ალიციდი 1% 30გ კრემი

ალიციდი 1% კრემი

ადგილობრივი გამოყენებისთვის

შემადგენლობა

აქტიური ნივთიერება:კრემის 1 გრამი შეიცავს 10 მგ ტერბინაფინის ჰიდროქლორიდს.

დამხმარე ნივთიერებები:ნატრიუმის ჰიდროქსიდი, ბენზილის სპირტი, სორბიტანის მონოსტეარატი,  ცეტილ პალმიტატი, ცეტილის სპირტი, სტეარილის სპირტი, პოლისორბატი 60, იზოპროპილის მირისტატი და გასუფთავებული წყალი.

გამოყენება

ალიციდის აქტიური ნივთიერებაა ტერბინაფინის ჰიდროქლორიდი. ალიციდი სოკოვანი დაავადებების საწინააღმდეგო ეფექტური საშუალებაა. ალიციდი დამღუპველად მოქმედებს  კანის პრობლემების გამომწვევ ზოგიერთ სოკოებზე ან აფერხებს მათ ზრდას.

ალიციდი გამოიყენება სოკოვანი ინფექციების სამკურნალოდ, როგორიცაა ათლეტის ტერფი (ტერფის ტინეა), საზარდულის მიდამოს ქავილი (საზარდულის ტინეა), რინგვორმი (სხეულის ტინეა), გამონაყარი (კანდიდოზი) და ნაირფერი პიტირიაზი. 

უკუჩვენება

ალიციდი არ გამოიყენება:

-         ტერბინაფინის ან ალიციდში შემავალ ნებისმიერი სხვა ინგრედიენტის მიმართ  ალერგიის შემთხვევაში

გაფრთხილებები და სიფრთხილის ზომები

• ალიციდი განკუთვნილია მხოლოდ გარეგანი გამოყენებისთვის.
• არ დაიტანოთ ალიციდი სახეზე.
• ალიციდმა შეიძლება გამოიწვიოს თვალების გაღიზიანება. თვალებთან შემთხვევითი კონტაქტისას მოიცილეთ კრემი, გამოირეცხეთ თვალები გამდინარე წყლით და რაიმე სიმპტომების გაგრძელების შემთხვევაში მიმართეთ ექიმს კონსულტაციისთვის.
• ალიციდის გამოყენების შემდეგ დაიბანეთ ხელები.
• ალიციდი შეიცავს ცეტილის სპირტს და სტეარილის სპირტს, რომლებმაც შეიძლება გამოიწვიოს რეაქციები კანის მხრივ.
•  იმის გამო, რომ სოკოვანი და საფუარის ინფექციები გადამდებია, სიფრთხილით გამოიყენეთ პირადი პირსახოცი და ტანსაცმელი და არ გაუზიაროთ სხვებს. პირსახოცისა და ტანსაცმლის ხშირი რეცხვა აუცილებელია ხელახალი დაინფიცირებისაგან თავის დასაცავად.

ალიციდი საკვებთან და სასმელთან ერთად

მიღების წესიდან გამომდინარე, შესაძლებელია ალიციდის  გამოყენება საკვებთან ერთად და ცარიელ კუჭზე.

ორსულობა 

პრეპარატის გამოყენებამდე მიმართეთ ექიმს ან ფარმაცევტს კონსულტაციისთვის.

თუ ხართ ორსულად ან ფიქრობთ, რომ შეიძლება იყოთ ორსულად, პრეპარატის გამოყენებამდე მიმართეთ რჩევისთვის ექიმს. ალიციდი არ უნდა იქნას გამოყენებული ორსულობის დროს, გარდა აშკარა საჭიროებისა.

დაუყოვნებლივ გაიარეთ კონსულტაცია ექიმთან ან ფარმაცევტთან თუ მკურნალობის დროს აღმოაჩენთ, რომ ხართ ორსულად.

ძუძუთი კვება

პრეპარატის გამოყენებამდე მიმართეთ ექიმს  ან ფარმაცევტს კონსულტაციისთვის.

თუ იყენებთ ალიციდს, არ უნდა კვებოთ ბავშვი ძუძუთი.

მოერიდეთ ჩვილების კონტაქტს პრეპარატით დამუშავებულ ადგილებთან, მათ შორის მკერდთან.

ავტომობილის მართვა და მექანიზმებთან მუშაობა

ალიციდის კანზე დატანა გავლენას არ ახდენს ავტომობილის მართვის და მექანიზმებთან მუშაობის უნარზე.

მნიშვნელოვანი ინფორმაცია ალიციდის ზოგიერთი ინგრედიენტის შესახებ

ალიციდი შეიცავს ისეთ ნივთიერებებს, როგორიცაა ცეტილის სპირტი და სტეარილის სპირტი. ამ ნივთიერებებმა შესაძლოა გამოიწვიოს კანის ადგილობრივი რეაქციები.

სხვა სამკურნალო საშუალებები და ალიციდი

ალიციდით დამუშავებულ ადგილებზე არ დაიტანოთ სხვა სამკურნალო საშუალებები.

თუ ამჟამად იღებთ ან ახლახან მიიღეთ რაიმე რეცეპტურული ან არარეცეპტურული სამკურნალო საშუალება,  აცნობეთ ექიმს ან ფარმაცევტს ამის შესახებ.

გამოყენების წესი

გამოყენების ინსტრუქცია და დოზები/გამოყენების სიხშირე

ალიციდი დაიტანეთ კანის ინფიცირებულ ადგილებზე, როგორც ეს აღწერილია ქვემოთ:

• ათლეტის  ტერფი (ტერფის ტინეა): დღეში ერთხელ 1 კვირის განმავლობაში.
• საზარდულის მიდამოს ქავილი (საზარდულის ტინეა) და რინგვორმი (სხეულის ტინეა): დღეში ერთხელ 1 კვირის განმავლობაში.
• გამონაყარი (კანის კანდიდოზი): დღეში ერთხელ ან ორჯერ 1 კვირის განმავლობაში.
• ნაირფერი ტინეა (ნაირფერი პიტირიაზი): დღეში ერთხელ ან ორჯერ 2 კვირის განმავლობაში.

კრემის გამოყენება განაგრძეთ მკურნალობი სრეკომენდებულ  პერიოდში, მაშინაც კი, თუ რამდენიმე დღის შემდეგ ინფექციისგაუმჯობესება მოხდა. კრემის არარეგულარულად გამოიყენების ან გამოყენების ნაადრევად შეწყვეტის შემთხვევაში შესაძლებელია ინფექციის კვლავ გაჩენა.

ალიციდით მკურნალობის დაწყებიდან რამდენიმე დღეში აღინიშნება დაავადებული კანის მდგომარეობა გაუმჯობესება,  მაგრამ დაზიანებული კანის სრულად განკურნებას უფრო მეტი დრო დასჭირდება. ალიციდის ეფექტი გაგრძელდება მკურნალობის პერიოდის დასრულების შემდეგაც და კანი აგრძელებს განკურნებას.

თუ მკურნალობის დაწყებიდან 2 კვირის განმავლობაში გაუმჯობესების არანაირი ნიშნები არ შეიმჩნევა, მიმართეთ ექიმს ან ფარმაცევტს.

გამოყენების წესი და მეთოდი

დაიტანეთ კრემი შემდეგნაირად:

• გაიწმინდეთ დაზიანებული კანი და მიმდებარე არე(ები)  და დაიბანეთ ხელები.
• როდესაც პირველად იყენებთ ტუბს, იგი უნდა იყოს დალუქული. დაბეჭდილი ადგილი გახვრიტეთ  თავსახურის თავზე არსებული წვერით.
• დაიტანეთ მცირე რაოდენობით კრემი თითზე.
• დახურეთ ტუბის თავსახური.
• წაისვით კრემის თხელი ფენა დაზიანებულ კანზე და მის მიმდებარე არეებზე.
• ნაზად შეიზილეთ.
• დაიბანეთ ხელები. წინააღმდეგ შემთხვევაში, შესაძლოა  ინფექცია გაავრცელოთ კანის სხვა ნაწილებზე ან სხვა პირებზე.

თუ კანი დაზიანებულია ხელის ან ფეხის თითებს შორის ან დუნდულებზე, მკერდის ქვეშ, იღლიის ფოსოში ან საზარდულის მიდამოში, კრემის გამოყენების შემდეგ შეგიძლიათ  ეს არე დოლბანდით დაფაროთ.  განსაკუთრებით ეს რეკომენდებულია დაწოლის დროს. თუ იყენებთ დოლბანდს,  კრემის  ყველა ჯერზე გამოყენებისას იხმარეთ ახალი, სუფთა დოლბანდი.

იმისათვის, რომ მკურნალობა წარმატებული იყოს, საჭიროა დაზიანებული კანის მიდამოს სუფთად შენარჩუნება, რაც თვალისწინებს  რეგულარულად დაბანას.  კანი გაიშრეთ ნაზი შეხებით და გახეხვის გარეშე. მოერიდეთ კანის  დაკაწრვას, მაშინაც კი, თუ გექავებათ, რადგან ამან შეიძლება კიდევ უფრო დააზიანოს კანი და შეანელოს განკურნების პროცესი ან ხელი შეუწყოს ინფექციის გავრცელებას.

სხვადასხვა ასაკობრივი ჯგუფები

გამოყენება ბავშვებში

პრეპარატის გამოყენების უსაფრთხოება საბოლოოდ დადგენილი არ არის. ალიციდი არ არის რეკომენდებული 16 წლამდე ასაკის ბავშვებში გამოსაყენებლად.

გამოყენება ხანდაზმულებში

ალიციდი ასევე შეიძლება გამოყენებულ იქნას 65 წელზე უფროსი ასაკის პაციენტების მიერ.

გამოყენების განსაკუთრებული შემთხვევები

თირკმლის/ღვიძლის უკმარისობა

თირკმლის და ღვიძლის უკმარისობის მქონე პაციენტებში დოზის კორექტირების შესახებ მონაცემები არ არსებობს.

დაიცავით გამოყენების ინსტრუქცია, თუ  ექიმი სხვაგვარად არ მიგითითებთ.

ექიმი განსაზღვრავს მკურნალობის ხანგრძლივობას. არ შეწყვიტოთ მკურნალობა ნაადრევად, რადგან ალიციდით მკურნალობის შეწყვეტამ შეიძლება გააუარესოს დაავადება.

თუ თვლით, რომ პრეპარატის მოქმედება ძალიან ძლიერი ან სუსტია, მიმართეთ ექიმს ან ფარმაცევტს.

ჭარბი დოზირება

დანიშნულზე მეტი რაოდენობის კრემის კანზე წასმის შემთხვევაში, უბრალოდ მოიშორეთ.

პრეპარატის გადაყლაპავის (განსაკუთრებით ბავშვის მიერ)  შემთხვევაში, დაუყოვნებლივ მიმართეთ ექიმს ან ფარმაცევტს.

თუ საჭიროზე მეტი ალიციდი გამოიყენეთ,  შეატყობინეთ ექიმს ან ფარმაცევტს.

დოზის გამოტოვება

თუ გამოტოვეთ კრემის წასმა, დაიტანეთ რაც შეიძლება მალე, შემდეგ კი მკურნალობა განაგრძეთ როგორც ადრე. თუ წასმა გამორჩათ და  გაგახსენდათ უშუალოდ შემდეგი წასმის წინ, უბრალოდ დაიტანეთ კრემი და გააგრძელეთ ჩვეულებრივ რეჟიმში.

კრემი გამოიყენეთ, როგორც ინსტრუქციაშია მითითებულიი. მკურნალობის რეჟიმის დარღვევისა და გამოტოვებების შემთხვევაში, ინფექცია შეიძლება კვლავ წარმოიქმნას.

არ მიიღოთ ორმაგი დოზა დავიწყებული დოზის ასანაზღაურებლად.

მკურნალობის შეწყვეტა

ალიციდით მკურნალობის შეწყვეტამ  შეიძლება გააუარესოს  დაავადება.

არ შეწყვიტოთ მკურნალობა ექიმის მითითების გარეშე.

გვერდითი ეფექტები

ყველა სამკურნალო საშუალების მსგავსად, ალიციდის გამოყენების შემთხვევაშიც შესაძლოა, გამოვლინდეს გვერდითი ეფექტები იმ პირებში, რომლებიც მგრძნობიარე არიან პრეპარატში შემავალი ნივთიერებების მიმართ.

ალიციდის გამოყენებისას შესაძლოა გამოვლინდეს  შემდეგი გვერდითი ეფექტები.

გვერდითი ეფექტები ჩამოთვლილია შიხშირის მიხედვით:

ძალიან ხშირი: შესაძლოა გამოვლინდეს 10-დან 1 ადამიანში.

ხშირი: შესაძლოა გამოვლინდეს 100-დან 1 ადამიანში.

იშვიათი: შესაძლოა გამოვლინდეს 1 000-დან 1 ადამიანში.

ძალიან იშვიათი: შესაძლოა გამოვლინდეს 10 000-დან 1 ადამიანში.

უცნობი: არსებული მონაცემებით სიხშირის დადგენა შეუძლებელია.

შეატყობინეთ თქვენს ექიმს თუ აღინიშნება რომელიმე ქვემოთ ჩამოთვლილი:

ხშირი

• კანის აქერცვლა ან აშრევება (კანის ექსფოლიაცია)
• ქავილი (პრურიტუსი)

არახშირი

• კანის დაზიანება
• ფუფხი
• კანის დაავადება
• კანის ფერის შეცვლა (პიგმენტაციის ცვლილება)
• კანის სიწითლე (ერითემა)
• წვის შეგრძნება კანზე
• ტკივილი
• ტკივილი გამოყენების ადგილზე
• გაღიზიანება გამოყენების ადგილზე

იშვიათი

• თვალის გაღიზიანება
• კანის სიმშრალე
• კანზე გამონაყარი და ქავილი (კონტაქტური დერმატიტი)
• კანზე გამონაყარი (ეგზემა) ქავილით, სიწითლით და წვის შეგრძნებით
• სიმპტომების გაუარესება.

უცნობი

ეს გვერდითი ეფექტები ემყარება პოსტმარკეტინგულ გამოცდილებას და არსებული მონაცემებით მათი სიხშირის გამოთვალა შეუძლებელია.

• ალერგიული რეაქციები ( ჰიპერმგრძნობელობა)
• გამონაყარი კანზე

ეს არის ალიციდის მსუბუქი გვერდითი ეფექტები.

თუ შეამჩნევთ რაიმე გვერდით ეფექტს, რომელიც ზემოთ არ არის აღწერილი,  შეატყობინეთ ექიმს ან ფარმაცევტს.

შეტყობინებები გვერდითი ეფექტების შესახებ

რაიმე გვერდითი ეფექტის გამოვლენის შემთხვევაში, შეატყობინეთ ექიმს, ფარმაცევტს ან ექთანს, მიუხედავად იმისა, აღწერილია თუ არა ზემოთ. ასევე შეგიძლიათ შეატყობინოთ უშუალოდ თურქეთის ფარმაკოზედამხედველობის ცენტრს (TÜFAM) გამოსახულებაზე “შეტყობინება გვერდით ეფექტებზე“ დაწკაპუნებით ან გვერდით ეფექტებზე შეტყობინების ხაზით 0 800 314 00 08. გვერდით ეფექტებზე შეტყობინებით  შეგიძლიათ წვლილი შეიტანოთ ამ სამკურნალო საშუალების უსაფრთხოებაზე მეტი ინფორმაციის მიღებაში.

შენახვის წესი

პრეპარატი შეინახეთ  ბავშვებისთვის მიუწვდომელ ადგილას თავის შეფუთვაში.

ინახება 25°C-ზე დაბალ ოთახის ტემპერატურაზე.

ტუბი შეინახეთ მჭიდროდ დახურული.

გამოიყენეთ ვარგისობის ვადის შესაბამისად.

არ გამოიყენოთ ალიციდი ვარგისობის ვადის გასვლის შემდეგ, რომელიც მითითებულია შეფუთვაზე.

არ გამოიყენოთ ალიციდი თუ შეამჩნევთ რაიმე დეფექტს პროდუქტზე და/ან მის შეფუთვაზე.

არ გადაადგდოთ ვადაგასული ან გამოუყენებელი სამკურნალო საშუალება საყოფაცხოვრებო ნარჩენებთან ერთად!  მიიტანეთ იგი შეგროვების სისტემაში როგორც დადგენილია გარემოს დაცვის და ურბანული დაგეგმარების სამინისტროს მიერ. 

შეფუთვა

ალიციდი ხელმისაწვდომია ალუმინის ტუბში პლასტმასის თავსახურით, შეიცავს 15 გ ან 30 გ კრემს.

გაცემის რეჟიმი

ფარმაცევტული პროდუქტის ჯგუფი -III, გაიცემა რეცეპტის გარეშე

სავაჭრო ლიცენზიის მფლობელი

Avixa İlaç San. Ve Tic. Ltd. Şti.

Başakşehir / სტამბული - თურქეთი

მწარმოებელი

Pharma Plant İlaç San. ve Tic. A.Ş. Kadıköy/სტამბული-თურქეთი.