ოლანზაპინი დეცე 5მგ #30ტ

 გამოყენების ინსტრუქცია

ოლანზაპინი დეცე 

საერთაშორისო არადაპატენტებული დასახელება: - ოლანზაპინი ტაბლეტები USP 5 მგ

 ქიმიური დასახელება: -

2-მეთილ-4-(4-მეთილ-1-პიპერაზინილ)-10H-თიენო[2,3-b][l,5]ბენზოდიაზეპინი.

დოზირების ფორმა: პერორალური მყარი დოზირების ფორმა

შემადგენლობა

ყოველი გარსით დაფარული ტაბლეტი შეიცავს:

ოლანზაპინი USP .... 5 მგ

დამხმარე ნივთიერებები ... q.s

ფერი: ტიტანის დიოქსიდი BP

დამხმარე ნივთიერებები

მაგნიუმის სტეარატი, ტალკი, კოლოიდური სილიციუმის დიოქსიდი, მიკროკრისტალური ცელულოზა, ნატრიუმის სახამებლის გლიკოლატი, იზო პროპილ სპირტი, მეთილენ ქლორიდი, HPMC, ტიტანის დიოქსიდი, პროპილ გლიკოლი.

აღწერა:

ალუ პვქ ბლისტერი 10 ტაბლეტით. 3 ასეთი ფირფიტა შეფუთულია მონო მუყაოს კოლოფში ინსტრუქციის ფურცელთან ერთად. თეთრი ფერის, მრგვალი, ორმხრივ ამოზნექილი, აპკიანი გარსით დაფარული ტაბლეტი გლუვიორივე მხრიდან.  

ფარმაკოლოგიური კლასიფიკაცია

ათქ კოდი: N05AH03, ფსიქოლეპტიკები, დიაზეპინები, ოქსაზეპინები თიაზეპინები და ოქსიპინები

ფარმაკოლოგიური მოქმედება

ფარმაკოდინამიკა

ოლანზაპინი არის ანტიფსიქოზური, მანიის საწინააღმდეგო და განწყობის სტაბილიზატორი, რომელიც ავლენს ფართო ფარმაკოლოგიურ პროფილს რეცეპტორების მთელ რიგ სისტემაში.

პრეკლინიკურ კვლევებში, ოლანზაპინმა აჩვენა რეცეპტორული სპექტრის მსგავსება (Ki < 100 ნმ) სეროტონინთან 5 HT2A/2C, 5 HT3, 5 HT6; დოფამინთან D1, D2, D3, D4, D5; ქოლინერგულ მუსკარინულ რეცეპტორებთან M1-M5; α1 ადრენერგიულთან; და ჰისტამინის H1 რეცეპტორებთან. ცხოველთა ქცევის კვლევებმა ოლანზაპინით აჩვენა 5HT, დოფამინის და ქოლინერგული ანტაგონიზმი, რომელიც შეესაბამება რეცეპტორებთან შემაკავშირებელ პროფილს. ოლანზაპინმა აჩვენა უფრო დიდი in vitro აფინურობა სეროტონინთან 5HT2, ვიდრე დოფამინ D2 რეცეპტორებთან და უფრო დიდი აქტივობა 5 HT2-თან, ვიდრე D2-თან in vivo მოდელებში. ელექტროფიზიოლოგიურმა კვლევებმა აჩვენა, რომ ოლანზაპინი შერჩევითად ამცირებს მეზოლიმბური (A 10) დოფამინერგული ნეირონების გასროლას, მაგრამ მცირე გავლენას ახდენს სტრიარულ (A9) გზებზე, რომლებიც მონაწილეობენ მოტორულ ფუნქციაში. ოლანზაპინი ამცირებს განპირობებული აცილების პასუხს, რომელიც არის ტესტი ანტიფსიქოზურ აქტივობაზე, ისეთ დოზებზე, რომლებიც კატალეფსიის გამომწვევ დოზებზე ნაკლებია, ეს ეფექტი მიუთითებს მოტორულ გვერდით ეფექტებზე. ზოგიერთი სხვა ანტიფსიქოზური საშუალებისგან განსხვავებით, ოლანზაპინი ზრდის პასუხს "ანქსიოლიზურ" ტესტში.

ჯანმრთელ მოხალისეებში ერთჯერადი პერორალური დოზის (10 მგ) პოზიტრონის ემისიური ტომოგრაფიის (PET) კვლევაში, ოლანზაპინმა წარმოქმნა უფრო მაღალი 5 HT2A, ვიდრე დოპამინი D2 რეცეპტორების ფლობა. გარდა ამისა, ერთჯერადი ფოტონის ემისიის კომპიუტერული ტომოგრაფიის SPECT ვიზუალიზაციის კვლევამ შიზოფრენიის მქონე პაციენტებში აჩვენა, რომ პაციენტებს, რომლებიც ავლენდნენ პასუხს ოლანზაპინზე, ჰქონდათ უფრო დაბალი სტრიარული D2 ფლობა, ვიდრე პაციენტებში, რომლებიც ავლენდნენ პასუხს ზოგიერთ სხვა ანტიფსიქოზურ საშუალებაზე და რისპერიდონზე, ხდებოდა რა შედარება პაციენტებთან, რომლებიც ავლენდნენ პასუხს კლოზაპინზე.

ფარმაკოკინეტიკა

აბსორბცია

ოლანზაპინი კარგად შეიწოვება პერორალური მიღების შემდეგ და აღწევს უმაღლეს პლაზმურ კონცენტრაციებს 5-დან 8 საათში. აბსორბციაზე გავლენას არ ახდენს საკვები. აბსოლუტური პერორალური ბიოშეღწევადობა ინტრავენური შეყვანის მიმართ არ ყოფილა განსაზღვრული.

განაწილება

ოლანზაპინის პლაზმის ცილებთან შეკავშირება იყო დაახლოებით 93% კონცენტრაციის დიაპაზონში დაახლოებით 7-დან 1000 ნგ/მლ-მდე. ოლანზაპინი უკავშირდება უპირატესად ალბუმინს და α1-მჟავა-გლიკოპროტეინს.

ბიოტრანსფორმაცია

ოლანზაპინი მეტაბოლიზდება ღვიძლში კონიუგაციური და ოქსიდაციური გზებით. ძირითადი მოცირკულირე მეტაბოლიტი არის 10-N-გლუკურონიდი, რომელიც არ კვეთს ჰემატოენცეფალურ ბარიერს. ციტოქრომები P450-CYP1A2 და P450-CYP2D6 ხელს უწყობენ N-დეზეთილ და 2-ჰიდროქსიმეთილ მეტაბოლიტების წარმოქმნას, ორივემ გამოავლინა მნიშვნელოვნად ნაკლები in vivo ფარმაკოლოგიური აქტივობა, ვიდრე ოლანზაპინმა ცხოველებზე ჩატარებულ კვლევებში. უპირატეს ფარმაკოლოგიურ აქტივობას ავლენს მშობელი ოლანზაპინი.

ელიმინაცია

პერორალური მიღების შემდეგ, ოლანზაპინის ნახევარგამოყოფის საშუალო ტერმინალური პერიოდი ჯანმრთელ სუბიექტებში იცვლებოდა ასაკისა და სქესის მიხედვით.

ჯანმრთელ ხანდაზმულებში (65 და მეტი)  არახანდაზმული სუბიექტების საპირისპიროდ, ელიმინაციის საშუალო ნახევარგამოყოფის პერიოდი გახანგრძლივდა (51.8 versus 33.8 ლ/სთ) და კლირენსი შემცირდა (17.5 versus 18.2 ლ/სთ). ხანდაზმულებში დაფიქსირებული ფანაკოკინეტიკური ცვალებადობა არახანდაზმულებში არსებულის დიაპაზონშია. 65 წელზე უფროსი ასაკის შიზოფრენიის მქონე 44 პაციენტში, 5-დან 20 მგ/დღეში დოზირება არ იყო დაკავშირებული გვერდითი მოვლენების რაიმე განმასხვავებელ პროფილთან.

მდედრობითი სქესის სუბიექტებში, მამრობითი სქესის სუბიექტებთან შედარებით, საშუალო ნახევარგამოყოფის პერიოდი გარკვეულწილად უფრო ხანგრძლივი იყო (36.7 versus 32.3 სთ) და კლირენსი უფრო შემცირებული (18.9 versus 27.3 ლ/სთ). თუმცა, ოლანზაპინმა (5-20 მგ) აჩვენა თანაზომადი უსაფრთხოების პროფილი ქალებში (n=467), როგორც მამაკაცებში (n=869).

ჩვენებები

ზრდასრულები

ოლანზაპინი ნაჩვენებია შიზოფრენიის სამკურნალოდ.

ოლანზაპინი ეფექტურია კლინიკური გაუმჯობესების შესანარჩუნებლად თერაპიის გაგრძელების დროს პაციენტებში, რომლებმაც აჩვენეს პასუხი პირველადი მკურნალობისას.

ოლანზაპინი ნაჩვენებია მანიის საშუალო და მძიმე ეპიზოდის სამკურნალოდ.

პაციენტებში, რომლებშიც მანიის ეპიზოდმა აჩვენა პასუხი ოლანზაპინით მკურნალობაზე, ოლანზაპინი ნაჩვენებია რეციდივის პრევენციისთვის ბიპოლარული აშლილობის მქონე პაციენტებში.

უკუჩვენებები

ჰიპერმგრძნობელობა აქტიური ნივთიერების ან რომელიმე დამხმარე ნივთიერების მიმართ. ვიწროკუთხოვანი გლაუკომის ცნობილი რისკის მქონე პაციენტები.

გაფრთხილებები და სიფრთხილის ზომები ორსულობისა და ლაქტაციის პერიოდში

ორსულობა

არ არსებობს ადექვატური და კარგად კონტროლირებადი კვლევები ორსულ ქალებზე. პაციენტებს უნდა მიეცეთ რჩევა, რომ აცნობონ ექიმს, თუ დაორსულდებიან ან აპირებენ დაორსულებას ოლანზაპინით მკურნალობის დროს. მიუხედავად ამისა, ვინაიდან გამოცდილება ადამიანებში შეზღუდულია, ოლანზაპინი გამოყენებული უნდა იყოს ორსულობისას მხოლოდ იმ შემთხვევაში, თუ პოტენციური სარგებელი ამართლებს პოტენციურ რისკს ნაყოფისთვის.

ახალშობილებში, რომლებიც დაექვემდებარენ ორსულობის მესამე ტრიმესტრში ანტიფსიქოზური საშუალებების (მათ შორის ოლანზაპინის) ზემოქმედებას, არსებობს არასასურველი რეაქციების, მათ შორის ექსტრაპირამიდული და/ან მოხსნის სიმპტომების რისკი, რომლებიც შეიძლება განსხვავდებოდეს სიმძიმით და ხანგრძლივობით მშობიარობის შემდგომ. დაფიქსირდა აგზნების, ჰიპერტონიის, ჰიპოტონიის, ტრემორის, ძილიანობის, რესპირატორული დისტრესის ან კვების დარღვევის შემთხვევები. შესაბამისად, ახალშობილებში აუცილებელია  ფრთხილი მონიტორინგი.

ძუძუთი კვება

მეძუძურ, ჯანმრთელ ქალებში ჩატარებულ კვლევაში დაფიქსირდა ოლანზაპინის გამოყოფა დედის რძეში. ჩვილის საშუალო ექსპოზიცია (მგ/კგ) წონასწორულ მდგომარეობაში შეფასებული იყო დედის მიერ მიღებული ოლანზაპინის დოზის 1.8%-ით (მგ/კგ). პაციენტებს უნდა მიეცეთ რეკომენდაცია, რომ ჩვილი არ კვებონ ძუძუთი, თუ ისინი იღებენ ოლანზაპინს.

ნაყოფიერება

ნაყოფიერებაზე ზემოქმედება უცნობია.

ურთიერთქმედებები

ურთიერთქმედების კვლევები ჩატარდა მხოლოდ ზრდასრულებში.

პოტენციური ურთიერთქმედებები, რომლებიც გავლენას ახდენს ოლანზაპინზე

ვინაიდან ოლანზაპინი მეტაბოლიზდება CYPIA2-ით, ნივთიერებებმა, რომლებსაც შეუძლიათ ამ იზოფერმენტის სპეციფიურად ინდუცირება ან ინჰიბირება, შეიძლება გავლენა მოახდინონ ოლანზაპინის ფარმაკოკინეტიკაზე.

CYP1A2-ის ინდუქცია

ოლანზაპინის მეტაბოლიზმი შეიძლება გამოწვეული იყოს მოწევით და კარბამაზეპინით, რამაც შეიძლება გამოიწვიოს ოლანზაპინის კონცენტრაციის შემცირება. აღინიშნა ოლანზაპინის კლირენსის მხოლოდ უმნიშვნელო ან ზომიერი ზრდა. კლინიკური შედეგები სავარაუდოდ შეზღუდულია, მაგრამ რეკომენდებულია კლინიკური მონიტორინგი და საჭიროების შემთხვევაში, შეიძლება განიხილებოდეს ოლანზაპინის დოზის გაზრდა.

CYP1A2-ის ინჰიბირება

ნაჩვენებია, რომ ფლუვოქსამინი, სპეციფიკური CYP1A2 ინჰიბიტორი, მნიშვნელოვნად აფერხებს ოლანზაპინის მეტაბოლიზმს. ოლანზაპინის Cmax-ის საშუალო ზრდა ფლუვოქსამინის მიღების შემდეგ იყო 54% არამწეველ ქალებში და 77% მწეველ მამაკაცებში. ოლანზაპინის AUC-ის საშუალო ზრდა იყო 52% და 108% შესაბამისად. ოლანზაპინის უფრო დაბალი საწყისი დოზა უნდა იყოს გათვალისწინებული იმ პაციენტებში, რომლებიც იყენებენ ფლუვოქსამინს ან სხვა CYP1A2 ინჰიბიტორებს, როგორიცაა ციპროფლოქსაცინი. ოლანზაპინის დოზის შემცირება გასათვალისწინებელია CYP1A2-ის ინჰიბიტორებით მკურნალობის დაწყების შემთხვევაში.

ბიოშეღწევადობის შემცირება

გააქტიურებული ნახშირი ამცირებს პერორალური ოლანზაპინის ბიოშეღწევადობას 50-60%-ით და ის მიღებული უნდა იყოს ოლანზაპინის მიღებამდე მინიმუმ 2 საათით ადრე ან მიღებიდან 2 საათის შემდეგ.

აღმოჩნდა, რომ ფლუოქსეტინი (CYP2D6 ინჰიბიტორი), ანტაციდის (ალუმინი, მაგნიუმი) ერთჯერადი დოზები ან ციმეტიდინი არ ახდენს მნიშვნელოვან გავლენას ოლანზაპინის ფარმაკოკინეტიკაზე.

სხვა სამკურნალო საშუალებებზე ოლანზაპინის ზემოქმედების პოტენციალი

ოლანზაპინს შეუძლია დოფამინის პირდაპირი და არაპირდაპირი აგონისტების ეფექტების ანტაგონიზმის გამოწვევა. 

ოლანზაპინი in vitro არ აინჰიბირებს CYP450 ძირითად იზოფერმენტებს (მაგ. 1A2, 2D6, 2C9, 2Cl9, 3A4). ამდენად, არ არის მოსალოდნელი რაიმე განსაკუთრებული ურთიერთქმედება, რაც დადასტურებულია in vivo კვლევებით, რომლის დროსაც არ დაფიქსირებულა შემდეგი აქტიური ნივთიერებების მეტაბოლიზმის დათრგუნვა: ტრიციკლური ანტიდეპრესანტი (წარმოადგენს ძირითადად CYP2D6 გზას), ვარფარინი (CYP2C9), თეოფილინი (CYP1A2) ან დიაზეპამი (CYP3A4 და 2C19).

ოლანზაპინმა არ გამოავლინა ურთიერთქმედება ლითიუმთან ან ბიპერიდენთან ერთად მიღებისას.

ვალპროატის პლაზმური დონის თერაპიულმა მონიტორინგმა არ აჩვენა ვალპროატის დოზის კორექციის საჭიროება ოლანზაპინის იმავდროული მიღების შემდეგ.

ცნს-ის ზოგადი აქტივობა

სიფრთხილეა საჭირო პაციენტებში, რომლებიც მოიხმარენ ალკოჰოლს ან იღებენ მედიკამენტებს, რომლებმაც შეიძლება გამოიწვიონ ცენტრალური ნერვული სისტემის დათრგუნვა.

არ არის რეკომენდებული ოლანზაპინის ერთდროული გამოყენება პარკინსონის საწინააღმდეგო პრეპარატებთან პარკინსონის დაავადებისა და დემენციის მქონე პაციენტებში.

QTc ინტერვალი

სიფრთხილეა აუცილებელი, თუ ოლანზაპინი ერთდროულად გამოიყენება სამკურნალო საშუალებებთან, რომლებიც ცნობილია, რომ ზრდიან QTc ინტერვალს.

ზემოქმედება ავტომობილის მართვისა და მექანიზმებთან მუშაობის უნარზე

არ ჩატარებულა კვლევები ავტომობილის მართვისა და მექანიზმებთან მუშაობის უნარზე ზემოქმედების შესახებ. იმის გამო, რომ ოლანზაპინმა შეიძლება გამოიწვიოს ძილიანობა და თავბრუსხვევა, პაციენტებმა სიფრთხილე უნდა გამოიჩინონ მექანიზმების, მათ შორის სატრანსპორტო საშუალებების მართვასთან დაკავშირებით.

დოზირება და გამოყენების მითითებები

ზრდასრულები

შიზოფრენია: ოლანზაპინის რეკომენდებული საწყისი დოზა არის 10 მგ/დღეში.

მანიის ეპიზოდი: საწყისი დოზა არის 15 მგ, როგორც ერთჯერადი დღიური დოზა მონოთერაპიისას ან 10 მგ დღეში კომბინირებული თერაპიის დროს.

ბიპოლარული აშლილობის დროს რეციდივის პრევენცია: რეკომენდებული საწყისი დოზა არის 10 მგ/დღეში. პაციენტებისთვის, რომლებიც იღებდნენ ოლანზაპინს მანიის ეპიზოდის სამკურნალოდ, რეციდივის თავიდან ასაცილებლად თერაპია უნდა გაგრძელდეს იმავე დოზით. თუ განვითარდა მანიის ახალი, შერეული ან დეპრესიული ეპიზოდი, ოლანზაპინით მკურნალობა უნდა გაგრძელდეს (საჭიროებისამებრ დოზის ოპტიმიზაციით), განწყობის სიმპტომების სამკურნალოდ დამატებითი თერაპიით, კლინიკური ჩვენების მიხედვით.

შიზოფრენიის, მანიის ეპიზოდისა და ბიპოლარული აშლილობის რეციდივის პრევენციის დროს, დღიური დოზა შეიძლება შემდგომში დარეგულირდეს ინდივიდუალური კლინიკური სტატუსის მიხედვით დღეში 5-20 მგ-ს დიაპაზონში. რეკომენდებულ საწყისი დოზაზე ზემოთ დოზის გაზრდა რეკომენდებულია მხოლოდ შესაბამისი ხელახალი კლინიკური შეფასების შემდეგ და ჩვეულებრივ უნდა მოხდეს არანაკლებ 24 საათის ინტერვალით.

ოლანზაპინის მიღება შეიძლება საკვების მიღების გარეშე, რადგან საკვები გავლენას არ ახდენს აბსორბციაზე. ოლანზაპინის მიღების შეწყვეტისას გათვალისწინებული უნდა იყოს დოზის თანდათან შემცირება.

სპეციალური პოპულაციები

ხანდაზმულები

როგორც წესი, უფრო დაბალი საწყისი დოზა (5 მგ/დღეში) ნაჩვენები არ არის, მაგრამ ეს გათვალისწინებული უნდა იყოს 65 და მეტი ასაკის პაციენტებისთვის, როდესაც ამას მოითხოვს კლინიკური ფაქტორები.

თირკმლის და/ან ღვიძლის უკმარისობა

ასეთი პაციენტებისთვის გათვალისწინებული უნდა იყოს უფრო დაბალი საწყისი დოზა (5 მგ). ღვიძლის ზომიერი უკმარისობის შემთხვევაში (ციროზი, ჩაილდ-პიუს კლასი A ან B), საწყისი დოზა უნდა იყოს 5 მგ და გაიზარდოს მხოლოდ სიფრთხილით.

მწეველები

როგორც წესი, საჭირო არ არის საწყისი დოზის და დოზის დიაპაზონის ცვლილება არამწეველებისთვის მწეველებთან შედარებით. ოლანზაპინის მეტაბოლიზმი შეიძლება გამოწვეული იყოს მოწევით. რეკომენდებულია კლინიკური მონიტორინგი და საჭიროების შემთხვევაში, შეიძლება ოლანზაპინის დოზის გაზრდის განხილვა.

როდესაც არსებობს ერთზე მეტი ფაქტორი, რამაც შეიძლება გამოიწვიოს მეტაბოლიზმის შენელება (ქალის სქესი, ხანდაზმული ასაკი, არამწეველის სტატუსი), უნდა განიხილებოდეს საწყისი დოზის შემცირება. ასეთ პაციენტებში დოზის გაზრდა, ჩვენების არსებობისას, უნდა იყოს კონსერვატიული.

პედიატრიული მოსახლეობა

ოლანზაპინის გამოყენება არ არის რეკომენდებული 18 წლამდე ასაკის ბავშვებში და მოზარდებში უსაფრთხოებისა და ეფექტურობის შესახებ მონაცემების ნაკლებობის გამო. მოზარდების მოკლევადიან კვლევებში დაფიქსირდა წონის მატების, ლიპიდების და პროლაქტინის უფრო დიდი ცვლილებები, ვიდრე ზრდასრული პაციენტების კვლევებში.

მიღების გზა

პერორალური

გვერდითი ეფექტები და განსაკუთრებული სიფრთხილის ზომები

ზრდასრულები

კლინიკურ კვლევებში ოლანზაპინის გამოყენებასთან დაკავშირებული გვერდითი რეაქციები ყველაზე ხშირად (გამოვლენილი პაციენტთა >1%-ში) იყო ძილიანობა, წონის მატება, ეოზინოფილია, პროლაქტინის, ქოლესტერინის, გლუკოზის და ტრიგლიცერიდების მომატებული დონეები, გლუკოზურია, მადის მომატება, თავბრუსხვევა, აკათიზია, პარკინსონიზმი, ლეიკოპენია, ნეიტროპენია, დისკინეზია, ორთოსტატული ჰიპოტენზია, ანტიქოლინერგული ეფექტები, ღვიძლის ამინოტრანსფერაზას გარდამავალი ასიმპტომური მატება, გამონაყარი, ასთენია, დაღლილობა, პირექსია, ართრალგია, მაღალი მჟავა-გლუტამილტრანსფერაზა, მაღალი შარდმჟავა, მაღალი კრეატინფოსფოკინაზა და შეშუპება.

გვერდითი რეაქციების ცხრილური ჩამონათვალი

ქვემოთ ცხრილში ჩამოთვლილია არასასურველი რეაქციები და ლაბორატორიული გამოკვლევები, რომლებიც მიღებულია სპონტანური ცნობებიდან და კლინიკური კვლევებიდან. სიხშირის თითოეულ ჯგუფში, გვერდითი რეაქციები წარმოდგენილია სიმძიმის კლების მიხედვით. ჩამოთვლილი სიხშირის ტერმინები განისაზღვრება შემდეგნაირად: ძალიან ხშირი (>1/10), ხშირი (>1/10-დან <1/10-მდე), არახშირი (>1/1,000-დან <1/100-მდე), იშვიათი (>1/10,000-დან <1/1,000-მდე), ძალიან იშვიათი (<1/10,000), უცნობია (არ შეიძლება შეფასდეს არსებული მონაცემებით).

¹ კლინიკურად მნიშვნელოვანი წონის მომატება დაფიქსირდა სხეულის მასის ინდექსის ყველა საბაზისო კატეგორიებში. მოკლევადიანი მკურნალობის შემდეგ (საშუალო ხანგრძლივობა 47 დღე), წონის მომატება საბაზისო წონის >7%-ით იყო ძალიან ხშირი (22.2%); >15%-ით იყო ხშირი (4.2%); და >25%-ით იყო არახშირი (0.8%). პაციენტები, რომლებშიც საბაზისო სხეულის წონის მომატება გრძელვადიანი ექსპოზიციის პირობებში (მინიმუმ 48 კვირა) იყო >7%, >15% და >25% იყო ძალიან ხშირი (64.4%, 31.7% და 12.3% შესაბამისად).

შენახვა

ინახება არაუმეტეს 30°C ტემპერატურაზე.

შეინახეთ სინათლისა და ტენიანობისგან დაცულ ადგილას.

შეინახეთ ბავშვებისთვის მიუწვდომელ ადგილას.

შეფუთვა

ალუ პვქ ბლისტერი 10 ტაბლეტით. 3 ასეთი ფირფიტა შეფუთულია მონო მუყაოს კოლოფში ინსტრუქციის ფურცელთან ერთად.

გაცემის წესი: ფარმაცევტული პროდუქტის ჯგუფი II, გაიცემა ფორმა №3 რეცეპტით.

ვარგისიანობის ვადა

36 თვე წარმოების დღიდან. არ გამოიყენოთ შეფუთვაზე დაბეჭდილი ვარგისიანობის ვადის გასვლის შემდეგ

მწარმოებელი:

RELIANCE FORMULATION PVT LTD

7/2-A, G.I.D.C Estate, Phase-I, Vatva

Ahmedabad, Gujarat, ინდოეთი

წარმოებულია კომპანიისთვის:

Decefrag Pharmaceuticals

Chandkheda,

Ahmedabad-382424, ინდოეთი