ჟანინი #21ტ

ანოტაციის ფურცელი - ინფორმაცია პაციენტისთვის

ჟანინი^®, 2,00 მგ + 0,03 მგ, შემოგარსული აბები

მომქმედი ნივთიერებები: დიენოგესტი, ეთინილესტრადიოლი

პრეპარატის მიღებამდე ბოლომდე გაეცანით ინფორმაციას, ვინაიდან მასში თქვენთვის მნიშვნელოვანი მონაცემებია.

- შეინახეთ ეს ფურცელი - შეიძლება ხელახლა დაგჭირდეთ მისი წაკითხვა.

- დამატებითი კითხვების შემთხვევაში მიმართეთ თქვენს მკურნალ ექიმს.

- პრეპარატი პირადად თქვენ დაგინიშნეს. არ გადასცეთ ის სხვებს. წამალმა, შესაძლოამ სხვას ზიანი მიაყენოს იმ შემთხვევაშიც კი, თუ მისი დაავადების სიმპტომები თქვენსას ემთხვევა.

- გვერდითი მოვლენების შემთხვევაში მიმართეთ თქვენს მკურნალ ექიმს. წინამდებარე რეკომენდაცია ვრცელდება ნებისმიერ შესაძლო გვერდით მოვლენაზე, მათ შორის, იმაზე, რომლებიც არ არის მითითებული ამ ფურცლის მე-4 ნაწილში.

ანოტაციის ფურცლის შინაარსი

1. რას წარმოადგენს და რისთვის გამოიყენება პრეპარატი ჟანინი^®

2. რა უნდა იცოდეთ პრეპარატ ჟანინის მიღებამდე

3. პრეპარატ ჟანინის მიღება

4. შესაძლო არასასურველი რეაქციები

5. პრეპარატ ჟანინის შენახვის წესი

6. შეფუთვის შემცველობა და სხვა ინფორმაცია

1. რას წარმოადგენს და რისთვის გამოიყენება პრეპარატი ჟანინი®

პრეპარატი ჟანინი ^® - ეს არის ჰორმონალური კონტრაცეპტული პრეპარატი, რომელიც შეიცავს მომქმედი ნივთიერებების დიენოგესტისა და ეთინილესტრადიოლის კომბინაციას, გამოიყენება არასასურველი ორსულობის პრევენციისთვის.

ჩვენებები

პრეპარატ ჟანინის^® ჩვენებაა პერორალური კონტრაცეფცია ქალებისთვის მენარქეს (პირველი მენსტრუაციის) შემდეგ.

პრეპარატ ჟანინის ^® მოქმედება

პრეპარატი ჟანინი ^® ახდენს კონტრაცეპტულ ეფექტს ოვულაციის (კვერცხუჯრედის გამოსვლა ფოლიკულიდან) დათრგუნვის, საშვილოსნოს ყელის სეკრეტის სიბლანტის მომატების გზით, რაც ხელს უშლის სპერმატოზოიდების შეღწევას საშვილოსნოს ღრუში და ენდომეტრიუმში (საშვილოსნოს შიდა ფენაში) ცვლილებების მეშვეობოთ, რაც აფერხებს განაყოფიერებული კვერცხუჯრედის იმპლანტაციას (მიმაგრებას ენდომეტრიუმთან).

2. რა უნდა იცოდეთ პრეპარატ ჟანინის^® მიღებამდე

უკუჩვენებები

ნუ მიიღებთ პრეპარატ ჟანინს ^® , თუ :

გაქვთ რომელიმე ქვემოთ ჩამოთვლილი მდგომარეობიდან. პრეპარატ ჟანინის მიღებამდე აცნობეთ თქვენს მკურნალ ექიმს, თუ ქვემოთ ჩამოთვლილიდან რომელიმე მდგომარეობა გაქვთ. ექიმი გირჩევთ სხვა ტიპის აბების მიღებას ან არასასურველი ორსულობისგან თავის დაცვის პრინციპულად სხვა მეთოდის (მათ შორის არაჰორმონალურის) გამოყენებას.

• · გაქვთ ალერგია პრეპარატის მომქმედ ნივთიერებებზე ან ნებისმიერ სხვა კომპონენტზე (ჩამოთვლილია ანოტაციის ფურცლის მე-6 პუნქტში);
• · გაქვთ (ან ოდესმე გქონიათ) ვენების თრომბოზი (თრომბის წარმოქმნა ვენაში) ან თრომბოემბოლია (სისხლძარღვის დახშობა მოწყვეტილი თრომბით), მათ შორის, ღრმა ვენების თრომბოზი და ფილტვის არტერიის თრომბოემბოლია (ფილტვის არტერიის დახშობა მოწყვეტილი თრომბით);
• · გაქვთ (ან ოდესმე გქონიათ) არტერიული თრომბოზი (თრომბის წარმოქმნა არტერიაში) ან თრომბოემბოლია , მათ შორის, მიოკარდიუმის ინფარქტი და ინსულტი; ან დაავადებები, რომლებიც შეიძლება ინსულტის ან ინფარქტის მომასწავებელი იყოს (ტრანზიტორული იშემიური შეტევა - თავის ტვინში სისხლის მიმოქცევის დარღვევა ან სტენოკარდია - ძლიერი ტკივილი გულმკერდის არეში);
• · გაქვთ მემკვიდრეობითი ან შეძენილი მიდრეკილება ვენური ან არტერიული თრომბოემბოლიის მიმართ, მათ შორის რეზისტენტობა გააქტიურებული C ცილის, ჰიპერჰომოცისტეინემიის, ანტითრომბინ III დეფიციტის, C ცილის დეფიციტის, S პროტეინის დეფიციტის, ანტიფოსფოლიპიდური ანტისხეულების (კარდიოლიპინის ანტისხეულები, ლუპუსის ანტიკოაგულანტი) მიმართ;
• · გაქვთ ვენური ან არტერიული თრომბოემბოლიის რამდენიმე მაღალი რისკის ფაქტორი (მოწევა 35 წლის ასაკის შემდეგ; სიმსუქნე სხეულის მასის ინდექსით [BMI] 30 კგ/მ²ან მეტი; ნებისმიერი ოპერაცია ქვედა კიდურებზე, მენჯის არეში ან ნეიროქირურგიული ოპერაცია; გულის სარქვლების გართულებული მანკი, წინაგულების ფიბრილაცია), ან ერთი სერიოზული რისკის ფაქტორი, როგორიცაა:
  • o უკონტროლო ჰიპერტენზია (ე.ი. არ იტარებთ მაღალი არტერიული წნევის სათანადო მკურნალობას)
  • o შაქრიანი დიაბეტი სისხლძარღვთა გართულებებით;
  • o მძიმე დისლიპოპროტეინემია (სისხლში ლიპიდების (ცხიმების) თანაფარდობის დარღვევა);
• · გეგმავთ ან ცოტა ხნის წინ ჩაგიტარდათ ვრცელი ქირურგიული ჩარევა ხანგრძლივი იმობილიზაციით;
• · გაქვთ (ან ოდესმე გქონიათ) შაკიკი (ე.წ. კეროვანი ნევროლოგიური სიმპტომებით, როგორიცაა მხედველობის, მეტყველების დარღვევა, სისუსტე ან დაბუჟება სხეულის რომელიმე ნაწილში);
• · გაწუხებთ ღვიძლის მძიმე დაავადება და ღვიძლის პრობლემები შენარჩუნებულია (ღვიძლის უკმარისობა);
• · გაქვთ (ან ოდესმე გქონიათ) ღვიძლის კეთილთვისებიანი ან ავთვისებიანი სიმსივნე;
• · გაქვთ (ან ოდესმე გქონიათ), ან ეჭვობთ, რომ გაქვთ ჰორმონდამოკიდებული კიბო (მათ შორის სასქესო ორგანოების ან სარძევე ჯირკვლის კიბო);
• · გაქვთ საშოდან გაურკვეველი წარმოშობის სისხლდენა;
• · ორსულად ხართ, ან ფიქრობთ, რომ ორსულად ხართ;
• · ძუძუთი კვებავთ ბავშვს;
• · გაქვთ საქაროზის იშვიათი მემკვიდრეობითი აუტანლობა ან საქარაზისა და იზომალტაზის დეფიციტი, ან გლუკოზის/დექსტროზის მალაბსორბცია, ვინაიდან პრეპარატი შეიცავს საქაროზას და დექსტროზას;
• · იღებთ ომბიტასვირის, პარიტაპრევირის, რიტონავირის და დასაბუვირის შემცველ პრეპარატებს;

პრეპარატ ჟანინის მიღებისას რომელიმე ამ დაავადების / პათოლოგიის ან რისკის ფაქტორის გამოვლენის ან პირველად განვითარების შემთხვევაში მისი მიღება დაუყოვნებლივ უნდა შეწყდეს.

განსაკუთრებული მითითებები და უსაფრთხოების ზომები

პრეპარატ ჟანინის® მიღებამდე კონსულტაცია გაიარეთ თქვენს მკურნალ ექიმთან. ზოგ შემთხვევაში შეიძლება დაგჭირდეთ განსაკუთრებული ზომების მიღება პრეპარატ ჟანინის® მიღებისას და რეგულარულად ჩაიტაროთ სამედიცინო შემოწმება. პრეპარატ ჟანინის მიღებამდე ექიმს გაესაუბრეთ, თუ ქვემოთ ჩამოთვლილი პუნქტებიდან ერთიც კი გეხებათ, წარმოგექმნათ ან გაგიუარესდათ პრეპარატ ჟანინის® მიღებისას:

• · ეწევით;
• · ჭარბი წონა გაქვთ;
• · გაქვთ დისლიპოპროტეინემია (სისხლში ლიპიდების (ცხიმების) თანაფარდობის დარღვევა);
• · გაქვთ მაღალი არტერიული წნევა;
• · გაწუხებთ შაკიკი კეროვანი ნევროლოგიური სიმპტომების გარეშე, როგორიცაა მხედველობის, მეტყველების დარღვევა, სისუსტე ან დაბუჟება სხეულის რომელიმე ნაწილში;
• · გაქვთ გულის სარქვლების დაავადება ან გულის რითმის დარღვევა (წინაგულების ფიბრილაცია);
• · თქვენმა ერთ-ერთმა ახლო ნათესავმა 50 წლამდე ასაკში გადაიტანა თრომბოზი, მიოკარდიუმის ინფარქტი ან თავის ტვინის სისხლის მიმოქცევის დარღვევა;
• · გაქვთ შაქრიანი დიაბეტი;
• · გაქვთ სისტემური წითელი მგლურა (იმუნური სისტემის დაავადება);
• · გაქვთ ჰემოლიზურ-ურემიული სინდრომი (სისხლის შედედების დარღვევა, რომელიც იწვევს თირკმლების დაავადებას);
• · გაქვთ კრონის დაავადება ან წყლულოვანი კოლიტი (ნაწლავების ანთებითი დაავადება);
• · გაქვთ ნამგლისებრუჯრედოვანი ანემია;
• · გაქვთ ზედაპირული ვენების ფლებიტი (ვენური სისხლძარღვების კედლების ანთება);
• · გაქვთ მემკვიდრეობითი ანგიონევროზული შეშუპება (კვინკეს შეშუპება);
• · სისხლში მომატებული გაქვთ ტრიგლიცერიდების (სისხლის ცხიმების) დონე;
• · გაქვთ ღვიძლის დაავადებები, რომლებიც არ განეკუთვნება უკუჩვენებებს;
• · წარსულში ორსულობის დროს ან სქესობრივი ჰორმონების მიღების ფონზე პირველად გაგიჩნდათ ან გაგიუარესდათ ისეთი პათოლოგიები, როგორიცაა ქოლესტაზი (ნაღვლის შეგუბება, რომელიც ვლინდება სიყვითლით და ყავისფერი ლაქების გაჩენით კანზე, ქავილით), ნაღვლის ბუშტის დაავადება (კენჭები ნაღვლის ბუშტში), სმენის დაქვეითება, პორფირია (პიგმენტური ცვლის დარღვევა), ჰერპესი ორსულობის დროს, სიდენჰამის ქორეა (ნევროლოგიური დაავადება);
• · გაქვთ ეპილეფსია;
• · გაქვთ დეპრესია;
• · ცოტა ხნის წინ იმშობიარეთ.

სისხლის მიმოქცევის დარღვევა

ვენებისა და არტერიების თრომბოემბოლიის განვითარების რისკი

თრომბოზი არის სისხლძარღვის (არტერიის ან ვენის) დაბლოკვა სისხლის კოლტით (თრომბით).

თრომბოზი ზოგჯერ ჩნდება ფეხების ღრმა ვენებში (ღრმა ვენების თრომბოზი). სისხლძარღვის კედლიდან მოწყვეტილი თრომბები სისხლის ნაკადით ვრცელდება მთელ სხეულში და „იჭედება“ შედარებით პატარა სისხლძარღვებში, ბლოკავს რა ამ სისხლძარღვებში სისხლის ნაკადს - ამას ვენური თრომბოემბოლია ეწოდება. როდესაც თრომბი ფილტვებში ბლოკავს სისხლძარღვებს, წარმოიქმნება ე.წ. ფილტვების თრომბოემბოლია. ძალიან იშვიათად, თრომბები ხვდება გულის სისხლძარღვებში, რის შედეგადაც ხდება მიოკარდიუმის ინფარქტი (გულის შეტევა). თავის ტვინის სისხლძარღვების თრომბოემბოლია იწვევს ინსულტს.

ნებისმიერი კომბინირებული პერორალური კონტრაცეპტივის გამოყენება ზრდის ვენური თრომბოემბოლიის (სისხლძარღვის დაბლოკვა მოწყვეტილი თრომბით) განვითარების რისკს. ქალი, რომელიც იღებს პრეპარატ ჟანინს®, ინფორმირებული უნდა იქნას ვენური და არტერიული თრომბოემბოლიის განვითარების რისკების შესახებ, ვინაიდან:

• · ვენური თრომბოემბოლიის განვითარების გაზრდილი რისკი დაკავშირებულია პრეპარატ ჟანინის® გამოყენებასთან;
• · რისკის ფაქტორები, რომლებიც თქვენ გაქვთ, გავლენას ახდენს ამ რისკზე;
• · ვენური თრომბოემბოლიის განვითარების რისკი ყველაზე მაღალია კომბინირებული პერორალური კონტრაცეპტივების გამოყენების პირველ წელს. რისკი შეიძლება გაიზარდოს, თუ კომბინირებული პერორალური კონტრაცეპტივების გამოყენება განახლდება 4 კვირის ან უფრო ხანგრძლივი შესვენების შემდეგ.

ძალიან იშვიათ შემთხვევებში, ვენური თრომბოემბოლია შეიძლება სიცოცხლისათვის საშიში ან სასიკვდილოც კი იყოს (შემთხვევების 1-2%-ში).

ძალიან იშვიათად, კომბინირებული პერორალური კონტრაცეპტივების გამოყენებისას, ვითარდება სხვა სისხლძარღვების, როგორიცაა ღვიძლის, მეზენტერიული, თირკმლის ან თვალის ბადურის, თრომბოზი.

საერთო ჯამში, ვენური თრომბოემბოლიის რისკი ქალებში, რომლებიც იღებენ რომელიმე კომბინირებულ პერორალურ კონტრაცეპტივს, უფრო მაღალია, ვიდრე ქალებში, რომლებიც არ იღებენ მათ. თუმცა, გასათვალისწინებელია, რომ ორსულობის დროს ან მშობიარობის შემდეგ თრომბოზის და თრომბოემბოლიის რისკი უფრო მაღალია, ვიდრე ესტროგენის დაბალი შემცველობის პრეპარატების, როგორიცაა ჟანინი®, მიღებისას.

ეპიდემიოლოგიური კვლევების შედეგები მიუთითებს ურთიერთკავშირის არსებობაზე კომბინირებული პერორალური კონტრაცეპტივების გამოყენებასა და არტერიული თრომბოემბოლიის (მიოკარდიუმის ინფარქტი) ან თავის ტვინის სისხლის მიმოქცევის (მაგ.: ტრანზიტორული იშემიური შეტევა, ინსულტი) მაღალ რისკს შორის. არტერიული თრომბოემბოლიური გართულებები შეიძლება ლეტალური გამოსავლით დასრულდეს.

ვენური და არტერიული თრომბოემბოლიის რისკის ფაქტორები

თრომბოემბოლიის განვითარების რისკი პრეპარატ ჟანინის მიღებისას დიდი არ არის, მაგრამ, იზრდება, თუ:

• · გაქვთ ჭარბი წონა (სხეულის მასის ინდექსი 30 კგ/მ² ან მეტი);
• · გეგმავთ ან გაქვთ ხანგრძლივი იმობილიზაცია, დიდი ქირურგიული ოპერაცია, ნებისმიერი ოპერაცია ქვედა კიდურებზე (მათ შორის მენჯ-ბარძაყის სახსრებზე) ან სერიოზული ტრავმა. ასეთ შემთხვევებში პრეპაატ ჟანინის® მიღება უნდა შეწყდეს. თუ დაგეგმილი გაქვთ ოპერაციის გაკეთება, რეკომენდებულია მისი მიღების შეწყვეტა ოპერაციამდე მინიმუმ ოთხი კვირით ადრე. ნუ მიიღებთ პრეპარატს ორი კვირის განმავლობაში, სანამ სრულად არ დადგებით ფეხზე. დროებითი უმოძრაობა (მაგ., 4 საათზე ხანგრძლივი მგზავრობა თვითმფრინავით), ასევე, შეიძლება იყოს ვენური თრომბოემბოლიის განვითარების რისკის ფაქტორი, განსაკუთრებით სხვა რისკ-ფაქტორების არსებობის შემთხვევაში. განხილულ უნდა იქნას ანტითრომბოზული თერაპიის მიზანშეწონილობა, თუ პრეპარატ ჟანინის მიღება წინასწარ არ იქნა შეწყვეტილი;
• · თქვენს ერთ-ერთ უახლოეს ნათესავს (მშობლებს, ძმებს, დებს) 50 წლამდე ასაკში განუვითარდა თრომბოზი (ღრმა ვენების თრომბოზი, ფილტვის თრომბოემბოლია (ფილტვის არტერიის დაბლოკვა თრომბით), ინფარქტი, ინსულტი ან სხვა ტიპის თრომბოზი). ამ შემთხვევაში, შეიძლება გქონდეთ სისხლის შედედების მემკვიდრეობითი დარღვევა. თრომბოზისადმი მემკვიდრეობითი ან შეძენილი წინასწარგანწყობის შემთხვევაში აუცილებლად მიმართეთ ექიმს კონსულტაციისთვის და განიხილეთ პრეპარატ ჟანინის® მიღების შესაძლებლობა;
• · გაქვთ ჯანმრთელობის სხვა მდგომარეობა, რომელიც დაკავშირებულია ვენურ თრომბოემბოლიასთან: ავთვისებიანი სიმსივნე, სისტემური წითელი მგლურა (იმუნური სისტემის დაავადება), ჰემოლიზურ-ურემიული სინდრომი (სისხლის შედედების დარღვევა, რომელიც იწვევს თირკმლის დაავადებას), ნაწლავების ქრონიკული ანთებითი დაავადება (კრონის დაავადება ან წყლულოვანი კოლიტი) და ნამგლისებრუჯრედოვანი ანემია;
• · ხართ 35 ან მეტი წლის;
• · ეწევით (რისკი იზრდება ასაკთან ერთად, განსაკუთრებით 35 წელზე უფროსი ასაკის ქალებში);
• · გაქვთ მაღალი არტერიული წნევა;
• · გაწუხებთ შაკიკი;
• · გაქვთ შაქრიანი დიაბეტი;
• · გაქვთ სისხლში ჰომოცისტეინის (ამინომჟავის) მომატებული დონე;
• · გაქვთ გულის სარქვლების დაავადება ან გულის რითმის დარღვევა;
• · გაქვთ დისლიპოპროტეინემია (სისხლში ლიპიდების (ცხიმების) თანაფარდობის დარღვევა);
• · ცოტა ხნის წინ იმშობიარეთ, განსაკუთრებით პირველი 6 კვირის განმავლობაში.

ქალებში, რომლებსაც აღენიშნებათ რამდენიმე რისკ-ფაქტორის კომბინაცია ან ძლიერად გამოხატული ერთ-ერთი მათგანი, გასათვალისწინებელია ამ რისკების ურთიერთგაძლიერების შესაძლებლობა. ასეთ შემთხვევებში თრომბების წარმოქმნის რისკის ზრდის ხარისხი შეიძლება უფრო მაღალი იყოს. ამ შემთხვევაში ექიმი არ გირჩევთ პრეპარატ ჟანინის® მიღებას.

შეწყვიტეთ პრეპარატ ჟანინის® მიღება და დაუყოვნებლივ მიმართეთ ექიმს, თუ შენიშნავთ თრომბოზის, თრომბოემბოლიის, ინსულტის, სისხლძარღვთა ობსტრუქციის ან მიოკარდიუმის ინფარქტის შესაძლო ნიშნებს, მაგ.:

პრეპარატი ჟანინი^®და სიმსივნეები

ზოგიერთ ეპიდემიოლოგიურ კვლევაში გვაქვს შეტყობინებები საშვილოსნოს ყელის კიბოს რისკის გაზრდის შესახებ კომბინირებული პერორალური კონტრაცეპტივების ხანგრძლივი გამოყენების შემთხვევაში. მაგრამ უცნობია, დაკავშირებულია თუ არა ეს სქესობრივ ქცევასთან ან სხვა ფაქტორების გავლენასთან, როგორიცაა ადამიანის პაპილომავირუსის ინფექცია.

სარძევე ჯირკვლის კიბოს დიაგნოზს უფრო ხშირად სვამენ იმ ქალებში, რომლებიც იყენებენ კომბინირებულ პერორალურ კონტრაცეპტივებს, ვიდრე იმ ქალებში, რომლებიც არ იყენებენ მათ, მაგრამ უცნობია, დაკავშირებულია თუ არა ეს პრეპარატის მიღებასთან. მაგალითად, შეიძლება კიბო იმ ქალებში, რომლებიც იღებენ კომბინირებულ კონტრაცეპტივებს, უფრო ხშირად ვლინდება იმის გამო, რომ ასეთი ქალები უფრო ხშირად იტარებენ სამედიცინო გამოკვლევას. ქალებში, რომლებიც ოდესმე იყენებდნენ პერორალურ კომბინირებულ კონტრაცეპტივებს, ხდება ძუძუს კიბოს უფრო ადრეული სტადიების გამოვლენა ვიდრე იმ ქალებში, რომლებსაც არასდროს გამოუყენებიათ ეს კონტრაცეპტივები. ძუძუს კიბოს განვითარების სიხშირე თანდათან მცირდება ჰორმონალური კონტრაცეპტივების შეწყვეტის შემდეგ. მნიშვნელოვანია ძუძუს რეგულარულად შემოწმება და თუ რაიმე გამაგრებას შენიშნავთ, დაუყოვნებლივ მიმართეთ ექიმს.

იშვიათ შემთხვევებში, პერორალური კონტრაცეპტივების გამოყენების ფონზე აღინიშნებოდა ღვიძლის კეთილთვისებიანი სიმსივნეები და კიდევ უფრო იშვიათად - კიბო. ცალკეულ შემთხვევაში, ეს სიმსივნეები იწვევდა სიცოცხლისათვის საშიში შიდა სისხლდენას. დაუყოვნებლივ მიმართეთ ექიმს, თუ მუცლის უჩვეულოდ ძლიერ ტკივილს შენიშნავთ .

სხვა მდგომარეობები

აუცილებლად აცნობეთ მკურნალ ექიმს , თუ რომელიმე ქვემოთ ჩამოთვლილი პათოლოგია პირველად განვითარდება, განმეორდება ან გაუარესდება პრეპარატ ჟანინის® დაწყებამდე ან მისი გამოყენების დროს:

• · თქვენ ან თქვენი ოჯახის რომელიმე წევრს აქვს ჰიპერტრიგლიცერიდემია (ცხიმების მაღალი დონე სისხლში, რადგან ამან შეიძლება გაზარდოს პანკრეატიტის (კუჭქვეშა ჯირკვლის ანთება) რისკი პერორალური კონტრაცეპტივების მიღებისას);
• · პრეპარატ ჟანინის® მიღების ფონზე აღგენიშნებათ არტერიული წნევის მდგრადი მომატება. ამ შემთხვევაში, შეწყვიტეთ პრეპარატ ჟანინის® მიღება და მიმართეთ ექიმს მაღალი არტერიული წნევის სამკურნალოდ. პრეპარატის მიღება შეგიძლიათ განაგრძოთ მას შემდეგ, რაც არტერიული წნევის მაჩვენებლები ნორმას დაუბრუნდება;
• · წარსულში ორსულობისას ან სასქესო ჰორმონების წინა მიღებისას წარმოგექმნათ შემდეგი პათოლოგიები: სიყვითლე და/ან ქავილი, რომელიც უკავშირდება ქოლესტაზს (ნაღვლის ნაკადის დაბლოკვა); ნაღვლის ბუშტში კენჭების წარმოქმნა; პორფირია (პიგმენტური ცვლის მემკვიდრეობითი დარღვევა); სისტემური წითელი მგლურა (ქრონიკული აუტოიმუნური დაავადება); ჰემოლიზურ-ურემიული სინდრომი (სისხლის შედედების დარღვევა); სიდენჰამის ქორეა (ნევროლოგიური დაავადება), ჰერპესი ორსულობის დროს; სმენის დაქვეითება, რომელიც დაკავშირებულია ოტოსკლეროზთან;
• · პრეპარატ ჟანინის® მიღებისას აღგენიშნებათ დეპრესია, დათრგუნული მდგომარეობა, ენდოგენური დეპრესიის გაუარესება (ტვინში მეტაბოლურ დარღვევებთან დაკავშირებული ფსიქიკური აშლილობა), ეპილეფსია, კრონის დაავადება და წყლულოვანი კოლიტი (ნაწლავების ანთებითი დაავადება);
• · გაქვთ მემკვიდრეობითი ანგიონევროზული შეშუპება (უეცარი შეშუპება, მაგალითად ქუთუთოების, პირის ღრუს, ყელის და ა.შ.), ვინაიდან ესტროგენებმა შეიძლება გამოიწვიოს ან გააუარესოს ანგიონევროზული შეშუპების სიმპტომები;
• · გაქვთ ღვიძლის ფუნქციის მწვავე ან ქრონიკული დარღვევები, ამ შემთხვევაში ექიმმა შეიძლება შეგიწყვიტოთ პრეპარატ ჟანინის® მიღება, სანამ ღვიძლის ფუნქციის მაჩვენებლები ნორმალურს არ დაბრუნდება;
• · გაქვთ ქოლესტაზური სიყვითლის რეციდივი (განმეორება), რომელიც პირველად განვითარდა წინა ორსულობის ან სასქესო ჰორმონების წინა მიღების დროს. ამ შემთხვევაში დაუყოვნებლივ უნდა შეწყვიტოთ პრეპარატ ჟანინის® მიღება;
• · გაქვთ შაქრიანი დიაბეტი. ამ შემთხვევაში აუცილებელია მკაცრი მონიტორინგი პრეპარატ ჟანინის® მიღებისას. იშვიათ შემთხვევებში, კომბინირებულმა პერორალურმა კონტრაცეპტივებმა შეიძლება გავლენა მოახდინონ ინსულინრეზისტენტობაზე და გლუკოზის ტოლერანტობაზე, მაგრამ, როგორც წესი, საჭირო არ არის ჰიპოგლიკემიური პრეპარატების დოზის კორექცია შაქრიანი დიაბეტის მქონე პაციენტებში კომბინირებული პერორალური კონტრაცეპტივების დაბალი დოზით გამოყენების შემთხვევაში (<0,05 მგ ეთინილესტრადიოლი);
• · გაქვთ ან ოდესმე გქონიათ ქლოაზმა (ოქროსფერ-ყავისფერი ლაქები კანზე, განსაკუთრებით სახეზე), განსაკუთრებით წინა ორსულობის დროს, პრეპარატ ჟანინის® მიღებისას უნდა მოერიდოთ მზეზე დიდხანს ყოფნას ან ულტრაიისფერი გამოსხივების ხანგრძლივ ზემოქმედებას.

ზემოქმედება ლაბორატორიულ ტესტებზე

თუ გჭირდებათ სისხლის ანალიზის ან სხვა ლაბორატორიული ტესტების ჩატარება, აცნობეთ მკურნალ ექიმს, რომ იღებთ პრეპარატ ჟანინს®, რადგან პრეპარატმა შეიძლება გავლენა მოახდინოს ზოგიერთი ანალიზის შედეგებზე.

სამედიცინოგამოკვლევისგეგმაპრეპარატ ჟანინის® მიღებამდედამიღების დროს

პრეპარატ ჟანინის® მიღების დაწყებამდე (ან განახლებამდე) მიეცით ექიმს ინფორმაცია თქვენი არსებული და გადატანილი დაავადებების შესახებ, ასევე, ოჯახის წევრების დაავადებების არსებობის შესახებ, გაიარეთ დეტალური ზოგადსამედიცინო და გინეკოლოგიური გამოკვლევა და დარწმუნდით, რომ ორსულად არ ხართ.

საკონტროლო გამოკვლევები აუცილებელია ექიმის რეკომენდაციით, მაგრამ არანაკლებ წელიწადში ერთხელ.

გაითვალისწინ ე თ , რომ პრეპარატი არ იცავს აივ ინფექციისგან ( შიდსი ) და სქესობრივი გზით გადამდები სხვა დაავადებებისგან !

ეფექტიანობის დაქვეითება

პრეპარატ ჟანინის^® ეფექტიანობა შეიძლება შემცირდეს აბების გამოტოვების, ღებინებისა და დიარეის, ან წამლების ურთიერთქმედების შედეგად (იხ. „სხვა პრეპარატები და პრეპარატი ჟანინი^®» და პუნქტი 3 «პრეპარატ ჟანინის^® მიღება“).

მენსტრუაციისმსგავსისისხლდენისსიხშირედასიმძიმე

პრეპარატ ჟანინის® გამოყენებისას, განსაკუთრებით პირველ თვეებში, შეიძლება განვითარდეს არარეგულარული, მენსტრუალურის მსგავსი სისხლდენა (მცირე სისხლიანი გამონადენი ან უეცარი სისხლდენა). გამოიყენეთ ჰიგიენური საშუალებები და განაგრძეთ აბების მიღება ჩვეულებრივად. არარეგულარული სისხლდენა, ჩვეულებრივ, წყდება მას შემდეგ, რაც თქვენი სხეული პრეპარატთან ადაპტირდება (ჩვეულებრივ, აბების მიღების 3 თვის შემდეგ). თუ სისხლდენა გრძელდება, ძლიერდება ან ხელახლა იწყება, მიმართეთ ექიმს.

მომდევნო მენსტრუალურის მსგავსი სისხლდენის არარსებობა

თუ პრეპარატ ჟანინის® ყველა აბი სწორად მიიღეთ, არ გქონიათ ღებინება ან დიარეა და არ მიგიღიათ სხვა პრეპარატები, ნაკლებად სავარაუდოა, რომ ორსულად იყოთ. გააგრძელეთ ჟანინის® მიღება ჩვეულებრივად. თუმცა, პრეპარატ ჟანინის® მიღების რეჟიმის დარღვევის ან შეფუთვის დასრულებიდან 1-3 დღეში მენსტრუალურის მსგავსი სისხლდენის ზედიზედ ორჯერ გამოტოვების შემთხვევაში მიმართეთ ექიმს. ნუ დაიწყებთ შემდეგი შეფუთვის მიღებას, სანამ არ დარწმუნდებით, რომ ორსულად არ ხართ.

ბავშვები და მოზარდები

პრეპარატი ჟანინი^® არ უნდა იქნას მიღებული მენარქეს (პირველი მენსტრუაციის) დაწყებამდე.

სხვა პრეპარატები და პრეპარატი ჟანინი ^®

აცნობეთ მკურნალ ექიმს იმის შესახებ, რომ იღებთ, ცოტა ხნის წინ მიიღეთ ან შეიძლება მიიღოთ სხვა პრეპარატები.

არსებობს რამდენიმე პრეპარატი, რომლის მიღება აკრძალულია პრეპარატ ჟანინთან® ერთად (იხ. ქვეთავი „უკუჩვენებები“). ასევე, ყველა სხვა ექიმსაც, რომელიც ამა თუ იმ სხვა პრეპარატს გინიშნავთ, უნდა აცნობოთ იმის შესახებ, რომ პრეპარატ ჟანინს® იღებთ. ექიმმა შეიძლება გაგაფრთხულოთ კონტრაცეფციის დამატებითი მეთოდების (მაგალითად პრეზერვატივის) გამოყენების ან იმ პრეპარატის შეცვლის აუცილებლობის შესახებ, რომელსაც ამჟამად იღებთ.

ზოგიერთმა პრეპარატმა შეიძლება გავლენა მოახდინოს პრეპარატ ჟანინის® შემცველობაზე სისხლში, შეამციროს მისი ეფექტიანობა არასასურველი ორსულობის პრევენციაში და გამოიწვიოს მოულოდნელი სისხლდენა. მათი მიღების შემთხვევაში საჭიროა კონტრაცეფციის დამატებითი მეთოდი (მაგ., პრეზერვატივის) გამოყენება. ამ პრეპარატებს განეკუთვნება:

• · პრეპარატები, რომლებიც გამოიყენება შემდეგის სამკურნალოდ:

- ეპილეფსია (მაგ., პრიმიდონი, ფენიტოინი, ბარბიტურატები, კარბამაზეპინი, ოქსკარბამაზეპინი, ტოპირამატი, ფელბამატი);

- ტუბერკულოზი (მაგ., რიფამპიცინი);

- აივ და C ჰეპატიტის ვირუსი (ე.წ. პროტეაზას ინჰიბიტორები და უკუ ტრანსკრიპტაზას არანუკლეოზიდური ინჰიბიტორები);

- სოკოვანი ინფექციები (მაგ., გრიზეოფულვინი, იტრაკონაზოლი, ვორიკონაზოლი, ფლუკონაზოლი);

- ბაქტერიული ინფექციები (მაგ., კლარითრომიცინი, ერითრომიცინი);

- გულის ზოგიერთი დაავადება, მაღალი არტერიული წნევა (მაგ., ვერაპამილი, დილთიაზემი);

- ართრიტი და ართროზი (მაგ., ეტორიკოქსიბი);

• · კრაზანის შემცველი პრეპარატები;
• · გრეიპფრუტის წვენი.

პრეპარატმა ჟანინმა^® შეიძლება გავლენა მოახდინოს სხვა პრეპარატების მოქმედებაზე, მაგალითად:

• · ციკლოსპორინი (იმუნოდეპრესანტი);
• · ლამოტრიჯინი (ეპილეფსიის მკურნალობა);
• · მიდაზოლამი (საძილე საშუალება);
• · თეოფილინი (ბრონქული ასთმის მკურნალობა);
• · მელატონინი (საძილე საშუალება);
• · ტიზანიდინი (კუნთების ტონუსის დაქვეითება).

ეთინილესტრადიოლის შემცველი პრეპარატების, როგორიცაა ჟანინი® და ანტივირუსული პრეპარატების ერთდროული მიღება, რომლებიც შეიცავს ომბიტასვირს, პარიტაპრევირს, რიტონავირს და დასაბუვირს რიბავირინთან ერთად ან მის გარეშე, როგორც დადასტურდა, დაკავშირებულია ალანინ ამინოტრანსფერაზის (ღვიძლის ფერმენტის) კონცენტრაციის 5-ჯერად მატებასთან ნორმის ზედა ზღვართან შედარებით ჯანმრთელ და C ჰეპატიტის ვირუსით ინფიცირებულ ქალებში. ამ შემთხვევაში პრეპარატ ჟანინის® მიღება უკუნაჩვენებია (იხ. ქვეპუნქტი „უკუჩვენებები“)..

პრეპარატი ჟანინი ^® საკვებთან და სასმელთან ერთად

პრეპარატი ჟანინი® მიიღეთ საკვების მიღების დროის გათვალისწინების გარეშე, საჭიროების შემთხვევაში დააყოლეთ მცირე რაოდენობით წყალი. ნუ მიიღებთ პრეპარატ ჟანინს® გრეიფრუტის წვენთან ერთად.

ორსულობა და ძუძუთი კვება

თუ ორსულად ხართ ან ძუძუთი კვებავთ ბავშვს, ფიქრობთ, რომ ორსულად ხართ, ან გეგმავთ დაორსულებას, პრეპარატის გამოყენებამდე მიმართეთ ექიმს. ორსულობისა და ძუძუთი კვების პერიოდში ჟანინის® მიღება უკუნაჩვენებია .

ორსულობა

თუ ორსულობა გამოვლენილია პრეპარატ ჟანინის® მიღებისას, დაუყოვნებლივ შეწყვიტეთ მისი მიღება და მიმართეთ ექიმს. თუ ორსულობას გეგმავთ, შეგიძლიათ ნებისმიერ დროს შეწყვიტოთ პრეპარატ ჟანინის® მიღება (იხ., ასევე, ნაწილი 3, ქვეთავი „თუ გსურთ შეწყვიტოთ პრეპარატ ჟანინის® მიღება“).

მრავალრიცხოვანი კვლევების შედეგების მიხედვით, არ გამოვლენილა იმ ბავშვებში განვითარების დეფექტების რისკის მომატება, რომელთა დედები სასქესო ჰორმონებს იღებდნენ ორსულობამდე ან როდესაც სასქესო ჰორმონებს გაუფრთხილებლობით იღებდნენ ორსულობის ადრეულ ეტაპზე.

ძუძუთი კვება

პრეპარატ ჟანინის^® მიღება უკუჩვენებაა ძუძუთი კვების დასრულებამდე. ჰკითხეთ ექიმს, თუ როდის შეიძლება პრეპარატის მიღების დაწყება.

სატრანსპორტო საშუალებების მართვა და მექანიზმებთან მუშაობ ა

არ არსებობს მონაცემები პრეპარატის გავლენის შესახებ სატრანსპორტო საშუალებების, მექანიზმების მართვაზე და პოტენციურად სახიფათო საქმიანობის განხორციელებაზე, რომელიც მოითხოვს ყურადღების კონცენტრაციის გაზრდას და სწრაფ რეაქციებს.

პრეპარატი ჟანინი ^® შეიცავს თხევად დექსტროზას და საქაროზას

თუ გაქვთ ზოგიერთი შაქრის აუტანლობა, ამ პრეპარატის მიღებამდე მიმართეთ მკურნალ ექიმს.

3. პრეპარატ ჟანინის მიღება ^®

პრეპარატი ჟანინი® ყოველთვის მკურნალი ექიმის რეკომენდაციების შესაბამისად მიიღეთ. რაიმე ეჭვის შემთხვევაში მიმართეთ მკურნალ ექიმს.

რეკომენდებული დოზა

თითო აბი დღეში, 21 დღის განმავლობაში.

როგორ დავიწყოთ პრეპარატ ჟანინის ^® მიღება

• · თუ ჰორმონალური კონტრაცეპტივები არ მიგიღიათ წინა თვეს

დაიწყეთ პრეპარატ ჟანინის® მიღება მენსტრუალური ციკლის პირველ დღეს (ე.ი. მენსტრუაციის პირველ დღეს). მიიღეთ აბი, რომელზეც აღნიშნულია კვირის შესაბამისი დღე. შემდეგ აბები რიგითობით მიიღეთ. აბების მიღება შეგიძლიათ დაიწყოთ მენსტრუაციის მე-2-5 დღეს, მაგრამ, ამ შემთხვევაში, რეკომენდებულია კონტრაცეფციის ბარიერული მეთოდის (პრეზერვატივის) დამატებით გამოყენება პირველი შეფუთვიდან აბების მიღების პირველი 7 დღის განმავლობაში.

• · სხვაკომბინირებულიპერორალურიკონტრაცეპტივებიდან, ვაგინალურირგოლიდანანტრანსდერმალურიპლასტირიდან გადასვლისას

პრეპარატ ჟანინის® მიღება დაიწყეთ კომბინირებული პერორალური კონტრაცეპტივების წინა შეფუთვიდან ჰორმონების შემცველი ბოლო აბის მიღებიდან მეორე დღეს, მაგრამ, არაუგვიანეს ჩვეულებრივი 7-დღიანი შესვენებიდან მეორე დღისა (21 აბის შემცველი პრეპარატებისთვის) ან ბოლო აბის (28 აბის შემცველი პრეპარატებისათვის) მიღების შემდეგ, რომელიც არ შეიცავს ჰორმონებს.

კომბინირებული კონტრაცეპტული ვაგინალური რგოლიდან ან პლასტირიდან გადასვლისას, პრეპარატ ჟანინის® მიღება დაიწყეთ რგოლის ან პლასტირის ამოღების დღიდან, მაგრამ, არაუგვიანეს ახალი რგოლის შეყვანის ან ახალი პლასტირის დაკვრის დღისა.

• · მხოლოდგესტაგენის შემცველიკონტრაცეპტივებიდან („მინი-აბი“, საინექციო ფორმები, იმპლანტი) ანგესტაგენისგამოთავისუფლებისსაშვილოსნოსშიდა სისტემიდანგადასვლისას.
  „მინი-აბიდან“ პრეპარატ ჟანინზე® გადასვლა შეგიძლიათ ნებისმიერ დღეს (შესვენების გარეშე), იმპლანტიდან ან გესტაგენის გამოთავისუფლების საშვილოსნოსშიდა სისტემიდან - მისი ამოღების დღეს, საინექციო ფორმიდან - იმ დღიდან, როდესაც უნდა გაკეთდეს შემდეგი ინექცია. ყველა შემთხვევაში, პრეპარატ ჟანინის® აბების მიღებიდან პირველი 7 დღის განმავლობაში აუცილებელია კონტრაცეფციის დამატებითი ბარიერული მეთოდის (მაგ. პრეზერვატივის) გამოყენება.
• · ორსულობის(მათ შორის თვითნებურის) პირველ ტრიმესტრშიაბორტისშემდეგ

შეგიძლიათ დაუყოვნებლივ დაიწყოთ აბების მიღება (აბორტის დღეს). ამ შემთხვევაში, კონტრაცეფციის დამატებითი ზომები საჭირო არ არის.

• · მშობიარობის შემდეგ (თუ ძუძუთი არ კვებავთ) ან მეორე ტრიმესტრში ორსულობის შეწყვეტის (მათ შორის, თვითნებურის) შემდეგ

ამ შემთხვევაში პრეპარატის მიღება უნდა დაიწყოთ 21-28-ე დღიდან. თუ პრეპარატის მიღება უფრო გვიან დაიწყეთ, დამატებით საჭიროა კონტრაცეფციის ბარიერული მეთოდის გამოყენება აბების მიღების პირველი 7 დღის განმავლობაში.

თუ სქესობრივი კავშირი მოხდა პრეპარატ ჟანინის® მიღების დაწყებამდე, ჯერ უნდა დარწმუნდეთ, რომ ორსულად არ ხართ, ან არ დაიწყოთ პრეპარატის მიღება მომდევნო მენსტრუაციამდე.

პრეპარატი ჟანინი® ყოველთვის მკურნალი ექიმის რეკომენდაციების შესაბამისად მიიღეთ. რაიმე ეჭვის შემთხვევაში მიმართეთ მკურნალ ექიმს.

გამოყენება ბავშვებსა და მოზარდებში

პრეპარატი ჟანინი^® არ უნდა იქნას მიღებული მენარქეს (პირველი მენსტრუაციის) დაწყებამდე.

მიღების გზა და (ან) მეთოდი

აბები მიიღეთ პერორალურად, შეფუთვაზე მითითებული თანმიმდევრობით, ყოველდღე ერთსა და იმავე დროს, დაღეჭვის გარეშე, საკვების მიღების მიუხედავად, საჭიროების შემთხვევაში მცირე რაოდენობით წყალთან ერთად. აბების მიღება შეგიძლიათ როგორც საკვებთან ერთად, ისე მის გარეშე.

მიჰყევით ისრის მიმართულებას, სანამ ყველა აბს არ მიიღებთ. ამის შემდეგ ნუ მიიღებთ პრეპარატს მომდევნო 7 დღის განმავლობაში. მენსტრუაციის მსგავსი სისხლდენა უნდა დაიწყოს ამ 7 დღის განმავლობაში. სისხლდენა, ჩვეულებრივ, იწყება ბოლო აბის მიღებიდან 2-3 დღეში და შეიძლება არ დასრულდეს აბების შემდეგი შეფუთვიდან დაწყებამდე. 7-დღიანი შესვენების შემდეგ აბების მიღება დაიწყეთ შემდეგი შეფუთვიდან, იმ შემთხვევაშიც კი, თუ სისხლდენა ჯერ არ შეწყვეტილა. ეს ნიშნავს, რომ აბების მიღება ახალი შეფუთვიდან კვირის ერთსა და იმავე დღეს უნდა დაიწყოთ და რომ მენსტრუაციის მსგავსი სისხლდენა დაიწყება ყოველი თვის დაახლოებით ერთსა და იმავე დღეს.

ასაკოვანი პაციენტები

პრეპარატ ჟანინის^® მიღება მენოპაუზის (ბოლო მენსტრუაცია) დაწყების შემდეგ არ შეიძლება.

ღვიძლის ფუნქციის დარღვევები

ნუ მიიღებთ პრეპარატ ჟანინს®, თუ გაქვთ ღვიძლის მძიმე დაავადება, სანამ ღვიძლის ფუნქციის მაჩვენებლები ნორმას არ დაბრუნდება (იხ. პუნქტი 2, ქვეპუნქტი „უკუჩვენებები“).

თირკმლის ფუნქციის დარღვევები

პრეპარატი ჟანინი არ ყოფილა სპეციალურად შესწავლილი თირკმლის ფუნქციის დარღვევების მქონე პაციენტებში. არსებული მონაცემების თანახმად, საჭირო არ არის დოზირების რეჟიმის კორექცია ასეთ პაციენტებში.

თუ პრეპარატი ჟანინი^® მიიღეთ იმაზე მეტი, ვიდრე საჭიროა

თუ პრეპარატი ჟანინი® მიიღეთ იმაზე მეტი, ვიდრე საჭიროა, ან თუ აღმოაჩენთ, რომ აბი ბავშვმა გადაყლაპა, მიმართეთ ექიმს.

პრეპარატ ჟანინის® დოზის გადაჭარბების შედეგად სერიოზული გვერდითი ეფექტების შესახებ შეტყობინებები არ ყოფილა მიღებული.

დოზის გადაჭარბების შემთხვევაში შეიძლება განვითარდეს შემდეგი: გულისრევა, ღებინება. მოზარდ გოგონებში შეიძლება აღინიშნოს ვაგინალური სისხლდენა.

თუ დაგავიწყდათ პრეპარატ ჟანინის^® მიღება

• · თუ აბების მიღებაში დაგვიანება 12 საათზე ნაკლები ა , ორსულობისგან დაცვა არ მცირდება. მიიღეთ გამოტოვებული აბი მაშინვე, როგორც კი გაგახსენდებათ, შემდეგი კი - ჩვეულებრივ დროს.
• · თუ ერთი აბის მიღებაში დაგვიანება 12 საათზე მეტ ია , ორსულობისგან კონტრაცეპტული დაცვა შეიძლება შემცირდეს .

ამ შემთხვევაში, იხელმძღვანელეთ შემდეგი ორი ძირითადი წესით:

• · არასოდეს შეწყვიტოთ პრეპარატის მიღება 7 დღეზე მეტი ხნის განმავლობაში;
• · პრეპარატის საჭირო ეფექტიანობის მისაღწევად საჭიროა აბების უწყვეტი მიღება 7 დღის განმავლობაში.

შესაბამისად, თუ დაგვიანება აბების მიღებაში 12 საათზე მეტია (ბოლო აბის მიღების მომენტიდან ინტერვალი 36 საათზე მეტია), იმ კვირის მიხედვით, როდესაც გამოტოვებული იქნა აბი, აუცილებელია შემდეგი რეკომენდაციების დაცვა:

• · აბი გამოტოვებულია პრეპარატის მიღების პირველ კვირაში:

ბოლო გამოტოვებული აბი უნდა მიიღოთ მაშინვე, როგორც კი გაგახსენდებათ, მაშინაც კი, თუ ორი აბის ერთდროულად მიღება მოგიწევთ. შემდეგი აბები ჩვეულ დროს მიიღეთ. გარდა ამისა, მომდევნო 7 დღის განმავლობაში, დამატებით უნდა გამოიყენოთ კონტრაცეფციის ბარიერული მეთოდი (მაგალითად, პრეზერვატივი). თუ სქესობრივი კავშირი მოხდა აბის გამოტოვებამდე 7 დღის განმავლობაში, საჭიროა ორსულობის დადგომის შესაძლებლობის გათვალისწინება. რაც უფრო მეტ აბს გამოტოვებთ და რაც უფრო ახლოსაა ასეთი გამოტოვება 7-დღიან შესვენებასთან, მით მეტია ორსულობის ალბათობა.

• · აბი გამოტოვებულია პრეპარატის მიღების მეორე კვირაში:

ბოლო გამოტოვებული აბი უნდა მიიღოთ მაშინვე, როგორც კი გაგახსენდებათ, მაშინაც კი, თუ ორი აბის ერთდროულად მიღება მოგიწევთ. შემდეგი აბები ჩვეულ დროს მიიღეთ.

თუ აბებს სწორად იღებდით პირველი გამოტოვებული აბის წინა 7 დღის განმავლობაში, დამატებითი კონტრაცეპტული მეთოდების გამოყენება საჭირო არ არის. წინააღმდეგ შემთხვევაში, ასევე, ორი ან მეტი აბის გამოტოვებისას, დამატებით აუცილებელია კონტრაცეფციის ბარიერული მეთოდების (მაგალითად, პრეზერვატივის) გამოყენება 7 დღის განმავლობაში..

• · აბი გამოტოვებულია პრეპარატის მიღების მესამე კვირაში:

საიმედოობის შემცირების რისკი გარდაუვალია აბების მიღებაში შესვენების მოახლოების გამო. აუცილებელია შემდეგი ორი ვარიანტიდან ერთ-ერთის მკაცრი დაცვა. ამასთან, თუ პირველ გამოტოვებულ აბამდე 7 დღის განმავლობაში ყველა აბი სწორად გაქვთ მიღებული, დამატებითი კონტრაცეპტული მეთოდების გამოყენება საჭირო არ არის. წინააღმდეგ შემთხვევაში, უნდა გამოიყენოთ შემდეგი სქემებიდან პირველი და დამატებით - კონტრაცეფციის ბარიერული მეთოდი (მაგ. პრეზერვატივი) 7 დღის განმავლობაში.

1. ბოლო გამოტოვებული აბი უნდა მიიღოთ მაშინვე, როგორც კი გაგახსენდებათ (მაშინაც კი, თუ ორი აბის ერთდროულად მიღება მოგიწევთ). შემდეგი აბები ჩვეულ დროს მიიღეთ, სანამ ყველა აბი არ დამთავრდება მიმდინარე შეფუთვაში. დაუყოვნებლივ დაიწყეთ შემდეგი შეფუთვის მიღება ჩვეულებრივი 7 დღიანი შესვენების გარეშე. მენსტრუაციის მსგავსი სისხლდენის განვითარება ნაკლებად სავარაუდოა, სანამ არ დაასრულებთ მეორე შეფუთვას, მაგრამ, შეიძლება შენიშნოთ სისხლიანი ლაქები და/ან უეცარი სისხლდენა აბების მიღებისას.

2. ასევე შეგიძლიათ შეწყვიტოთ აბების მიღება მიმდინარე შეფუთვიდან. შემდეგ შეისვენეთ არაუმეტეს 7 დღისა, აბების გამოტოვების დღეების ჩათვლით და, შემდეგ, დაიწყეთ პრეპარატის მიღება ახალი შეფუთვიდან. თუ გამოტოვეთ აბების მიღება და მენსტრუაციის მსგავსი სისხლდენა არ დაგეწყოთ 7-დღიანი შესვენების დროს, აუცილებელია ორსულობის გამორიცხვა.

ერთ დღეში 2-ზე მეტი აბის მიღება დაუშვებელია .

როგორ უნდა მოიქცეთ ღებინების ან ძლიერი დიარეის დროს

აბების მიღების შემდეგ ღებინების ან ძლიერი დიარეის შემთხვევაში პრეპარატის აბსორბცია შეიძლება არასრული იყოს. თუ აბის მიღებიდან 3-4 საათის განმავლობაში დაგეწყებათ ღებინება ან დიარეა, დაიცავით რეკომენდაციები გამოტოვებული აბების შესახებ (იხ. ქვეთავი „თუ დაგავიწყდათ პრეპარატ ჟანინის® მიღება“). თუ არ გსურთ მიღების სქემის შეცვლა, დამატებითი აბი უნდა მიიღოთ სხვა შეფუთვიდან. ეჭვის შემთხვევაში მიმართეთ ექიმს.

როგორ გადავავადოთ მენსტრუაციის მსგავსი სისხლდენის დაწყება

მენსტრუაციის მსგავსი სისხლდენის დაწყების გადავადების მიზნით გააგრძელეთ აბების მიღება პრეპარატის ახალი შეფუთვიდან დაუყოვნებლივ მას შემდეგ, რაც ყველა აბს მიიღებთ მიმდინარე შეფუთვიდან, 7-დღიანი შესვენების გარეშე. ამგვარად, ციკლი შეიძლება გაგრძელდეს სურვილისამებრ ნებისმიერი ვადით, სანამ მეორე შეფუთვა არ დასრულდება, ე.ი., ჩვეულებრივზე დაახლოებით 3 კვირით გვიან. პრეპარატის მეორე შეფუთვიდან მიღების ფონზე შეიძლება აღგენიშნოთ სისხლიანი ლაქები და/ან უეცარი სისხლდენა საშვილოსნოდან. ამის შემდეგ, პრეპარატის რეგულარული მიღება იწყება ჩვეულებრივი 7 დღიანი შესვენების შემდეგ.

როგორ შევცვალოთ მენსტრუაციის მსგავსი სისხლდენის დაწყების დღე

იმისათვის, რომ მენსტრუაციის მსგავსი სისხლდენის დაწყების დღე კვირის სხვა დღეზე გადაიტანოთ, საჭიროა შემდეგი 7 დღიანი შესვენების შემცირება დღეების სასურველი რაოდენობით. მაგალითად, თუ ციკლი, ჩვეულებრივ, გეწყებათ პარასკევს, მომავალში კი მისი დაწყება გსურთ სამშაბათს (3 დღით ადრე), აბების მიღება შემდეგი შეფუთვიდან ჩვეულებრივზე 3 დღით ადრე უნდა დაიწყოთ. რაც უფრო მოკლეა ინტერვალი, მით უფრო დიდია ალბათობა იმისა, რომ არ დაგეწყებათ მენსტრუაციის მსგავსი სისხლდენა, შემდეგ კი, მომდევნო შეფუთვიდან აბების მიღებისას, გექნებათ სისხლიანი ლაქები და/ან უეცარი სისხლდენა.

თუ შეწყვიტეთ პრეპარატ ჟანინის ^® მიღება

პრეპარატ ჟანინის® მიღების შეწყვეტა ნებისმიერ დროს შეგიძლიათ. თუ არ აპირებთ დაორსულებას, ჰკითხეთ ექიმს კონტრაცეფციის საიმედო მეთოდების შესახებ. თუ ორსულობას გეგმავთ, შეწყვიტეთ პრეპარატ ჟანინის® მიღება, დაელოდოთ ბუნებრივ მენსტრუალურ სისხლდენას, შემდეგ კი ორსულობა დაგეგმეთ. ეს დაგეხმარებათ, უფრო ზუსტად გამოთვალოთ ორსულობის ვადა და მშობიარობის დრო.

თუ რაიმე შეკითხვა გაქვთ პრეპარატის გამოყენებასთან დაკავშირებით, მიმართეთ ექიმს.

4. შესაძლო არასასურველი რეაქციები

ყველა წამლის მსგავსად, პრეპარატმა ჟანინმაც შეიძლება გამოიწვიოს არასასურველი რეაქციები, თუმცა, არა ყველა პაციენტში.

იშვიათ, მაგრამ სერიოზულ არასასურველ რეაქციებს შორისაა არტერიული და ვენური თრომბოემბოლია და კიბო (იხილეთ, ასევე, თავი 2: „პრეპარატი ჟანინი® და თრომბოზი“ და „პრეპარატი ჟანინი® და სიმსივნეები“). თრომბოზის ან კიბოს შესაძლო ნიშნების შემთხვევაში, დაუყოვნებლივ დაუკავშირდით მკურნალ ექიმს. შეიძლება დაგჭირდეთ გადაუდებელი სამედიცინო დახმარება!

სხვა შესაძლო არასასურველი რეაქციები , რომლებიც შეიძლება განვითარდეს პრეპარატ ჟანინის ® მიღებისას

ხშირად

(შეიძლება განვითარდეს 10-დან არაუმეტეს 1 პაციენტში)

- თავის ტკივილი;

- ტკივილი სარძევე ჯირკვლებში, დისკომფორტი სარძევე ჯირკვლებში, სარძევე ჯირკვლების შეშუპება.

არახშირად

(შეიძლება განვითარდეს 100-დან არაუმეტეს 1 პაციენტში)

- ვაგინიტი ან ვულვოვაგინიტი, რძიანა საშოში (ვაგინალური კანდიდოზი) ან სხვა სოკოვანი ვულვოვაგინალური ინფექციები;

- მადის მომატება;

- დეპრესიული გუნება-განწყობა;

- თავბრუსხვევა, შაკიკი;

- არტერიული წნევის მომატება ან დაკლება;

- მუცლის ტკივილი, მათ შორის ტკივილი მუცლის ზედა და ქვედა არეებში, დისკომფორტი, შებერილობა, გულისრევა, ღებინება, დიარეა;

- აკნე, თმის ცვენა (ალოპეცია), გამონაყარი, მაკულარულის ჩათვლით, ქავილი, გენერალიზებულის ჩათვლით;

- მენსტრუაციის მსგავსი სისხლდენის მოცულობის, ხანგრძლივობისა და ინტერვალის ცვლილებები, მათ შორის: ჭარბი სისხლდენა/ლაქები, მწირი ან იშვიათი სისხლდენა, მენსტრუაციის მსგავსი სისხლდენის არარსებობა, აციკლური სისხლიანი გამონადენი / სისხლდენა;

- მტკივნეული მენსტრუაციის მსგავსი სისხლიანი გამონადენი / სისხლდენა;

- გამონადენი სასქესო გზებიდან / გამონადენი საშოდან, საკვერცხის კისტები, ტკივილი მცირე მენჯის არეში, სარძევე ჯირკვლების ზომების გადიდება, სარძევე ჯირკვლების გადიდება და დაჭიმვა, სარძევე ჯირკვლის შეშუპება;

- დაღლილობა და მომატებული დაღლილობა (ასთენია), ჯანმრთელობის ცუდი ზოგადი მდგომარეობა;

- სხეულის წონის ცვლილებები (სხეულის წონის მატება, კლება და მერყეობა).

იშვიათად

(შეიძლება განვითარდეს 1000-დან არაუმეტეს 1 პაციენტში)

- საშვილოსნოს დანამატების ანთება (სალპინგოოფორიტი / ადნექსიტი), საშარდე გზების ინფექციები, შარდის ბუშტის ანთება (ცისტიტი), სარძევე ჯირკვლის ანთება (მასტიტი), საშვილოსნოს ყელის ლორწოვანი გარსის ანთება (ცერვიციტი), სოკოვანი ინფექციები (მათ შორის, კანდიდოზი), პირის ღრუს ჰერპესული დაზიანება, გრიპი, ბრონქიტი, სინუსიტი, ზედა სასუნთქი გზების ინფექციები, ვირუსული ინფექცია;

- საშვილოსნოს კეთილთვისებიანი სიმსივნე (მიომა), ცხიმოვანი ქსოვილის კეთილთვისებიანი სიმსივნე (ლიპომა);

- ჰემოგლობინის და ერითროციტების რაოდენობის შემცირება (ანემია);

- ალერგიული რეაქციები;

- მამაკაცის მეორადი სასქესო ნიშნების განვითარება (ვირილიზმი);

- მადის დაკარგვა (ანორექსია);

- დეპრესია, ფსიქიკური აშლილობა, უძილობა, ძილის დარღვევა, აგრესია;

- იშემიური ინსულტი,

- ცერებროვასკულური დარღვევები, კუნთების ცალკეული ჯგუფების სტაბილური რეფლექტორული მოტორული შეკუმშვები სხეულის რომელიმე ნაწილში (დისტონია);

- თვალების ლორწოვანი გარსის სიმშრალე, თვალების ლორწოვანი გარსის გაღიზიანება, მხედველობის დარღვევა, რომლის დროსაც ეჩვენებათ, რომ ობიექტები მხედველობის არეში მერყეობენ (ოსცილოპსია), მხედველობის დარღვევები;სმენის უეცარი დაკარგვა, ტინიტუსი, თავბრუსხვევა (ვერტიგო), სმენის დარღვევა;გულ-სისხლძარღვთა სისტემის დარღვევები;

- გახშირებული გულისცემა (ტაქიკარდია);

- გართულებები, რომლებიც დაკავშირებულია სისხლძარღვთა დაბლოკვასთან (ვენური და არტერიული თრომბოემბოლიური გართულებები), ვენების კედლების ანთება (თრომბოფლებიტი), მაღალი დიასტოლური არტერიული წნევა (დიასტოლური ჰიპერტენზია), თავბრუსხვევა ან სინკოპე მჯდომარე ან მწოლიარე პოზიციიდან ადგომისას (ორთოსტატიკული ცირკულატორული დისტონია), ალები (წამოხურება), ვენების ვარიკოზული გაგანიერება, ვენების პათოლოგია, ტკივილი ვენების არეში;

- ბრონქული ასთმა, ინტენსიური სუნთქვა (ჰიპერვენტილაცია);

- კუჭის ლორწოვანი გარსის ანთება (გასტრიტი), ნაწლავების ანთება (ენტერიტი), კუჭის მოქმედების დარღვევა (დისპეფსია);

- ალერგიული დერმატიტი, ატოპიური დერმატიტი/ნეიროდერმიტი, ეგზემა, ფსორიაზი, ჭარბოფლიანობა (ჰიპერჰიდროზი), კანზე მოყავისფრო ლაქები, განსაკუთრებით სახეზე (ქლოაზმა), პიგმენტაციის დარღვევა/ჰიპერპიგმენტაცია, კანის ანთებითი დაავადება ცხიმოვანი სეკრეციის გაზრდის გამო (სებორეა), ქერტლი, ჭარბთმიანობა, მამაკაცის ტიპის - ულვაშები, წვერი (ჰირსუტიზმი), კანის პათოლოგია, კანის რეაქციები, ცელულიტი, სისხლძარღვთა ვარსკვლავები;

- ზურგის ტკივილი, დისკომფორტი კუნთებისა და ჩონჩხის არეში, კუნთების ტკივილი (მიალგია), ტკივილი ხელებსა და ფეხებში;

- პათოლოგიური უჯრედები საშვილოსნოს ყელის ზედაპირზე (საშვილოსნოს ყელის დისპლაზია), საშვილოსნოს დანამატების კისტა, ტკივილი საშვილოსნოს დანამატებში, სარძევე ჯირკვლების კისტები, სარძევე ჯირკვლების კეთილთვისებიანი ცვლილებები (ფიბროკისტოზური მასტოპათია), ტკივილი სქესობრივი აქტის დროს (დისპარეუნია), რძის პათოლოგიური თვითნებური გამოსვლა სარძევე ჯირკვლებიდან (გალაქტორეა), მენსტრუალური ციკლის დარღვევები;

- ტკივილი გულმკერდის არეში, პერიფერიული შეშუპება, გრიპის მსგავსი სიმპტომები, ანთება, მომატებული ტემპერატურა, გაღიზიანებადობა;

- სისხლში ცხიმების კონცენტრაციის მომატება (ტრიგლიცერიდები და ქოლესტერინი);

- დამატებითი სარძევე ჯირკვლის/პოლიმასტიის გამოვლენა.

უცნობი

(არსებულიმონაცემებიდანგამომდინარე, სიხშირისდადგენაშეუძლებელია)

- გუნება-განწყობის შეცვლა;

- სქესობრივი ლტოლვის (ლიბიდოს) დაქვეითება ან მომატება;

- კონტაქტური ლინზების აუტანლობა (უსიამოვნო შეგრძნებები მათი ტარებისას);

- ჭინჭრის ციება, კანის დაავადება, რომელსაც ახასიათებს მტკივნეული წითელი კვანძები (კვანძოვანი ერითემა), კანის სიწითლე (მულტიფორმული ერითემა);

- გამონადენი სარძევე ჯირკვლებიდან;

- სითხის შეკავება.

ცალკეული არასასურველი რეაქციები

ქვემოთ ჩამოთვლილია არასასურველი რეაქციები, რომელთა სიხშირე უცნობია ან რომელთა სიმპტომები გვიან ვლინდება, რომლებისთვისაც გამოვლენილია კავშირი კომბინირებული პერორალური კონტრაცეპტივების ჯგუფთან (იხ., ასევე, მე-2 ქვეთავი: „უკუჩვენებები“, „განსაკუთრებული მითითებები და უსაფრთხოების ზომები“).:

სიმსივნეები

• • ქალებში, რომლებიც იღებენ კომბინირებულ პერორალურ კონტრაცეპტივებს, ძალიან უმნიშვნელოდაა გაზრდილი ძუძუს კიბოს გამოვლენის სიხშირე. რამდენადაც ძუძუს კიბო იშვიათია 40 წლამდე ასაკის ქალებში, მისი განვითარების შემთხვევების გაზრდილი მაჩვენებელი უმნიშვნელოა ზოგადად ძუძუს კიბოს განვითარების რისკთან შედარებით. მიზეზ-შედეგობრივი კავშირი კომბინირებული პერორალური კონტრაცეპტივების მიღებასთან არ არის დამტკიცებული (იხ.:"პრეპარატი ჟანინი® და სიმსივნეები").
• • ღვიძლის სიმსივნეები (კეთილთვისებიანი და ავთვისებიანი)

სხვა პათოლოგიები

• • ჰიპერტრიგლიცერიდემიის მქონე ქალები (სისხლში ცხიმების შემცველობის მატება, რაც იწვევს პანკრეატიტის განვითარების რისკს პერორალური კონტრაცეპტივების მიღებისას);
• • მაღალი არტერიული წნევა;
• • პათოლოგიები, რომლებიც ვითარდება ან უარესდება კომბინირებული კონტრაცეპტივების გამოყენებისას, მაგრამ მათი კავშირი არ არის დამტკიცებული: სიყვითლე და/ან ქავილი, რომელიც დაკავშირებულია ქოლესტაზთან (ნაღვლის ნაკადის დაბლოკვა); ნაღვლის ბუშტში კენჭების წარმოქმნა; პორფირია (პიგმენტური მეტაბოლიზმის მემკვიდრეობითი დარღვევა); სისტემური წითელი მგლურა (ქრონიკული აუტოიმუნური დაავადება); ჰემოლიზურ-ურემიული სინდრომი (სისხლის შედედების დარღვევა); სიდენჰამის ქორეა (ნევროლოგიური დაავადება); ჰერპესი ორსულობის დროს; სმენის დაქვეითება, რომელიც დაკავშირებულია ოტოსკლეროზთან;
• • მემკვიდრეობითი ანგიონევროზული შეშუპება (უეცარი შეშუპება, მაგალითად ქუთუთოების, პირის ღრუს, ყელის და ა.შ.). ესტროგენების მიღებამ შეიძლება გამოიწვიოს ან გააუარესოს ანგიონევროზული შეშუპების სიმპტომები;
• • ღვიძლის ფუნქციის დარღვევა;
• • გლუკოზისადმი ტოლერანტობის ცვლილებები (გლუკოზის სწორად ათვისების უნარის დაქვეითება) ან ზემოქმედება პერიფერიულ ინსულინრეზისტენტობაზე (ბიოლოგიური პასუხის დაქვეითება ინსულინის მოქმედების ეფექტებზე);
• • კრონის დაავადება, წყლულოვანი კოლიტი (ნაწლავების ანთებითი დაავადება);
• • ქლოაზმა (ოქროსფერ-ყავისფერი ლაქები კანზე, განსაკუთრებით სახეზე).

პრეპარატ ჟანინის® ურთიერთქმედებამ სხვა პრეპარატებთან შეიძლება გამოიწვიოს მოულოდნელი სისხლდენა და/ან კონტრაცეპტული ეფექტის შემცირება (იხ.: პუნქტი 2: „სხვა პრეპარატები და პრეპარატი ჟანინი®“).

შეტყობინება არასასურველი რეაქციების შესახებ

რომელიმე არასასურველი რეაქციის განვითარების შემთხვევაში მიმართეთ ექიმს. ეს რეკომენდაცია ვრცელდება ნებისმიერ შესაძლო არასასურველ რეაქციაზე, მათ შორის იმ რეაქციებზე, რომლებიც არ არის ჩამოთვლილი ანოტაციის ფურცელში. არასასურველი რეაქციების შესახებ, ასევე, შეგიძლიათ პირდაპირ შეატყობინოთ (იხ. ქვემოთ). არასასურველი რეაქციების შეტყობინების გზით თქვენ გვეხმარებით მეტი ინფორმაციის მიღებაში სამკურნალო პრეპარატის უსაფრთხოების შესახებ.

რუსეთისფედერაცია

ჯანდაცვის სფეროს მეთვალყურეობის ფედერალური სამსახური (Росздравнадзор)

მისამართი: 109012, ქ. მოსკოვი, სლავიანსკაიას მოედანი, 4, კორპუსი 1

ტელეფონი: 8 800 550 99 03

ელ. ფოსტა: [email protected]

https://roszdravnadzor.gov.ru/

ყაზახეთისრესპუბლიკა

ყაზახეთის რესპუბლიკის ჯანდაცვის სამინისტროს სამედიცინო და ფარმაცევტული კონტროლის კომიტეტის "მედიკამენტებისა და სამედიცინო ნაწარმის ექსპერტიზის ეროვნული ცენტრი".

მისამართი: 010000, ასტანა, ბაიკონურის რაიონი, ა. იმანოვის ქ. 13 (БЦ «Нурсаулет 2»)

ტელეფონი: +7 7172 23 51 35

ელ. ფოსტა: [email protected]

https://www.ndda.kz

ბელარუსისრესპუბლიკა

მისამართი: 220037, ქ. მინსკი, ტოვარიშჩესკი შესახვ. 2ა

"ჯანდაცვის ექსპერტიზისა და ტესტირების ცენტრი"

ტელეფონი: +375 17 242 00 29

ელ. ფოსტა: [email protected]

https://www.rceth.by

5. პრეპარატ ჟანინის ^® შენახვის წესი

შეინახეთ პრეპარატი ბავშვებისთვის მიუწვდომელ ადგილას ისე, რომ ბავშვმა ვერ შეძლოს მისი დანახვა.

ნუ მიიღებთ პრეპარატს შეფუთვაზე მითითებული ვარგისიანობის ვადის (შენახვის ვადის) გასვლის შემდეგ. ვარგისიანობის ვადის ამოწურვის თარიღია მოცემული თვის ბოლო დღე.

შეინახეთ არაუმეტეს 25°C ტემპერატურის პირობებში, თავდაპირველ შეფუთვაში (ბლისტერი შეფუთვაში).

ნუ გადააგდებთ პრეპარატს კანალიზაციაში (წყალგაყვანილობის სისტემაში). დააზუსტეთ აფთიაქართან არასაჭირო პრეპარატის უტილიზაციის წესი. ეს ზომები ხელს შეუწყობს გარემოს დაცვას.

6. შეფუთვის შიგთავსი და სხვა ინფორმაცია

პრეპარატი ჟანინი ^® შეიცავს

მომქმედი ნივთიერებებია დიენოგესტი და ეთინილესტრადიოლი.

თითოეული შემოგარსული აბი შეიცავს 2000 მგ დიენოგესტს და 0,030 მგ ეთინილესტრადიოლს.

სხვა ინგრედიენტები (დამხმარე ნივთიერებები):

მიკროკრისტალური ცელულოზა, სიმინდის სახამებელი, სიმინდის სახამებელი პრეჟელატინირებული, მალტოდექსტრინი, მაგნიუმის სტეარატი.

გარსი 1: საქაროზა, პოვიდონი 90, მაკროგოლი 6000, კალციუმის კარბონატი, ტალკი.

გარსი 2: საქაროზა, თხევადი დექსტროზა, კალციუმის კარბონატი, პოვიდონი K25, მაკროგოლი 35000, ტიტანის დიოქსიდი (E 171), კარნაუბის ცვილი.

პრეპარატი ჟანინი® შეიცავს თხევად დექსტროზას და საქაროზას (იხ. ნაწილი 2).

გაცემის წესი: ფარმაცევტული პროდუქტის ჯგუფი II, გაიცემა ფორმა №3 რეცეპტით.

პრეპარატ ჟანინის ^® გარეგნული სახე და შეფუთვის შიგთავსი

მრგვალი, ორივე მხრიდან ამოზნექილი, შემოგარსული აბები, თეთრი ან თითქმის თეთრი ფერის.

21 აბი ბლისტერში, რომელიც დამზადებულია PE/PTFE მასალისა და ალუმინის ფოლგისგან. 1 ან 3 ბლისტერი შეფუთვის ანოტაციის ფურცელთან ერთად მოთავსებულია მუყაოს კოლოფში, პირველი გახსნის კონტროლით.

სარეგისტრაციო მოწმობის მფლობელი

ბაიერი აგ, კაიზერ-ვილჰელმ-ალლეე, 1, 51373 ლევერკუზენი, გერმანია

Bayer AG, Kaiser-Wilhelm-Allee, 1, 51373 Leverkusen, Germany

მწარმოებელი

ბაიერ ვაიმარ გმბჰ და კო. კგ, დობერაინერშტრასე, 20, 99427 ვაიმარი, გერმანია

Bayer Weimar GmbH und Co. KG, Dobereinerstrasse 20, 99427 Weimar, Germany

პრეპარატის შესახებ ნებისმიერი ინფორმაციისთვის, ასევე, პრეტენზიების შემთხვევაში, დაუკავშირდით სარეგისტრაციო მოწმობის მფლობელის ადგილობრივ წარმომადგენელს:

რუსეთის ფედერაციაში:

სს „ბაიერი“

107113 მოსკოვი, მე-3 რიბინსკაიას ქ., 18, კორპ. 2, რუსეთი

ტელ.: +7 495 231 12 00

www.bayer.ru

ყაზახეთის რესპუბლიკაში:

შპს „ბაიერ ყაზ“

050057 ალმატი, ტიმირიაზევის ქ. 42, პავ. 15, ოფისი 301, ყაზახეთი

ტელ.: +7 727 258 80 40

e-mail: [email protected]

www.bayer.ru

ბელარუსის რესპუბლიკაში:

შპს „ბაიერ ბრ»

220089, ქ. მინსკი, ძერჟინსკის გამზ. 57, ოთახი 54, ბელარუსი

ტელ.: +375 17 239 54 20

www.bayer.ru

ანოტაციის ფურცელი გადახედილ იქნა

ინფორმაციის სხვა წყაროები

დაწვრილებითი მონაცემები ამ პრეპარატის შესახებ ხელმისაწვდომია ევრაზიის ეკონომიკური კავშირის ვებგვერდზე https://eec.eaeunion.org. ანოტაციის ფურცელი ხელმისაწვდომია კავშირის ყველა ენაზე კავშირის ვებსაიტზე.