დოფამინი დეცე 4% 5მლ#10ა

ან სამედიცინო პროდუქტის გამოყენების ინსტრუქცია

დოპამინი დეცე 40

საერთაშორისო არადაპატენტებული დასახელება: - დოპამინის ჰიდროქლორიდი ინექცია USP 40 მგ

ქიმიური დასახელება: -

4-(2-ამინოეთილ)ბენზოლ-1,2-დიოლი

დოზირების ფორმა: ინექცია ინფუზიით გამოყენებისთვის

შემადგენლობა

ყოველი მლ შეიცავს:

დოფამინის ჰიდროქლორიდი USP ... 40 მგ

საინექციო წყალი USP .... qs

დამხმარე ნივთიერებები

ნატრიუმის მეტაბისულფატი, ლიმონის მჟავა და ნატრიუმის ციტრატი.

აღწერა:

გამჭვირვალე და უფერო ხსნარი შევსებული ქარვისფერ შუშის ამპულაში.

ფარმაკოლოგიური კლასიფიკაცია

ათქ კოდი: C01CA04, ადრენერგული და დოფამინერგული საშუალებები.

ფარმაკოლოგიური მოქმედება

დოფამინი (3,4-დიჰიდროქსიფენილეთილამინი) არის მესამე ბუნებრივი კატექოლამინი და წარმოადგენს ნორადრენალინისა და ადრენალინის მეტაბოლურ წინამორბედს. დოფამინი გამოიყენება თერაპიულად, როგორც ჰიდროქლორიდი და მისი ძირითადი ეფექტები ვლინდება გულ-სისხლძარღვთა სისტემასა და თირკმელებში.

მოქმედების მექანიზმი

გული

დოფამინი ავლენს დადებით ინოტროპულ და ქრონოტროპულ ეფექტებს მიოკარდიუმზე, მოქმედებს რა როგორც აგონისტი ბეტა-ადრნერგულ რეცეპტორებზე. ბეტა-ადრენერგულ რეცეპტორებზე პირდაპირი მოქმედების გარდა, დოფამინი მოქმედებს არაპირდაპირი გზით ნორადრენალინის გამოთავისუფლებით სიმპათიკური შენახვის ადგილებიდან.

სისხლძარღვები

შესწავლილი სისხლძარღვთა კალაპოტისა და შეყვანილი დოზის მიხედვით, დოფამინმა შეიძლება გამოიწვიოს სისხლძარღვთა გლუვი კუნთების მოდუნება ან შეკუმშვა.

ფარმაკოკინეტიკა

დოფამინი არააქტიურია პერორალურად მიღებისას და მისი ვაზოკონსტრიქტორული თვისებები გამორიცხავს მის შეყვანას კანქვეშა ან ინტრამუსკულარული ინექციით. დოფამინის ჰიდროქლორიდი შეჰყავთ ინტრავენური ინფუზიით.

ბიოტრანსფორმაცია და ელიმინაცია

დოფამინი არის ნორადრენალინის მეტაბოლური წინამორბედი და მისი ნაწილი გამოიყოფა ნორადრენალინის მეტაბოლური პროდუქტების სახით.

დოფამინის პლაზმური ნახევარგამოყოფის პერიოდი დაახლოებით ორი წუთია. დოფამინი მეტაბოლიზდება ღვიძლში, თირკმელებში და პლაზმაში მონოამინ ოქსიდაზას (მაო) და კატექოლ-0-მეთილტრანსფერაზას მიერ არააქტიურ ნაერთებად - ჰომოვანილის მჟავა (HY A) და 3,4-დიჰიდროქსიფენილძმარმჟავა, რომლებიც სწრაფად გამოიყოფა შარდით. პაციენტებში, რომლებიც იღებდნენ მაო მაბლოკირებელ საშუალებებს. დოფამინით გამოწვეული თირკმელების და მეზენტერული ვაზოდილატაცია არ არის ანტაგონიზებული არც α და არც β-ადრენერგული მაბლოკირებელი აგენტებით, მაგრამ ცხოველებში ანტაგონიზდება ჰალოპერიდოლით ან სხვა ბუტროფენონებით, ფენოთიაზინებით და ოპიატებით.

iii) მონოამინ ოქსიდაზას ინჰიბიტორები

მაო-ს ინჰიბიტორები აძლიერებენ დოფამინის ეფექტს და მის მოქმედების ხანგრძლივობას. პაციენტებს, რომლებიც მკურნალობდნენ მაო-ს ინჰიბიტორებით დოფამინის მიღებამდე, სჭირდებათ არსებითად შემცირებული დოზა. (საწყისი დოზა უნდა შემცირდეს ჩვეული დოზის მინიმუმ 1/10-მდე).

iv) ფენიტოინი:

ი.ვ. ფენიტოინის შეყვანამ პაციენტებში, რომლებიც იღებდნენ დოფამინს, გამოიწვია ჰიპოტენზია და ბრადიკარდია; ზოგიერთი ექიმის რეკომენდაციით, ფენიტოინი უკიდურესი სიფრთხილით უნდა იყოს გამოყენებული, თუ საერთოდ გამოიყენება, პაციენტებში, რომლებიც იღებენ დოფამინს.

დოფამინმა შეიძლება გაზარდოს დიურეზული საშუალებების მოქმედება.

ერგოტის ალკალოიდების გამოყენება თავიდან უნდა იქნას აცილებული ჭარბი ვაზოკონსტრიქციის შესაძლებლობის გამო.

ტრიციკლურმა ანტიდეპრესანტებმა და გუანეტიდინმა შეიძლება გააძლიერონ პრესორული რეაქცია დოფამინზე.

დოქსაპრამმა შეიძლება გამოიწვიოს ჰიპერტენზია პაციენტებში, რომლებიც იღებენ დოფამინს.

ზემოქმედება ავტომობილის მართვისა და მექანიზმებთან მუშაობის უნარზე

საყურადღებო არ არის გამოყენების ჩვენებებისა და პრეპარატის ხანმოკლე ნახევარგამოყოფის პერიოდის გათვალისწინებით.

დოზირება და გამოყენების შესახებ მითითებები

დოზირება

მოზრდილები

გამოიყენეთ რაც შეიძლება დიდი ვენა ინფუზიისთვის. ინფუზიის საწყისი სიხშირეა 2-დან 5-მდე მიკროგრამი კგ სხეულის წონაზე წუთში და ეს სიჩქარე შეიძლება გაიზარდოს თანდათანობით 5-დან 10 მიკროგრამ/კგ/წთ-მდე, ვიდრე არ მიიღწევა კონკრეტული პაციენტისთვის ოპტიმალური დოზა. შეიძლება საჭირო გახდეს 50-მდე მიკროგრამ/კგ/წთ და კიდევ უფრო მაღალი დოზების გამოყენება.

პედიატრიული მოსახლეობა

ბავშვებში დოფამინის ჰიდროქლორიდის თერაპიის უსაფრთხოება და ეფექტურობა დადგენილი არ არის.

გამოყენების მეთოდი

ინტრავენური გამოყენებისთვის

მიღებამდე ხსნარი უნდა გაზავდეს.

პრეპარატის შეყვანამდე გაზავების შესახებ ინსტრუქციებისთვის იხილეთ ნაწილი 6.6.

საინფუზიო სისტემაში საჭიროა შესაბამისი აღრიცხვის მოწყობილობა ნაკადის სიჩქარის კონტროლისთვის და მისი დარეგულირება უნდა მოხდეს პაციენტის ოპტიმალური პასუხის მიხედვით და მუდმივად უნდა გაკონტროლდეს ინდივიდუალური პაციენტის პასუხის გათვალისწინებით.

გვერდითი ეფექტები და განსაკუთრებული სიფრთხილის ზომები

დოფამინზე გვერდითი რეაქციები დაკავშირებულია მის ფარმაკოლოგიურ მოქმედებასთან.

შემდეგი გვერდითი რეაქციები კლასიფიცირებულია სისტემის ორგანოთა კლასის მიხედვით შემდეგნაირად: ხშირი (>1/100-დან <1/10-მდე); იშვიათი (>1/1,000-დან <1/100-მდე).

სერიოზული ან სიცოცხლისათვის საშიში რეაქციები:

ფეხის განგრენა განვითარდა 10-14 მიკროგრამი/კგ/წთ და უფრო მაღალი დოზების შემდეგ რამდენიმე პაციენტში მანამდე არსებული სისხლძარღვთა დაავადებით.

შენახვა

შეინახეთ გრილ, მშრალ და ბნელ ადგილას.

შეინახეთ ტენიანობისგან დაცულ ადგილას.

შეინახეთ ბავშვებისთვის მიუწვდომელ ადგილას.

შეფუთვა

10 ქარვისფერი მინის ამპულა შეფუთულია პლასტმასის სადებში და მოთავსებულია მუყაოს კოლოფში ინსტრუქციის ფურცელთან ერთად.

ვარგისიანობის ვადა

24 თვე წარმოების დღიდან. არ გამოიყენოთ შეფუთვაზე დაბეჭდილი ვარგისიანობის ვადის გასვლის შემდეგ.

ბოლო შესწორება: დეკემბერი 22

გაცემის რეჟიმი:

ფარმაცევტული პროდუქტის ჯგუფი - II ჯგუფი, გაიცემა ფორმა №3 რეცეპტით

მწარმოებელი:

Jackson Laboratories Pvt Ltd

Himachal Pradesh, ინდოეთი

წარმოებულია კომპანიისთვის:

Decefrag Pharrnaceuticals

Chandkheda,

Ahmedabad-382424, ინდოეთი