასოცირდება ვენური თრომბოემბოლიის (VTE) განვითარების რისკის 1,3- 3-ჯერ ზრდასთან, რაც გულისხმობს ღრმა ვენების თრომბოზსა და ფილტვის თრომბოემბოლიას. ასეთი გართულების ალბათობა უფრო მაღალია მკურნალობის პირველ წელს, ვიდრე მომდევნო წლებში.

დიაგნოსტირებული თრომბოფილური მდგომარეობების მქონე პაციენტები ხასიათდებიან VTE-ის გაზრდილი რისკით და HRT-მ შეიძლება გაზარდოს აღნიშნული რისკი. შესაბამისად, HRT უკუნაჩვენებია პაციენტების ამ ჯგუფში.

VTE-ის განვითარების საყოველთაოდ აღიარებული რისკ-ფაქტორებია: ესტროგენების გამოყენება, ხადნაზმული ასაკი, ფართო ქირურგიული ოპერაცია, ხანგრძლივი იმობილიზაცია, მძიმე ხარისხის სიმსუქნე (BMI 30 კგ/მ²-ზე მეტი), ორსულობა და მშობიარობის შემდგომი პერიოდი, სისტემური წითელი მგლურა, კიბო. კონსენსუსი არ არსებობს ვარიკოზული ვენების შესაძლო როლზე VTE-ის განვითარების პროცესში.

აუცილებელია ზომების მიღება პაციენტებში პოსტოპერაციულ პერიოდში VTE-ის თავიდან ასაცილებლად. იმ შემთხვევებში, როდესაც ოპერაციის შემდეგ მოსალოდნელია ხანგრძლივი იმობილიზაცია, HRT უნდა შეწყდეს ოპერაციამდე 4-6 კვირით ადრე. მკურნალობის განახლება შესაძლებელია მხოლოდ გადაადგილების აქტივობის სრული აღდგენის შემდეგ.

ქალებს, რომლებსაც არ აქვთ VTE ანამნეზში, მაგრამ ჰყავთ პირველი რიგის ნათესავი თრომბოზის ანამნეზით ახალგაზრდა ასაკში, შეიძლება შესთავაზონ სკრინინგი მისი შეზღუდვების გულდასმით განხილვის შემდეგ (სკრინინგი გამოავლენს თრომბოფილური მდგომარეობის მხოლოდ ნაწილს). HRT უკუნაჩვენებია, თუ ოჯახის წევრებს აქვთ თრომბოფილური დეფექტი ან თუ ეს დეფექტი დაკავშირებულია მძიმე დარღვევებთან (მაგ., ანტითრომბინის, S ცილის ან C ცილის დეფიციტი, ან დეფექტების კომბინაცია).

თუ პაციენტი უკვე ღებულობს ანტიკოაგულაციურ თერაპიას, საჭიროა HRT-ის დანიშვნის რისკისა და სარგებელის გულდასმით შეფასება.

თუ VTE განვითარდა HRT-ის დროს, პრეპარატი უნდა შეწყდეს. პაციენტმა უნდა იცოდეს, რომ როდესაც VTE-ის პირველი შესაძლო სიმპტომები გამოჩნდება (ქვედა კიდურების მტკივნეული შეშუპება, გულმკერდის არეში უეცარი ტკივილი, ქოშინი), დაუყოვნებლივ უნდა მიმართოს ექიმს.

გულის იშემიური დაავადება (CHD)

რანდომიზებულ კლინიკურ კვლევებში არ გამოვლინდა რაიმე მტკიცებულება იმის სასარგებლოდ, რომ HRT (ესტროგენები მარტო ან პროგესტოგენებთან ერთად) იცავს მიოკარდიუმის ინფარქტისგან CHD-ის მქონე ან ამ დაავადების არმქონე ქალებს.

ესტროგენ-პროგესტოგენით კომბინირებული თერაპია: გულის იშემიური დაავადების ფარდობითი რისკი HRT-ის კომბინირებული პრეპარატებით მკურნალობისას უმნიშვნელოდ იზრდება. ვინაიდან გულის იშემიური დაავადების განვითარების საწყისი აბსოლუტური რისკი არსებითადაა დამოკიდებული ასაკზე, CHD-ის დამატებით შემთხვევებზე ქალებში, რომლებსაც უტარდებათ კომბინირებული პრეპარატებით HRT, ძალიან დაბალია ასაკში, რომელიც ახლოს არის მენოპაუზის დაწყებასთან და მატულობს ასაკთან ერთად.

იშემიური ინსულტი

იშემიური ინსულტის რისკი HRT-ის დროს კომბინირებული პრეპარატების გამოყენებისას ან ესტროგენით მონოთერაპიის დროს იზრდება 1-1,5-ჯერ. ფარდობითი რისკი არ არის დამოკიდებული ასაკზე ან მენოპაუზის ხანგრძლივობაზე. თუმცა, ქალებში, რომლებსაც უტარდებათ HRT, ინსულტის განვითარების საერთო რისკი იზრდება ასაკთან ერთად, რადგან ინსულტის განვითარების საწყისი აბსოლუტური რისკი მნიშვნელოვნად არის დამოკიდებული ასაკზე.

დამხმარე ნივთიერებები

ეს სამკურნალო პრეპარატი შეიცავს ლაქტოზას მონოჰიდრატს.

იშვიათი მემკვიდრეობითი დარღვევების მქონე პაციენტებში (გალაქტოზას აუტანლობა, ლაქტაზას დეფიციტი ან გლუკოზა-გალაქტოზას მალაბსორბციის სინდრომი) არ არის რეკომენდებული ამ პრეპარატის მიღება.

4.5. წამალთაშორისი ურთიერთქმედება და ურთიერთქმდების სხვა ფორმები

ინ ვიტრო მონაცემები მიუთითებს, რომ ძირითადი მეტაბოლური გზის შედეგად ფორმირდება ძირითადი ფარმაკოლოგიურად აქტიური მეტაბოლიტი, 20α-დიჰიდროდიდროგესტერონი (DHD), რომელიც კატალიზდება ალდო-კეტო რედუქტაზის 1C (AKR 1C) მიერ ადამიანის ციტოზოლში. შემდეგი მეტაბოლური ტრანსფორმაცია ხორციელდება ციტოქრომ P450 სისტემის იზოფერმენტებით (CYPs), პრაქტიკულად ექსკლუზიურად CYP3A4 იზოენზიმით, რაც იწვევს სხვადასხვა მცირე მეტაბოლიტების წარმოქმნას. მთავარი აქტიური მეტაბოლიტი, DHD წარმოადგენს CYP3A4 იზოფერმენტის მიერ მეტაბოლური ტრანსფორმაციის სუბსტრატს.

შესაბამისად, დიდროგესტერონის და DHD-ის მეტაბოლიზმი შეიძლება დაჩქარდეს ისეთ ნივთიერებებთან ერთად კომბინაციაში გამოყენების, რომლებიც არიან ციტოქრომ 450 ფერმენტების ინდუქტორები, როგორიცაა კრუნჩხვის საწინააღმდეგო საშუალებები (მაგ., ფენობარბიტალი, ფენიტოინი, კარბამაზეპინი), ინფექციის სამკურნალო საშუალებები (მაგ., რიფამპიცინი, რიფაბუტინი, ნევირაპინი, ეფავირენცი) და მცენარეული პრეპარატები, რომლებიც შეიცავენ კრაზანას, (Hypericum perforatum), სალბს ან გინკო ბილობას.

რიტონავირმა და ნელფინავირმა, მიუხედავად იმისა, რომ ცნობილია როგორც მიკროსომული მეტაბოლიზმის ინჰიბიტორები, შესაძლებელია იმოქმედონ როგორც ინდუქტორები სტეროიდულ ჰორმონებთან ერთად მიღებისას.

დიდროგესტერონის კლინიკურად გაძლიერებულმა მეტაბოლიზმმა შეიძლება გამოიწვიოს თერაპიის კლინიკური ეფექტურობის დაქვეითება და საშვილოსნოს სისხლდენის ბუნების ცვლილება.

ინ ვიტრო კვლევებმა აჩვენა, რომ დიდროგესტერონი და DHD არ ახდენენ ინჰიბირებას და CYP ფერმენტების ინდუცირებას, რომლებიც მონაწილეობენ პრეპარატების მეტაბოლიზმში.

4.6. ორსულობა, ძუძუთი კვება და ფერტილობა

ორსულობა

შეფასების თანახმად, 10 მილიონზე მეტმა ქალმა ჩაიტარა დიდროგესტერონით მკურნალობა ორსულობის დროს. დღეისათვის არ არსებობს მონაცემები დიდროგესტერონის გვერდითი ეფექტების შესახებ ორსულობის დროს.

ლიტერატურაში აღწერილია კვლევა, რომელმაც გამოავლინა, რომ გარკვეული პროგესტოგენების გამოყენება შეიძლება ასოცირებული იყოს ჰიპოსპადიის გაზრდილ რისკთან. თუმცა, ვინაიდან დღემდე ეს არ არის დადასტურებული სხვა კვლევებით, შეუძლებელია გარკვეული დასკვნის გაკეთება ჰიპოსპადიას განვითარებაზე პროგესტოგენების ზემოქმედებასთან დაკავშირებით.

კლინიკურმა კვლევებმა, რომლებშიც ქალების შეზღუდული რაოდენობა მკურნალობდა დიდროგესტერონით ორსულობის ადრეულ ვადებში, არ გამოავლინა რისკის ზრდა. დღეისათვის სხვა ეპიდემიოლოგიური მონაცემები არ არის ხელმისაწვდომი.

ეფექტები, რომლებიც აღინიშნა ემბრიოფეტალური და პოსტნატალური განვითარების არაკლინიკურ კვლევებში, შეესაბამებოდა ფარმაკოლოგიურ პროფილს. გვერდითი ეფექტები წარმოიშვა მხოლოდ დოზების ზემოქმედების დროს, რომლებიც მნიშვნელოვნად აღემატებოდა ადამიანისთვის დადგენილ მაქსიმალურ დოზას.

დიდროგესტერონის გამოყენება შესაძლებელია ორსულობის დროს, თუ არსებობს მისი გამოყენების ჩვენებები.

ძუძუთი კვების პერიოდი

უცნობია გამოიყოფა თუ არა დიდროგესტერონი დედის რძეში. დიდროგესტერონის გამოყოფა დედის რძეში არ არის შესწავლილი. სხვა პროგესტოგენებთან დაკავშირებული მონაცემები მიუთითებს, რომ პროგესტოგენები და მათი მეტაბოლიტები გადადის დედის რძეში მცირე რაოდენობით. უცნობია არის თუ არა ბავშვისთვის რისკი, შესაბამისად, დიდროგესტერონის მიღება არ არის დაშვებული ძუძუთი კვების დროს.

ფერტილობა

არ არსებობს მონაცემები დიდროგესტერონის გავლენის შესახებ ფერტილობის დაქვეითებაზე.

4.7. სატრანსპორტო საშუალებების მართვ ისა და მექანიზმებთან მუშაობ ის უნარზე გავლენა

დუფასტონი უმნიშვნელო გავლენას ახდენს სატრანსპორტო საშუალებების მართვის ან მექანიზმებთან მუშაობის უნარზე.

იშვიათ შემთხვევებში, დუფასტონმა შეიძლება გამოიწვიოს მსუბუქი ძილიანობა და/ან თავბრუსხვევა, განსაკუთრებით მიღებიდან პირველი რამდენიმე საათის განმავლობაში. ამასთან დაკავშირებით სიფრთხილეა საჭირო ავტომობილის მართვისა და მექანიზმებთან მუშაობისას.

4.8. გვერდითი რეაქციები

ყველაზე ხშირად მოხსენებული გვერდითი რეაქციები კლინიკურ კვლევების დროს პაციენტებში, რომლებიც იღებდნენ დიდროგესტერონს ჩვენების საფუძველზე ესტროგენის გარეშე მოიცავდა შემდეგს: ვაგინალური სისხლდენა, სარძევე ჯირკვლის არეშე მტკივნეულობა/მომატებული მგრძნობელობა, შაკიკი/თავის ტკივილი, გულისრევა, ღებინება, მუცლის არეში ტკივილი, მენსტრუალური ციკლის დარღვევა.

შემდეგი გვერდითი მოვლენები ქვემოთ ჩამოთვლილ სიხშირეებთან ერთად დაფიქსირდა კლინიკურ კვლევებში (n = 3483) ჩვენების მიხედვით დიდროგესტერონის გამოყენებისას ესტროგენის გამოყენების გარეშე, კომპანიის მიერ დაფინანსებულ ორ ინტერვენციულ კლინიკურ კვლევაში, რომელიც ეხებოდა ლუთეინური ფაზის მხარდაჭერას ART-ის გამოყენებისას დიდროგესტერონთან ერათად (n = 1036) და სპონტანური შეტყობინებებიდან. სიხშირის კლასიფიკაცია ეფუძნება ყველაზე კონსერვატიულ მიდგომას.

* სპონტანური შეტყობინებებიდან მიღებული არასასურველი გვერდითი რეაქციები, რომლებიც არ გამოვლინდა კლინიკურ კვლევებში, კლასიფიცირდა როგორც "იშვიათი", იმაზე დაყრდნობით, რომ შეფასების სიხშირის 95%-იანი სანდოობის ინტერვალის ზედა ზღვარი არ აღემატებოდა 3/x-ს, სადაც x = 3483 (სუბიექტების საერთო რაოდენობა კლინიკურ კვლევებში).

არასასურველი გვერდითი რეაქციები, რომლებიც შეიძლება განვითარდეს ესტროგენი-პროგესტაგენით თერაპიის დროს (იხილეთ აგრეთვე თავი „განსაკუთრებული მითითებები და სიფრთხილის ზომები პრეპარატის გამოყენებისას“, ასევე ინფორმაცია სამედიცინო დანიშნულებით ესტროგენის გამოყენების ინსტრუქციაში):

• • სარძევე ჯირკვლის კიბო, ენდომეტრიუმის ჰიპერპლაზია, ენდომეტრიუმის კიბო, საკვერცხის კიბო;
• • ვენური თრომბოემბოლია;
• • მიოკარდიუმის ინფარქტი, გულის იშემიური დაავადება, იშემიური ინსულტი.

შეტყობინება არასასურველი რეაქციების შესახებ

მნიშვნელოვანია საეჭვო არასასურველი რეაქციების შეტყობინება სამკურნალო პრეპარატის რეგისტრაციის შემდეგ, რათა უზრუნველყოფილი იყოს სამკურნალო პრეპარატის სარგებელი-რისკის თანაფარდობის მუდმივი მონიტორინგი. სამედიცინო სფეროს თანამშრომლებს მოუწოდებენ შეატყობინონ ნებისმიერი საეჭვო გვერდითი რეაქციის შესახებ ევრაზიის ეკონომიკური კავშირის წევრი ქვეყნების გვერდითი რეაქციების შეტყობინების ეროვნული სისტემების მეშვეობით.

4.9. ჭარბიდოზირება

სიმპტომები

ადამიანებში ზედოზირების შესახებ შეზღუდული მონაცემები არსებობს. დიდროგესტერონი ხასიათდება კარგი ამტანობით პერორალური მიღებისას (ადამიანში მაქსიმალური სადღეღამისო დოზაა 360 მგ).

მკურნალობა

სპეციფიური ანტიდოტი არ არსებობს, მკურნალობა უნდა იყოს სიმპტომური. ეს ინფორმაცია ასევე ეხება ბავშვებში ზედოზირებას.

5. ფარმაკოლოგიური თვისებები

5.1. ფარმაკოდინამიკური თვისებები

ფარმაკოთერაპიული ჯგუფი: სასქესო ჯირკვლის ჰორმონები და შარდსასქესო სისტემის პათოლოგიისას გამოყენებული პრეპარატები.

ათქ კოდი: G03DB01

მოქმედების მექანიზმი

დიდროგესტერონი არის პერორალურად მისაღები აქტიური პროგესტოგენი, რომელიც იწვევს ენდომეტრიუმის სრულ სეკრეტორულ ტრანსფორმაციას ესტროგენით სტიმულირებულ საშვილოსნოში, რითაც უზრუნველყოფს ესტროგენებით გამოწვეული ენდომეტრიუმის ჰიპერპლაზიის და/ან ენდომეტრიუმის კარცინომის განვითარების რისკისგან დაცვას. დიდროგესტერონს არ გააჩნია ესტროგენული, ანდროგენული, ანაბოლური, თერმოგენური ან გლუკოკორტიკოსტეროიდული აქტივობა.

დიდროგესტერონით მკურნალობისას თერაპიული ეფექტი მიიღწევა ოვულაციის დათრგუნვის გარეშე. დიდროგესტერონი შესაძლებელს ხდის ჩასახვას და ორსულობის შენარჩუნებას მკურნალობის პერიოდში.

პოსტმენოპაუზის პერიოდში შენარჩუნებული საშვილოსნოს მქონე ქალებში ჰორმონით ჩანაცვლებითი თერაპია (HRT) ესტროგენების გამოყენებით იწვევს ენდომეტრიუმის ჰიპერპლაზიისა და ენდომეტრიუმის კიბოს განვითარების რისკს. პროგესტოგენის დამატება ხელს უშლის დამატებითი რისკების განვითარებას.

კლინიკური ეფექტურობა და უსაფრთხოება

ორმაგად ბრმა, ორმაგად შენიღბული, რანდომიზებული, ორ პარალელური ჯგუფის მქონემულტიცენტრულიკვლევა ჩატარდა პერორალურად მისაღები დიდროგესტერონის დოზით 30 მგ დღეში და ინტრავაგინალური მიკრონიზირებული პროგესტერონის კაფსულების დოზით 600მგ დღეში ეფექტურობის, უსაფრთხოებისა და ამტანობის შესადარებლად ლუთეინური ფაზის მხარდაჭერისთვისხელოვნური ინ ვიტრო განაყოფიერების ტექნოლოგიების გამოყენებისას (LOTUS I).

ჩატარდა ღია, რანდომიზებული, ორი პარალელური ჯგუფის მქონე მულტიცენტრული კვლევა, პერორალურად მისაღები დიდროგესტერონის დოზით 30 მგ დღეში და პროგესტერონის ინტრავაგინალური გელის, 8%-იანიკრინონის დოზით 90 მგ დღეშიეფექტურობის, უსაფრთხოებისა და ამტანობის შესადარებლადლუთეინური ფაზის მხარდაჭერისთვისხელოვნური ინ ვიტრო განაყოფიერების ტექნოლოგიების გამოყენებისას (LOTUS II).

კვლევის მთავარი მიზანი, რომელიც გულისხმობდა დიდროგესტერონის არანაკლები ეფექტურობის ჩვენებას ინტრავაგინალურ მიკრონიზებულ პროგესტერონთან შედარებით ნაყოფში გულის შეკუმშვებთან მიმართებაში გესტაციის 12 კვირაზე (ორსულობის მე-10 კვირა) იქნა მიღწეული.

პაციენტთა საკვლევ პოპულაციაში ორსულობის მაჩვენებელი დადასტურებული ორსულობის მე-12 კვირაზე (ორსულობის მე-10 კვირა) შეადგენდა 37.6%-ს და 33.1%-ს (LOTUS I) და 36.7%-ს და 34.7%-ს (LOTUS II) პერორალური დიდროგესტერონისა და მიკრონიზებული ვაგინალური პროგესტერონის ჯგუფებში, შესაბამისად. ორ ჯგუფს შორის ორსულობის მაჩვენებლებში სხვაობა იყო 4.7 (95% CI, -1.2, 10.6) (LOTUS I) და 2.0 (95% CI, -4.0, 8.0) (LOTUS II).

უსაფრთხოებაზე შეფასების საკვლევ პოპულაციაში (1029 სუბიექტმა (LOTUS I) და 1030 სუბიექტმა (LOTUS II) მიიღო საკვლევი პრეპარატის სულ მცირე ერთი დოზა), ყველაზე ხშირად მოხსენებული მკურნალობით გამოწვეული გვერდითი მოვლენები (TEAEs) იდენტური იყო ორივე საკვლევ ჯგუფში.

საკვლევი ჩვენების ბუნებიდან და საკვლევი პაციენტების პოპულაციადან გამომდინარე, მოსალოდნელია ადრეული აბორტების/სპონტანური აბორტების გარკვეული რაოდენობა, განსაკუთრებით გესტაციის მე-12 კვირამდე (ორსულობის მე-10 კვირა), რადგან ამ პერიოდში ორსულობის სავარაუდო მაჩვენებელი არის დაახლოებით 35. %

LOTUS-ის ორივე კვლევაში გამოვლენილი უსაფრთხოების პროფილი აღმოჩნდა მოსალოდნელი დიდროგესტერონის დადგენილი უსაფრთხოების პროფილის და სამიზნე პაციენტების პოპულაციისა და საკვლევი ჩვენებების გათვალისწინებით.

5.2. ფარმაკოკინეტიკური თვისებები

აბსორბცია

დიდროგესტერონის პერორალური მიღების შემდეგ, აპკიანი გარსით დაფარული ტაბლეტები, სწრაფად შეიწოვება.

პლაზმაში მაქსიმალური კონცენტრაცია შეადგენდა დაახლოებით 3,2 ნგ/მლ-ს და 57 ნგ/მლ-ს და ამ მაჩვენებლებს მიაღწია დიდროგესტერონის და მისი აქტიური მეტაბოლიტის 20α-დიჰიდროდიდროგესტერონის (DHD) მიღებიდან 0,5-1,5 საათში, შესაბამისად. სამკურნალო პრეპარატის მთლიანი ექსპოზიცია დროში (AUC) შესაბამისად არის დაახლოებით 9.1 და 220 ნგ/სთ/მლ დიდროგესტერონისა და DHD-თვის.

საკვები აყოვნებს დიდროგესტერონის პლაზმურ პიკურ კონცენტრაციას დაახლოებით 1 საათით პრეპარატის ერთჯერადი დოზის მიღებიდან, რაც იწვევს პლაზმაში დიდროგესტერონის პიკური კონცენტრაციის შემცირებას დაახლოებით 20%-ით დიდროგესტერონისა და DHD-ის მოქმედების ხარისხზე გავლენის მოხდენის გარეშე.

სამკურნალო პრეპარატისა და საკვების ერთდროული მიღებისას დაფიქსირებული ეფექტი დიდროგესტერონის პლაზმურ კონცენტრაციაზე არ მიიჩნევა კლინიკურად მნიშვნელოვნად. შესაბამისად, დუფასტონის®, აპკიანი გარსით დაფარული ტაბლეტების მიღება შესაძლებელია საკვების მიღების მიუხედავად.

განაწილება

დიდროგესტერონის პერორალური მიღების შემდეგ, განაწილების ხილული მოცულობა არის მნიშვნელოვანი და შეადგენს დაახლოებით 22000ლ. დიდროგესტერონისა და DHD-ის 90%-ზე მეტი შეუკავშირდება პლაზმის ცილებს.

მეტაბოლიზმი

პერორალური მიღების შემდეგ დიდროგესტერონი სწრაფად მეტაბოლიზდება DHD-მდე. ინ ვიტრო კვლევების მონაცემები ადასტურებს, რომ მეტაბოლიზმის ძირითადი გზა, რომლის შედეგადაც მიიღება ძირითადი ფარმაკოლოგიურად აქტიური მეტაბოლიტი 20α-დიჰიდროდიდროგესტერონი (DHD) კატალიზდება ალდოკერედუქტაზა 1C-ის (AKR 1C) მიერ ადამიანის ციტოზოლში. ციტოზოლურ მეტაბოლიზმთან ერთად, მეტაბოლური გარდაქმნები ხორციელდება ციტოქრომ P450 იზოფერმენტებით (CYP), თითქმის ექსკლუზიურად CYP3A4 იზოენზიმის მეშვეობით, რაც იწვევს სხვადასხვა მცირე მეტაბოლიტების წარმოქმნას. ძირითადი აქტიური მეტაბოლიტის, DHD-ის კონცენტრაცია აღწევს პიკს ზუსტად იმავე დროში, რა დროშიც დიდროგესტერონი დოზის მიღების შემდეგ.

DHD-ის პლაზმური კონცენტრაცია მნიშვნელოვნად მაღალია საკვლევ პრეპარატთან შედარებით. DHD-ისა და დიდროგესტერონისთვის სამკურნალო ნივთიერების მთლიანი ექსპოზიცია დროში (AUC) და Cmax (მაქსიმალური კონცენტრაცია) არის დაახლოებით 25 და 20, შესაბამისად. დიდროგესტერონისა და DHD-ის საშუალო ნახევარგამოყოფის პერიოდი შეადგენს დაახლოებით 15 საათს. ყველა მეტაბოლიტის საერთო მახასიათებელია ძირითადი პრეპარატის 4,6-დიენ-3-ონის კონფიგურაციის არსებობა და 17-α-ჰიდროქსილირების არარსებობა. ეს ხსნის დიდროგესტერონის ესტროგენული და ანდროგენული ეფექტების ნაკლებობას.

გამოყოფა

ეტიკეტირებული დიდროგესტერონის პერორალური მიღების შემდეგ, დოზის საშუალოდ 63% გამოიყოფა შარდით. დიდროგესტერონის აშკარა საერთო პლაზმური კლირენსი მაღალია, დაახლოებით 20 ლ/წთ.

დიდროგესტერონის სრული ელიმინაცია ხდება 72 საათის შემდეგ. DHD არის შარდში, ძირითადად გლუკურონის მჟავასთან შეკავშირებულ მდგომარეობაში.

დოზაზე და დროზე დამოკიდებულება

ფარმაკოკინეტიკა ხაზოვანია როგორც ერთჯერადი, ასევე მრავალჯერადი დოზირებისას 2.5-დან 20 მგ-მდე ინტერვალში. ერთჯერადი და მრავალჯერადი დოზის კინეტიკის შედარება აჩვენებს, რომ დიდროგესტერონისა და DHD-ის ფარმაკოკინეტიკური პარამეტრები არ იცვლება განმეორებითი დოზირების შედეგად. წონასწორული მდგომარეობა ჩვეულებრივ მიიღწევა მკურნალობის დაწყებიდან 3 დღის შემდეგ.

5.3. პრეკლინიკური უსაფრთხოების მონაცემები

რუტინული კვლევებიდან მიღებული პრეკლინიკური კვლევების მონაცემები, რაც ეხება პრეპარატის ერთჯერადი და მრავალჯერადი დოზების ტოქსიკურობას, გენოტოქსიკურობასა და კანცეროგენულ პოტენციალს, არ ადასტურებს რაიმე განსაკუთრებული რისკის არსებობას ადამიანებისთვის. ვირთაგვებში რეპროდუქციული ტოქსიკურობის კვლევა აჩვენებს ძუძუს დვრილების გადიდების სიხშირის მატებას (11-დან 19 დღემდე ასაკში) და ჰიპოსპადიას მამრ ვირთხებში მაღალი დოზების შეყვანისას.

ცხოველებში არსებული უსაფრთხოების შეზღუდული მონაცემები მიუთითებს, რომ დიდროგესტერონს აქვს გახანგრძლივებული ეფექტი მშობიარობაზე, რაც შეესაბამება პროგესტოგენურ ეფექტს.

6. ფარმაცევტული თვისებები

6.1. დამხმარე ნივთიერებების ჩამონათვალი

აპკიანი გარსით დაფარული 1 შემოგარსული ტაბლეტი შეიცავს:

დამხმარე ნივთიერებები: ლაქტოზას მონოჰიდრატი - 111,1 მგ, ჰიპრომელოზა 2910 - 2,8 მგ, სიმინდის სახამებელი - 14,0 მგ, კოლოიდური უწყლო სილიციუმის დიოქსიდი - 1,4 მგ, მაგნიუმის სტეარატი - 0,7 მგ;

გარსი: ოპადრა თეთრი Y-1-7000 (ჰიპრომელოზა 2910, მაკროგოლი 400, ტიტანის დიოქსიდი (E171)) - 4,0 მგ.

6.2. შეუთავსებლობა.

არ მიესადაგება.

6.3. ვარგისიანობის ვადა (შენახვის ვადა)

5 წელი.

6.4. პრეპარატის შენახვისას სიფრთხილის განსაკუთრებული ზომები

პრეპარატი ინახება ორიგინალ შეფუთვაში არაუმეტეს 30°C ტემპერატურაზე სინათლისაგან დაცულ ადგილას.

6.5. შეფუთვის შიგთავსი და ბუნება

აპკიანი გარსით დაფარული ტაბლეტები, 10 მგ.

20 ტაბლეტი ბლისტერულ შეფუთვაში, რომელიც დამზადებული პვქ/ალუმინის ფოლგაში.

1 ბლისტერი მოთავსებულია მუყაოს კოლოფში სამკურნალო პრეპარატის სამედიცინო დანიშნულებით გამოყენების ინსტრუქციასთან ერთად.

6.6. სიფრთხილის განსაკუთრებული ზომები გამოყენებული სამკურნალო პრ ეპარატის ან ამ პრეპარტის გამოყენების ან მუშაობის შედეგად მიღებული ნარჩენების განადგურებისას

განსაკუთრებული მოთხოვნები არ არსებობს.

გაცემის წესი:

ფარმაცევტული პროდუქტის ჯგუფი - II , გაიცემა ფორმა №3 რეცეპტით

7. სავაჭრო ლიცენზიის მფლობელი

„ებოტ ჰელსქეა პროდაქტს ბ.ვ“.“

ს.დ. ვან ჰაუტენლანი 36,

NL -1381 სპ ვეესპი, ნიდერლანდები

7.1. სავაჭრო ლიცენზიის მფლობელის წარმომადგენელი

ბელარუსისა და სომხეთის რესპუბლიკის ტერიტორიაზე:

შპს „Abbott Laboratories GmbH“-ის წარმომადგენლობა (შვეიცარიის კონფედერაცია), ბელარუსის რესპუბლიკა, 220073 მინსკი, 1-ელი ზაგოროდნის შესახვევი, სახლი 20, ოფისი 1503. ტელ.: +375 17 202 23 61, +380 44 498 6080 (24 საათის განმავლობაში; მიჰყევით ხმოვანი შეტყობინების ბოლოს მითითებებს) ელ. ფოსტა: [email protected]

8. სავაჭრო ლიცენზიის ნომერი

9. საწყისი ლიცენზიის თარიღი ( ლიცენზიის დადასტურება, ხელახალი ლიცენზია ):

10. ტექსტის გადახედვის თარიღი: