ვოლტარენი 100მგ #10სუპ(თურქ)

ვოლტარენი 100მგ #10სუპ(თურქ)

საერთაშორისოარაპატენტირებულიდასახელება (სად): დიკლოფენაკი.

წამლისფორმა: რექტალური სანთლები.

შემადგენლობა

1 რექტალური სანთელი შეიცავს 25, 50 ან 100 მგ დიკლოფენაკ ნატრიუმს (აქტიური ნივთიერება), აგრეთვე მყარ ცხიმებს არააქტიური ინგრედიენტების სახით.

ფარმაკოლოგიურიჯგუფი: არასტეროიდული ანთების და რევმატიზმის საწინააღმდეგო საშუალებები.

ათქ კოდი: M01AB05

ფარმაკოლოგიურითვისებები

ვოლტარენი D შეიცავს დიკლოფენაკ ნატრიუმს, არასტეროიდული სტრუქტურის ნივთიერებას, რომელსაც ახასიათებს ანთების საწინააღმდეგო, ანალგეზიური და სიცხის დამწევი მოქმედება. დიკლოფენაკის მოქმედების ძირითად მექანიზმად, ითვლება პროსტაგლანდინების ბიოსინთეზის შეჩერება, რომლებიც მნიშვნელოვან როლს თამაშობენ ანთების, ტკივილისა და ტამპერატურის მომატების გენეზისში.

რევმატიური დაავადებების შემთხვევაში ვოლტარენი D-ს ანთების საწინააღმდეგო და ანალგეზიური თვისებები ამცირებს კლინიკურად მნიშვნელოვან ისეთ სიმპტომებსა და ჩივილებს, როგორიცაა ტკივილი მოსვენებულ მდგომარეობაში და მოძრაობისას, დილით სახსრების შებოჭილობა და შესივება, ამასთან ერთად, იგი ხელს უწყობს სახსრების ფუნქციური მდგომარეობის გაუმჯობესებას.

In vitro დიკლოფენაკ ნატრიუმი კონცენტრაციებში, რომლებიც პაციენტების მკურნალობისას მიღწეული კონცენტრაციების ეკვივალენტურია, არ თრგუნავს ხრტილოვანი ქსოვილის პროტეოგლიკანების ბიოსინთეზს.

ტრავმისა და ოპერაციის შემდგომი ანთებითი მოვლენების დროს ვოლტარენი სწრაფად ხსნის ტკივილებს (როგორც სპონტანურს, ასევე მოძრაობისას წარმოქმნილს), ამცირებს ანთებით შეშუპებას და ოპერაციის შემდგომი ჭრილობის შეშუპებას.

ჩატარებული კლინიკური კვლევებით გამოვლინდა პრეპარატის მნიშვნელოვანი ანალგეზიური ეფექტი ზომიერად და ძლიერად გამოხატული არარევმატული წარმოშობის ტკივილის სინდრომის დროს. კლინიკური კვლევებით ასევე დადგინდა, რომ ვოლტარენი ხსნის ტკივილის შეგრძნებას და ამცირებს სისხლდენას პირველადი დისმენორეის დროს.

ვოლტარენი, ასევე ხელს უშლის შაკიკის შეტევების გამოვლენას.

ფარმაკოკინეტიკა

შეწოვა

რექტალური სანთლების მიღების შემდეგ, რომელიც შეიცავს 50მგ აქტიურ ნივთიერებას, პლაზმაში მისი მაქსიმალური კონცენტრაცია მიიღწევა საშუალოდ 1 საათის ფარგლებში და შეადგენს 1,0 მკგ/მლ-ში (3,33 მკ მოლი/ლ). დიკლოფენაკი მთლიანად და სწრაფად შეიწოვება ნაწლავებიდან მისი ბიოშეღწევადობა შეადგენს 82%-ს ნაწლავში ხსნადი ორალურად მიღებული ტაბლეტისა.

50 მგ რექტალური სანთლების მიღების შემდეგ, ვოლტარენის მაქსიმალური კონცენტრაცია პლაზმაში აღინიშნება 1 საათის შემდეგ და 1,0 მკგ/მლ (3,33მკმოლი/ლ) შეადგენს. ბავშვებში დიკლოფენაკის კონცენტრაციები სისხლის პლაზმაში პრეპარატის ეკვივალენტური დოზების დანიშვნისას (მგ/კგ სხეულის მასაზე) უტოლდება შესაბამის მაჩვენებლებს ზრდასრულ პაციენტებში.

აბსორბციის ხარისხი პირდაპირპროპორციულია დოზის სიდიდის. პრეპარატის სანთლების სახით განმეორებით მიღების შემდეგ ფარმაკოკინეტიკის მაჩვენებლები არ იცვლება. ამიტომ, თუ დაცულია რეკომენდებული ინტერვალები პრეპარატის ცალკეული დოზების მიღებებს შორის მისი კუმულაცია არ აღინიშნება.

განაწილება

სისხლის შრატის ცილებთან პრეპარატის შეკავშირემის ხარისხი 99,7%-ს შეადგენს. კავშირი უპირატესად მყარდება ალბუმინთან (99,4%). განაწილების მოჩვენებითი მოცულობა 0.12-0.17ლ/კგ შეადგენს. დიკლოფენაკი აღწევს სინოვიალურ სითხეში, სადაც მისი მაქსიმალური კონცენტრაცია მიიღწევა 2-4 საათით უფრო გვიან, ვიდრე სისხლის პლაზმაში. სინოვიალური სითხიდან ნახევრად გამოყოფის პერიოდი 3-6 საათს შეადგენს. პლაზმაში მაქსიმალური კონცენტრაციის მიღწევიდან 2 საათის შემდეგ დიკლოფენაკის კონცენტრაცია სინოვიალურ სითხეში უფრო მაღალია, ვიდრე პლაზმაში, და მისი მნიშვნელობები უფრო მაღალი რჩება 12 საათის მანძილზე.

მეტაბოლიზმი

დიკლოფენაკის მეტაბოლიზმი ხორციელდება ნაწილობრივ შეუცვლელი მოლეკულის გლუკურონიზაციის გზით, ძირითადად კი ერთჯერადი და მრავალჯერადი მეტოქსილირების გზით, რაც იწვევს რამდენიმე ფენოლური მეტაბოლიტის წარმოქმნას (3¢-ჰიდროქსი-, 4¢-ჰიდროქსი-, 5¢-ჰიდროქსი-, 4¢,5-დიჰიდროქსი- და 3¢-ჰიდროქსი-4¢-მეტოქსიდიკლოფენაკი), რომელთა უმეტესობა გარდაიქმნება გლუკურონიდულ კონიუგატად. ამ ფენოლური მეტაბოლიტებიდან ორი ბიოლოგიურად აქტიურია, მაგრამ გაცილებით ნაკლები ხარისხით, ვიდრე დიკლოფენაკი.

ელიმინაცია

დიკლოფენაკის საერთო სისტემური პლაზმური კლირენსი 263±56 მლ/წთ შეადგენს, ხოლო ნახევრად გამოყოფის საბოლოო პერიოდი 1-2 საათს. 4 მეტაბოლიტის, მათ შორის ორი ფარმაკოლოგიურად აქტიურის, ნახევრად გამოყოფის პერიოდი არ არის ხანგრძლივი და 1-3 საათს შეადგენს. ერთ-ერთ მეტაბოლიტს, 3¢-ჰიდროქსი-4¢-მეტოქსიდიკლოფენაკს, ნახევრად გამოყოფის უფრო ხანგრძლივი პერიოდი გააჩნია, თუმცა იგი სრულიად არააქტიურია. პრეპარატის გამოყენებული დოზის დაახლოებით 60% ელიმინირდება შარდთან ერთად შეუცვლელი, აქტიური ნივთიერების გლუკურონული კონიუგატების სახით, აგრეთვე მეტაბოლიტების სახით, რომელთაგან უმეტესობა გლუკურონულ კონიუგატებს წარმოადგენს. უცვლელი სახით გამოიყოფა დიკლოფენაკის 1%-ზე ნაკლები. პრეპარატის გამოყენებული დოზის დარჩენილი ნაწილი ელიმინირდება მეტაბოლიტების სახით ღვიძლის გავლით განავალთან ერთად.

ფარმაკოკინეტიკაავადმყოფთაცალკეულჯგუფებში

ვოლტარენის მიღებისას ერთჯერადი დოზით პაციენტებში, რომელთაც აქვთ თირკმელების ფუნქციის დარღვევები, დიკლოფენაკის დაგროვება არ აღინიშნება. იმ შემთხვევაში, თუ კრეატინინის კლირენსი 10 მლ/წთ ნაკლებს შეადგენს, დიკლოფენაკის ჰიდროქსიმეტაბოლიტების წონასწორული კონცენტრაციები დაახლოებით 4 ჯერ უფრო მაღალია, ვიდრე ჯანმრთელ პაციენტებში. საბოლოო მეტაბოლიტები გამოიყოფა ნაღველთან ერთად.

ქრონიკული ჰეპატიტით ან ღვიძლის კომპენსირებული ციროზით დაავადებულ პაციენტებში დიკლოფენაკის ფარმაკოკინეტიკის მაჩვენებლები ანალოგიურია შესაბამისი მაჩვენებლების პაციენტებში, რომლებსაც არა აქვთ ღვიძლი დაავადებული.

გამოყენების ჩვენებები

რევმატული დაავადებების ანთებითი და დეგენერაციული ფორმები:
- რევმატოიდური ართრიტი;
- იუვენილური რევმატოიდური ართრიტი (მხოლოდ 25მგ რექტალური სანთლებისათვის);
- მაანკილოზირებული სპონდილიტი;
- ოსტეოართროზი;
- სპონდილოართრიტები.
ტკივილის შეგრძნების სინდრომი ხერხემლის მხრივ.
სახსრებსგარე რბილი ქსოვილების რევმატური დაავადებები.
პოდაგრის მწვავე შეტევა.
ტრავმების და ოპერაციების შემდგომი ტკივილის შეგრძნების სინდრომი, რომელსაც თან სდევს ანთება და შეშუპება.
შაკიკის შეტევები.
თირკმელისა და ღვიძლის ჭვალი.
გინეკოლოგიური დაავადებები, რომლებსაც თან სდევს ტკივილის შეგრძნების სინდრომი და ანთებები, მაგალითად პირველადი დისმენორეა და ადნექსიტი.
დამატებითი საშუალების სახით ყელ-ყური-ცხვირის მძიმე ანთებითი დაავადებების დროს, რომლებსაც თან ახლავს მკაფიოდ გამოხატული ტკივილი, მაგალითად, ფარინგიტის, ტონზილიტის, ოტიტის დროს.
იზოლირებულად - გაცივების სამკურნალოდ პრეპარატის გამოყენება ნაჩვენები არ არის.

უკუჩვენებები

კუჭის ან ნაწლავის წყლული.
მაღალი მგძნობელობა დიკლოფენაკის და პრეპარატის ნებისმიერი სხვა ინგრედიენტების მიმართ.
ვოლტარენი, ისევე როგორც ანთების საწინააღმდეგო სხვა არასტეროიდული პრეპარატები (ასაპ), წინააღმდეგნაჩვენებია ისეთი პაციენტებისთვის, რომლებშიც აცეტილსალიცილის მჟავას ან სხვა ასაპ მიღება იწვევს ბრონქული ასთმის შეტევას, ჭინჭრის ციებას ან მწვავე რინიტს.
ვოლტარენი არ ინიშნება ორსულობის III ტრიმესტრში.
პროქტიტი, ბუასილი, რექტალური სისხლდენა.

სიფრთხილისზომები

ვოლტარენით D მკურნალობის პერიოდში ნებისმიერ დროს შეიძლება განვითარდეს კუჭ-ნაწლავიდან სისხლდენა ან კუჭ-ნაწლავის ტრაქტის წყლული, რომელიც შეიძლება გართულდეს პერფორაციით; ამასთან ერთად, ყოველთვის არ არის გამოხატული ასეთი გართულებების ან წყლულოვანი დაზიანებების მანიშნებელი სიმპტომები ანამნეზური მონაცემების მიხედვით. უფრო სერიოზული გართულებები აღინიშნება ხანდაზმული ასაკის პაციენტებში. ისეთ იშვიათ შემთხვევებში, როდესაც პაციენტებს, რომლებიც იყენებენ ვოლტარენს, ასეთი გართულებები უვითარდებათ, მათ უნდა შეუწყდეს აღნიშნული პრეპარატით მკურნალობა.

რეკომენდებული არ არის პრეპარატის დანიშვნა პაციენტებში, რომლებსაც გააჩნიათ სისხლწარმომქმნელი სისტემის დაავადებები, აგრეთვე, პირებში, რომლებიც დაავადებულნი არიან პორფირიით (პორფირიის შეტევების განვითარების საფრთხის გამო).

პაციენტებში, რომლებსაც ადრე არ მიუღიათ ვოლტარენი, პრეპარატით მკურნალობის პერიოდში, ისევე, როგორც სხვა ასაპ-ით თერაპიის დროს, იშვიათ შემთხვევებში შეიძლება აღენიშნოს ალერგიული, მათ შორის ანაფილაქსიური და ანაფილაქსოიდური რეაქციები.

ვოლტარენმა, თავისი ფარმაკოდინამიკური თვისებების მიხედვით, შეიძლება ხელი შეუწყოს ინფექციურ-ანთებითი დაავადებებისათვის დამახასიათებელი ჩივილებისა და სიმპტომების შენიღბვას. ვოლტარენის D მიღების დროს აუცილებელია გულდასმითი სამედიცინო დაკვირვება იმ ავადმყოფებზე, რომლებსაც აქვთ კუჭ-ნაწლავის ტრაქტის დაავადებების მანიშნებელი ჩივილები და ანამნეზური მონაცემები კუჭის ან ნაწლავის წყლულოვანი დაზიანების შესახებ, დაავადებულნი არიან წყლულოვანი კოლიტით ან კრონის დაავადებით, და აგრეთვე დარღვეული აქვთ ღვიძლის ფუნქცია.

ვოლტარენის, ისევე როგორც სხვა ასაპ მიღებისას შეიძლება მოიმატოს ღვიძლის ერთი ან რამდენიმე ფერმენტის აქტივობამ. ამიტომ, ვოლტარენით D ხანგრძლივი თერაპიის ჩატარებისას სიფრთხილის ზომის სახით ნაჩვენებია ღვიძლის ფუნქციის რეგულარული გამოკვლევა. თუ დარღვევები ღვიძლის ფუნქციური მაჩვენებლების მხრივ შენარჩუნდება ან გაძლიერდება, ან თუ განვითარდება ღვიძლის დაავადების მიმანიშნებელი ჩივილები ან სიმპტომები, აგრეთვე იმ შემთხვევაში, თუ წარმოიშობა სხვა გვერდითი მოვლენები (მაგალითად, ეოზინოფილია, გამონაყარი და ა.შ.), უნდა შეწყდეს ვოლტარენის მიღება. მხედველობაში უნდა ვიქონიოთ, რომ  ვოლტარენის მიღების ფონზე შეიძლება განვითარდეს ჰეპატიტი პროდრომალური მოვლენების გარეშე.

რადგანაც პროსტაგლანდინები მნიშვნელოვან როლს თამაშობენ თირკმელების სისხლმიმოქცევაში, საჭიროა დიდი სიფრთხილე ისეთი პაციენტების მკურნალობისას, რომლებსაც აქვთ გულისა და თირკმელების ფუნქციის დარღვევები, ხანდაზმული ასაკის პაციენტების მკურნალობისას, ასევე ისეთი ავადმყოფების მკურნალობისას, რომლებიც ღებულობენ დიურეტიკებს ან მნიშვნელოვნად დაქვეითებული აქვთ ნებისმიერი ეთიოლოგიის ცირკულაციაში მყოფი სისხლის მოცულობა, მაგალითად, მასიური ქირურგიული ჩარევის წინ და ჩარევის შემდგომ პერიოდში. ამ შემთხვევებში ვოლტარენის გამოყენების დროს რეკომენდებულია სიფრთხილის ზომის სახით თირკმელების ფუნქციების რეგულარული კონტროლი. პრეპარატის მიღების შეწყვეტა ჩვეულებრივ იწვევს თირკმელების ფუნქციის აღდგენას საწყის დონემდე. ვოლტარენის, ისევე როგორც სხვა ასაპ ხანგრძლივი მიღების შემთხვევაში, ნაჩვენებია პერიფერიული სისხლის სურათის სისტემატური კონტროლი.

ვოლტარენს, ისევე როგორც სხვა ასაპ-ს, შეუძლია მოახდინოს თრომბოციტების აგრეგაციის დროებითი ინჰიბირება. ამიტომ ჰემოსტაზის დარღვევების მქონე პაციენტებში აუცილებელია ლაბორატორიული მაჩვენებლების შესაბამისი გულმოდგინე კონტროლი.

ზოგადი სამედიცინო დებულებების გათვალისწინებით, აუცილებელია სიფრთხილე ვოლტარენის D გამოყენებისას ხანდაზმული ასაკის პაციენტებში. ეს განსაკუთრებით აქტუალურია დასუსტებულ ან სხეულის დაბალი მასის მქონე პირებში; მათთვის რეკომენდებულია პრეპარატის დანიშვნა მინიმალური ეფექტური დოზით.

პრეპარატისგამოყენებაორსულობისადალაქტაციისპერიოდში

ორსულობის I და II ტრიმესტრში ვოლტარენს უნიშნავენ მხოლოდ უკიდურესი აუცილებლობის შემთხვევაში, მინიმალური ეფექტური დოზით. არ არის რეკომენდებული პრეპარატის დანიშვნა ორსულობის III ტრიმესტრში.

მეძუძურ ქალებში ვოლტარენის დანიშვნის აუცილებლობისას უნდა გადაწყდეს საკითხი ძუძუს წოვის შეწყვეტის შესახებ. ვოლტარენისD მიღების დროს აღწერილია მისი შეღწევა დედის რძეში, თუმცა ისეთი დაბალი კონცენტრაციით, რომ არასასურველი ეფექტები არ იქნა აღნიშნული.

გავლენაავტოტრანსპორტისმართვისდამექანიზმებთანმუშაობისუნარზე

პაციენტებში, რომლებიც ვოლტარენის მიღებისას განიცდიან თავბრუსხვევას ან სხვა უსიამოვნო შეგრძნებას ცენტრალური ნერვული სისტემის მხრივ, მხედველობის დარღვევის ჩათვლით, რეკომენდებული არ არის ავტომანქანის ტარება ან მექანიზმების მართვა.

სხვაწამლებთანურთიერთქმედება

ლითიუმი

დიგოქსინი. ვოლტარენ D-მ შეიძლება გაზარდოს ლითიუმის და დიგოქსინის კონცენტრაცია სისხლის პლაზმაში.

დიურეზულისაშუალებები

ვოლტარენ D-ს ისევე როგორც სხვა ასაპ-ებს, შეუძლია შეამციროს დიურეზული ეფექტი. კალიუმის დამზოგი დიურეტიკების ერთდროულად მიღებამ შეიძლება გამოიწვიოს კალიუმის დონის მომატება სისხლის შრატში (სამკურნალო საშუალებების ამგვარი შეთავსების შემთხვევაში მოცემული მაჩვენებელი ხშირად უნდა გაკონტროლდეს).

ასაპ

ასაპ-ის ერთდროულმა სისტემურმა გამოყენებამ შეიძლება გაზარდოს არასასურველი მოვლენების წარმოშობის სიხშირე.

ანტიკოაგულანტები

კლინიკური კვლევებით არ არის დადგენილი ვოლტარენის გავლენა ანტიკოაგულანტების მოქმედებაზე, თუმცა არსებობს ცალკეული მონაცემები პაციენტებში სისხლდენის რისკის გაზრდის შესახებ, რომლებიც ღებულობენ ვოლტარენ D-ს მოცემულ პრეპარატებთან ერთდროულად. ამიტომ, სამკურნალო საშუალებების ამგვარი შეთავსების შემთხვევაში რეკომენდებულია გულმოდგინე და რეგულარული დაკვირვება პაციენტებზე.

შაქრიანიდიაბეტისსამკურნალოპრეპარატები

კლინიკური კვლევებით დადგენილია, რომ შესაძლებელია ვოლტარენის მიღება შაქრიანი დიაბეტის საწინააღმდეგო პრეპარატებთან ერთად, ამ უკანასკნელთა ეფექტურობის შეცვლის გარეშე. თუმცა, არსებობს ცალკეული შემთხვევები, როგორც ჰიპოგლიკემიის, ასევე ჰიპერგლიკემიის განვითარების შესახებ, რაც განაპირობებს შაქრის დამწევი პრეპარატების დოზის შეცვლის აუცილებლობას ვოლტარენის მიღების დროს.

მეტოტრექსატი

საჭიროა სიფრთხილე ასაპ მიღებისას 24 საათით უფრო ადრე მეტოტრექსატის მიღებამდე ან მისი მიღების შემდეგ, რადგან ასეთ შემთხვევებში შეიძლება გაიზარდოს მეტოტრექსატის კონცენტრაცია სისხლში და გაძლიერდეს მისი ტოქსიკური მოქმედება.

ციკლოსპორინი

ასაპ გავლენამ პროსტაგლანდინების სინთეზზე თირკმელებში შეიძლება გააძლიეროს ციკლოსპორინის ნეფროტოქსიკურობა.

ანტიბაქტერიულისაშუალებები - ქინოლონისწარმოებულები

არსებობს ცალკეული ეპიზოდები კრუნჩხვების განვითარების შესახებ იმ ავადმყოფებში, რომლებიც ერთდროულად იღებდნენ ქინოლონის წარმოებულებს და ასაპ-ს.

გამოყენებისხერხიდადოზირება

მოზრდილებში. რეკომენდებული საწყისი დოზა – 100-150მგ/დღე-ღამეში.

დაავადების შედარებით მსუბუქ შემთხვევებში საკმარისია 75-100მგ სადღეღამისო დოზა, რომელიც უნდა დაიყოს 2-3 მიღებაზე ერთჯერადი დოზით. ღამის ტკივილის დროს, ან დილის შებოჭილობაზე ზემოქმედების აუცილებლობისას დღის განმავლობაში პრეპარატის მიღებასთან ერთად დამატებით ინიშნება ვოლტარენი სანთლების სახით ძილის წინ; ამასთან სადღეღამისო დოზა არ უნდა აღემატებოდეს 150მგ-ს.

პირველადი ალგოდისმენორეის დროს სადღეღამისო დოზა შეირჩევა ინდივიდუალურად; ჩვეულებრივ, იგი შეადგენს 50-150მგ-ს. საწყისი დოზა უნდა შეადგენდეს 50-100მგ-ს; აუცილებლობის შემთხვევაში რამდენიმე მენსტრუალური ციკლის განმავლობაში დოზა შეიძლება გაიზარდოს 200მგ-მდე დღე-ღამეში. პრეპარატის მიღება უნდა დაიწყოს პირველი სიმპტომების გამოვლენისას. კლინიკური სიმპტომების დინამიკიდან გამომდინარე, მკურნალობა შეიძლება გაგრძელდეს რამდენიმე დღის განმავლობაში.

შაკიკის შეტევის დროს, საწყისი დოზა შეადგენს 100მგ-ს. პრეპარატი ინიშნება შეტევის პირველი სიმპტომების მოახლოებისთანავე. აუცილებლობის შემთხვევაში იმავე დღეს შეიძლება ვოლტარენის გამოყენება სანთლების სახით 100მგ-მდე დოზით.

ბავშვებში ინიშნება მხოლოდ 25მგ სანთლების სახით. სადღეღამისო დოზა შეადგენს 0.5-2 მგ/კგ სხეულის წონაზე (სადღეღამისო დოზა, დაავადების სიმძიმის მიხედვით უნდა დაიყოს 2-3 ერთჯერად დოზად). იუვენილური რევმატული ართრიტის მკურნალობის დროს სადღეღამისო დოზა შეიძლება გაიზარდოს მაქსიმალურ დოზამდე 3მგ/კგ (რამდენიმე შეყვანა). 16 წელს ზემოთ მოზარდებში ასევე შეიძლება დაინიშნოს 50მგ-იანი სანთლები.

გამოყენებისხერხი

სანთელი შეჰყავთ სწორ ნაწლავში, რაც შეიძლება ღრმად, სასურველია ნაწლავების წინასწარი გაწმენდის შემდეგ. არ არის რეკომენდებული სანთლის რამდენიმე ნაწილად დაჭრა, რადგან პრეპარატის შენახვის პირობების მსგავსმა ცვლილებამ შეიძლება გამოიწვიოს აქტიური ნივთიერების გავრცელების შემდგომი დარღვევა.

გვერდითიმოვლენები

სხვადასხვა გვერდითი მოვლენების სიხშირის შესაფასებლად გამოიყენება შემდეგი გრადაციები: ძალიან ხშირად (≥ 1/10); ხშირად (≥ 1/100, < 1/10); არახშირად (≥ 1/1000, < 1/100); იშვიათად (≥ 1/10000, <1/1000); ძალიან იშვიათად (<1/10000).

კუჭ-ნაწლავისტრაქტისმხრივ: ხშირად - ტკივილები ეპიგასტრალურ არეში, გულისრევა, ღებინება, დიარეა, სპაზმები მუცლის არეში, დისპეფსია, მუცლის შებერვა, ანორექსია; იშვიათად - კუჭ-ნაწლავიდან სისხლდენა (სისხლიანი ღებინება, მელენა, დიარეა სისხლნარევით), კუჭისა და ნაწლავის წყლულები, რომლებსაც თან ახლავს ან არ ახლავს სისხლდენა ან პერფორაცია; ძალიან იშვიათად - აფტოზური სტომატიტი, გლოსიტი, ცვლილებები საყლაპავი მილის მხრივ, მსგავსი სტრუქტურების წარმოქმნა ნაწლავებში, დარღვევები ნაწლავის ქვედა ნაწილის მხრივ, რომელიც მსგავსია არასპეციფიკური წყლულოვანი კოლიტის, ან კრონის დაავადების გამწვავების, ყაბზობა, პანკრეატიტი.

ცენტრალურინერვულისისტემისმხრივ: ხშირად -– თავის ტკივილი, თავბრუ, გამოხატული თავბრუსხვევა; იშვიათად - ძილიანობა; ძალიან იშვიათად - მგრძნობელობის დაკარგვა, პარესთეზიის ჩათვლით, მეხსიერების დარღვევა, დეზორიენტაცია, უძილობა, გაღიზიანება, კრუნჩხვები, დეპრესია, მღელვარების შეგრძნება, ღამის შიშები, ტრემორი, ფსიქოზური რეაქციები, ასეპტური მენინგიტი.

გრძნობისორგანოებისმხრივ: ძალიან იშვიათად - მხედველობის დარღვევა (მხედველობის დაბინდვა, დიპლოპია), სმენის დარღვევა, შუილი ყურებში, გემოს შეგრძნების დარღვევა.

დერმატოლოგიურირეაქციები: ხშირად - კანზე გამონაყარი,; იშვიათად- ჭინჭრის ციება; ძალიან იშვიათად - გამონაყარი ბუშტუკების სახით, ეკზემა, მრავალფორმიანი ერითემა, სტივენს-ჯონსონის სინდრომი, ლაიელის სინდრომი (მწვავე ტოქსიკური ეპიდერმოლიზი), ერითროდერმია (ექსფოლიატური დერმატიტი), თმების ცვენა, ფოტომგძნობიარე რეაქციები; პურპურა, ალერგიული პურპურას ჩათვლით.

თირკმელებისმხრივ: იშვიათად - შეშუპებები; ძალიან იშვიათად - თირკმელების მწვავე უკმარისობა, შარდის შეცვლა (ჰემატურია და პროტეინურია), ინტერსტიციური ნეფრიტი; ნეფროზული სინდრომი; პაპილარული ნეკროზი.

ღვიძლისმხრივ: ხშირად - ამინოტრანსფერაზის დონის მომატება სისხლის შრატში; იშვიათად - ჰეპატიტი, რომელსაც თან ახლავს ან არ ახლავს სიყვითლე; ძალიან იშვიათად - ელვისებური ჰეპატიტი.

სისხლწარმოქმნისსისტემისმხრივ: ძალიან იშვიათად - თრომბოციტოპენია, ლეიკოპენია, ჰემოლიზური ანემია, აპლასტური ანემია, აგრანულოციტოზი.

მომატებულიმგრძნობელობისრეაქციები: იშვიათად– მომატებული მგრძნობელობის რეაქციები, როგორიცაა ბრონქული ასთმა, სისტემური ანაფილაქსიური/ანაფილაქსოიდური რეაქციები; ძალიან იშვიათად - ვასკულიტი, პნევმონიტი.

გულ-სისხლძარღვთასისტემისმხრივ: ძალიან იშვიათად - გულისცემის სიხშირის გაზრდა, ტკივილები გულმკერდის არეში, ჰიპერტენზია, გულის შეგუბებითი უკმარისობა.

დოზისგადაჭარბება

ვოლტარენი D-ს დოზის გადაჭარბებისათვის დამახასიათებელი ტიპიური კლინიკური სურათი არ არსებობს.

მკურნალობა. ასაპ-ით მწვავე მოწამვლის მკურნალობა გამოიხატება დამცავი და სიმპტომატური თერაპიის ჩატარებაში.

დამცავი და სიმპტომატური მკურნალობა ნაჩვენებია აგრეთვე ისეთი გართულებების დროს, როგორიცაა არტერიული ჰიპოტენზია, თირკმელების უკმარისობა, კრუნჩხვები, დარღვევები კუჭ-ნაწლავის ტრაქტის მხრივ და სუნთქვის დათრგუნვა. ნაკლებად სავარაუდოა, რომ ფორსირებული დიურეზი, ჰემოდიალიზი ან ჰემოპერფუზია აღმოჩნდეს სასარგებლო ასაპ-ის გამოსაყოფად, რადგანაც ამ პრეპარატების აქტიური ნივთიერებები მნიშვნელოვნად არის შეკავშირებული პლაზმის ცილებთან და ინტენსიური მეტაბოლიზმის გავლენის ქვეშაა.

პრეპარატისგამოშვებისფორმა

100 გ რექტალური სანთლები: შეფუთვაში 10 ცალი.

შენახვისპირობები

ინახება ტემპერატურაზე, რომელიც არ უნდა აღემატებოდეს 30°C-ს,

ბავშვებისათვის მიუწვდომელ ადგილას.

ვარგისობის ვადა. 3 წელი.

პრეპარატის გამოყენება არ არის რეკომენდებული ვარგისობის ვადის გასვლის შემდეგ, რომელიც აღნიშნულია შეფუთვაზე.