მეთილთიონინ(მეთ/ლურჯი)100მგ/10მლ#10ა
480.00 ლარი
ფარმაკოლოგიური ჯგუფი:
ანტიდოტები და კომპლექსწარმომქმნელი პრეპარატები
ქვეყანა: იტალია 
მწარმოებელი: ბიოინდუსტრია
ჯენერიკი - შეადარეთ ანალოგები:
მეთილთიონინის ქლორიდი
გაცემის ფორმა: II ჯგუფი რეცეპტული
კოდი: 125359
გააზიარე:
მეთილთიონინის ქლორიდი ბიოინდუსტრია ლ.ი.მ.
50 მგ/5 მლ საინექციო ხსნარი ინტრავენური გამოყენებისთვის
100 მგ/10 მლ საინექციო ხსნარი ინტრავენური გამოყენებისთვის
მეთილთიონინის ქლორიდი
ექვივალენტური პრეპარატი
აღნიშნული პრეპარატისმიღებამდე,ყურადღებითგაეცანითწინამდებარე შეფუთვის ჩანართს, რადგანიგი შეიცავსთქვენთვისმნიშვნელოვანინფორმაციას.
- შეინახეთ ეს შეფუთვის ჩანართი. შეიძლება დაგჭირდეთ მისი ხელახლა წაკითხვა.
- რაიმე ეჭვის არსებობის შემთხვევაში, მიმართეთ ექიმს, ფარმაცევტს ან ექთანს კონსულტაციისთვის.
- ისეთი გვერდითი ეფექტების განვითარების შემთხვევაში, რომლებიც არაა მითითებული წინამდებარე შეფუთვის ჩანართში, მიმართეთ ექიმს, ფარმაცევტს ან ექთანს. იხილეთ პუნქტი 4.
შეფუთვის ჩანართისშინაარსი:
1. რა არის მეთილთიონინის ქლორიდი ბიოინდუსტრია ლ.ი.მ. და რისთვის გამოიყენება იგი
2. რა უნდა იცოდეთ მეთილთიონინის ქლორიდი ბიოინდუსტრია ლ.ი.მ.-ის გამოყენებამდე
3. მეთილთიონინის ქლორიდი ბიოინდუსტრია ლ.ი.მ.-ის გამოყენების წესი
4. შესაძლო გვერდითი მოვლენები
5. მეთილთიონინის ქლორიდი ბიოინდუსტრია ლ.ი.მ.-ის შენახვის წესი
6. შეფუთვის შიგთავსი და დამატებითი ინფორმაცია
1. რა არის მეთილთიონინის ქლორიდი ბიოინდუსტრია ლ.ი.მ. დარისთვისგამოიყენება იგი
მეთილთიონინის ქლორიდი ბიოინდუსტრია ლ.ი.მ. შეიცავს აქტიურ ნივთიერებას - მეთილთიონინის ქლორიდს, რომელსაც ასევე უწოდებენ მეთილენის ლურჯს. ის მიეკუთვნება ანტიდოტების სახელწოდებით ცნობილი პრეპარატების ჯგუფს, რომლებიც წარმოადგენს მოწამვლის გამანეიტრალებელ ნივთიერებებს.
აღნიშნული პრეპარატი გამოიყენება შემდეგ შემთხვევებში:
- როგორც თირკმელების ფუნქციის სადიაგნოსტიკო საშუალება თირკმელებში სისხლის ფილტრაციის სიჩქარის (გლომერულური ფილტრაციის სიჩქარის) გამოსათვლელად, რადგან იგი შარდს აძლევს ლურჯ შეფერილობას;
- ორგანიზმის ცუდი ოქსიგენაციით და სამკურნალო საშუალებების ან სხვა ქიმიური ნივთიერებების მიღების შედეგად სისხლში მეთჰემოგლობინის დაგროვებით (მეთჰემოგლობინემია) გამოწვეული დარღვევების სამკურნალოდ. პრეპარატი ხელს უწყობს სისხლში ჰემოგლობინის დონეების ნორმალიზებას და აღადგენს ჟანგბადის გადატანას სისხლში.
2. რაუნდაიცოდეთმეთილთიონინის ქლორიდი ბიოინდუსტრია ლ.ი.მ.-ის გამოყენებამდე
არ გამოიყენოთ მეთილთიონინის ქლორიდი ბიოინდუსტრია ლ.ი.მ. იმ შემთხვევაში, თუ:
- ხართ ალერგიული მეთილთიონინის ქლორიდის ან სხვა მსგავსი ნაერთების (თიაზინის საღებავების) ან აღნიშნულ პრეპარატში შემავალი ნებისმიერი სხვა კომპონენტის მიმართ (ჩამოთვლილია მე-6 პუნქტში);
- თქვენი ორგანიზმი არ გამოიმუშავებს ფერმენტ გლუკოზა-6-ფოსფატდეჰიდროგენაზას (G6PD) საკმარის რაოდენობას, რადგან მას შეუძლია გაზარდოს ჰემოლიზური ანემიის ანუ იმ დაავადების განვითარების რისკი, რომელიც ხასიათდება სისხლში ერითროციტების დაბალი რაოდენობით;
- სისხლის დაავადება (მეთჰემოგლობინემია) გამოწვეული იყო ნატრიუმის ნიტრიტით ან ქლორატით მოწამვლით;
- თქვენი ორგანიზმი არ გამოიმუშავებს NADPH რედუქტაზას ფერმენტის საკმარის რაოდენობას;
- გაქვთ თირკმელების მწვავე პრობლემები;
- ხართ ორსულად და ძუძუთი კვებავთ ბავშვს (იხილეთ პუნქტი „ორსულობა და ლაქტაცია“).
გაფრთხილებები და სიფრთხილის ზომები
მეთილთიონინის ქლორიდი ბიოინდუსტრია ლ.ი.მ.-ის მიღებამდე კონსულტაციისთვის მიმართეთ თქვენს ექიმს, ფარმაცევტს ან ექთანს.
მეთილთიონინის ქლორიდის შეყვანა უნდა მოხდეს ძალიან ნელა, 5 წუთის განმავლობაში, რათა თავიდან აიცილოთ ადგილობრივად პრეპარატის მაღალი კონცენტრაციით შემდგომი მეთჰემოგლობინის წარმოქმნა. მეთილთიონინის ქლორიდის შეყვანა არ შეიძლება კანქვეშ, რადგან შეიძლება გამოიწვიოს საინექციო უბნის დაზიანება; მისი შეყვანა არ შეიძლება ინტრათეკალურად, ვინაიდან შეიძლება დააზიანოს თავის ტვინი (ნეირონული დაზიანება).
აღნიშნული პრეპარატი იწვევს შარდისა და განავალის მოლურჯო-მომწვანო შეფერილობას და კანის ლურჯ შეფერილობას, რამაც შეიძლება ხელი შეუშალოს ციანოზის დიაგნოზს, რაც წარმოადგენს დაავადებას, რომელიც გამოწვეულია ორგანიზმის ცუდი ოქსიგენაციით და განაპირობებს კანის მოლურჯო შეფერილობას.
გამოიყენეთ ეს პრეპარატი განსაკუთრებული სიფრთხილის ზომების დაცვით შემდეგ შემთხვევებში:
- თუ დაავადება გამოწვეულია ანილინის სახელწოდებით ცნობილი ნივთიერებით, ამ შემთხვევაში შეიძლება მოხდეს სიმპტომების გამწვავება (ჰაინცის სხეულები, ჰემოლიზური ანემია) და შეიძლება საჭირო გახდეს უფრო დაბალი დოზების გამოყენება, ხოლო ჯამური კუმულაციური დოზა არ უნდა აღემატებოდეს 4 მგ/კგ-ს;
- თუ სისხლში აღინიშნება ერითროციტების დაბალი რაოდენობა (ჰემოლიზური ანემია) კეთრის სამკურნალო პრეპარატის - დაფსონის გამოყენების მიზეზით, რადგან მან შეიძლება გაამწვავოს მდგომარეობა. ამ შემთხვევაში რეკომენდებულია, რომ არ მოხდეს 4 მგ/კგ პრეპარატის დოზის გადაჭარბება;
- თუ აღგენიშნებათ სისხლში გლუკოზის მაღალი დონეები (ჰიპერგლიკემია) ან გაქვთ შაქრიანი დიაბეტი, აუცილებელია სიფრთხილის ზომების დაცვა პროდუქტში გლუკოზის შემცველობის გამო.
აღნიშნული პრეპარატით მკურნალობის განმავლობაში და მკურნალობის შემდეგ, აუცილებელია ანალიზების გაკეთება სისხლის ოქსიგენაციის და გულის პარამეტრების (არტერიული წნევა და ეკგ) კონტროლისთვის, რადგან შეიძლება აღინიშნოს არტერიული წნევის დაქვეითება (ჰიპოტენზია) და გულის რითმის დარღვევები (გულის არითმია) (იხილეთ პუნქტი „შესაძლებელია გვერდითი მოვლენები“).
იმ შემთხვევაში, თუ აღნიშნული პრეპარატი არ მოქმედებს, შეიძლება აღინიშნოს გარკვეული ფერმენტის დეფიციტი, რომელსაც ეწოდება ციტოქრომა-ბ5-რედუქტაზა ან გლუკოზა-6-ფოსფატდეჰიდროგენაზა, ან სისხლის პათოლოგიები, როგორიცაა სულფოჰემოგლობინემია. ამ შემთხვევაში გამოიყენება სხვა პრეპარატი.
მეთილთიონინის ქლორიდი ბიოინდუსტრია ლ.ი.მ.-ის გამოყენება არ შეიძლება იმ შემთხვევაში, თუ გაქვთ ნიტრიტების მკურნალობის შედეგად განვითარებული მეთჰემოგლობინემიის სახელწოდებით ცნობილი სისხლის დაავადება, რადგან აღნიშნულმა შეიძლება გამოიწვიოს სისხლის სერიოზული პრობლემები.
ბავშვები
ახალშობილებსა და 3 თვეზე ნაკლები ასაკის ბავშვებში რეკომენდებულია სიფრთხილის ზომების დაცვა და პრეპარატის უფრო დაბალი დოზების გამოყენება (იხილეთ პუნქტი „პრეპარატის გამოყენება 3 თვეზე ნაკლები ასაკის ბავშვებსა და ახალშობილებში“).
სხვა პრეპარატები და მეთილთიონინის ქლორიდი ბიოინდუსტრია ლ.ი.მ.
აცნობეთ ექიმს ან ფარმაცევტს, თუ ახლახანს მიიღეთ, ღებულობთ ან შეიძლება მიიღოთ ნებისმიერი სხვა სამკურნალო საშუალება, ურეცეპტოდ გაცემული პრეპარატების ჩათვლით.
მოერიდეთ აღნიშნული პრეპარატით მკურნალობას იმ შემთხვევაში, თუ დეპრესიის ან შფოთვის სამკურნალოდ გარკვეულ სამკურნალო საშუალებებს ღებულობთ, რომლებიც აუმჯობესებს სეროტონინის, ძირითადად გუნება-განწყობის მარეგულირებელი ნივთიერების ფუნქციას. აღნიშნული პრეპარატებია:
- სეროტონინის უკუმიტაცების სელექტიური ინჰიბიტორები (SSRI);
- ბუპროპიონი;
- ბუსპირონი;
- კლომიპრამინი;
- მირტაზაპინი;
- ვენლაფლაქსინი.
თუმცა, იმ შემთხვევაში, თუ ზემოთ ჩამოთვლილი პრეპარატებით მკურნალობისას მეთილთიონინის ქლორიდი ბიოინდუსტრია ლ.ი.მ.-ის გამოყენებისთვის თავის არიდება შეუძლებელია, პრეპარატის დოზა უნდა იყოს მინიმალური და პაციენტზე უნდა მოხდეს დაკვირვება შეყვანიდან 4 საათის განმავლობაში.
ორსულობა, ძუძუთი კვება და ფერტილობა
თუ ხართ ორსულად, ეჭვობთ ორსულობას, გეგმავთ დაორსულებას ან ძუძუთი კვებავთ ბავშვს, აღნიშნული პრეპარატის მიღებამდე მიმართეთ ექიმს ან ფარმაცევტს კონსულტაციისათვის.
არ გამოიყენოთ ეს პრეპარატი ორსულობის დროს, გარდა აუცილებელი შემთხვევებისა (მაგალითად, სიცოცხლისათვის სახიფათო მეთჰემოგლობინემიის დროს).
მოერიდეთ ძუძუთი კვებას მეთილთიონინის ქლორიდი ბიოინდუსტრია ლ.ი.მ.-ით მკურნალობიდან მინიმუმ 6 დღის განმავლობაში, ვინაიდან არ არის ცნობილი, გამოიყოფა თუ არა ის დედის რძეში.
ლაბორატორიულმა კვლევებმა აჩვენა, რომ მეთილთიონინის ქლორიდი იწვევს ადამიანის სპერმის მობილობის დოზა-დამოკიდებულ შემცირებას.
ავტომობილის მართვა და მანქანა-დანადგარების გამოყენება
არ შეიძლება ავტომობილის მართვა და მანქანა-დანადგარების გამოყენება, ვინაიდან პრეპარატმა შეიძლება გამოიწვიოს გონების დაბინდვა, თავბრუსხვევა და გარკვეულ შემთხვევაში მხედველობის პრობლემები.
მეთილთიონინის ქლორიდი ბიოინდუსტრია ლ.ი.მ. შეიცავს გლუკოზას
აღნიშნული პრეპარატის ყოველი 10 მლ შეიცავს 550 მგ გლუკოზას, რაც გასათვალისწინებელია შაქრიანი დიაბეტის მქონე პირებში.
3. მეთილთიონინის ქლორიდი ბიოინდუსტრია ლ.ი.მ.-ის გამოყენების წესი
ამ პრეპარატის გამოყენებისას ყოველთვის მკაცრად დაიცავით ექიმის, ფარმაცევტის ან ექთნის მითითებები. ნებისმიერი ეჭვის არსებობის შემთხვევაში, მიმართეთ ექიმს, ფარმაცევტს ან ექთანს კონსულტაციისთვის.
მეთილთიონინის ქლორიდი ბიოინდუსტრია ლ.ი.მ.-ის ინექცია კეთდება ვენაში (ინტრავენური ინექცია) სპეციალიზებული მედპერსონალის მიერ, ძალიან ნელა 5 წუთის განმავლობაში ადგილობრივად პრეპარატის მაღალი კონცენტრაციის დაგროვების პრევენციის მიზნით, რამაც შეიძლება კიდევ გაზარდოს მეთჰემოგლობინემია.
მეთილთიონინის ქლორიდი ბიოინდუსტრია ლ.ი.მ.-ის შეყვანა არ შეიძლება კანქვეშ (კანქვეშა გზით), არც პირდაპირ თავის ან ზურგის ტვინში (ინტრათეკალურად).
თირკმლის ფუნქციის დიაგნოსტირება
ჩვეულებრივი დოზა შეადგენს 50-100 მგ-ს.
მეთჰემოგლობინემიის მწვავე სიმპტომატური მკურნალობა
რეკომენდებული დოზა არის 1-2 მგ (რაც საინექციო ხსნარის 0.1-0.2 მლ-ს შეესაბამება) ყოველ ერთ კგ სხეულის წონაზე, ინტრავენური ინექციით 5 წუთის განმავლობაში. მკურნალობის ხანგრძლივობა, როგორც წესი, არ აღემატება ერთ დღეს. პერსისტენტული და მორეციდივე სიმპტომების შემთხვევაში ან თუ სისხლში ჰემოგლობინის დონე ჯერ კიდევ შეცვლილია (მეთჰემოგლობინემიის მაღალი დონეები), პირველი დოზირებიდან ერთი საათის შემდეგ შეიძლება დამატებითი დოზის შეყვანა 1-2 მგ/კგ სხეულის წონაზე.
მკურნალობის მაქსიმალური რეკომენდებული დოზა არის 7 მგ/კგ სხეულის წონაზე, რომლის გადაჭარბება არ შეიძლება, ვინაიდან მეთილთიონინის ქლორიდმა იმ დოზებში, რომლებიც აღემატება მაქსიმალურ რეკომენდებულ დოზას, შეიძლება გამოიწვიოს მეთჰემოგლობინემია აღნიშნული პათოლოგიისადმი მიდრეკილების მქონე პაციენტებში.
ანილინით ან დაფსონით გამოწვეული მეთჰემოგლობინემიის შემთხვევაში, მაქსიმალური კუმულაციური დოზა არ უნდა აღემატებოდეს 4 მგ/კგ-ს (იხილეთ პუნქტი „გაფრთხილებები და სიფრთხილის ზომები“).
არსებული მონაცემები არ არის საკმარისი უწყვეტ ინფუზიასთან დაკავშირებით დოზის რეკომენდაციისათვის.
ხანდაზმულებში დოზის კორექცია საჭირო არ არის.
თირკმლის უკმარისობა
თირკმლის ფუნქციის მძიმე ან ზომიერი დარღვევის შემთხვევაში (თირკმლის უკმარისობა), რეკომენდებული დოზა არის <1 მგ/კგ, ვინაიდან მეთილთიონინის ქლორიდი ძირითადად თირკმელების საშუალებით გამოიყოფა.
3 თვემდე ასაკის ბავშვებსა და ახალშობილებში გამოყენება
რეკომენდებული დოზა არის სხეულის მასის 0.3-0.5 მგ/კგ (რაც საინექციო ხსნარის 0.03-0.05 მლ-ს შეესაბამება), რომლის შეყვანაც ხდება 5 წუთის განმავლობაში.
პერსისტენტული ან მორეციდივე სიმპტომების შემთხვევაში ან თუ მეთჰემოგლობინის დონე ჯერ კიდევ მნიშვნელოვნად აღემატება ნორმას, პირველი დოზირებიდან ერთი საათის შემდეგ შეიძლება დამატებითი დოზის შეყვანა 0.3-0.5 მგ/კგ ოდენობით.
მკურნალობის ხანგრძლივობა, როგორც წესი, არ აღემატება ერთ დღეს.
მეთილთიონინის ქლორიდი ბიოინდუსტრია ლ.ი.მ.-ის დოზის გადაჭარბების შემთხვევაში
იმ პირებში, რომლებსაც მეთჰემოგლობინემია არ აღენიშნებათ, აღნიშნული პრეპარატის მაღალი ინტრავენური დოზების (≥7 მგ/კგ) შეყვანამ შეიძლება გამოიწვიოს მოვლენები, რომლებიც ჩვეულებრივ ინექციიდან 2-12 საათის განმავლობაში ქრება, ესენია: გულისრევა და პირღებინება, გულ-მკერდის არეში მოჭერის შეგრძნება და ტკივილი, აჩქარებული გულისცემა (ტაქიკარდია), შფოთვა, ძლიერი ოფლიანობა, კანკალი, გუგების გაფართოება (მიდრიაზი), მომწვანო-მოლურჯო ფერის შარდი, კანისა და ლორწოვანი გარსის ლურჯი შეფერილობა, მუცლის ტკივილი, თავბრუსხვევა, შეცვლილი მგრძნობელობა კიდურებში (პარესთეზია), თავის ტკივილი (ცეფალგია), გონების დაბინდვა, მომატებული არტერიული წნევა (ჰიპერტენზია), მსუბუქი მეთჰემოგლობინემია (7%-მდე) და გულის რითმის ცვლილება, რაც ვლინდება ეკგ-ზე.
მეთჰემოგლობინემიის მქონე პირებში, პრეპარატის კუმულაციურმა დოზამ შეიძლება გამოიწვიოს სუნთქვის დარღვევები (დისპნოე და ტაქიპნოე), ტკივილი გულ-მკერდის არეში, კანკალი, კანის ლურჯი შეფერილობა ჟანგბადის ნაკლებობის გამო (ციანოზი) და სისხლში წითელი უჯრედების რაოდენობის შემცირება (ჰემოლიზური ანემია). ჰემოლიზური ანემია შეიძლება განვითარდეს ჭარბი დოზირების შემდეგ (20-30 მგ/კგ) მეთჰემოგლობინემიის მქონე ჩვილებსა და მოზარდებში, გამოწვეული ანილინით ან ქლორატებით. სისხლის ფილტრაცია (ჰემოდიალიზი) შეიძლება გამოყენებულ იქნას იმ პაციენტებში, რომლებსაც აღენიშნებათ სისხლის მძიმე დარღვევები, როგორიცაა ჰემოლიზი.
ჩვილებში პრეპარატის ჭარბი დოზის შეყვანის შემდეგ, შეიძლება განვითარდეს ისეთი მძიმე მოვლენები, როგორიცაა სიკვდილი ან ჰემოგლობინის წარმოებულების მომატება (ჰიპერბილირუბინემია) (პრეპარატის 20 მგ/კგ დოზაზე).
აღნიშნული პრეპარატის ჭარბი დოზის მიღების შემთხვევაში, აუცილებელია დაკვირვება და მეთჰემოგლობინის დონის კონტროლი.
მეთილთიონინის ქლორიდი ბიოინდუსტრია ლ.ი.მ.-ის შემთხვევითი მიღების / ჭარბი დოზირების შემთხვევაში, დაუყოვნებლივ დაუკავშირდით ექიმს ან მიმართეთ უახლოეს საავადმყოფოს.
მეთილთიონინის ქლორიდი ბიოინდუსტრია ლ.ი.მ.-ის მიღებასთან დაკავშირებით რაიმე ეჭვის შემთხვევაში, დაუკავშირდით ექიმს ან ფარმაცევტს.
4. შესაძლო გვერდითი მოვლენები
ყველა სხვა სამკურნალო საშუალების მსგავსად, აღნიშნულმა პრეპარატმაც შეიძლება გამოიწვიოს გვერდითი მოვლენები, თუმცა აღნიშნული არ ვლინდება ყველა პაციენტში.
შეიძლება განვითარდეს შემდეგი გვერდითი მოვლენები:
უცნობი (არსებული მონაცემების საფუძველზე სიხშირის შეფასება ვერ ხერხდება):
- მეთჰემოგლობინემია (≥7 მგ/კგ დოზების მიღების შემდეგ);
- ბილირუბინის დონის მომატება (ჰიპერბილირუბინებია), რაც მხოლოდ ჩვილებში აღინიშნება;
- სისხლის წითელი უჯრედების რაოდენობის შემცირება (ჰემოლიზური ანემია);
- სერიოზული ალერგიული რეაქციები (ანაფილაქსიური რეაქციები);
- გონების დაბინდვა, აღგზნება და შფოთვა;
- თავბრუსხვევა, თავის ტკივილი (ცეფალგია), კანკალი, ცხელება, მეტყველების დარღვევები (აფაზია);
- გუგების გაფართოება (მიდრიაზი);
- გულის რითმის ცვლილება, როგორიცაა არითმია და ტაქიკარდია;
- არტერიული წნევის დაქვეითება ან მომატება (ჰიპერტენზია, ჰიპოტენზია);
- სუნთქვის დარღვევები (დისპნოე, ტაქიპნოე);
- ორგანიზმში ჟანგბადის დეფიციტი (ჰიპოქსია);
- გულისრევა, პირღებინება, მუცლის ტკივილი;
- განავალის, შარდის (ლურჯი-მწვანე) და კანის (ლურჯი) ფერის შეცვლა;
- ოფლიანობა;
- კანის გაღიზიანება ქავილით (ჭინჭრის ციება);
- ტკივილი გულ-მკერდის არეში;
- მოვლენების ინექციის უბანში (რბილი ქსოვილის ნეკროზი);
- ჰემოგლობინის დონის დაქვეითება.
გვერდითი მოვლენების შესახებ ანგარიშგება
ნებისმიერი გვერდითი მოვლენის განვითარების შემთხვევაში, იმ მოვლენების ჩათვლით, რომლებიც არ არის აღწერილი წინამდებარე შეფუთვის ჩანართში, დაუკავშირდით ექიმს ან ფარმაცევტს. გვერდითი მოვლენების შესახებ შეტყობინება ასევე შეიძლება პირდაპირ ეროვნული ანგარიშგების სისტემის საშუალებით ვებ-გვერდზე: http://www.agenziafarmaco.gov.it/it/responsabili. გვერდითი მოვლენების ანგარიშგებით აღნიშნული სამკურნალო პრეპარატის უსაფრთხოების შესახებ მეტი ინფორმაციის მოპოვებას შეუწყობთ ხელს.
5. მეთილთიონინის ქლორიდი ბიოინდუსტრია ლ.ი.მ.-ის შენახვის წესი
პრეპარატი ინახება ბავშვებისათვის მიუწვდომელ ადგილას.
შეინახეთ ორიგინალ შეფუთვაში, სინათლისაგან დაცვის მიზნით.
პრეპარატი გათვალისწინებულია მხოლოდ ერთჯერადი მიღებისთვის, ნებისმიერი გამოუყენებელი ხსნარი ექვემდებარება განადგურებას.
პრეპარატის გამოყენება არ შეიძლება შეფუთვაზე სიტყვის „Scad“ შემდეგ მითითებული ვარგისობის ვადის გასვლის შემდეგ.
ვარგისობის თარიღი ნიშნავს მითითებული თვის ბოლო დღეს, პრეპარატის სწორად შენახვის პირობებში, თუ შეფუთვის მთლიანობა არ იქნება დარღვეული.
სამკურნალო პრეპარატების გადაგდება არ შეიძლება საყოფაცხოვრებო ნაგავში ან საკანალიზაციო წყლებში. სამკურნალო პრეპარატების უტილიზაციის შესახებ ინფორმაციის მისაღებად მიმართეთ ფარმაცევტს. აღნიშნული ზომები იცავს გარემოს.
6. შეფუთვის შიგთავსი და დამატებითი ინფორმაცია
რას შეიცავს მეთილთიონინის ქლორიდი ბიოინდუსტრია ლ.ი.მ.
მეთილთიონინის ქლორიდი ბიოინდუსტრია ლ.ი.მ. 50 მგ / 5 მლ საინექციო ხსნარი ინტრავენური გამოყენებისთვის
- აქტიური ნივთიერება არის მეთილთიონინის ქლორიდი (მეთილენის ლურჯი). ერთი ამპულა შეიცავს 50 მგ მეთილთიონინის ქლორიდს.
- სხვა კომპონენტებია (დამხმარე ნივთიერებებია): გლუკოზას მონოჰიდრატი 275 მგ, საინექციო წყალი q.s. 5 მლ.
მეთილთიონინის ქლორიდი ბიოინდუსტრია ლ.ი.მ. 100 მგ / 10 მლ საინექციო ხსნარი ინტრავენური გამოყენებისთვის
- აქტიური ნივთიერება არის მეთილთიონინის ქლორიდი (მეთილენის ლურჯი). ერთი ამპულა შეიცავს 100 მგ მეთილთიონინის ქლორიდს.
- სხვა კომპონენტებია (დამხმარე ნივთიერებებია): გლუკოზას მონოჰიდრატი 550 მგ, საინექციო წყალი q.s. 10 მლ.
მეთილთიონინის ქლორიდი ბიოინდუსტრია ლ.ი.მ.-ის აღწერილობა და შეფუთვის შემადგენლობა
შეფუთვაში მოთავსებულია 10 ამპულა, 5 ან 10 მლ-იანი საინექციო ხსნარით ინტრავენური გამოყენებისთვის.
სავაჭრო ლიცენზიის მფლობელი და მწარმოებელი
ს.ს. ბიოინდუსტრია იტალიის პრეპარატების ლაბორატორია
ამბროზიის ქუჩა № 2
15067 ნოვი ლიგურე (AL )
იტალია
წინამდებარე შეფუთვის ჩანართის განახლების თარიღი:
01/2016 წ.
შეფუთვის ჩანართი: ინფორმაცია ექიმებისთვის
მეთილთიონინის ქლორიდი ბიოინდუსტრია ლ.ი.მ.
50 მგ/5 მლ საინექციო ხსნარი ინტრავენური გამოყენებისთვის
100 მგ/10 მლ საინექციო ხსნარი ინტრავენური გამოყენებისთვის
მეთილთიონინის ქლორიდი
ქვემოთ წარმოდგენილი ინფორმაცია განკუთვნილია მხოლოდ ექიმებისთვის ან ჯანდაცვის სპეციალისტებისათვის
თერაპიული ჩვენებები
დიაგნოსტიკური პრეპარატი თირკმლის ფუნქციის შეფასებისა და გლომერულური ფილტრაციის სიჩქარის გამოსათვლელად.
სამკურნალო ან ქიმიური საშუალებებით გამოწვეული მეთჰემოგლობინემიის მწვავე სიმპტომატური მკურნალობა.
განსაკუთრებული მითითებები და სიფრთხილის ზომები გამოყენებისას
მეთილთიონინიუს ქლორიდს შეუძლია გაამწვავოს დაფსონით გამოწვეული ჰემოლიზური ანემია, ჰიდროქსილამინის, დაფსონის რეაქტიული მეტაბოლიტის წარმოქმნის გამო, რომელიც ჟანგავს ჰემოგლობინს. არ არის რეკომენდებული 4 მგ/კგ კუმულაციური დოზის გადაჭარბება დაფსონით გამოწვეული მეთჰემოგლობინემიის მქონე პაციენტების მკურნალობისას.
მეთჰემოგლობინემიაზე ეჭვის შემთხვევაში, რეკომენდებულია ჟანგბადის გაჯერების შემოწმება CO-ოქსიმეტრიის მეთოდით, ვინაიდან პულსის ოქსიმეტრი ჟანგბადის გაჯერების ცრუ შედეგს გვაძლევს მეთილთიონინის ქლორიდის გამოყენების დროს.
დაფსონით ნამკურნალებ პაციენტებში, მეთილთიონინის ქლორიდის გამოყენებამდე ანესთეზიოლოგებმა უნდა შეამოწმონ მეთჰემოგლობინემიის არსებობა და BIS (ბისპექტრული ინდექსი).
გაცემის წესი:
ფარმაცევტული პროდუქტის ჯგუფი - II, გაიცემა ფორმა №3 რეცეპტით
არათავსებადობა
აღნიშნული პრეპარატის შერევა არ შეიძლება ნატრიუმის ქლორიდის 0.9%-იან საინექციო ხსნართან, ვინაიდან არსებობს რისკი, რომ ქლორიდი შეამცირებს მეთილთიონინის ქლორიდის ხსნადობას.
დამატებითი ინფორმაციისთვის იხილეთ პროდუქტის ზოგადი დახასიათება.
შტამპი
ს.ს. ბიოინდუსტრია იტალიის პრეპარატების ლაბორატორია
(BIOINDUSTRIA L.I.M. S.p.A.)
ნოვი ლიგურე
პრეზიდენტი
(დოქ. ფაბრიციო კარაჩა)
[ხელმოწერილია]
