პარაცეტამოლი 120მგ/5მლ 100მლ

4.31 ლარი

ფარმაკოლოგიური ჯგუფი: ანტიპირეტული ანალგეტიკები

ქვეყანა: უკრაინა

მწარმოებელი: ბორშაგოვკა ქფქ

ჯენერიკი - შეადარეთ ანალოგები: პარაცეტამოლი

გაცემის ფორმა: III ჯგუფი ურეცეპტო

კოდი: 12663

გააზიარე:

შეუკვეთე

ანოტაცია
სად შევიძინო

პარაცეტამოლის სიროფი ბავშვებისათვის

ზოგადი დახასიათება:
საერთაშორისო და ქიმიური დასახელება: პარაცეტამოლი; პარა-აცეტამინოფენოლი.
ძირითადი ფიზიკურ-ქიმიური თვისებები: გამჭვირვალე, ბლანტი, ვარდისფერი, მოტკბო გემოს, ჟოლოს დამახასიათებელი სუნის მქონე სიროფი.

გენერიული დასახელება:
PARACETAMOL; Para-acetamynofen

შემადგენლობა:
100 მლ სიროფი შეიცავს 2,4 გ პარაცეტამოლს.

დამხმარე ნოვთიერებები:
პროპილენგლიკოლი, გლიცერინი, ეთილის სპირტი, ფხვნილის მსგავსი საკვები სორბიტი, ნიპაგინი, ნიპაზოლი, ჟოლოს არომატული საკვები ესენცია, ღია წითელი-ძოწისებრი ფერის C 121 საღებავი და გასუფთავებული წყალი.

გამოშვების ფორმა:
სიროფი

ფარმაკოლოგიური ჯგუფი:
ანთების საწინააღმდეგო, ანალგეზიური და სიცხის დამწევი საშუალება.

ფარმაკოლოგიური თვისებები:
პრეპარატს გააჩნია ანალგეზიური, სიცხის დამწევი და სუსტად გამოხატული ანთების საწინააღმდეგო მოქმედება, რაც დაკავშირებულია პრეპარატის ზეგავლენასთან ჰიპოთალამუსის თერმომარეგულირებელ ცენტრზე და პროსტაგლანდინების სინთეზის ინჰიბირების უნართან.

ფარმაკოკინეტიკა:
პრეპარატი სწრაფად შეიწოვება კუჭ-ნაწლავის ტრაქტიდან. აბსორბციის ხარისხი მცირდება ამ უკანასკნელის ნახშირწყლოვან საკვებთან ერთად გამოყენებისას. პარაცეტამოლის მაქსიმალური კონცენტრაცია პლაზმაში აღინიშნება 30-90 წთ-ის შემდეგ. პლაზმის ცილებთან მისი კავშირი შეადგენს 15-20%-ს. პრეპარატი ორგანიზმში თანაბრად ნაწილდება ორგანიზმის სითხეებში. პარაცეტამოლი მეტაბოლიზდება ღვიძლში გლუკურონიდისა და პარაცეტამოლის სულფატის წარმოქმნით. ძირითადად გამოიყოფა თირკმელებით. ნახევრადგამოყოფის პერიოდი შეადგენს 1-3 სთ.

გამოყენების ჩვენება:
სხვადასხვა გენეზის ტკივილის სინდრომი, მცირე და საშუალო ინტენსივობის (თავის ტკივილი, კბილის ტკივილი, ნევრალგია, მიალგია; კბილების ამოსვლით გამოწვეული ტკივილი, აგრეთვე ტრავმების, დამწვრობების, ფარინგიტის, რევმატიული ტკივილების დროს). აგრეთვე ინფექციურ-ანთებითი დაავადებებით გამოწვეული ცხელების, საბავშვო ვირუსული ინფექციების დროს.

მიღების წესი და დოზირება:
პრეპარატი ინიშნება შიგნით მისაღებად. 6 თვიდან 1 წლამდე ასაკის ბავშვებში 2,5-5 მლ სიროფი (0,5-1 ჩაის კოვზი), 1-დან 3 წლამდე 5-7,5 მლ სიროფი (1-1,5 ჩაის კოვზი), 3-დან 6 წლამდე -7,5-10 მლ (1,5-2 ჩაის კოვზი), 6-დან 12 წლამდე– 10-15 მლ (2-3 ჩაის კოვზი), 12 წლის ასაკის ზევით ბავშვებში 15-25 მლ (3-4 ჩაის კოვზი). მიღების სიხშირე 3-4-ჯერ დღეღამეში თითოეულ მიღებას შორის არა ნაკლებ 4 სთ-ის ინტერვალით.

გვერდითი მოქმედება:
პარაცეტამოლის მიმართ მომატებული მგრძნობელობისას შესაძლებელია წარმოიშვას გულისრევა, ეპიგასტრალურ მიდამოში ტკივილები, ალერგიული რეაქციები (კანზე გამონაყარი, ქავილი, ურტიკარია, კვინკეს შეშუპება). სიროფის რეკომენდებული დოზის გადაჭარბებისას შესაძლებელია შემდეგი გვერდითი მოვლენების განვითარება – ჰემოლიზური ანემია, თრომბოციტოპენიური პურპურა, მეთჰემოგლობინემია, აგრანულოციტოზი. ხანგრძლივად დოზით მიღებისას, რომელიც სჭარბობს თერაპიულს შესაძლებელია ჰეპატოტოქსიკური მოქმედება.

წინააღმდეგჩვენება:
პარაცეტამოლის მიმართ მომატებული მგრძნობელობა, ღვიძლისა და თირკმელების ფუნქციის გამოხატული დარღვევა, გლუკოზო-6-დეჰიდროგენაზას დეფიციტი, სისხლის დაავადებები, 6 თვემდე ასაკის ბავშვები.

ურთიერთქმედება სხვა სამკურნალო საშუალებებთან:
პაციენტები, რომლებიც იყენებდნენ ბარბიტურატებსა და ტრიციკლურ ანტიდეპრესანტებს პარაცეტამოლის გამოყენებისას შესაძლებელია აღენიშნოთ ამ უკანასკნელის ნახევრადგამოყოფის პერიოდის მომატება. კრუნჩხვების საწინააღმდეგო პრეპარატების ხანგრძლივად გამოყენება იწვევს ღვიძლის ფერმენტების აქტივობის მომატებას, რაც აძლიერებს ღვიძლში “პირველი გავლის” ინტენსივობის ეფექტს და იწვევს პრეპარატის კლირენსის გაძლიერებას. ამან შეიძლება შეაფერხოს სისხლში პარაცეტამოლის კონცენტრაციის თერაპიული დონის მიღწევა.

შენახვის პირობები და ვადა:
ინახება სინათლისაგან დაცულ ადგილას. ვარგისიანობის ვადა 3 წელი. შეფუთვის გახსნის შემდეგ პრეპარატია ვარგისია 30 დღეღამის განმავლობაში 20-250 ჩ ტემპერატურაზე.

გაცემის წესი: ურეცეპტოთ.
შეფუთვა:
100 მლ ფლაკონებში ან ქილაში, 50 მლ ფლაკონებში.

მწარმოებელი:
“ბორშაგოვსკის ქიმიურ-ფარმაცევტული ქარხანა” (უკრაინა)

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით