ამბროლიტინი 15მგ/5მლ100მლ სიროფი

ამბროლიტინისიროფიჟოლო 100მლ

AMBROLYTIN ®15 mg/5 ml syrup

ამბროლიტინის დახასიათება და მისიგამოყენება
ამბროლიტინი სიროფი შეიცავს აქტიურ ნივთიერებას ამბროქსოლის ჰიდროქლორიდს. ის ხელს უწყობს სქელი სეკრეტის გათხელებას ბრონქებში, რომელიც წარმოიქმნება სასუნთქი გზების სხვადასხვა დაავადებების დროს. ამ გზით პრეპარატი ხელს უწყობს მის გამოყოფას, ამსუბუქებს ხველას და აუმჯობესებს სუნთქვას. გამოიყენება ხველების და ამოხველების შესამსუბუქებლად სასუნთქი სისტემის მწვავე და ქრონიკული დაავადებების დროს, რაც დაკავშირებულია სასუნთქ გზებში სქელი სეკრეტის წარმოქმნასთან.

ამბროლიტინის მიღების დაწყებამდე გასათვალისწინებელი ინფორმაცია
არ გამოიყენოთ ამბროლიტინი:

- თუ თქვენ გაქვთ ალერგია (ჰიპერმგრძნობელობა) აქტიური ნივთიერების ან სიროფის შემადგენლობაში შემავალ სხვა შემადგენელი ნივთიერების მიმართ.

დაიცავით განსაკუთრებული სიფრთხილე ამბროლიტინის გამოყენებისას

- თუ გაქვთ ალერგია ზოგიერთი სამკურნალო პრეპარატის ან კვებითი პროდუქტის მიმართ;

- თუ გაქვთ თირკმელების ან ღვიძლის დაავადებები;

- თუ მკურნალობის დროს გამოვლინდება კანის და ლორწოვანი გარსების სერიოზული დაზიანება; არის მონაცემები კანის სერიოზული რეაქციების შესახებ ამბროქსოლის მიღებისას. თუ კანზე გამონაყარი გაგიჩნდათ (მათ შორის პირის, ყელის, ცხვირის, თვალების, სასქესო ორგანოების ლორწოვანი გარსის დაზიანებები), შეწყვიტეთ ამბროლიტინის სიროფის გამოყენება და კონსულტაციისთვის დაუყოვნებლივ მიმართეთ ექიმს.

- თუ სიროფით 5 დღიანი მკურნალობის შემდეგ არ აღგენიშნებათ ხველის შემსუბუქება და მდგომარეობის გაუმჯობესება, უნდა მიმართოთ ექიმს.

სხვა სამკურნალო საშუალებების გამოყენება

გთხოვთ, აცნობოთ თქვენს ექიმს, ან ფარმაცევტს, თუ იღებთ ან უახლოეს წარსულში იღებდით სხვა სამკურნალო პრეპარატებს, იმ პრეპარატების ჩათვლით, რომლებიც გაიცემა ურეცეპტოდ.

- ამბროქსოლის და ანტიბიოტიკების (ამოქსიცილინი, ცეფუროქსიმი, ერითრომიცინი, დოქსიციკლინი) ერთდროული გამოყენება იწვევს ანტიბიოტიკების კონცენტრაციის მატებას ფილტვის ქსოვილში.

- არ არის რეკომენდებული ამბროქსოლის და ხველის დამთრგუნველი (მაგალითად კოდეინი) პრეპარატების ერთდროული გამოყენება.

ორსულობა და ძუძუთი კვება

ნებისმიერი სამკურნალო პრეპარატის გამოყენებამდე, რჩევისთვის მიმართეთ თქვენს ექიმს, ან ფარმაცევტს.

ორსულობის პერიოდში ამ სამკურნალო საშუალების გამოყენების უსაფრთხოება არ არის დადგენილი, შესაბამისად, მისი გამოყენება ორსულობის პერიოდში არ არის რეკომენდებული, განსაკუთრებით, პირველი ტრიმესტრის განმავლობაში.

ამბროქსოლი აღწევს დედის რძეში. მიუხედავად იმისა, რომ ჩვილზე პრეპარატის არასასურველი ზემოქმედება არ არის მოსალოდნელი, ამ სამკურნალო საშუალების გამოყენება ძუძუთი კვების პერიოდში არ არის რეკომენდებული.

ავტოსატრანსპორტო საშუალებების მართვა და მექანიზმებთან მუშაობა

არ არის მონაცემები ამბროლიტინის ავტოსატრანსპორტო საშუალების მძღოლისა და მანქანების ოპერატორის რეაქციის სისწრაფეზე და ყურადღებაზე ზემოქმედებასთან დაკავშირებით.

მნიშვნელოვანი ინფორმაცია ამბროლიტინის შემადგენლობაში შემავალ ზოგიერთ 

კომპონენტთან დაკავშირებით

- ამბროლიტინი შეიცავს სორბიტოლს. თუ ექიმმა გაცნობათ, რომ გაქვთ ზოგიერთი შაქრის მიმართ აუტანლობა, ამ სამკურნალო პრეპარატის გამოყენებამდე მიმართეთ მას რჩევისთვის.

- მეთილ- და პროპილ პარაჰიდროქსიბენზოატმა, რომელიც შედის ამბროლიტინის შემადგენლობაში, შესაძლებელია გამოიწვიოს ალერგიული რეაქციები (შესაძლებელია – შენელებული ტიპის).

- ეს სამკურნალო პრეპარატი შეიცავს ნატრიუმის 1 მმოლ-ზე ნაკლებს (23 მგ) დოზაზე, ე.ი., პრაქტიკულად, არ შეიცავს ნატრიუმს.

- სამკურნალო პრეპარატი შეიცავს გლიცეროლს, რომელმაც მაღალი დოზების გამოყენებისას (10 გ/დოზა) შესაძლებელია გამოიწვიოს თავის ტკივილი, კუჭის გაღიზიანება და დიარეა.

ამბროლიტინის გამოყენების წესი
ყოველთვის მიიღეთ ამბროლიტინი ზუსტად ამ ინსტრუქციაში მოცემული მითითებების შესაბამისად. თუ არ ხართ რამეში დარწმუნებული, კითხეთ თქვენს ექიმს ან ფარმაცევტს. 

ამბროლიტინი მიიღება შიგნით, კვების დროს.

ჩვეულებრივიდოზირებაა:

ზრდასრულები და12 წელზე უფროსი ასაკის ბავშვები:10 მლ 3-ჯერ დღეში პირველი 2-3 დღის განმავლობაში, ამის შემდეგ შესაძლებელია დოზის შემცირება – 10 მლ 2-ჯერ დღეში.

ბავშვები

6-12 წელი: 5 მლ 2-3-ჯერ დღეში.

2-6 წელი: 2,5 მლ 3-ჯერ დღეში.

ხანდაზმული ასაკის პაციენტები

ხანდაზმული ასაკის პაციენტებში გამოიყენება ზრდასრულების დოზა.

ღვიძლის და თირკმელების დაავადებების მქონე პაციენტები

პაციენტების ამ კატეგორიაში გამოიყენება ზრდასრულებისთვის რეკომენდებული დოზის 1/2.

არ გამოიყენოთ ეს სამკურნალო პრეპარატი 5 დღეზე ხანგრძლივად ექიმის რეკომენდაციის გარეშე.

თუ თვლით, რომ სამკურნალო საშუალების ეფექტი არის ძალიან ძლიერი ან ძალიან სუსტი, გაიარეთ კონსულტაცია თქვენს მკურნალ ექიმთან.

თუ მიიღეთ ამბროლიტინის საჭიროზე მეტი დოზა

თუ მიიღეთ ჭარბი დოზა, რჩევის მისაღებად მიმართეთ თქვენს ექიმს.

თუ გამოტოვეთ ამბროლიტინის დოზა

თუ გამოტოვეთ ერთი დოზა, მიიღეთ იგი შეძლებისამებრ მალე. თუ თითქმის დადგა შემდეგი დოზის მიღების დრო, მიიღეთ ის ჩვეულებრივ. არ მიიღოთ ორმაგი დოზა გამოტოვებული დოზის საკომპენსაციოდ. გააგრძელეთ სამკურნალო პრეპარატის მიღება ამ ინსტრუქციის მითითების შესაბამისად.

თუ გაქვთ ნებისმიერი დამატებითი კითხვა ამ სამკურნალო პრეპარატის მიღებასთან დაკავშირებით, მიმართეთ თქვენს ექიმს, ან ფარმაცევტს.

შესაძლო გვერდითი მოვლენები
როგორც ყველა სამკურნალო პრეპარატმა, ამბროლიტინმა შეიძლება გამოიწვიოს გვერდითი მოვლენები, მიუხედავად იმისა, რომ ისინი ყველას არ უვლინდება.

გვერდითი მოქმედება კლასიფიცირდება სიხშირის შესაბამისად:

ხშირი (ვლინდება 100-დან 1-10 პაციენტში): შემცირებული მგრძნობელობა პირის ღრუში და ყელის არეში, გულისრევა, გემოს შეგრძნების შეცვლა.

არახშირი (ვლინდება 1 000-დან 1-10 პაციენტში): პირის სიმშრალე, ღებინება, დიარეა, დისპეპსია (დისკომფორტის შეგრძნება კუჭის არეში, ბოყინი კვების შემდეგ) და ტკივილი მუცლის არეში.

იშვიათი (ვლინდება 10 000-დან 1-10 პაციენტში): კანის გამონაყარი, ჭინჭრის ციება, ჰიპერმგრძნობელობის სხვა რეაქციები.

უცნობი სიხშირით (არსებული მონაცემებით სიხშირის დადგენა შეუძლებელია): ყელის სიმშრალე, ანაფილაქსოიდური რეაქციები, მათ შორის ანაფილაქსიური შოკის, ანგიონევროზული შეშუპების ჩათვლით (მყისიერად განვითარებული კანის, კანქვეშა ქსოვილის, ლორწოვანის ან ლორწოსქვეშა  შრის შეშუპება), კანის მძიმე გვერდითი რეაქციები (მათ შორის მულტიფორმული ერითემა სტივენს-ჯონსონის სინდრომი/ტოქსიკური ეპიდერმალური ნეკროლიზი და მწვავე გენერალიზებული ეგზანთემატოზური პუსტულოზი).

თუ ნებისმიერი გვერდითი მოვლენა ხდება სერიოზული, ან შენიშნეთ სხვა გვერდითი მოვლენები, რომლებიც არ არის აღწერილი ამ ინსტრუქციაში, აცნობეთ თქვენს ექიმს, ან ფარმაცევტს

ამბროლიტინის შენახვის პირობები
შეინახეთ არაუმეტეს 25°С ტემპერატურაზე.

არგაყინოთ!

შეინახეთ ბავშვებისთვის მიუწვდომელ ადგილას.

პრეპარატი არ გამოიყენება შეფუთვაზე მითითებული ვარგისობის ვადის გასვლის შემდეგ.

ვარგისობისვადა: 3 წელი.

ვარგისობის ვადა შეესაბამება მითითებული თვის ბოლო დღეს.

ვარგისნობის ვადა ფლაკონის გახსნის შემდეგ: 1  თვე.

სამკურნალო პრეპარატები არ უნდა გადაყაროთ კანალიზაციაში, ან საყოფაცხოვრებო ნარჩენების კონტეინერში. ჰკითხეთ თქვენს ფარმაცევტს როგორ გაანადგუროთ თქვენთვის არასაჭირო სამკურნალო პრეპარატები. ეს ღონისძიებები ხელს შეუწყობს გარემოს დაცვას.

დამატებითი ინფორმაცია
ამბროლიტინის შემადგენლობა

აქტიურინივთიერება: ამბროქსოლის ჰიდროქლორიდი 15 მგ 5 მლ სიროფში.

სხვადამხმარენივთიერებები: სორბიტოლი (Е420), მეთილ პარაჰიდროქსიბენზოატი (218), პროპილ პარაჰიდროქსიბენზოატი (216), გლიცეროლი, პროპილენგლიკოლი, ნატრიუმის საქარინი, ლიმონმჟავას მონოჰიდრატი, ჟოლოს თხევადი ესენცია, გასუფთავებული წყალი.

ამბროლიტინის გარეგნული სახე და შეფუთვის შემადგენლობა

გამჭვირვალე, სიროფისმაგვარი სითხე, ღია-ყვითელი ფერიდან ღია-ყავისფერ ფერამდე, ჟოლოს სუნით.

100 მლ სიროფი „პილფერპრუფ“-ის ტიპის პოლიეთილენტერეფტალატის მუქ ყავისფერ ფლაკონში, რომელიც დახუფულია პოლიეთილენის სახრახნი თავსახურით „პილფერპრუფ“-ის ტიპის Alkozell-ის გამამკვრივებლით.

1 ფლაკონი, პრეპარატის გამოყენების ინსტრუქციასთან და საზომ პლასტმასის ჭიქასთან ერთად მოთავსებულია მუყაოს კოლოფში.

გაცემის წესი 

ფარმაცევტული პროდუქტის ჯგუფი III, გაიცემა რეცეპტის გარეშე.

გამოყენების ნებართვის მფლობელი და მწარმოებელი

სს სოფარმა

ილიენსკოე შოსეს. ქ. 16, 1220 სოფია, ბულგარეთი.