თიოტრიაზოლინ ფორტე 50მგ/მლ2მლ#10ა

თიოტრიაზოლინ ფორტე

(THIOTRIAZOLIN FORTE)

 შემადგენლობა: 

 მოქმედი ნივთიერება : თიაზოტის მჟავას მორფოლინიუმის მარილი;

ხსნარის 1 მლ შეიცავს თიაზოტის მჟავას მორფოლინიუმის მარილს, ნივთიერების 100%-ზე  გადათვლით - 50,0 მგ, რაც წარმოადგენს 33,3 მგ თიაზოტის მჟავას ექვივალენტს.

დამხმარე ნივთიერება : საინექციო წყალი.

სამკურნალო ფორმა. საინექციო ხსნარი.

ძირითადი ფიზიკო-ქიმიური თვისებები : გამჭვირვალე უფერო ან  ოდნავ მოყვითალო ელფერის სითხე.

ფარმაკოთერაპიული ჯგუფი.

კარდიოლოგიური პრეპარატები. სხვა კარდიოლოგიური პრეპარატები. ათქ კოდი   C01E B23.

ფარმაკოლოგიური თვისებები.

ფარმაკოდინამიკა.

თიაზოტის მჟავას ფარმაკოლოგიური ეფექტი განპირობებულია იშემიის საწინააღმდეგო, მემბრანომასტაბილიზირებელი, ანტიოქსიდანტური და იმუნომოდულატორული მოქმედებით.

პრეპარატის ზემოქმედება რეალიზდება ანაერობული გლიკოლიზის  კომპენსატორული აქტივაციისა და  კრებსის ციკლში  ჟანგვის პროცესის აქტივაციის გაძლიერების ხარჯზე ადენოზინტრიფოსფატის  უჯრედშიდა ფონდის შენარჩუნებით. თიაზოტის მჟავას მოლეკულის სტრუქტურაში  ჟანგვა-აღდგენითი თვისებებით დახასიათებული თიოლის გოგირდისა და წყალბადის ჭარბი  იონების შემკვრელი  მესამეული  აზოტის არსებობა განაპირობებს ანტიოქსიდანტური სისტემის აქტივაციას. თიოლის ჯგუფის ძლიერი აღდგენითი თვისებები იწვევენ რეაქციას ჟანგბადის აქტიურ ფორმებთან და ლიპიდურ რადიკალებთან. ანტირადიკალური ფერმენტების - სუპეროქსიდდისმუტაზას, კატალაზას და გლუტატიონპეროქსიდაზას - რეაქტივაცია თავიდან გვარიდებს ჟანგბადის აქტიური ფორმის ინიციაციას.

თიაზოტის მჟავა აფერხებს ლიპიდების ჟანგვის პროცესებს მიოკარდის იშემიზირებულ უბნებში, ამცირებს მიოკარდის მგრძნობელობას კატექოლამინების მიმართ, ხელს უშლის გულის კუმშვადი ფუნქციის პროგრესირებად დათრგუნვას, სტაბილურს ხდის და  შესაბამისად ამცირებს ნეკროზისა და მიოკარდის იშემიის ზონას. სისხლის რეოლოგიური თვისებების გაუმჯობესება ხორციელდება ფიბრინოლიზური სისტემის აქტივაციის ხარჯზე. მიოკარდის მეტაბოლიზმის პროცესების გაუმჯობესება, მისი შეკუმშვის თვისების გაზრდა, გულის რითმის ნორმალიზაციის პროცესების ხელშეწყობის თვისება გვაძლევს საშუალებას რეკომენდაცია გაუწიოთ თიაზოტის მჟავას   გულის იშემიური დაავადების სხვადასხვა ფორმების მქონე ავადმყოფების მკურნალობისას.

ფარმაკოკინეტიკა

სისხლის პლაზმაში თიაზოტის მჟავას მაქსიმალური კონცენტრაცია მიიღწევა ინტრამუსკულარული შეყვანის შემთხვევაში- 0,84 საათის შემდეგ, ინტრავენურის დროს კი- 0,1 საათის შემდეგ. შეკავშირება სისხლის ცილებთან არ აღემატება 10 %. თიაზოტის მჟავა ძირითადად თირკმელებში გროვდება-31%. მნიშვნელოვანი რაოდენობით ის გროვდება  მსხვილ ნაწლავში, გულში, ელენთაში, ყველაზე ნაკლებად- წვრილ ნაწლავში და ფილტვებში (1-2%).

კლინიკური მახასიათებლები.

ჩვენებები.

• გულის იშემიური დაავადების: სტენოკარდიის, მიოკარდის ინფარქტის კომპლექსური მკურნალობის დროს.

უკუჩვენებები.

• მომატებული მგრძნობელობა თიაზოტის მჟავას მიმართ;
• თირკმლის მწვავე უკმარისობა;
• ორსულობისა და ძუძუთი კვების პერიოდი;
• ბავშვთა ასაკი (18 წლამდე).

ურთიერთქმედება სხვა სამკურნალო საშუალებებთან და ურთიერთქმედების სხვა სახეობები.

პრეპარატი თიოტრიაზოლინი ფორტეს გამოყენება შესაძლებელია  გულის იშემიური დაავადების თერაპიის საბაზისო საშუალებებთან კომბინაციაში.

გამოყენების თავისებურებები.

გამოყენება ორსულობისა და ძუძუთი კვების პერიოდში.

პრეპარატის გამოყენების გამოცდილება ორსულობისა და ძუძუთი კვების დროს არასაკმარისია.

ავტოტრანსპორტის ან სხვა მექანიზმების მართვის დროს სიჩქარის რეაქციაზე  ზეგავლენის უნარი. ცენტრალური და პერიფერიული ნერვული სისტემის მხრიდან  გვერდითი რეაქციის  განვითარების შემთხვევაში აუცილებელია ავტოსატრანსპორტო საშუალებების მართვისა და სხვა რთულ მექანიზმებთან მუშაობის დროს იქნას დაცული სიფრთხილე.

გამოყენების წესი და დოზები.

მიოკარდის ინფარქტისა და არასტაბილური სტენოკარდიის დროს პრეპარატი თიოტრიაზოლინ ფორტე უნდა იქნას შეყვანილი ინტრავენურად ნელა  2 მლ 50 მგ/მლ ხსნარი (100 მგ)   სიჩქარით  2 მლ/ წუთში  ან ინტრავენურად წვეთობით სიჩქარით 20-30 წვეთი  წუთში ( 2 მლ ხსნარი  50მგ/მლ  იხსნება 0,9%-იანი ნატრიუმის ქლორიდის 150-250მლ-ში), ან უნდა იქნას შეყვანილი ინტრამუსკულარულად  2- 2 მლ 50 მგ/მლ ხსნარი ( 100 მგ), ან შეჰყავთ ინტრამუსკულარულად 2მლ 50მგ/მლ ხსნარი (100მგ ) 2-3 ჯერ დღე-ღამეში. მკურნალობის კურსი 14 დღეა.

დაძაბულობის სტენოკარდიის დროს პრეპარატი თიოტრიაზოლინ ფორტე უნდა იქნას შეყვანილი ინტრამუსკულარულად   4 მლ  50 მგ/მლ ხსნარი 2 ჯერ დღე-ღამეში ( სადღეღამისო  დოზაა 400 მგ). მკურნალობის კურსი 14 დღე-ღამეა.

ბავშვები. ბავშვებში  პრეპარატის გამოყენების გამოცდილება არასაკმარისია.

დოზის გადაჭარბება. 

 დოზის გადაჭარბების შემთხვევაში შარდში მატულობს ნატრიუმისა და კალიუმის კონცენტრაცია. ასეთ დროს პრეპარატი აუცილებლად უნდა მოიხსნას. მკურნალობა სიმპტომურია.

გვერდითი რეაქციები.

პრეპარატი, როგორც წესი, კარგად გადაიტანება. მომატებული მგრძნობელობის მქონე ავადმყოფებს შეიძლება განუვითარდეთ:

კანისა და კანქვეშა უჯრედისის მხრივ:  ქავილი, კანის ჰიპერემია, გამონაყარი, ჭინჭრის ციება;

იმუნური სისტემის მხრივ:  სხვა პრეპარატების გამოყენების ფონზე აღწერილია ანგიონევროზული შეშუპების, ანაფილაქსიური შოკის შემთხვევები;

სხვა : ცხელება, ციება და ცვლილებები შეყვანის ადგილზე.

პაციენტებს, ძირითადად ხანდაზმული ასაკისა, სხვა პრეპარატების მიღების დროს შეიძლება განუვითარდეთ:

ცენტრალური და პერიფერიული ნერვული სისტემის მხრივ: ზოგადი სისუსტე, თავბრუსხვევა, შუილი ყურებში, თავის ტკივილი;

გულსისხლძარღვთა სისტემის მხრივ: ტაქიკარდია, არტერიული ჰიპერტენზია, არტერიული წნევის დაქვეითება;

კუჭ-ნაწლავის ტრაქტის მხრივ: დისპეპსიური  მოვლენების განვითარება  პირის სიმშრალის, გულისრევის, მუცლის შებერვის, ღებინების ჩათვლით.

სასუნთქი სისტემის მხრივ: ქოშინი და ჰაერის ნაკლებობა.

ვარგისობის ვადა. 3 წელი.

შენახვის პირობები.

შეინახეთ ორიგინალ შეფუთვაში არა უმეტეს 25˚C.

შეინახეთ ბავშვებისათვის მიუწვდომელ ადგილზე.

შეფუთვა.

2 მლ ამპულაში, 10 ამპულა კონტურულ ფიჭისმაგვარ შეფუთვაში, 1 კონტურული ფიჭისმაგვარი შეფუთვა კოლოფში.

4 მლ ამპულაში, 5 ამპულა კონტურულ ფიჭისმაგვარ შეფუთვაში, რომელიც ფირითაა დაფარული,

კოლოფში 2 კონტურული ფიჭისმაგვარი შეფუთვა, რომელიც ფირითაა დაფარული.

გაცემის წესი:

ფარმაცევტული პროდუქტის ჯგუფი - II , გაიცემა ფორმა №3 რეცეპტით

მწარმოებელი. სსს „ გალიჩფარმი“.

მწარმოებლის ადგილსამყოფელი და მისი საქმიანობის  წარმოების მისამართი.

უკრაინა, 79024, ქ. ლვოვი, ოპრიშკოვსკაიას ქუჩა, 6/8