ნატრიუმის ბიკარბონატი8.4% 50მლ
0.00 ლარი
ფარმაკოლოგიური ჯგუფი:
ანტაციდური საშუალებები, ელექტროლიტური და მჟავა-ტუტოვანი ბალანსის საკორექციო საშუალებები
ქვეყანა:
მწარმოებელი:
ჯენერიკი - შეადარეთ ანალოგები:
ნატრიუმის ბიკარბონატი
გაცემის ფორმა: III ჯგუფი ურეცეპტო
კოდი: 11736
გააზიარე:
პროდუქტი გაყიდვაში არ არის.
სარეკომენდაციო ვერსია
გამოყენების ინსტრუქცია
ნატრიუმის ბიკარბონატი ბიოინდუსტრია L.I.M. 1.4% საინფუზიოხსნარი
ნატრიუმის ბიკარბონატი ბიოინდუსტრია L.I.M. 5% საინფუზიოხსნარი
ნატრიუმის ბიკარბონატი ბიოინდუსტრია L.I.M. 7.5% საინფუზიოხსნარი
ნატრიუმის ბიკარბონატი ბიოინდუსტრია L.I.M. 8.4% საინფუზიოხსნარი
ფარმაკოთერაპიულიჯგუფი
ელექტროლიტები
ჩვენებები
შემდეგი მდგომარეობების მკურნალობა:
- მეტაბოლური აციდოზი;
- შოკი;
- ბარბიტურატებით, სალიცილატებით და მეთანოლით გამოწვეული ინტოქსიკაცია;
- ჰემოლიზური და რაბდომიოლიზური სინდრომები;
- ჰიპერურიკემია;
- ნაწლავიდან ბიკარბონატების დანაკარგები (დიარეის გამო).
უკუჩვენებები
- ჰიპერმგრძნობელობა აქტიური ნივთიერების ან რომელიმე დამხმარე ნივთიერების მიმართ;
- არ გამოიყენება მეტაბოლური ან რესპირატორული ალკალოზის მქონე პაციენტებში, განსაკუთრებით ჰიპოქლორემიის შემთხვევაში (ღებინება, კუჭ-ნაწლავის ტრაქტიდან დანაკარგები, დიურეზულებით მართვა);
- ჰიპოკალციემია.
სიფრთხილის ზომები გამოყენებისას
გამოიყენეთ სიფრთხილით პაციენტებში გულის შეგუბებითი უკმარისობით, თირკმლის მძიმე უკმარისობით და კლინიკურ მდგომარეობებში, სადაც შეშუპება გამოწვეულია მარილის შეკავებით; პაციენტებში, რომლებიც მკურნალობენ საგულე ინოტროპული საშუალებებით ან კორტიკოსტეროიდულ-თირეოიდული ან კორტიკოტროპული პრეპარატებით.
ნატრიუმის მარილები სიფრთხილით უნდა დაინიშნოს პაციენტებში ჰიპერტენზიით, გულის უკმარისობით, პერიფერიული ან ფილტვის შეშუპებით, თირკმლის ფუნქციის დაქვეითებით, პრეეკლამფსიით ან მდგომარეობებისას, რომლებიც გამოწვეულია ნატრიუმის შეკავებასთან (იხ. ურთიერთქმედება).
ინფუზიის დროს რეკომენდებულია სითხის ბალანსის, ელექტროლიტების, პლაზმის ოსმოლარობის და მჟავა-ტუტოვანი ბალანსის მონიტორინგი, საჭიროების შემთხვევაში კალიუმის და კალციუმის დეფიციტის კორექტირება კრუნჩხვების ეპიზოდების თავიდან ასაცილებლად.
ურთიერთქმედებასხვამედიკამენტებთან
აცნობეთთქვენსექიმსანფარმაცევტს, თუცოტახნისწინიღებდითსხვამედიკამენტებს, მათშორისურეცეპტოდ გაცემულ მედიკამენტებს.
კორტიკოსტეროიდები, დაკავშირებულია ნატრიუმის და წყლის შეკავებასთან, რაც იწვევს შეშუპებას და ჰიპერტენზიას: ამიტომ სიფრთხილეა აუცილებელი ნატრიუმის მარილებისა და კორტიკოსტეროიდების ერთდროული მიღებისას (იხ. ნაწილი „სიფრთხილის ზომები გამოყენებისას“).
ნატრიუმის ბიკარბონატი ზრდის ტეტრაციკლინების თირკმლისმიერ კლირენსს.
ნატრიუმის ბიკარბონატისა და კალიუმის შემავსებელი პრეპარატების ერთდროული მიღება ზრდის ჰიპოქლორემიული ალკალოზის რისკს.
ნატრიუმის ბიკარბონატი ზრდის ძირითადი პრეპარატების ნახევარგამოყოფის პერიოდს და, შესაბამისად, მოქმედების ხანგრძლივობას, როგორიცაა ქინიდინი, ეფედრინი და ფსევდოეფედრინი.
სპეციალურიგაფრთხილებები
ხსნარი უნდა იყოს გამჭვირვალე, უფერო და ხილული ნაწილაკების გარეშე. გამოიყენეთ კონტეინერის გახსნისთანავე. კონტეინერი გამოიყენება ერთჯერადად, უწყვეტი შეყვანისთვის და დაუშვებელია ნებისმიერი ნარჩენის გამოყენება.
ორსულობადაძუძუთიკვება
ნებისმიერიპრეპარატისმიღებამდერჩევისთვისმიმართეთთქვენსექიმსანფარმაცევტს.
არ არსებობს მონაცემები პრეპარატის შესაძლო ნეგატიური ეფექტების შესახებ ორსულობის ან ძუძუთი კვების პერიოდში მიღებისას ან რეპროდუქციულ უნარზე.
ამიტომ, პრეპარატი არ უნდა იქნას გამოყენებული ორსულობისა და ძუძუთი კვების დროს, გარდა მკაფიო აუცილებლობისა და მხოლოდ რისკის/სარგებლის თანაფარდობის შეფასების შემდეგ.
ზემოქმედებაავტომობილისმართვისადამექანიზმებთანმუშაობისუნარზე
პრეპარატი არ ცვლის ავტომობილის ან მექანიზმების მართვის უნარს.
მნიშვნელოვანიინფორმაციაზოგიერთიდამხმარენივთიერებისშესახებ: არ არის.
დოზა, მიღებისმეთოდიდადრო
1,4%-იანი ხსნარი იზოტონურია სისხლთან; 5%, 7.5%, 8.4% ხსნარი ჰიპერტონულია სისხლთან.
ხსნარების შეყვანა ხდება ინტრავენური ინფუზიით სიფრთხილით და კონტროლირებადი ინფუზიის სიჩქარით, თავიდან უნდა იქნას აცილებული ხსნარის დიდი მოცულობის ინფუზია მაღალი სიჩქარით.
პრეპარატი არ გამოიყენება, თუ კონკრეტულად არ არის დანიშნული.
ზოგადად, დოზა დამოკიდებულია პაციენტის ასაკზე, წონაზე, კლინიკურ მდგომარეობებზე, ელექტროლიტების სტატუსზე, მჟავა-ტუტოვან ბალანსზე და ოსმოლარობაზე, რათა აღდგეს ნორმალური pH და ელექტროლიტების მნიშვნელობები (შოკის, ჰემოლიზური და რაბდომიოლიზური სინდრომების და ბიკარბონატების დანაკარგების შემთხვევაში) ან შარდის ტუტიანობისთვის ინტოქსიკაციის ან ჰიპერურიკემიის შემთხვევაში (მინიმუმ pH 7.0).
კერძოდ:
მეტაბოლური აციდოზის მწვავე და ქვემწვავე ფორმები
მოზრდილები
საწყისი დოზა 2-დან 5 მექვ/კგ სხეულის მასაზე 4-დან 8 საათის განმავლობაში, აციდოზის სიმძიმის მიხედვით. შემდეგ დოზა რეგულირდება სისხლში ბიკარბონატების გამოვლენილ კონცენტრაციასთან ან სისხლის აირების ანალიზის შედეგებთან (მატება 20-22 მმოლ/ლ) მიმართებით.
ბავშვები
საწყისი დოზა 1 მექვ/კგ შეჰყავთ ნელი ინტრავენური ინფუზიით, ხსნარის განზავებით 0,5 მექვ/მლ-მდე, მაქსიმალურ დოზამდე 8 მექვ/კგ სხეულის მასაზე დღეში, რათა თავიდან იქნას აცილებული ცერებროსპინალური წნევის გადაჭარბებული დაქვეითება და შესაძლო ინტრაკრანიალური სისხლჩაქცევები.
ბავშვებში ნატრიუმის ბიკარბონატის უსაფრთხოება და ეფექტურობა დადგენილი არ არის.
ხანდაზმულები
60 წელზე უფროსი ასაკის ადამიანებში მაქსიმალური დოზა არის 90-100 მექვ ბიკარბონატი დღეში.
მიზანშეწონილია არ მოხდეს აციდოზის სრული კორექცია პირველი 24 საათის განმავლობაში, რათა თავიდან იქნას აცილებული ალკალოზი, რომელიც დაკავშირებულია გადაჭარბებულ რესპირატორულ ჰიპერკომპენსაციასთან.
შეუთავსებლობა ნატრიუმის ბიკარბონატ ბიოინდუსტრია L.I.M.-თან.
თუ გამოიყენება მედიკამენტების გასაზავებლად, დამატებითი მედიკამენტების შეყვანამდე მიმართეთ თქვენს ფარმაცევტს, თუ ეს შესაძლებელია; ნებისმიერ შემთხვევაში, გაითვალისწინეთ შესაყვანი პროდუქციის მახასიათებლები; გამოიყენეთ ასეპტიკური ტექნიკა. თუ გვერდითი რეაქცია განვითარდა, შეწყვიტეთ მიღება.
არ გამოიყენოთ ნორეპინეფრინის, დობუტამინის და კალციუმის შემცველ ხსნარებთან ერთად.
გამოიყენეთ ხსნარი კონტეინერის გახსნისთანავე. გამოიყენება ერთჯერადი და უწყვეტი მიღებისთვის და დაუშვებელია ნებისმიერი ნარჩენის გამოყენება.
არ გამოიყენოთ პრეპარატი, თუ ხსნარი არ არის გამჭვირვალე, უფერო ან შეიცავს ნაწილაკებს.
მიიღეთ ყველა ჩვეული სიფრთხილის ზომა ინტრავენური ინფუზიის წინ და დროს სტერილობის შესანარჩუნებლად.
დოზისგადაჭარბება
სიმპტომები
ნატრიუმის ბიკარბონატის ხსნარების გადაჭარბებული დოზების მიღებამ, პაციენტის კლინიკური მდგომარეობიდან გამომდინარე, შეიძლება გამოიწვიოს ალკალემია, ჰიპერნატრიემია და/ან ჰიპერვოლემია.
ჰიპერნატრიემია და ნატრიუმის გადაჭარბებული შეკავება, როდესაც ნატრიუმის დეფექტური გამოყოფა თირკმელების დონეზე განსაზღვრავს შინაგანი ორგანოების, განსაკუთრებით თავის ტვინის დეჰიდრატაციას და უჯრედგარე სითხეების დაგროვებას შეშუპებით, მათ შეუძლიათ გავლენა მოახდინონ ცერებრალურ, ფილტვის და პერიფერიულ ცირკულაციაზე ფილტვის და პერიფერიული შეშუპების განვითარებით.
ალკალოზის სიმპტომებია კუნთების სისუსტე, რომელიც დაკავშირებულია კალიუმის დაქვეითებასთან, კუნთების ჰიპერტონუსი, კუნთების სპაზმი და ტეტანია, რომლებიც შეიძლება განვითარდეს განსაკუთრებით ჰიპოკალციემიურ პაციენტებში.
მკურნალობა
დაუყოვნებლივ შეწყვიტეთ ინფუზია და დაიწყეთ მაკორექტირებელი თერაპია, რათა შემცირდეს მიღებული იონების ჭარბი დონე პლაზმაში და, საჭიროების შემთხვევაში, აღდგეს მჟავა-ტუტოვანი ბალანსი (იხ. სიფრთხილის ზომები გამოყენებისას), რაც უზრუნველყოფს პაციენტის მიერ შესაბამისი სიმპტომური და დამხმარე ზომების მიღებას, საჭიროების მიხედვით.
მაღალი ნატრიემიის შემთხვევაში, შესაძლებელია მარყუჟოვანი შარდმდენების გამოყენება.
სისხლში ნატრიუმის დონემ 200 მმოლ/ლ-ზე მეტი შეიძლება მოითხოვოს დიალიზის გამოყენება.
ალკალოზთან დაკავშირებული ჰიპერგაღიზიანება და ტეტანია შეიძლება გაკონტროლდეს კალციუმის გლუკონატის ადექვატური დოზებით. მძიმე ალკალოზის დროს რეკომენდებულია ამონიუმის ქლორიდის მიღება, გარდა ღვიძლის დაავადებების მქონე პაციენტებისა.
ნატრიუმის ბიკარბონატ ბიოინდუსტრია L.I.M.-ის გადაჭარბებული დოზის შემთხვევითი მიღების/ადსორბციის შემთხვევაში, დაუყოვნებლივ მიმართეთ თქვენს ექიმს ან უახლოეს საავადმყოფოს.
თუ გაქვთ რაიმე ეჭვი ნატრიუმის ბიკარბონატ ბიოინდუსტრია L.I.M.-ის გამოყენებასთან დაკავშირებით, მიმართეთ თქვენს ექიმს ან ფარმაცევტს.
გვერდითი მოვლენები
ყველა მედიკამენტის მსგავსად, ნატრიუმის ბიკარბონატსაც შეუძლია გამოიწვიოს გვერდითი მოვლენები, თუმცა ისინი ყველას არ უვითარდება.
ქვემოთ მოცემულია ნატრიუმის ბიკარბონატის გვერდითი მოვლენები. არ არის საკმარისი მონაცემები ჩამოთვლილი ინდივიდუალური ეფექტების სიხშირის დასადგენად.
წყლის და ელექტროლიტური ბალანსის დარღვევა
ალკალემია, ჰიპერნატრიემია, ჰიპერვოლემია, ჰიპეროსმოლარობა.
ზოგადი დარღვევები და მდგომარეობები შეყვანის ადგილზე
ცხელების ეპიზოდები, ინფუზიის ადგილზე ინფექცია, ადგილობრივი ტკივილი ან რეაქცია, ვენების გაღიზიანება, ვენური თრომბოზი ან ფლებიტი, ქიმიური ცელულიტი ქსოვილის ნეკროზით რბილი ქსოვილების შემთხვევითი ექსტრავაზაციის გამო.
ინსტრუქციის ფურცელში მოცემული მითითებების დაცვა ამცირებს გვერდითი მოვლენების რისკს.
თუ რომელიმე გვერდითი მოვლენა გამწვავდა ან თუ შენიშნავთ რაიმე გვერდით მოვლენას, რომელიც არ არის ჩამოთვლილი ამ ინსტრუქციაში, აცნობეთ თქვენს ექიმს ან ფარმაცევტს.
ვარგისიანობის ვადა: იხილეთ შეფუთვაზე მითითებული ვარგისიანობის ვადა.
ვარგისიანობის თარიღი ეხება სწორად შენახულ პროდუქტს ხელუხლებელი შეფუთვით.
გაფრთხილება: არ გამოიყენოთ პრეპარატი შეფუთვაზე მითითებული ვარგისიანობის ვადის გასვლის შემდეგ.
შენახვის პირობები
ინახება თავდაპირველ შეფუთვაში და მჭიდროდ დახურულ კონტეინერში. არ შეინახოთ მაცივარში ან არ გაყინოთ.
მედიკამენტები არ უნდა გადაყაროთ კანალიზაციაში და საყოფაცხოვრებო ნაგავში. ჰკითხეთ თქვენს ფარმაცევტს, როგორ გაანადგუროთ მედიკამენტები, რომლებიც აღარ გამოიყენება. ეს ხელს შეუწყობს გარემოს დაცვას.
შეინახეთ პრეპარატი ბავშვებისთვის მიუწვდომელ ადგილას.
შემადგენლობა
ნატრიუმის ბიკარბონატი ბიოინდუსტრია L.I.M. 1.4% საინფუზიო ხსნარი
1000 მლ ხსნარი შეიცავს:
აქტიური ნივთიერება: ნატრიუმის ბიკარბონატი 14.0 გ
დამხმარე ნივთიერებები: ნატრიუმის ედეტატი, საინექციო წყალი.
მექვ/ლიტრი Na+ 167
HCO3- 167
თეორიული ოსმოლარობა (მოსმ/ლ) 334
pH: 7.0 – 8.5
ნატრიუმის ბიკარბონატი ბიოინდუსტრია L.I.M. 5% საინფუზიო ხსნარი
1000 მლ ხსნარი შეიცავს:
აქტიური ნივთიერება: ნატრიუმის ბიკარბონატი 50.0 გ
დამხმარე ნივთიერებები: ნატრიუმის ედეტატი, საინექციო წყალი.
მექვ/ლიტრი Na+ 595
HCO3- 595
თეორიული ოსმოლარობა (მოსმ/ლ) 1190
pH: 7.0 – 8.5
ნატრიუმის ბიკარბონატი ბიოინდუსტრია L.I.M. 7.5% საინფუზიო ხსნარი
1000 მლ ხსნარი შეიცავს:
აქტიური ნივთიერება: ნატრიუმის ბიკარბონატი 75.0 გ
დამხმარე ნივთიერებები: ნატრიუმის ედეტატი, საინექციო წყალი.
მექვ/ლიტრი Na+ 893
HCO3- 893
თეორიული ოსმოლარობა (მოსმ/ლ) 1785
pH: 7.0 – 8.5
ნატრიუმის ბიკარბონატი ბიოინდუსტრია L.I.M. 8.4% საინფუზიო ხსნარი
1000 მლ ხსნარი შეიცავს:
აქტიური ნივთიერება: ნატრიუმის ბიკარბონატი 84,0 გ
დამხმარე ნივთიერებები: ნატრიუმის ედეტატი, საინექციო წყალი.
მექვ/ლიტრი Na+ 1000
HCO3- 1000
თეორიული ოსმოლარობა (მოსმ/ლ) 2000
pH: 7.0 – 8.5
ფარმაცევტული ფორმა და შიგთავსი
საინფუზიო ხსნარი, სტერილური და აპიროგენული.
I ტიპის შუშის ფლაკონი (Ph. Eur.), ბუტილის რეზინის საცობით და ალუმინის რგოლით.
შიგთავსი:
50 მლ ფლაკონი;
100 მლ ფლაკონი;
250 მლ ფლაკონი;
500 მლ ფლაკონი;
50 მლ 100 მლ ფლაკონში;
100 მლ 250 მლ ფლაკონში;
250 მლ 500 მლ ფლაკონში.
სავაჭრო ნლიცენზიის მფლობელი
BIOINDUSTRY LABORATORIO ITALIANO MEDICINALI S.P.A.
Via De Ambrosiis, 2 - Novi Ligure (AL) - იტალია
მწარმოებელი
BIOINDUSTRY LABORATORIO ITALIANO MEDICINALI S.P.A.
Via De Ambrosiis, 2 - Novi Ligure (AL) - იტალია
იტალიის მედიკამენტების სააგენტოს მიერ საინფორმაციო ფურცლის გადახედვა:
AIFA-ს დადგენილება 02/20/2013.
გაცემის წესი:
ფარმაცევტული პროდუქტის ჯგუფი III, გაიცემა რეცეპტის გარეშე.
