სოლფატამი 15000სე/მლ 10მლ ხსნ

სოლფატამი

სამკურნალო პრეპარატის დასახელება

სოლფატამი, Solfatam

საერთაშორისო არაპატენტირებული დასახელება

ქოლეკალციფეროლი, Cholecalciferol

შემადგენლობა
პრეპარატის 1 მლ შეიცავს
აქტიური ნივთიერება: ქოლეკალციფეროლი (ვიტამინი D₃) 0,375 მგ (15000 სე-ის ექვივალენტი).
დამხმარე ნივთიერებები: საქაროზა, ბენზილის სპირტი, ლიმონმჟავას მონოჰიდრატი, დინატრიუმის ფოსფატი უწყლო, პოლიოქსილი 35 აბუსალათინის ზეთი, არომატიზატორი „ტუტი-ფრუტი“, გასუფთავებული წყალი.

სამკურნალო ფორმა

წვეთები შიგნით მისაღებად.
აღწერა: უფერო ან ოდნავ მოყავისფრო ერთგვაროვანი ხსნარი „ტუტი-ფრუტი“-ს სუნით.

გამოყენების ჩვენებები

- ბავშვებში რაქიტის და მოზრდილებში ოსტეომალაციის პროფილაქტიკა;

- დღენაკლულ ჩვილებში რაქიტის პროფილაქტიკა;

- ვიტამინ D₃-ის დეფიციტის პროფილაქტიკა მაღალი რისკის ჯგუფის ბავშვებსა და მოზრდილებში;

- ვიტამინ D₃-ის დეფიციტის პროფილაქტიკა მალაბსორბციის მქონე ბავშვებსა და მოზრდილებში;

- ბავშვებში რაქიტის და მოზრდილებში ოსტეომალაციის მკურნალობა;

- ოსტეოპოროზის შემანარჩუნებელი მკურნალობა მოზრდილებში;

- ჰიპოპარათირეოზის მკურნალობა მოზრდილებში.

გამოყენების წესი და დოზირება

დოზირების რეჟიმი

დოზირების რეჟიმი განისაზღვრება მკურნალი ექიმის მიერ ინდივიდუალურად, დაავადების ხასიათისა და სიმძიმის მიხედვით.

ხანგრძლივი თერაპიის დროს პრეპარატის 1000 სე-ზე (2 წვეთი) მეტის ყოველდღიურად მიღებისას უნდა გაკონტროლდეს სისხლის შრატში კალციუმის დონე.

*სადღეღამისო დოზა გამოიყენება კორექტირებული პოსტკონცეპტუალური ასაკის 40 კვირამდე პროფილაქტიკური დოზის შემდგომი შემცირებით. დოზირების რეჟიმი განისაზღვრება მკურნალი ექიმის მიერ ინდივიდუალურად.

**პრეპარატის რეკომენდებული სადღეღამისო დოზა დამოკიდებულია სისხლის შრატში კალციუმის დონეზე. თერაპიის დასაწყისში კალციუმის დონე შრატში უნდა გაკონტროლდეს ყოველ 4-6 კვირაში და შემდგომში ყოველ 3-6 თვეში. აუცილებლობისას დოზა უნდა დაკორექტირდეს შრატში კალციუმის დონის მიხედვით.

ბავშვები

პრეპარატი გამოიყენება ბავშვებში სიცოცხლის მე-2 კვირიდან.

თერაპიის ხანგრძლივობა

რაქიტის პროფილაქტიკა

ახალშობილებში და წლამდე ასაკის ბავშვებში პრეპარატი ინიშნება სიცოცხლის მე-2 კვირიდან 1 წლის დასრულებამდე. რეკომენდებულია პრეპარატის მიღების გაგრძელება ბავშვის სიცოცხლის მეორე წელს, განსაკუთრებით ზამთრის პერიოდში.

რაქიტისა და ოსტეომალაციის მკურნალობა

თერაპიის ხანგრძლივობა შეადგენს 6 კვირას პროფილაქტიკური დოზების შემდგომი დანიშვნით. რეკომენდებული არ არის პრეპარატის თერაპიული დოზების გამოყენება 1 წლის განმავლობაში dozis gadaWarbebis riskis gamo.

გამოყენების სხვა ჩვენებები

მკურნალობის ხანგრძლივობა დამოკიდებულია დაავადების მიმდინარეობაზე.

გამოყენების წესი

პრეპარატი განკუთვნილია შიგნით მისაღებად.

პრეპარატის დოზის ზუსტად გასაზომად წვეთების დათვლისას ფლაკონი უნდა გეჭიროთ დახრილი 45⁰ კუთხით.

ახალშობილები, წლამდე ასაკის და მცირეწლოვანი ბავშვები (0-დან 2 წლამდე)

მიღების წინ რეკომენდებულია პრეპარატის საჭირო რაოდენობის განზავება ჩაის კოვზი რძით ან წყლით. საკვების შემცველ ბოთლში ან კოვზზე დამატებისას აუცილებელია დარწმუნდეთ, რომ საკვების მიღება მოხდა სრულად, წინააღმდეგ შემთხვევაში, პრეპარატის სრული დოზის მიღება გარანტირებული ვერ იქნება. წვეთები უნდა დაემატოს შეგრილებულ საკვებში უშუალოდ მოხმარების წინ.

ბავშვები 2 წლის ასაკიდან, 18 წლამდე ასაკის მოზარდები და მოზრდილები

პრეპარატი მიიღება შიგნით, კოვზი სითხის დაყოლებით. დოზის გადაჭარბების თავიდან ასაცილებლად, არ არის რეკომენდირებული წვეთების ბავშვის პირის ღრუში უშუალოდ ფლაკონიდან ჩაწვეთება.

უკუჩვენებები

- მომატებული მგრძნობელობა აქტიური ნივთიერების ან პრეპარატის ნებისმიერი დამხმარე ნივთიერების მიმართ;

- ჰიპერკალციემია და/ან ჰიპერკალციურია;

- ნეფროლითიაზი და/ან ნეფროკალცინოზი;

- თირკმლის მძიმე უკმარისობა;

- D ჰიპერვიტამინოზი;

- ფსევდოჰიპოპარათირეოზი (D ვიტამინის მიმართ ნორმალური მგრძნობელობის პერიოდებში შეიძლება აუცილებელი გახდეს D ვიტამინის დოზის შემცირება ხანგრძლივი dozis gadaWarbebis რისკის გამო. ასეთ შემთხვევაში, გამოიყენება D ვიტამინის წარმოებულები მოქმედების უფრო მეტად კონტროლირებული პროფილით).

განსაკუთრებული გაფრთხილებები და სიფრთხილის ზომები გამოყენებისას

თირკმლის უკმარისობის მქონე პაციენტებში პრეპარატი გამოყენებული უნდა იყოს სიფრთხილით და უნდა გაკონტროლდეს სისხლში კალციუმისა და ფოსფატების დონე. გათვალისწინებული უნდა იყოს რბილი ქსოვილების კალციფიკაციის რისკი.

გულ-სისხლძარღვთა დაავადებების მქონე პაციენტებში საგულე გლიკოზიდების გამოყენებისას აუცილებელია სიფრთხილის გამოჩენა.

სიფრთხილით უნდა დაინიშნოს სარკოიდოზის მქონე პაციენტებში D ვიტამინის მის აქტიურ ფორმად გარდაქმნის შესაძლო დაჩქარების გამო. ასეთ პაციენტებში უნდა გაკონტროლდეს კალციუმის დონე სისხლis SratSi და შარდში.

პრეპარატის საერთო სადღეღამისო დოზის განსაზღვრისას გათვალისწინებული უნდა იყოს D ვიტამინის შემცველი სხვა სამკურნალო საშუალებების გამოყენება, D ვიტამინით გამდიდრებული პროდუქტების მოხმარება (მათ შორის რძის), პაციენტის მზეზე ყოფნა.

D ვიტამინის მიღებასა და თირკმელებში კონკრემენტების წარმოქმნას შორის პირდაპირი მიზეზ-შედეგობრივი კავშირის მტკიცებულება არ არსებობს, თუმცა ასეთი რისკის გამოვლენა შესაძლებელია, განსაკუთრებით დამატებით კალციუმის თანმხლები გამოყენების შემთხვევებში. კალციუმის დამატებით დანიშვნის აუცილებლობა განისაზღვრება ექიმის მიერ ინდივიდუალურად. კალციუმის თანმხლები მიღება უნდა მოხდეს მკაცრი სამედიცინო დაკვირვების ქვეშ.

პრეპარატის 1000 სე-ზე მეტი სადღეღამისო დოზის ხანგრძლივად მიღებისას უნდა გაკონტროლდეს სისხლის შრატში კალციუმისა და კრეატინინის დონე (თირკმელების ფუნქციის მონიტორინგი), განსაკუთრებით ხანდაზმული ასაკის პაციენტებში, რომლებიც იმავდროულად მკურნალობენ საგულე გლიკოზიდებით ან დიურეტიკებით და იმ პაციენტებში, რომლებშიც მაღალია კონკრემენტების წარმოქმნის რისკი. ჰიპერკალციურიის შემთხვევაში (შარდში კალციუმის დონე შეადგენს 300 მგ-ზე მეტს (7,5 მმოლ) დღე-ღამეში) ან თირკმლის უკმარისობის ნიშნების გამოვლენისას პრეპარატის დოზა უნდა შემცირდეს ან მკურნალობა უნდა შეწყდეს.

ხანდაზმულ პაციენტებში D ვიტამინის მაღალი დოზების პერორალური გამოყენებისას (500000 სე წელიწადში 1-ჯერ) აღინიშნა მოტეხილობების მომატებული რისკი, განსაკუთრებით გამოყენების პირველი 3 თვის განმავლობაში.

დამხმარე ნივთიერებები

სოლფატამი შეიცავს საქაროზას, ამიტომ პაციენტებმა იშვიათი მემკვიდრეობითი დაავადებებით, რომლებსაც ახასიათებთ ფრუქტოზის აუტანლობა, გლუკოზა-გალაქტოზას მალაბსორბცია ან საქარაზა-იზომალტაზას უკმარისობა, არ უნდა მიიღონ პრეპარატი.

სოლფატამი შეიცავს პოლიოქსილ 35 აბუსალათინის ზეთს, რომელმაც შეიძლება გამოიწვიოს დისპეფსია და დიარეა.

სოლფატამი შეიცავს 10 მგ ბენზილის სპირტს 1 მლ-ზე, რამაც შეიძლება გამოიწვიოს ალერგიული რეაქციები.

ბენზილის სპირტის გამოყენება დაკავშირებულია მძიმე არასასურველი რეაქციების რისკთან, სუნთქვის დარღვევის ჩათვლით (ე.წ. „მოხრჩობის სინდრომი“) მცირეწლოვან ბავშვებში.

სიფრთხილით უნდა იქნას გამოყენებული ის დიდი რაოდენობით და მხოლოდ აუცილებლობის შემთხვევაში, განსაკუთრებით ორსულობისა და ლაქტაციის პერიოდში და ღვიძლის ან თირკმელების ფუნქციის დარღვევის მქონე პაციენტებში, კუმულაციის და გვერდითი რეაქციების განვითარების რისკის გამო (მეტაბოლური აციდოზი).

სოლფატამი უნდა იქნას გამოყენებული ახალშობილებში, მათ შორის დღენაკლულ ბავშვებში (4 კვირამდე ასაკის), მხოლოდ ექიმის რეკომენდაციით.

სოლფატამი მცირეწლოვან ბავშვებში (3 წლამდე ასაკის) გამოყენებული უნდა იქნას ერთ კვირაზე მეტი ხნის განმავლობაში მხოლოდ ექიმის რეკომენდაციით.

შეუთავსებლობა

არ გამოიყენება.

ურთიერთქმედება სხვა სამკურნალო საშუალებებთან და ურთიერთქმედების სხვა ფორმები

კრუნჩხვების საწინააღმდეგო პრეპარატებთან (როგორიცაა ფენიტოინი) ან ბარბიტურატებთან (და შესაძლოა ღვიძლის ფერმენტების მაინდუცირებელ სხვა სამკურნალო საშუალებებთან) ერთად გამოყენებამ შეიძლება დააქვეითოს D3 ვიტამინის ეფექტიანობა მეტაბოლური ინაქტივაციის გამო.

თიაზიდურ დიურეტიკებთან ერთად გამოყენებისას, რომლებიც ამცირებენ შარდით კალციუმის ექსკრეციას, რეკომენდებულია სისხლის შრატში კალციუმის კონცენტრაციის კონტროლი.

გლუკოკორტიკოიდების იმავდროულმა გამოყენებამ შეიძლება დააქვეითოს D ვიტამინის ეფექტიანობა. სათითურას გლიკოზიდების შემცველი პრეპარატებით ან სხვა საგულე გლიკოზიდებით თერაპიის შემთხვევაში, პრეპარატ სოლფატამის გამოყენებამ შეიძლება გაზარდოს საგულე გლიკოზიდების ტოქსიკურობის რისკი (არითმიების განვითარება). საჭიროა მკაცრი სამედიცინო დაკვირვება სისხლის შრატში კალციუმის დონისა და საჭიროებისას, ეკგ-ის რეგულარული მონიტორინგით.

იმავდროულმა მკურნალობამ იონგაცვლითი ფისებით, როგორიცაა კოლესტირამინი, კოლესტიპოლის ჰიდროქლორიდი, ორლისტატი ან საფაღარათო საშუალებებით, როგორიცაა პარაფინის ზეთი, შეიძლება გაოიწვიოს კუჭ-ნაწლავის ტრაქტიდან D ვიტამინის შეწოვის დაქვეითება.

რიფამპიცინის ან იზონიაზიდის იმავდროულმა გამოყენებამ შეიძლება შეამციროს D ვიტამინის ეფექტიანობა.

პრეპარატმა შეიძლება დააქვეითოს იმ სამკურნალო საშუალებების მოქმედება, რომლებიც ინიშნება ჰიპერკალციემიისას, როგორიცაა კალციტონინი, ეტიდრონატი და პამიდრონატი.

D ვიტამინის და მაგნიუმის შემცველი ანტაციდური საშუალებების კომბინირებულმა გამოყენებამ შეიძლება გამოიწვიოს ჰიპერმაგნიემია.

ალუმინის შემცველ ანტაციდებთან ერთად პრეპარატის გამოყენებამ შეიძლება გამოიწვიოს სისხლის შრატში ალუმინის დონის მომატება, ძვლებზე ალუმინის ტოქსიკური ზემოქმედების რისკის გაზრდით.

D ვიტამინის ანალოგებთან ერთად გამოყენება ზრდის ჭარბი დოზირების განვითარების რისკს.

ორსულობა და ლაქტაცია

ორსულობა

მონაცემები ორსულებში ქოლეკალციფეროლის გამოყენების შესახებ არ არსებობს ან შეზღუდულია. ცხოველებზე კვლევებისას აღინიშნა რეპროდუქციული ტოქსიკურობა. ორსულებისათვის რეკომენდებული სადღეღამისო დოზა შეადგენს 500 სე-ს, თუმცა, იმ ქალებში, რომლებშიც სავარაუდოდ არსებობს D ვიტამინის დეფიციტი, შეიძლება საჭირო გახდეს უფრო მაღალი სადღეღამისო დოზა (2000 სე-მდე).

ორსულობის დროს ქალებმა უნდა დაიცვან ექიმის რეკომენდაციები, ხოლო დოზა შეიძლება ვარირებდეს დაავადების სიმძიმისა და მკურნალობაზე პასუხის მიხედვით.

ორსულობის დროს თავიდან უნდა იქნას აცილებული პრეპარატის ჭარბი დოზის მიღება, რადგან ჰიპერკალციემიამ შეიძლება გამოიწვიოს ნაყოფში ფიზიკური და გონებრივი განვითარების შეფერხება, აორტის სტენოზის სპეციფიკური ფორმის და რეტინოპათიის განვითარება.

ლაქტაცია

აუცილებლობისას შეიძლება პრეპარატის გამოყენება ძუძუთი კვების პერიოდში.

დედის მიერ ლაქტაციის დროს D3 ვიტამინის გამოყენება არ ანაცვლებს ჩვილისათვის პრეპარატის დანიშვნას.

D3 ვიტამინი და მისი მეტაბოლიტები გადადის დედის რძეში. დედის მიერ პრეპარატის გამოყენებასთან დაკავშირებული ჭარბი დოზირების შემთხვევები ძუძუთა ბავშვებში აღწერილი არ არის. მიუხედავად ამისა, ძუძუთი კვებაზე მყოფ ბავშვებში პრეპარატის დანიშვნისას ექიმმა უნდა გაითვალისწინოს D3 ვიტამინის დოზა, რომელსაც დედა იღებს.

ზეგავლენა ავტოტრანსპორტის ტარების და მექანიზმების მართვის უნარზე

პრეპარატი გავლენას არ ახდენს ავტოტრანსპორტისა და მექანიზმების მართვის უნარზე.

არასასურველი რეაქციები

არასასურველი რეაქციების სიხშირის პარამეტრები განისაზღვრება შემდეგნაირად: ძალიან ხშირად (≥ 1/10); ხშირად (≥ 1/100, მაგრამ < 1/10); არახშირად (≥ 1/1000, მაგრამ < 1/100); იშვიათად (≥ 1/10000, მაგრამ < 1/1000); ძალიან იშვიათად (< 1/10000); სიხშირე უცნობია (არსებული მონაცემებით შეფასება შეუძლებელია).

რეკომენდებულ დოზებში პრეპარატის გამოყენებისას არასასურველი რეაქციების განვითარების რისკი პრაქტიკულად გამორიცხულია. D3 ვიტამინის მიმართ ჰიპერმგრძნობელობის იშვიათ შემთხვევებში ან ძალიან მაღალი დოზების ხანგრძლივად გამოყენებისას შეიძლება განვითარდეს ჭარბი დოზირება D ჰიპერვიტამინოზის სახით.

არასასურველი რეაქციები და ჰიპერვიტამინოზის სიმპტომები:

ნივთიერებათა ცვლისა და კვების მხრივ: სიხშირე უცნობია - ჰიპერქოლესტერინემია, პოლიდიფსია, მადის დაქვეითება.

დარღვევები ფსიქიკის მხრივ: სიხშირე უცნობია - ლიბიდოს დაქვეითება, დეპრესია, ფსიქიკური აშლილობები.

ნერვული სისტემის მხრივ: სიხშირე უცნობია - თავის ტკივილი, ძილიანობა.

მხედველობის ორგანოს მხრივ: სიხშირე უცნობია - კონიუნქტივიტი, სინათლის შიში.

გულის მხრივ: სიხშირე უცნობია - გულის არითმიები.

სისხლძარღვების მხრივ: სიხშირე უცნობია - არტერიული ჰიპერტენზია.

სასუნთქი სისტემის, გულ-მკერდისა და შუასაყრის ორგანოების მხრივ: სიხშირე უცნობია - რინორეა.

კუჭ-ნაწლავის ტრაქტის მხრივ: იშვიათად - ყაბზობა, მეტეორიზმი, გულისრევა, მუცლის ტკივილი ან დიარეა; სიხშირე უცნობია - ქსეროსტომია, ღებინება, პანკრეატიტი.

კანისა და კანქვეშა ქსოვილების მხრივ: იშვიათად - მომატებული ოფლიანობა, ქავილი, გამონაყარი, ჭინჭრის ციება.

ჩონჩხ-კუნთოვანი და შემაერთებელი ქსოვილის მხრივ: სიხშირე უცნობია - მიალგია, ართრალგია, კუნთების სისუსტე.

თირკმელებისა და შარდგამომყოფი გზების მხრივ: სიხშირე უცნობია - ურემია, პოლიურია, ნეფროლითიაზი.

ზოგადი დარღვევები და დარღვევები შეყვანის ადგილას: სიხშირე უცნობია - ჰიპერთერმია, ქსოვილების კალციფიკაცია.

ზემოქმედება ლაბორატორიული და ინსტრუმენტული კვლევების შედეგებზე: არახშირად - სისხლსა და შარდში კალციუმის დონის მომატება; სიხშირე უცნობია - სხეულის მასის შემცირება, ამინოტრანსფერაზების აქტივობის მომატება.

შეტყობინებები საეჭვო არასასურველი რეაქციების შესახებ

შეტყობინებები საეჭვო არასასურველი რეაქციების შესახებ სამკურნალო საშუალების რეგისტრაციის შემდეგ მნიშვნელოვანია. თუ პაციენტს გამოუვლინდა სერიოზული არასასურველი რეაქცია სამკურნალო საშუალებაზე ან ახალი არასასურველი რეაქციის აღნიშვნის შემთხვევაში, რომელიც არ არის აღწერილი მოცემულ ნაწილში, გთხოვთ, მოახდინოთ ინფორმირება ფარმაკოზედამხედველობის ეროვნული სისტემის შესაბამისად.

ჭარბი დოზირება

სიმპტომები

ერგოკალციფეროლს (D₂ ვიტამინი) და ქოლეკალციფეროლს (D₃ ვიტამინი) გააჩნია შედარებით დაბალი თერაპიული ინდექსი. D ვიტამინის ინტოქსიკაციის ზღურბლი შეადგენს 40000-100000 სე-ს დღე-ღამეში 1-2 თვის განმავლობაში ფარისებრახლო ჯირკვლების ნორმალური ფუნქციის მქონე მოზრდილებში. ახალშობილებსა და მცირეწლოვან ბავშვებში შეიძლება აღინიშნოს მგრძნობელობა მნიშვნელოვნად უფრო დაბალი კონცენტრაციების მიმართ. ამგვარად, პრეპარატის გამოყენება სამედიცინო დაკვირვების გარეშე არ შეიძლება.

ჭარბი დოზირება იწვევს სისხლის შრატსა და შარდში ფოსფორის დონის მომატებას, აგრეთვე ჰიპერკალციემიის სინდრომს ქსოვილებში, განსაკუთრებით თირკმელებში (ნეფროლითიაზი, ნეფროკალცინოზი) და სისხლძარღვებში, კალციუმის შემდგომი დაგროვებით.

თუ კალციუმის დონე სისხლის შრატში არის 10,6 მგ/დლ-ზე მეტი (2,65 მმოლ/ლ) ან შარდში 300 მგ-ზე მეტი დღე-ღამეში მოზრდილებში ან 4-6 მგ/კგ-ზე მეტი დღე-ღამეში ბავშვებში, პრეპარატი უნდა მოიხსნას.

ქრონიკულმა ჭარბმა დოზირებამ შეიძლება გამოიწვიოს სისხლძარღვებისა და ორგანოების კალციფიკაცია ჰიპერკალციემიის შედეგად.

ინტოქსიკაციის სიმპტომები არასპეციფიკურია და მოიცავს გულისრევას, ღებინებას, საწყის ეტაპზე - დიარეას, უფრო გვიან ეტაპზე - ყაბზობას, მადის დაქვეითებას, დაღლილობას, თავის ტკივილს, მიალგიას, ართრალგიას, კუნთების სისუსტეს, პერსისტირებად ძილიანობას, აზოტემიას, პოლიდიფსიას, პოლიურიას და ტერმინალურ სტადიაზე - დეჰიდრატაციას. დამახასიათებელი ბიოქიმიური ცვლილებები მოიცავს ჰიპერკალციემიას, ჰიპერკალციურიას, აგრეთვე სისხლის შრატში 25-ჰიდროქსიქოლეკალციფეროლის კონცენტრაციების მომატებას.

მკურნალობა

პრეპარატის ქრონიკული ჭარბი დოზირების სიმპტომების არსებობისას შეიძლება საჭირო გახდეს ფორსირებული დიურეზის გამოყენება, აგრეთვე გლუკოკორტიკოიდების ან კალციტონინის დანიშვნა.

ჭარბი დოზირებისას საჭიროა დაკორექტირდეს ჰიპერკალციემია, რომელიც ხშირად პერსისტირებადია და, გარკვეული გარემოებებისას, შეიძლება იყოს სიცოცხლისათვის სახიფათო. პირველ რიგში, უნდა შეწყდეს D ვიტამინის მიღება. პრეპარატის ჭარბი დოზით გამოწვეული ჰიპერკალციემიის აღმოსაფხვრელად საჭიროა რამდენიმე კვირა. ჰიპერკალციემიის ხარისხის მიხედვით, მკურნალობის ზომები მოიცავს დიეტას კალციუმის დაბალი შემცველობით ან კალციუმის გარეშე, დიდი რაოდენობით სითხის მოხმარებას, ფორსირებულ დიურეზს ფუროსემიდის მიღებით, აგრეთვე გლუკოკორტიკოიდებისა და კალციტონინის დანიშვნას.

თირკმელების ნორმალური ფუნქციისას კალციუმის დონე შეიძლება შემცირდეს ნატრიუმის ქლორიდის იზოტონური ხსნარის ინფუზიის გზით (3-6 ლ 24 საათის განმავლობაში) ფუროსემიდის დამატებით და ზოგ შემთხვევაში, ნატრიუმის ედეტატის 15 მგ/კგ/სთ დოზით გამოყენებით სისხლის შრატში კალციუმის დონისა და ეკგ-ის მუდმივი მონიტორინგის ფონზე. ოლიგოანურიის შემთხვევაში აუცილებელია ჰემოდიალიზი (დიალიზატი კალციუმის გარეშე).

სპეციფიკური ანტიდოტი არ არსებობს.

აუცილებელია პაციენტთა კონტროლი შესაძლო ჭარბი დოზირების სიმპტომებზე პრეპარატის მაღალი დოზების ხანგრძლივად გამოყენებისას (გულისრევა, ღებინება, აგრეთვე დასაწყისში დიარეა, მოგვიანებით - ყაბზობა, ანორექსია, სისუსტე, თავის ტკივილი, მიალგია, ართრალგია, კუნთების სისუსტე, ძილიანობა, აზოტემია, პოლიდიფსია და პოლიურია).

ფარმაკოლოგიური თვისებები

ფარმაკოდინამიკური თვისებები

ფარმაკოთერაპიული ჯგუფი: საჭმლის მომნელებელ სისტემასა და მეტაბოლიზმზე მოქმედი საშუალებები. D ვიტამინი და მისი ანალოგები. ათქ კოდი: A11CC05.

D ვიტამინის ბიოლოგიურად აქტიური ფორმა ასტიმულირებს კალციუმის შეწოვას ნაწლავში, ძვლოვანი ქსოვილის რეზორბციას ოსტეოკლასტებით და კალციუმის გამოთავისუფლებას ძვლოვანი ქსოვილიდან. წვრილ ნაწლავში D ვიტამინი აჩქარებს კალციუმის შეწოვის სწრაფ და შენელებულ ფაზებს. ის ასევე ასტიმულირებს ფოსფატების პასიურ და აქტიურ ტრანსპორტირებას. თირკმელებში D ვიტამინი აფერხებს კალციუმის და ფოსფატის გამოყოფას მილაკოვანი რეაბსორბციის დაჩქარების ხარჯზე.

ვიტამინი D₃-ის ბიოლოგიურად აქტიური ფორმა პირდაპირ აფერხებს პარათირეოიდული ჰორმონის (PTH) სინთეზს პარაფარისებრ ჯირკვლებში. PTH სეკრეცია შემდგომში ითრგუნება კალციუმის გაზრდილი შეწოვით წვრილ ნაწლავში D ვიტამინის ბიოლოგიურად აქტიური ფორმის გავლენის ქვეშ.

ფარმაკოკინეტიკური თვისებები

შეწოვა

პრეპარატი კარგად შეიწოვება კუჭ-ნაწლავის ტრაქტიდან ნაღვლის არსებობისას, ამიტომ დანიშვნა საკვების ძირითად მიღებასთან ერთად ხელს უწყობს D ვიტამინის უფრო სრულ შეწოვას.

განაწილება და მეტაბოლიზმი

ღვიძლში ქოლეკალციფეროლი ჰიდროქსილირდება 25-ჰიდროქსიქოლეკალციფეროლად (კალციდიოლი) და შემდგომ ჰიდროქსილირდება თირკმელებში აქტიურ მეტაბოლიტად - 1,25-დიჰიდროქსიქოლეკალციფეროლად (კალციტრიოლი).

გამოყოფა

სისხლში მოცირკულირე მეტაბოლიტები უკავშირდებიან სპეციფიკურ α-გლობინს. D ვიტამინი და მისი მეტაბოლიტები გამოიყოფა ძირითადად ნაღველით და განავალით.

ფარმაკოკინეტიკა პაციენტთა ცალკეულ ჯგუფებში

თირკმლის უკმარისობის მქონე პაციენტებში D ვიტამინის მეტაბოლური კლირენსი 57%-ით დაბალია, ვიდრე ჯანმრთელ მოხალისეებში.

მალაბსორბციის მქონე პაციენტებს აღენიშნებათ D ვიტამინის შეწოვის დაქვეითება და უფრო ინტენსიური ელიმინაცია.

ჭარბი წონის მქონე პაციენტებს აქვთ D ვიტამინის სინთეზის უფრო დაბალი უნარი მზის სხივების ზემოქმედების დროს, ამიტომ დეფიციტის შესავსებად მათ შეიძლება დასჭირდეთ D ვიტამინის უფრო მაღალი დოზების დანიშვნა პერორალურად.

ვარგისიანობის ვადა

3 წელი წარმოების თარიღიდან.

არ გამოიყენოთ ვარგისიანობის ვადის გასვლის შემდეგ.

შენახვის განსაკუთრებული მითითებები

ინახება სინათლისგან დაცულ ადგილას არაუმეტეს 25^ºС ტემპერატურაზე.

ინახება ბავშვებისთვის მიუწვდომელ ადგილას!

ფლაკონის გახსნის შემდეგ პრეპარატი გამოიყენება 6 თვის განმავლობაში.

შეფუთვის ტიპი და შიგთავსი

წვეთები შიგნით მისაღებად 10 მლ ყვითელ მინის ფლაკონში საცობი-საწვეთურით და ხრახნიანი დამცავი თავსახურით, აღჭურვილი დამცავი რგოლით.

1 ფლაკონი სამედიცინო გამოყენების ინსტრუქციასთან ერთად მუყაოს კოლოფში.

სიფრთხილის განსაკუთრებული ზომები განადგურებისა და სხვა სამუშაოებისთვის

განსაკუთრებული მოთხოვნები არ არსებობს.

ნებისმიერი გამოუყენებელი პროდუქტი ან ნარჩენი უნდა განადგურდეს ადგილობრივი მოთხოვნების შესაბამისად.

აფთიაქებიდან გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.

წარმოებულია

„ ვორლდ მედიცინ ილაჩ სან . ვე . ტიჯ . ა . შ .“-ს მიერ, თურქეთი

(15 თემუზ მახ. ჯამი იოლუ ჯად. # 50 გიუნეშლი ბაგჯილარ/სტამბოლი)

„WORLD MEDICINE İLAÇ SAN. VE TİC. А.Ş.“, TURKEY

(15 Temmuz Mah. Cami Yolu Cad. No: 50 Güneşli Bağcılar / İstanbul).