ვეროგალიდი ER 240მგ #30ტ

ვეროგალიდი ER 240მგ #30ტ

0.00 ლარი
ფარმაკოლოგიური ჯგუფი: ანტიჰიპერტენზიული საშუალებები
ქვეყანა:
მწარმოებელი:
ჯენერიკი - შეადარეთ ანალოგები: ვერაპამილი
გაცემის ფორმა: II ჯგუფი რეცეპტული
კოდი: 11935
გააზიარე:

პროდუქტი გაყიდვაში არ არის.

ვეროგალიდი ერ 240მგ
VEROGALID ER 240mg
 
 
საერთაშორისო დასახელება - verapamil
ათქ.კლასიფიკაციის კოდი - C08DA01

კლინიკურ-ფარმაკოლოგიური ჯგუფი - კალციუმის არხების ბლოკატორები; I კლასის კალციუმის არხების სელექტიური ბლოკატორები

შემადგენლობა და გამოშვების ფორმა
240მგ 10,30,100ც ტაბლეტი

1 ტაბ.
ვერაპამილის ჰიდროქლორიდი. . . . . . . 240 მგ
დამხმარე ნივთიერებები:
ნატრიუმის ალგინატი, მიკროკრისტალური ცელულოზა, პოვიდონი, მაგნიუმის სტეარატი, Clarum opadry YS-1-7006, Flavum opadry YS-5-12577.

ფარმაკოლოგიური თვისებები

პრეპარატი წარმოადგენს ანტიარითმიულ, ჰიპოთენზიურ, სისხლძარღვების გამაფართოვებელ საშუალებას.
ვერაპამილის ჰიდროქლორიდი ზღუდავს არტერიების გლუვი მუსკულატურის უჯრედებსა და გულის კუნთის უჯრედებში კალციუმის მიწოდებას. ზეგავლენას ახდენს გულის გამტარობის სისტემაზე. აღნიშნული თვისებების საფუძველზე პრეპარატი გამოიყენება სტენოკარდიის შეტევების პრევენციისათვის, გულის რითმის დარღვევის, ასევე სისხლის მაღალი წნევის დროს. პრეპარატის წამლის ფორმა შესაძლებელს ხდის აქტიური ნივთიერების თანდათან გამოთავისუფლებას და ამიტომ მისი ხშირად გამოყენება აუცილებელი არ არის.

ჩვენებები

პრეპარატი განკუთვნილია მოზრდილი პაციენტებისათვის სისხლის მაღალი წნევის (ჰიპერტენზიის) სამკურნალოდ, სტაბილური სტენოკარდიის შეტევების ხანგრძლივი მკურნალობისა და პრევენციისათვის, გულის რითმის სტაბილიზების ან პარკუჭების სიხშირის შენელებისათვის სუპრავენტრიკურული ტაქიკარდიის ან წინაგულების ფიბრილაციის დროს.

მიღების წესები და დოზები

პრეპარატის ზუსტ დოზას ადგენს ექიმი.

სისხლის მაღალი წნევა
მკურნალობის დასაწყისში თავიდან მიიღება ერთი ტაბლეტი 240 მგ დილით ჭამის დროს. პაციენტებში სხეულის მცირე წონით და ღვიძლის ფუნქციის დარღვევით რეკომენდებულია წნევის ნელა დაწევა, დოზირება 1/2 ტაბლეტი (120 მგ). პრეპარატის მოქმედება უნდა გამოვლინდეს მკურნალობის დაწყებიდან ერთი კვირის ბოლოს. თუ სასურველი შედეგი მიუღწეველია მაშინ ექიმის რეკომენდაციის საფუძველზე შეიძლება დოზირების გაზრდა ერთ კვირიანი ან უფრო ხანგრძლივი ინტერვალებით დღეში 2 ტაბლეტამდე. ასეთ შემთხვევებში ცალკეულ მიღებათა შორის შუალედი 12-სთ უნდა იყოს.

გულის რითმის დარღვევები და სტაბილური სტენოკარდია
პრეპარატის დოზირება იგივეა, როგორიც მაღალი წნევის, გულის იშემიური დაავადების დროს. დოზების გაზრდა შეიძლება ექიმთან კონსულტაციის შემდეგ. სადღეღამისო მაქსიმალური დოზა არ უნდა აღემატებოდეს 480 მგ-ს. ტაბლეტები მიიღება ჭამის დროს მცირე რაოდენობით სითხის დაყოლებით, დაუღეჭავად.

გვერდითი მოვლენები

პრეპარატი კარგად აიტანება, მაგრამ იშვიათ შემთხვევაში შესაძლოა გამოვლინდეს გვერდითი მოქმედება: ყაბზობა, ღებინება, დაბალი წნევა, პულსის შემცირება, გულის გამტარობის დარღვევა, გულის უკმარისობის ნიშნების გაძლიერება, დაღლილობა, ქოშინი, თავის ტკივილები, თავბრუსხვევები, გამონაყარი კანზე.
გვერდითი მოქმედების გამოვლინების შემთხვევაში აუცილებელია ექიმთან მიმართვა.

უკუჩვენება

- პრეპარატის აქტიური ნივთიერებების ან კომპონენტების მიმართ ჰიპერმგრძნობელობა;
- გამოხატული ბრადიკარდია (მკურნალობის დაწყების წინ პულსი არანაკლებ 50 დარტყმა წუთში);
- არტერიული ჰიპოტენზია (სისტოლიური წნევა სინდიყის 90 მმ-ზე დაბალი);
- კარდიოგენული შოკი;
- მიოკარდიუმის გართულებული ინფარქტის მწვავე სტადია (ბრადიკარდიის, გამოხატული არტერიული ჰიპოტენზიის, მარცხენაპარკუჭოვანი უკმარისობის მოვლენებით);
- აორტის სტენოზი;
- მორგან-ადამს-სტოქსის სინდრომი; - II-III ხარისხის AV-ბლოკადა;
- სინოარტერიული ბლოკადა;
- WPW – სინდრომი (ვოლფ-პარკინსონ-უაიტის სინდრომი);
- სუსტი სინუსური კვანძის სინდრომი;
- დიგიტალური ინტოქსიკაცია;
- წინა 2 საათის განმავლობაში ბეტა-ადრენობლოკატორების ვენაში შეყვანა;
- ორსულობა და ლაქტაციის პერიოდი;
- 18 წლამდე ასაკი (ეფექტურობა და უსაფრთხოება არ არის დადგენილი).
პრეპარატი სიფრთხილით ინიშნება ავადმყოფებში ღვიძლის ფუნქციის დარღვევით და I ხარისხის AV- ბლოკადის დროს.

განსაკუთრებული მითითებები
პრეპარატის გამოყენების მთელი დროის განმავლობაში ცხიმიანი საკვების მიღება რეკომენდებული არ არის. მკურნალობის დასაწყისში განვითარებადი დაღლილობისა და თავბრუსხვევის გამო პრეპარატმა შეიძლება არასასურველი ზემოქმედება მოახდინოს იმ საქმიანობაზე, რომელიც გაძლიერებულ ყურადღებას, მოძრაობის კოორდინაციასა და სწრაფი გადაწყვეტილების მიღებას საჭიროებს (მაგ.: სატრანსპორტო საშუალებების მართვა, მექანიზმებთან მუშაობა).
ჭარბი დოზის მიღების ან ბავშვის მიერ პრეპარატის შემთხვევით მიღების შემთხვევაში აუცილებელია ექიმთან მიმართვა.

სხვა წამლებთან ურთიერთქმედება
ვეროგალიდი ერ-სა და სხვა პრეპარატების კომბინირებისას შესაძლებელია ურთიეთმოქმედება. ვეროპამილისა და სისხლის წნევის დამწევი, არითმიის საწინააღმდეგო საშუალებებისა და ზოგიერთი ანესთეზიურების კომბინირებისას შესაძლოა განვითარდეს წნევის მკვეთრად დაწევა და გულის მოქმედების გაუარესება. პაციენტებში, რომლებიც იღებენ ვერაპამილს უკუნაჩვენებია საინექციო ბეტა-ბლოკატორების გამოყენება (გამოიყენება გულის დაავადებების სამკურნალოდ), ვინაიდან ვითარდება გულის გამტარობის დარღვევა, რამაც შეიძლება გამოიწვიოს სისხლის წნევის სერიოზული დაწევა, გულის მოქმედების შემცირება და გულის უკმარისობა. დიგოქსინთან (გამოიყენება გულის დაავადების სამკურნალოდ) ერთად თერაპიის დროს ხდება დიგოქსინის დონის ზომიერი მომატება, რომელსაც უმეტეს შემთხვევაში კლინიკური მნიშვნელობა არ გააჩნია. დიგოქსინით ინტოქსიკაციის ნიშნების წარმოქმნისას (გულისცემა, ფერის აღქმის უნარის დარღვევა, საჭმლის მონელების დარღვევა) აუცილებელია დაუყოვნებლივ ექიმთან მიმართვა.

შენახვის პირობები და ვადები

პრეპარატი ინახება არაუმეტეს 25ºC ტემპერატურაზე, მშრალ, სინათლისაგან დაცულ, ბავშვებისათვის მიუწვდომელ ადგილას.
ვარგისიანობის ვადა - 3 წელი.

აფთიაქში გაცემის წესი

პრეპარატი გაიცემა ექიმის რეცეპტით.

მწარმოებელი ფირმა, ქვეყანა
IVAX Pharmaceutocals s.r.o
ჩეხეთი

თბილისი (0 აფთიაქი)

რეგიონი (0 აფთიაქი)