გლიცინი (დენტაფილი) 0,1გ#50ტ
გააზიარე:
გლიცინი
GLYCINUM
პრეპარატის სავაჭრო დასახელება: გლიცინი.
მოქმედი ნივთიერება: გლიცინი (ამინოძმარმჟავა).
წამლის ფორმა: ტაბლეტები.
შემადგენლობა
აქტიური ნივთიერება: გლიცინი – 100მგ.
დამხმარე ნივთიერებები: კარბოქსიმეთილცელულოზა ნატრიუმი, ან მეთილცელულოზა წყალში ხსნადი, მაგნიუმის სტეარატი, ან კალციუმის სტეარატი.
აღწერილობა: ტაბლეტები თეთრი ფერის ან თეთრი მოყვითალო ელფერით, შეიძლება მარმარილოსებური. ბრტყელცილინდრიანი ფორმის ფასკით.
ფარმაკოთერაპიული ჯგუფი
მეტაბოლური პროცესების მაკორექტირებელი საშუალება
ათქ კოდი: N06BX.
ფარმაკოლოგიური თვისებები
გლიცინი ნივთიერებათა ცვლის რეგულატორია, მწყობრში მოყავს და ააქტიურებს ცენტრალურ ნერვულ სისტემაში დამცავი შეფერხების პროცესებს, ამცირებს ფსიქოემოციურ დაძაბულობას, ზრდის გონებრივ შრომისუნარიანობას.
გლიცინი ფლობს გაემ-ერგულ, ალფა-ადრენომაბლოკირებელ, ანტიოქსიდანტურ, ანტიტოქსიურ მოქმედებას; არეგულირებს გლუტამატური (NMDA) რეცეპტორების მუშაობას, რის ხარჯზეც პრეპარატს შეუძლია:
- შეამციროს ფსიქოემოციური დაძაბულობა, აგრესიულობა, კონფლიქტურობა, გაზარდოს სოციალური ადაპტაცია;
- გააუმჯობესოს განწყობა;
- გაადვილოს ჩაძინება და უზრუნველყოს ნორმალური ძილი;
- გაზარდოს გონებრივი შრომისუნარიანობა;
- შეამციროს ვეგეტო-სისხლძარღვოვანი დარღვევები (მათ შორის, კლიმაქტერულ პერიოდშიც კი);
- შეამციროს ტვინის ზოგადი დარღვევების გამოხატულობა იშემიური ინსულტისა და ქალა-ტვინის ტრავმისას;
- შეამციროს ცნს-ს ფუნქციების დამთრგუნველი სამკურნალო საშუალებების, ალკოჰოლის ტოქსიური მოქმედება.
ფარმაკოკინეტიკა
ადვილად აღწევს ორგანიზმის უმრავლეს ბიოლოგიურ სითხესა და ქსოვილში, მათ შორის, თავის ტვინში, მეტაბოლიზდება წყლამდე და ნახშიროჟანგ აირამდე, არ ხდება მისი დაგროვება ქსოვილებში.
ჩვენება
- დაქვეითებული გონებრივი შესაძლებლობა;
- სტრესული სიტუაციები – ფსიქოემოციური დაძაბულობა (გამოცდების, კონფლიქტებისა და მათ მსგავს სიტუაციებში);
- ბავშვებისა და მოზარდების ქცევის დევიანტური ფორმები;
- ნერვული სისტემის სხვადასხვა ფუნქციური და ორგანული დაავადებები, რომლებსაც თან ახლავს გაზრდილი აღგზნებადობა, ემოციური არასტაბილურობა, დაქვეითებული გონებრივი შრომისუნარიანობა და ძილის დარღვევა: ნევროზები, ნევროზის მსგავსი მდგომარეობები და ვეგეტო-სისხლძარღვოვანი დისტონია, ნეიროინფექციისა და ქალა-ტვინის ტრავმის შედეგები, ენცეფალოპათიის პერინატალური და სხვა ფორმები (მათ შორის ალკოჰოლური გენეზის).
გამოყენების წესი და დოზირება
პრეპარატი გამოიყენება სუბლინგვალურად ან ტრანსბუკალურად 0,1გ (ტაბლეტებში ან ფხვნილის სახით ტაბლეტის დაფხვნის შემდეგ).
პრაქტიკულად ჯანმრთელ ბავშვებს, მოზარდებსა და მოზრდილებს, ფსიქოემოციური დაძაბულობისას, მეხსიერების, ყურადღების, გონებრივი შრომისუნარიანობის დაქვეითებისას, გონებრივი განვითარების შეფერხებისას, ქცევის დევიანტური ფორმებისას გლიცინი ენიშნებათ 1 ტაბლეტი 2-3-ჯერ დღეში 14-30 დღის განმავლობაში.
ნერვული სისტემის ფუნქციური და ორგანული დაზიანებებისას, რომლებსაც თან ახლავს გაზრდილი აგზნებადობა, ემოციური ლაბილობა და ძილის დარღვევა, ბავშვებს 3 წლამდე ენიშნებათ 0,5 ტაბლეტი (0,05გ) ერთ მიღებაზე 2-3-ჯერ დღეში 7-14 დღის განმავლობაში, შემდგომში 0,05გ ერთხელ დღეში 7-10 დღის განმავლობაში. სადღეღამისო დოზაა – 0,1-0,15გ, საკურსო – 2,0-2,6გ. სამ წელზე მეტი ასაკის ბავშვებსა და მოზრდილებს ენიშნებათ თითო ტაბლეტი 2-3-ჯერ დღეში, მკურნალობის კურსი 7-14 დღე. მკურნალობის კურსის გაზრდა შესაძლებლეია 30 დღემდე, საჭიროების შემთხვევაში კურსი მეორდება 30 დღის შემდეგ.
ძილის დარღვევებისას გლიცინი ენიშნებათ 20 წუთით ადრე დაძინებამდე ან უშუალოდ ძილის წინ 0,5-1 ტაბლეტი (ასაკზე დამოკიდებულებით).
ნარკოლოგიაში გლიცინი გამოიყენება იმ საშუალების სახით, რომელიც ზრდის გონებრივ შრომისუნარიანობას და აქვეითებს ფსიქოემოციურ დაძაბულობას რემისიის პერიოდში ენცეფალოპათიის, ცენტრალური და პერიფერიული ნერვული სისტემის ორგანული დაზიანებებისას, 1 ტაბლეტი 2-3-ჯერ დღეში 14-30 დღის განმავლობაში. აუცილებლობის შემთხვევაში, კურსი მეორდება 4-6-ჯერ წელიწადში.
გვერდითი მოქმედებები
გვერდითი მოქმედებები გლიცინს არც თუ ისე ბევრი აქვს. იშვიათი გვერდითი ეფექტებია – მოთენთილობა, სისუსტე, ძილიანობა, დაბალი წნევა. ამიტომ აუცილებელია დიდი სიფრთხილით იყოს გამოყენებული პაციენტებში არტერიული ჰიპოტენზიით. არ გამოვლენილა წამლის ზემოქმედება ყურადღების კონცენტრაციაზე და ფსიქომოტორულ რეაქციაზე.
ვინაიდან გლიცინი წარმოადგენს ორგანიზმისთვის ბუნებრივ ნივთიერებას, ის არ გროვდება ქსოვილებში, სწრაფად იხსნება და გამოიდევნება ორგანიზმიდან.
შესაძლებელია ალერგიული რეაქციები.
უკუჩვენებები
ინდივიდუალური მომატებული მგრძნობელობა პრეპარატების კომპონენტების მიმართ.
მედიკამენტოზური ურთიერთქმედება
ასუსტებს ანტიფსიქოზური საშუალებების (ნეიროლეპტიკების), ანტიდეპრესანტების, საძილე საშუალებების და კრუნჩხვების საწინააღმდეგო საშუალებების ეფექტების გამოხატულებას.
განსაკუთრებული მითითებები
პრეპარატი ინახება ბავშვებისათვის ხელმიუწვდომელ ადგილას და არ გამოიყენება ვარგისობის ვადის ამოწურვის შემდეგ.
გამოშვების ფორმა
100მგ ტაბლეტები #50 (1X50) ცალი კონტურულ-უჯრედოვან შეფუთვაში გამოყენების ინსტრუქციასთან ერთად მუყაოს კოლოფში.
შენახვის პირობები
შეინახეთ სინათლისგან დაცულ ადგილას, არაუმეტეს 25°C ტემპერატურაზე.
ვარგისობის ვადა
3 წელი.
აფთიაქიდან გაცემა
ფარმაცევტული პროდუქტის ჯგუფი -III ჯგუფი, გაიცემა რეცეპტის გარეშე.
უზბეკეთის ტერიტორიაზე სამკურნალო საშუალების ხარისხზე პრეტენზიის (წინადადების) მიმღები ორგანიზაცია
შპს " Dentafill Plyus" 100102,
უზბეკეთის რესპუბლიკა, ქალაქი ტაშკენტი,
ტელ./ფაქსი: (+998 71) 231-78-00.
www.dentafill.uz