ერიბენზი 100მგ/გ 20გ(A+B ტუბ)გელი

ბენზოილ პეროქსიდი + ერითრომიცინი

გელი (5+3) % მ/მ

1.         ფარმაცევტული პროდუქტის მახასიათებლები

1.1       სავაჭრო დასახელება: ერიბენზი

1.2       შემადგენლობა: აქტიური ინგრედიენტები: ბენზოილ პეროქსიდი და  ერითრომიცინი.

დამხმარე ნივთიერებები: ბუთილჰიდროქსიანიზოლი, ჰიპროლოზა, მეთილ სალიცილატი, ნატრიუმის ჰიდროქსიდი და/ან ლიმონმჟავა, ლიმონის არომატული ზეთი, ეთანოლი, გასუფთავებული წყალი.

1.3       ფარმაცევტული ფორმა: გელი

1.4       აქტიური ინგრედიენტის ძალა:ბენზოილ პეროქსიდი 5% მ/მ და  ერითრომიცინი 3% მ/მ.

1.5       აღწერილობა – შეფუთვა: ბენზოილ პეროქსიდი გელი და ერითრომიცინი გელი მოთავსებულია შიდა ეპოქსიფენოლური ლაქის ფენის მქონე ალუმინის ტუბებში, რომლებიც დახურულია თეთრი ფერის, ხრახნიანი მსპე ან მსპპ თავსახურებით. თითოეული ტუბი შეიცავს 12.5გ ან 20გ ბენზოილ პეროქსიდის გელს ან 12.5გ ან 20გ ერითრომიცინის გელს. ინფორმაცია პროდუქტის და სერიის მახასიათებლების შესახებ იბეჭდება ტუბის გარედან. თითოეული კოლოფი შეიცავს ორ ტუბს, ცარიელ პლასტმასის ქილას პრეპარატების კომპონენტების შერევისთვის, პლასტმასის ნიჩაბს და ფურცელ–ჩანართს.

1.6       ფარმაკოთერაპიული კატეგორია: ვულგარული აკნეს ადგილობრივი მკურნალობა.

1.7       მწარმოებელი: Help S.A.

2.         რა უნდა იცოდეთ პრეპარატის შესახებ, რომელიც გამოგიწერათ ექიმმა

ამ ფურცელ–ჩანართში მოცემული ინფორმაცია ეხება მხოლოდ თქვენი ექიმის მიერ დანიშნულ კონკრეტულ პრეპარატს. გთხოვთ ყურადღებით გაეცნოთ მას. თქვენ მიიღებთ მნიშვნელოვან ინფორმაციას, თუმცა შესაძლოა ყველაფერი არ იყოს ახსნილი. თუ თქვენ გაქვთ რაიმე შეკითხვა, ან თუ არ ხართ დარწმუნებული რაიმეში, მიმართეთ თქვენს ექიმს ან ფარმაცევტს

2.1       ზოგადი ინფორმაცია: გელი შეიცავს მიკრობულ აგენტს მსუბუქი კერატოლიზური თვისებებით,ასევე ანტიბიოტიკური ეფექტებით და ანტისებორეული თვისებებით. გარდა ამისა, ერითრომიცინის მოქმედებითგელი აფერხებს ლიპაზის გამომუშავებას და ხელს უწყობს კომედონების რაოდენობის შემცირებას (ასევე ანტიბაქტერიულ თვისებებს) ბენზოილ პეროქსიდის მოქმედების შედეგად.

2.2       ჩვენებები: გელი ნაჩვენებია ვულგარული აკნეს ადგილობრივი მკურნალობისთვის.

2.3       უკუჩვენებები: პრეპარატის გამოყენება უკუნაჩვენებია პაციენტებში, რომლებსაც აქვთ ჰიპერმგრძნობელობა ბენზოილ პეროქსიდის, ერითრომიცინის ან ამ პრეპარატის ნებისმიერი სხვა შემადგენელი კომპონენტის მიმართ.

2.4       განსაკუთრებული გაფრთხილებები და უსაფრთხოების ზომები გამოყენებისას: პროდუქტი განკუთვნილია მხოლოდ ადგილობრივი, გარეგანი გამოყენებისთვის. არ დაუშვათ პრეპარატის მოხვედრა თვალების, ცხვირის, პირის ღრუს და სხვა ლორწოვან გარსებზე. ქერათმიანმა ინდივიდებმა და აქერცლილი კანის მქონე პაციენტებმა მკურნალობა უნდა დაიწყონ პრეპარატის დღეში ერთხელ გამოყენებით, მაგალითად ძილის წინ, რაც ხელს შეუწყობს პრეპარატის შეწოვას ღამის განმავლობაში. 

პრეპარატმა შეიძლება გააუფერულოს თმა ან შეღებილი ქსოვილები.

ანტიბიოტიკების გამოყენება შეიძლება დაკავშირებული იყოს მიკროორგანიზმების რეზისტენტული შტამების, მათ შორის სოკოების განვითარებასთან. დეტალური ინფორმაციისთვის მიმართეთ ექიმს. თუ ეს მოვლენები განვითარდება, საჭიროა პრეპარატის მიღების შეწყვეტა და საჭირო ზომების მიღება.

ორსულობა - ლაქტაცია: ორსულობისა და ლაქტაციის პერიოდში ერიბენზის გამოყენების უსაფრთხოება დადგენილი არ არის. ამრიგად, ერიბენზი გამოიყენება მხოლოდ იმ შემთხვევაში, თუ ეს აბსოლუტურად აუცილებელია ექიმის რეკომენდაციების გათვალისწინებით.

გავლენა სატრანსპორტო საშუალებების მართვის და მექანიზმებთან მუშაობის უნარზე: ერიბენზის გამოყენების შემდეგ სატრანსპორტო საშუალებების მართვაზე და მექანიზმებთან მუშაობის უნარზე ეფექტი ცნობილი არ არის.

2.5       ურთიერთქმედება სხვა სამკურნალო საშუალებებთან და ურთიერთქმედების სხვა ფორმები: სხვა პრეპარატებთან ერთდროული გამოყენებისას აკნეს ადგილობრივი მკურნალობის დროს საჭიროა სიფრთხილე, რათა თავიდან იქნას აცილებული კუმულაციური გაღიზიანების შესაძლებლობა. კლინდამიცინსა და ერითრომიცინს შორის კონკურენციის არსებობა ადექვატურად იქნა ნაჩვენები კვლევებში.

2.6       დოზირება და გამოყენების წესი: პრეპარატი გამოიყენება დღეში ორჯერ. დილით და საღამოს იგი დაიტანება იმ ადგილებზე, სადაც ჩვეულებრივ ჩნდება აკნე ან მისი გამოყენება ხდება ისე, როგორც დაგინიშნათ ექიმმა. ეს ადგილები ჯერ ნაზად უნდა ჩამოიბანოთ ნელთბილი წყლით და ნაზად გაიმშრალოთ. პრეპარატი უნდა წაისვათ თხელ ფენად თითის წვერით, სანამ იგი არ შეიწოვება. გამოყენების შემდეგ პაციენტმა კარგად უნდა დაიბანოს ხელები. პრეპარატი არ არის რეკომენდებული ბავშვებისთვის.

მითითებები გამოყენების შესახებ: გამოყენებამდე ორი ტუბის შიგთავსი შეურიეთ ერთმანეთს სპეციალურ ქილაში. შერევა განახორციელეთ პლასტმასის ნიჩბის გამოყენებით ერთგვაროვანი გელის მიღებამდე. შერევის შემდეგ პრეპარატი მზად არის გამოსაყენებლად.

სიფრთხილე: თითოეული ტუბის შიგთავსი კანზე ცალკე არ გამოიყენოთ. შერევის შემდეგ  პრეპარატი შეინახეთ მაცივარში 2 თვის განმავლობაში.

2.7       დოზის გადაჭარბება – მკურნალობა:პროდუქტის ადგილობრივი გამოყენების გამო, არასათანადო გამოყენების პრობლემამოსალოდნელი არ არის.

2.8       რა უნდა იცოდეთ იმ შემთხვევაში, თუ დაგავიწყდათ დოზის მიღება: თუ დოზა გამოტოვეთ, წაისვით გელი დაზიანებულ ადგილზე, როგორც კი გაგახსენდებათ, თუ უკვე არ არის შემდეგი დოზის გამოყენების დრო. ამ შემთხვევაში არ უნდა გააორმაგოთ დოზა, არამედ ჩვეულებრივ უნდა გააგრძელოთ მკურნალობა.

2.9       არასასურველი ეფექტები მოხსენებული გვერდითი რეაქციები მოიცავს კანის სიმშრალეს და ჭინჭრის ციებას, სახის შეშუპებას, ერითემას, კონტაქტურ დერმატიტს, სინათლის მიმართ მგრძნობელობას, აქერცვლას, ცხიმიანობას.

შეტყობინება გვერდითი ეფექტების შესახებ თუ გამოგივლინდათ გვერდითი ეფექტები, შეატყობინეთ ექიმს ან ფარმაცევტს. ეს მოიცავს ისეთ გვერდით ეფექტებს, რაც არ არის არწერილი ამ ფურცელ–ჩანართში.

2.10     ვარგისობის ვადა: ვარგისობის ვადა მითითებულია პირველად და მეორად შეფუთვაზე. თუ ვარგისობის ვადა გასულია, პრეპარატი არ გამოიყენოთ. შერევის შემდეგ პრეპარატი უნდა ინახებოდეს მაცივარში, 2 თვის განმავლობაში.

2.11     განსაკუთრებული მითითებები შენახვისთვის: ორი ტუბის შიგთავსის შერევამდე პრეპარატი შეინახეთ ოთახის ტემპერატურაზე (25⁰C). ორი ტუბის შიგთავსის შერევის შემდეგ პრეპარატი შეინახეთ 2-8⁰C ტემპერატურაზე (მაცივარში), 2 თვის განმავლობაში. პრეპარატი შეინახეთ ბავშვებისთვის მიუწვდომელ ადგილას.

2.12     ამ ფურცელი–ჩანართის გადაიხედვამოხდა 03/2021.

3. ინფორმაცია პრეპარატებისრაციონალური გამოყენების შესახებ

4.   გაცემის წესი:

ფარმაცევტული პროდუქტის ჯგუფი:III ჯგუფი, გაიცემა რეცეპტის გარეშე