ბიემექსოლი 350მგ/მლ 100მლ ფლ

ბიემექსოლი 350 მგ / მლ საინექციო ხსნარი

ორგანიზმში შეიყვანება ღრუებში, ინტრაარტერიულად და ინტრავენურად

სტერილური

შემადგენლობა

აქტიური ნივთიერება: 1 ფლაკონი შეიცავს 350 მგ იოდს, რაც 755 მგ იოჰექსოლის ეკვივალენტურია.

დამხმარე ნივთიერებები:ტრომეტამოლი, კალციუმის ორნატრიუმიანი EDTA მონოჰიდრატი, მარილმჟავა, ნატრიუმის ჰიდროქსიდი და წყალი.

1. ბიემექსოლი და მისი გამოყენება

ბიემექსოლი 350 წარმოდგენილია 50 მლ, 100 მლ და 200 მლ მოცულობის, უფერო, I ტიპის შუშის ფლაკონში ბრომობუტილის საცობით და მუქი ლურჯი ფერის მოსახევი თავსახურით.

ბიემექსოლი შეიცავს აქტიურ ნივთიერებას იოჰექსოლს. ეს პრეპარატი განკუთვნილია მხოლოდ დიაგნოსტიკური მიზნებისათვის. ის გამოიყენება დაავადების დასადგენად და არ არის დაკავშირებული მკურნალობასთან.

ბიემექსოლი წარმოადგენს „საკონტრასტო ნივთიერებას“. მისი მიცემა ხდება რენტგენოლოგიურ გამოკვლევამდე, რაც ეხმარება ექიმს უფრო ნათლად დაინახოს გამოსახულება.

• ინექციის შემდეგ, ეხმარება ექიმს გაარჩიოს ნორმალური თუ პათოლოგიური გამოსახულება და ორგანიზმში ზოგიერთი ორგანოს ფორმა.
• მისი გამოყენება შეიძლება საშარდე სისტემის, ხერხემლის ან სისხლძარღვების (გულის სისხლძარღვების ჩათვლით) რენტგენის სხივებისათვის.
• პრეპარატის გამოყენება შეიძლება თავის ან სხეულის კომპიუტერული ტომოგრაფიის წინ ან მის დროს (ასევე ეწოდება CAT სკანირება). სკანირების ეს ტიპი იყენებს X-სხივებს.
• მისი გამოყენება ასევე შეიძლება სანერწყვე ჯირკვლების, კუჭისა და ნაწლავების, ან ღრუ ორგანოების დასათვალიერებლად, როგორიცაა სახსრები, საშვილოსნო და საშვილოსნოს მილები. 

2. ბიემექსოლის გამოყენებამდე გასათვალისწინებელი ინფორმაცია

არ გამოიყენოთ ბიემექსოლი:

• თუ ანამნეზში ფიქსირდება ალერგიული რეაქციები ბიემექსოლის მსგავსი მედიკამენტის (ე.წ. „საკონტრასტო ნივთიერება“) მიღების შემდეგ,
• თუ გაწუხებთ ფარისებრი ჯირკვლის მძიმე დარღვევები,
• თუ ხართ ალერგიული (ჰიპერმგრძნობიარე) იოჰექსოლის ან ბიემექსოლში შემავალი ნებისმიერი სხვა ინგრედიენტის მიმართ.

გამოიჩინეთ განსაკუთრებული სიფრთხილე ბიემექსოლის გამოყენებისას, თუ:

• გაწუხებთ ფარისებრი ჯირკვლის დარღვევები,
• ოდესმე გქონდათ ნებისმიერი სახის ალერგია,
• გაქვთ ასთმა,
• გაქვთ დიაბეტი,
• გაქვთ თავის ტვინის ნებისმიერი დაავადება ან სიმსივნე,
• გაქვთ ან ოდესმე გქონდათ გულის მძიმე დაავადება (გულის ან სისხლძარღვების ჩათვლით) არარეგულარული გულისცემის (არითმიების) ჩათვლით,
• გაქვთ თირკმლის დარღვევები ან ღვიძლისა და თირკმლის დარღვევები ერთად,
• გაქვთ დაავადება „მიასთენია“ (მდგომარეობა, რომელიც იწვევს კუნთების ძლიერ სისუსტეს),
• გაქვთ ფეოქრომოციტომა (მუდმივი ან მაღალი არტერიული წნევის შეტევები, თირკმელზედა ჯირკვლის იშვიათი სიმსივნით გამოწვეული),
• გაქვთ სისხლის ან ძვლის ტვინის დარღვევები,
• ოდესმე იყავით ალკოჰოლ- ან ნარკოდამოკიდებული,
• გაქვთ ეპილეფსია,
• შემდეგ კვირებში უნდა ჩატარდეს ფარისებრი ჯირკვლის ფუნქციური სინჯები,
• გაქვთ პულმონალური ჰიპერტენზია (მაღალი არტერიული წნევა ფილტვებში),
• გაქვთ პარაპროტეინემია (სისხლშიცილის პათოლოგიური  ჭარბი რაოდენობა),
• ერთიდაიგივე დღეს უნდა აიღოთ სისხლის ან შარდის ნიმუშები.

თუ არ ხართ დარწმუნებული, რომ ზემოთ აღნიშნული დაკავშირებულია თქვენთან, ბიემექსოლის მიღებამდე გაესაუბრეთ ექიმს.

დარწმუნდით, რომ ბიემექსოლის გამოყენებამდე და მას შემდეგ მიიღეთ ჭარბი რაოდენობით სითხე. ეს განსაკუთრებით ეხება მრავლობითი მეილომის (სისხლის თეთრი უჯრედების დაავადება), დიაბეტისა და თირკმლის დაავადებების მქონე პაციენტებს, პაციენტებს ცუდი ზოგადი მდგომარეობით, ბავშვებსა და ხანდაზმულ პაციენტებს.

ბავშვები და მოზარდები

დარწმუნდით, რომ ბიემექსოლის გამოყენებამდე და მას შემდეგ მიიღეთ ჭარბი რაოდენობით სითხე. ეს განსაკუთრებით მნიშვნელოვანია ჩვილებისა და პატარა ბავშვებისათვის. ბიემექსოლთან ერთად არ შეიძლება ისეთი პრეპარატების მიღება, რომლებსაც შეუძლიათ თირკმლების დაზიანება. იმ შემთხვევაში, თუ ორსულობის დროს დედას მიღებული აქვს ბიემექსოლი, ახალშობილებში სიცოცხლის პირველი კვირის განმავლობაში უნდა შემოწმდეს ფარისებრი ჯირკვლის ფუნქცია. ბიემექსოლის ჩვილის ორგანიზმიდან გამოდევნა უფრო ნელა ხდება, ვიდრე მოზრდილში.

ჩვილები (1 წელზე ნაკლები ასაკის) და განსაკუთრებით ახალშობილები გარკვეული ლაბორატორიული სინჯების და სისხლის ცირკულაციის ცვლილებებისადმი (გულისკენა სისხლის დინება) მგრძნობიარენი არის (მარილისა და მინერალების ბალანსი).

თუ ეს გაფრთხილებები მიესადაგება თქვენს მდგომარეობას ახლა ან წარსულში, გთხოვთ დაუკავშირდით ექიმს.

ბიემექსოლის გამოყენება საკვებთან და სასმელთან ერთად

ცნობილი ზეგავლენა არ აღინიშნება.

ორსულობა

პრეპარატის მიღემადე, გთხოვთ მიმართ ექიმს ან ფარმაცევტს კონსულტაციისათვის.

ექიმს უნდა შეატყობინოთ, თუ ხართ ორსულად ან გაქვთ ეჭვი ორსულობაზე. ექიმი ამ პრეპარატს გამოიყენებს მხოლოდ იმ შემთხვევაში, თუ სარგებელი აღემატება რისკებს როგორც დედისათვის, ასევე ბავშვისათვის.

ორსულობის დროს უნდა მოერიდოთ რადიაციას. თუ ხართ ორსულად, ექიმი გადაწყვეტს, ჩაატაროს, თუ არა ეს გამოკვლევა მხოლოდ რისკი/სარგებლის შეფასების შემდეგ.

თუ მკურნალობის დროს დადგინდა ორსულობა, დაუყოვნებლივ მიმართეთ ექიმს ან ფარმაცევტს კონსულტაციისათვის.

ლაქტაცია 

ამ პრეპარატის გამოყენებამდე, მიმართეთ ექიმს ან ფარმაცევტს კონსულტაციისათვის.

ბიემექსოლით გამოკვლევის შემდეგ, ჩვეულებრივ შეიძლება ძუძუთი კვების გაგრძელება.

ავტომობილის მართვა და მექანიზმებთან მუშაობა

ბიემექსოლის ბოლო ინექციიდან არ შეიძლება ავტომობილის მართვა ან მექანიზმებთან მუშაობა:

• 24 საათის განმავლობაში, თუ ხერხემალში გაკეთდა, ან
• 1 საათის განმავლობაში, ყველა სხვა შემთხვევაში.

ვინაიდან პრეპარატის გამოყენების შემდეგ შეიძლება იგრძნოთ თავბრუსხვევა ან რეაქციის სხვა ნიშნები.

მნიშვნელოვანი ინფორმაცია ბიემექსოლის დამხმარე ნივთიერებების შესახებ:

ბიემექსოლის 1 დოზა შეიცავს 1 მმოლ-ზე ნაკლებ ნატრიუმს (23 მგ). ასე რომ შეიძლება ჩაითვალოს, რომ პრეპარატი არ შეიცავს ნატრიუმს.

სხვა მედიკამენტები და ბიემექსოლი

გთხოვთ აცნობოთ ექიმს, თუ გაქვთ დიაბეტი და იღებთ მეტფორმინის შემცველ ნებისმიერ მედიკამენტს. გთხოვთ, აცნობოთ ექიმს, თუ ღებულობთ, მიღებული გაქვთ ან შეიძლება მიიღოთ ნებისმიერი სხვა მედიკამენტი, ურეცეპტოდ გაცემული მედიკამენტების ჩათვლით ან თუ ღებულობთ ბეტა-ბლოკატორებს (მაღალი არტერიული წნევის სამკურნალო მედიკამენტები) ან ახლო წარსულში იმკურნალეთ ინტერლეიკინი-2-ით.  ზოგიერთმა მედიკამენტმა შეიძლება იმოქმედოს ბიემექსოლის მუშაობაზე.

თუ მიღებული გაქვთ რეცეპტით ან ურეცეპტოდ გაცემული მედიკამენტი ეხლა ან წარსულში, გთხოვთ, მიწოდოთ ინფორმაცია მკურნალ ექიმს ან ფარმაცევტს აღნიშნული პრეპარატის შესახებ.

3. ბიემექსოლი მიღების წესი

ბიემექსოლის გამოყენება უნდა მოხდეს სპეციალურად მომზადებული და კვალიფიციური პირის მიერ.

• ბიემექსოლი ყოველთვის გამოიყენება საავადმყოფოსა თუ კლინიკაში.
• მედპერსონალი გასცემს  უსაფრთხო გამოყენებისთვის ინფორმაციას.

გამოყენების ინსტრუქცია და დოზირების/შეყვანის სიხშირე

ექიმი გადაწყვეტს, თუ როგორი დოზა არის პაციენტისთვის საუკეთესო. ჩვეულებრივ კეტდება ერთჯერადი ინექცია ან შეიძლება მისი გადაყლაპვა.

ბიემექსოლის მიღების შემდეგ

საჭიროა:

• მიიღოთ დიდი რაოდეობით სითხე (ორგანიზმიდან მედიკამენტის გამოსარეცხად),
• დაახლოებით 30 წუთის განმავლობაში დარჩით იქ ან ახლომახლო, სადაც სკანირება ან რენტგენოლოგიური კვლევა ჩატარდა,
• დარჩეთ კლინიკაში ან საავადმყოფოში ერთი საათის განმავლობაში. თუმცა, შეიძლება გამოვლინდეს დაყოვნებული რეაქციები.

თუ ამ დროის განმავლობაში გამოვლინდა ნებისმიერი გვერდითი მოვლენა, აცნობეთ ამის შესახებ მკურნალ ექიმს (იხ. პუნქტი 4 „შესაძლო გვერდითი მოვლენები“).

ზემოთ აღნიშნული რჩევა ეხება ყველა პაციენტს, ვინც ბიემექსოლი მიიღო. თუ არ ხართ დარწმუნებული ზემოთ აღნიშნულთან დაკავშირებით, მიმართეთ ექიმს.

მიღების წესი და მეთოდი

ბიემექსოლის მიცემა შეიძლება სხვადასხვა გზით, რაც ქვემოთ არის აღწერილი.

ინექცია არტერიაში ან ვენაში

ბიემექსოლის შეყვანა ყველაზე ხშირად ხდება მკლავის ვენაში ან ფეხის ვენაში. ზოგჯერ მისი შეყვანა ხდება თხელი პლასტმასის ზონდით (კათეტერი), ჩადგმული არტერიაში ან საზარდულში.

ინექცია ხერხემალში

ბიემექსოლი შეჰყავთ ზურგის ტვინის მიმდებარე სივრცეში  ზურგის არხის სანახავად. თუ ამის შემდეგ შეიყვანენ ბიემექსოლს ხერხემალში, აუცილებელია ქვემოთ მოცემული რჩევების დაცვა:

• დაისვენეთ, დაიჭირეთ თავი და სხეული ვერტიკალურ მდგომარეობაში ერთი საათის განმავლობაში, ან ექვსი საათის განმავლობაში, თუ საწოლში ხართ,
• ფრთხილად იარეთ და ეცადეთ ექვსი საათის განმავლობაში არ დაიხაროთ,
• არ დარჩეთ სრულიად მარტო ბიემექსოლის მიღებიდან პირველი 24 საათის განმავლობაში, თუ ხართ ამბულატორიული პაციენტი და ოდესმე გქონიათ გულყრები.

ზემოაღნიშნული რჩევები გამოიყენება მხოლოდ იმ შემთხვევაში, თუ ბიემექსოლი გაკეთდა ხერხემალში. თუ არ ხართ დარწმუნებული რომელიმე ზემოთ აღწერილში, მიმართეთ ექიმს.

შეყვანა ორგანოთა ღრუებში ან სახსრებში

ორგანოთა ღრუები შეიძლება იყოს სახსრები, საშვილოსნო და კვერცხსავალი მილები.

პერორალურად გამოყენება

საყლაპავის, კუჭისა და წვრილი ნაწლავის გამოკვლევისათვის, ბიემექსოლი ჩვეულებრივ მიიღება პერორალურად. აღნიშნული კვლევებისათვის ბიემექსოლი შეიძლება განზავდეს წყალში.

თუ ფიქრობთ, რომ ბიემექსოლის ეფექტი ძალიან მაღალი ან ძალიან დაბალია, გთხოვთ მიმართოთ მკურნალ ექიმს ან ფარმაცევტს კონსულტაციისათვის.

თუ მიიღეთ საჭიროზე მეტი ბიემექსოლი

ბიემექსოლის შეყვანა ხდება მედმუშაკის მიერ საავადმყოფოში.

ჭარბი დოზირების შემთხვევაში, ექიმი მოაწესრიგებს წყლისა და ელექტროლიტების დისბალანსს და გამოიყენებს სხვა თერაპიას.

ამ პრეპარატისათვის ანტიდოტი არ არსებობს. 

თუ დაგავიწყდათ ბიემექსოლის გამოყენება

ბიემექსოლის შეყვანა ხდება ექიმის კონტროლის ქვეშ.

არ მიიღოთ ორმაგი დოზა გამოტოვებული დოზის კომპენსაციის მიზნით.

მოვლენები, რომლებიც ვლინდება ბიემექსოლით მკურნალობის შეწყვეტისას

თუ ბიემექსოლის შეყვანის შემდეგ, რაიმე პრობლემას შენიშნავთ, გთხოვთ აცნობოთ ამის შესახებ მკურნალ ექიმს.

4. ბიემექსოლის შესაძლო გვერდითი მოვლენები

ყველა მედიკამენტის მსგავსად, ბიემექსოლმა შეიძლება გამოიწვიოს გვერდითი მოვლენები, თუმცა არა ყველა პაციენტში.

ალერგიული რეაქციები

თუ საავადმყოფოში ან კლინიკაში ყოფნის დროს გამოგივლინდათ ალერგიული რეაქციები, დაუყოვნებლივ აცნობეთ ამის შესახებ ექიმს. ეს ნიშნები შეიძლება მოიცავდეს:

• ხიხინი, სუნთქვის გაძნელება ან მოჭერის ან ტკივილის შეგრძნება თქვენს გულმკერდში,
• კანზე გამონაყარი, კვანძები, ქავილიანი ლაქები, ბუშტუკები კანზე და პირში ან სხვა ალერგიული სიმპტომები,
• სახის შეშუპება,
• თავბრუსხვევა ან სისუსტის შეგრძნება (დაბალი წნევით გამოწვეული).

ზემოთ აღწერილი გვერდითი მოვლენები შეიძლება გამოვლინდეს ბიმექსოლის მიღებიდან რამდენიმე საათში ან დღეში. თუ აღნიშნული გვერდითი მოვლენებიდან, რომელიმე გამოვლინდება საავადმყოფოს ან კლინიკის დატოვების შემდეგ, დაუყოვნებლივ მიმართეთ უახლოესი საავადმყოფოს გადაუდებელი დახმარების განყოფილებას.

ბიემექსოლის გამოყენებისას ხშირია შარდის რაოდენობის ხანმოკლე შემცირება, რაც გამოწვეულია თირკმლის ფუნქციით დაქვეითებით. ამან შეიძლება გამოიწვიოს თირკმლის დაზიანება.

სხვა გვერდითი მოვლენები, რომლებიც შეიძლება გამოვლინდეს, მოცემულია ქვემოთ; ეს დამოკიდებულია, თუ როგორ ან რატომ იყო ბიემექსოლი გამოყენებული. მიმართეთ ექიმს, თუ არ ხართ დარწმუნებული, თუ როგორ იყო შეყვანილი ბიემექსოლი.

ზოგადი

(ეხება ბიემექსოლის ყველა გამოყენებას)

ხშირი: (≥1/100 - <1/10)

• სიმხურვალის შეგრძნება.

არახშირი: (≥1/1,000 - <1/100)

• გულისრევის შეგრძნება.

იშვიათი: (≥1/10,000 - <1/1,000)

• ალერგიული (ჰიპერმგრძნობელობის) რეაქციები,
• შენელებული გულისცემა,
• თავის ტკივილი, ღებინება, ცხელება.

ძალიან იშვიათი: (<1/10,000)

• გემოს შეგრძნების მყისიერი ცვლილება,
• მაღალი ან დაბალი არტერიული წნევა, შემცივნება,
• ფაღარათი, ტკივილი კუჭის გარშემო.

უცნობი: არსებული მონაცემებით სიხშირის შეფასება შეუძლებელია.

• ალერგიული რეაქცია, მძიმე ალერგიული რეაქციების ჩათვლით, რაც იწვევს შოკს და კოლაფსს, იხ. „ალერგიული რეაქციები“ სხვა ნიშნებისათვის,
• იოდიზმი (იოდის ჭარბი რაოდენობა ორგანიზმში), რაც იწვევს სანერწყვე ჯირკვლების შეშუპებას და მგრძნობელობას (ტკივილს).

არტერიაში ან ვენაში ინექციის შემდეგ

არახშირი: (≥1/1,000 - <1/100)

• ტკივილი და დისკომფორტი.

იშვიათი: (≥1/10,000 - <1/1,000)

• თავბრუ,
• ფაღარათი,
• არარეგულარული გულისცემა, აჩქარებული გულის რითმის ჩათვლით,
• თირკმლის დარღვევები,
• ხველა, ცხელება, ზოგადი დისკომფორტი.

ძალიან იშვიათი: (<1/10,000)

• გულყრები, ცნობიერების დაბინდვა, გრძნობათა ორგანოების დარღვევა (მაგ. შეხების), კანკალი,
• ალები,
• სუნთქვის გაძნელება (მაგ. სუნთქვის სერიოზული გაძნელება ფილტვებში სითხის არსებობის გამო),
• თავის ტვინის ხანმოკლე დაავადება (ენცეფალოპათია), მეხსიერების ხანმოკლე დაკარგვის, კომის, თავბრუს და მოგონებების დავიწყების ჩათვლით,
• სტუპორი („ძილიანი მდგომარეობა“),
• მიოკარდიუმის ინფარქტი.

უცნობი: არსებული მონაცემებით სიხშირის შეფასება შეუძლებელია.

• გონების დაბინდვა, დეზორიენტაცია,
• ჰიპერაქტიური ფარისებრი ჯირკვალი (თირეოტოქსიკოზი), ხანმოკლე ჰიპოაქტიური ფარისებრი ჯირკვალი (ტრანზიტორული ჰიპოთირეოზი),
• გარკვეული დროის განმავლობაში გადაადგილების გაძნელება,
• მეხსიერების ხანმოკლე დაკარგვა,
• ხანმოკლე სიბრმავე (რამდენიმე საათი ან დღე), სმენის ხანმოკლე დაკარგვა,
• ტკივილი გულმკერდში, გულის დარღვევები, გულის უკმარისობის ჩათვლით, მოჭერის შეგრძნება გულმკერდში ან გაძნელებული სუნთქვა, პანკრეასის (ორგანო, კუჭის უკან) ანთების გაუარესება,
• ვენების ტკივილი და შეშუპება, სისხლის თრომბი (თრომბოზი),
• სახსრების ტკივილი, ინექციის უბნის რეაქცია, წელის ტკივილი,
• კანის მძიმე რეაქციები,
• ფსორიაზის გამწვავება,
• მეტყველების დარღვევა აფაზიის ჩათვლით, დიზართრია (სიტყვების წარმოთქმის გაძნელება),
• კომა,
• რეტროგრადული ანამნეზი (მეხსიერების დაკარგვა),
• ასთმის შეტევა.

ხერხემალში ინექციის შემდეგ

ძალიან ხშირი (≥1/10)

• თავის ტკივილი (შეიძლება იყოს მძიმე და ხანგრძლივი).

ხშირი: (≥1/100 - <1/10)

• გულისრევის შეგრძნება, ღებინება.

არახშირი: (≥1/1,000 - <1/100)

• თავის ტვინისა და ზურგის ტვინის გარსების ანთება (შეიძლება გამოვლინდეს ღებინებით, მაღალი ცხელებით, თავის ტკივილით, ფსიქიკური დარღვევებით).

იშვიათი: (≥1/10,000 - <1/1,000)

• გულყრები, თავბრუ, ტკივილი ხელებსა და ფეხებშ, კისრის ტკივილი, წელის ტკივილი.

უცნობი: არსებული მონაცემებით სიხშირის შეფასება შეუძლებელია

• თავის ტვინის პათოლოგიური ელექტრული აქტივობა ელექტროენცეფალოგრაფიაზე,
• ნათელი შუქის აუტანლობა, კისრის რიგიდობა,
• გარკვეული პერიოდის განმავლობაში მოძრაობის გაძნელება, დაბნეულობა,
• გრძნობების დარღვევა (როგორიცაა შეხება), ხანმოკლე სიბრმავე (საათიდან რამდენიმე დღემდე),  სმენის ხანმოკლე დაკარგვა,
• ჩხვლეტის შეგრძნებები, კუნთების სპაზმები, ინექციის უბნის რეაქცია,
• თავის ტვინის ხანომკლე დარღვევა (ენცეფალოპათია) მეხსიერების ხანმოკლე დაკარგვის, კომის, სტუპორის (ძილიანობა) და რეტროგრადული ამნეზიის (მეხსიერების დაკარგვა) ჩათვლით,
• მეტყველების დარღვევა აფაზიის (მეტყველების უუნარობა), დიზართრიის (სიტყვების წარმოთქმის გაძნელების) ჩათვლით.

სხეულის ღრუში გამოყენების შემდეგ

(როგორიცაა საშვილოსნო და კვერცხსავალი მილები, შარდის ბუშტი, კუჭუკანა ჯირკვალი ან თიაქარი)

ძალიან ხშირი (≥1/10)

• ტკივილი კუჭის გარშემო.

ხშირი: (≥1/100 - <1/10)

• კუჭუკანა ჯირკვალის ანთება (პანკრეატიტი) (შეიძლება გამოვლინდეს ტკივილით კუჭში, გულისრევით, ღებინებით).
• გამოკვლევით გამოვლენილი პანკრეასის მიერ წარმოქმნილი ნივთიერების არანორმალური რაოდენობა.

უცნობი: არსებული მონაცემებით სიხშირის შეფასება შეუძლებელია

• ტკივილი.

სახსრებში ინექციის შემდეგ

ძალიან ხშირი (≥1/10)

• ტკივილი ინექციის ადგილზე.

უცნობი: არსებული მონაცემებით სიხშირის შეფასება შეუძლებელია

• სახსრების ანთება.

პერორალურად მიღების შემდეგ:

ძალიან ხშირი (≥1/10)

• ფაღარათი.

ხშირი: (≥1/100 - <1/10)

• გულისრევა, ღებინება.

არახშირი: (≥1/1,000 - <1/100)

• ტკივილის კუჭის გარშემო.

დამატებითი გვერდითი მოვლენები ბავშვებსა და მოზარდებში

ფარისებრი ჯირკვლის ფუნქციის ხანმოკლე დარღვევა, რომელიც მოგვიანებით უბრუნდება ნორმალურ მდგომარეობას (გარდამავალი ჰიპოთირეოზი) დაფიქსირდა დღენაკლულ ახალშობილებში, ახალშობილებში და სხვა ბავშვებში ბიემექსოლის მიღების შემდეგ. ჩვეულებრივ, სიმპტომები არ ჩანს. დღენაკლული ჩვილები განსაკუთრებით მგრძნობიარენი არიან იოდის ეფექტის მიმართ. ფარისებრი ჯირკვლის ფუნქციის ხანმოკლე ანომალია, რომელიც მოგვიანებით უბრუნდება ნორმალურ მდგომარეობას (გარდამავალი ჰიპოთირეოზი) დაფიქსირდა ნაადრევად ძუძუთი კვებაზე მყოფ ახალშობილში. მეძუძურ დედას მრავალჯერ აძლევდნენ ბიემექსოლს.

თუ თქვენ გაქვთ რაიმე გვერდითი მოვლენა, მიმართეთ ექიმს. ეს მოიცავს ნებისმიერ შესაძლო გვერდით მოვლენას, რომელიც არ არის აღწერილი ამ ინსტრუქციაში.

გვერდითი მოვლენების შეტყობინება

თუ გამოვლინდა რაიმე გვერდითი მოვლენა, რომელიც აღწერილია ან არ არის აღწერილი ამ ინსტრუქციაში, მიმართეთ ექიმს, ფარმაცევტს ან მედდას.

5. ბიემექსოლის შენახვის პირობები

შეინახეთ ბავშვებისთვის მიუწვდომელ ადგილას თავის შეფუთვაში.

ყველა პარენტერალური პროდუქტის მსგავსად, გამოყენებამდე ბიემექსოლი უნდა შემოწმდეს ვიზუალურად ნაწილაკების, გაუფერულების და კონტეინერის მთლიანობაზე.

არ გამოიყენოთ ბიემექსოლი ვადის გასვლის შემდეგ (Exp:), რომელიც მითითებულია ეტიკეტზე. ვარგისობის ვადა აღნიშნავს აღნიშნული თვის ბოლო დღეს. ინახება არა უმეტეს 25°C ტემპერატურაზე. შეინახეთ კონტეინერი მუყაოს კოლოფში. დაიცავით სინათლისგან. დაიცავით რენტგენის მეორადი სხივებისაგან.

ეს სამკურნალო პროდუქტი არის მხოლოდ ერთჯერადი გამოყენებისთვის. გახსნის შემდეგ გამოიყენეთ დაუყოვნებლივ. გადააგდეთ დარჩენილი შიგთავსი

არ გადააგდოთ წამალი კანალიზაციაში ან საყოფაცხოვრებო ნაგავში. გარემოს დასაცავად ჰკითხეთ თქვენს ფარმაცევტს, როგორ გადააგდოთ წამლები, რომლებსაც აღარ იყენებთ.

არ შეიძლება ვადაგასული ან გამოუყენებელი მედიკამენტების გადაგდება საყოფაცხოვრებო ნაგავში! ჩააბარეთ ისინი გარემოს დაცვისა და ურბანიზაციის სამინისტროს მიერ შექმნილ შემგროვებელ სისტემაში.

გაცემის წესი

ფარმაცევტული პროდუქტის ჯგუფი II, გაიცემა ფორმა №3 რეცეპტით, გამოიყენება სამედიცინო დაწესებულებებში.

სავაჭრო ნებართვის მფლობელი

Biem İlaç San. ve Tic. A.Ş.

Anittepe Mah. Turgut Reis Cad. No: 21

ტანდოგანი/ჩანკაია – ანკარა.

მწარმოებელი ქარხანა:

İdol İlaç Dolum San. ve. Tic. A.Ş.

Davutpaşa Cad. Cebealibey Sok. No: 20

Zeytinburnu /სტამბული.