ეროლინი 10მგ #10ტ

ეროლინი 10მგ #10ტ

8.03 ლარი 5.94 ლარი
ქვეყანა: უნგრეთი
მწარმოებელი: ეგისი
ჯენერიკი: Loratadine
გაცემის ფორმა: III ჯგუფი ურეცეპტო
კოდი: 12114
გააზიარე:
ეროლინი®
(Loratadine)


ეროლინი® ტაბლეტები 10 მგ
ყოველი ტაბლეტი შეიცავს აქტიურ ნივთიერებას _ 10 მგ ლორატადინს.
სხვა კომპონენტები: კოლოიდური უწყლო სილიციუმი, მაგნიუმის სტეარატი, მიკროკრისტალური ცელლულოზა, სახამებელი, ლაქტოზის მონოჰიდრატი.

ფარმაკოთერაპიული ჯგუფი:
პერიფერიული ჰისტამინური H1- რეცეპტორების სელექციური სამციკლიანი ბლოკატორი.

ჩვენება:
მოზრდილებში:
-სეზონური ან მუდმივი რინიტი;
-ალერგიული კონიუქტივიტი;
-იდიოპათიური ქრონიკული ჭინჭრის ციება;
ბავშვებში 2 წლის ასაკის ზევით:
-სერზონური ალერგიული რინიტი და კონიუქტივიტი;
-ალერგიული გამონაყარი კანზე, მაგალითად, იდიოპათიური ურტიკარია.

წინააღმდეგჩვენება:
მომატებული მგრძნობელობა პრეპარატის და მისი ინგრედიენტების მიმართ;
ორსულობა და ლაქტაციის პერიოდი;
ბავშვები 2 წლის ასაკის ქვევით.

დოზირება:
მოზრდილებში
:
საწყისი დოზა მოზრდილებისათვის და მოზრდილებში 12 წლის ასაკის ზევით ინიშნება 10მგ ლორატადინი 1 ჯერ დღეში.
ავადმყოფებში ღვიძლის ფუნქციის უკმარისობით და თირკმელების უკმარისობით დოზირება ხდება ინდივიდუალურად. საწყისი დოზა მცირდება 5 მგ-მდე (1/2 ტაბლეტებში) დღეში ან ინიშნება 10 მგ დღეში დღეგამოშვებით.
ხანდაზმულებში:
პრეპარატის უსაფრთხოება და ეფექტურობა ავადმყოფებში 60 წლის ზევით არასაკმარისად არის შესწავლილი. სავარაუდოა გვერდითი მოვლენების ხშირი განვითარება. ამიტომ პრეპარატის დანიშვნისას ამ ასაკში საჭიროა სიფრთხილე.
ბავშვებში:
ბავშვებში 6 წლიდან 12 წლამდე პრეპარატი ინიშნება სხეულის წონის გათვალისწინებით.
ბავშვებში 30 კგ-ზე ნაკლები წონით ინიშნება 5მგ (1/2 ტაბლეტი) დღეში, ბავშვებში 30 კგ მეტი _ 10მგ (1 ტაბლეტი) დღეში.

გვერდითი მოვლენები:
პრეპარატს როგორც წესი კარგად იტანენ. მკურნალობის დროს აღინიშნება: თავის ტკივილი, ძილიანობა, დაღლილობა, პირის სიმშრალე, ღებინება, მომატებული მადა, უსიამოვნო შეგრძნება კუჭის არეში, ნაწლავების ფუნქციის დარღვევა.
ბავშვებში ეროლინი იწვევს მოუსვენრობას, ასთმური ტიპის სუნთქვას, დაღლილობას, ჰიპერკინეზიას, ტკივილს მუცელში, კონიუქტივიტს, დისფონიას და ადინამიას.

ურთიერთქმედება სხვა პრეპარატებთან:
აუცილებელია სიფრთხილე ეროლინის ერთდროული დანიშვნისას ერითრომიცინთან, ციმეტიდინთან, ან კეტოკონაზოლთან, რაც იწვევს ლორატადინის და მისი მეტაბოლიტის კონცენტრაციის ზრდას სისხლის პლაზმაში. ციმეტიდინის და კეტოკონაზოლის კონცენტრაცია სისხლის პლაზმაში რჩება უცვლელი, ხოლო ერითრომიცინის შემცველობა მცირდება 15%-ით. ასევე ეროლინის ერთდროული დანიშვნისას ღვიძლის ფერმენტების ინჰიბიტორებთნ (გუანიდინი, ფლუკონაზოლი, ფლუოქსეტინი) საჭიროა სიფრთხილე, რადგანაც არ არის საკმარისი მონაცემები ამ კომბინაციის უსაფრთხოების შესახებ.

ჭარბი დოზირება:
40-180მგ ლორატადინის მიღების შენდეგ აღინიშნება ძილიანობა, ტაქიკარდია, თავის ტკივილი.
მკურნალობა: სპეციფიური ანტიდოტი არ არსებობს. აუცილებელია სწრაფად დაიწყოს სიმპტომური თერაპია. ავადმყოფებში, რომელთაც შენარჩუნებული აქვთ ცნობიერება, ინიშნება ემეტურიUსაშუალებები. იპეკაკუანას პრეპარატების დანიშვნა ნაჩვენებია სპონტანური ღებინებისAშემთხვევაშიც. კუჭის გაწმენდის შემდეგ ინიშნება აქტივირებული ნახშირი და სითხე დიდი რაოდენობით. თუ ღებინების გამოწვევა წინააღმდეგნაჩვენებია, აუცილებელია კუჭის ამორეცხვა. გადაუდებელი ღონისძიებების ჩატარების შემდეგ ავადმყოფები საჭიროებენ სამედიცინო დაკვირვებას.

გაფრთხილება და გაფრთხილების ზომები:
პრეპარატით მკურნალობის ხანგრძლივობა დგინდება ინდივიდუალურად.
ეროლინის მიღება იწყება 4 დღით ადრე Prick-ტესტის ჩატარებამდე, რადგანაც შესაძლებელია ამ სინჯის უარყოფითი შედეგი.
ეროლინის პირველი მიღებისას აუცილებელია ყურადღება მიექცეს გვერდითი მოვლენების განვითარებას (მაგალითად, ძილიანობა), რამაც შეიძლება იმოქმედოს მანქანის და მექანიკური მოწყობილობის მართვის უნარზე.
ავადმყოფებმა თავი უნდა შეიკავონ ამგვარი სამუშაოსაგან გვერდითი მოვლენების გაქრობამდე.

შენახვის ვადა:
ვარგისიანობის ვადა მითითებულია შეფუთვაზე.
პრეპარატის გამოყენება არ შეიძლება შეფუთვაზე მითითებული ვადის ამოწურვის შემდეგ.

შენახვის პირობები:
არა უმეტეს 250C.
ბავშვებისგან დაცულ ადგილას.

შეფუთვა:
10 ტაბლეტი ბლისტერებში.
10 ტაბლეტი (1X10) ან 30 ტაბლეტი (3X10) თავსდება მუყაოს კოლოფში ინსტრუქციასთან ერთად.

მწარმოებელი:
ფარმაცევტული ქარხანა სს «ეგისი», უნგრეთი
EGIS PHARMACEUTICALS LTD HUNGARY