ამინოვენ-ნეფროტექტი 250მლ ფლ

ნეფროტექტი

სავაჭრო (დაპატენტებული) დასახელება: ნეფროტექტი.

საერთაშორისო არადაპატენტებული ან ჯგუფური დასახელება

ამინომჟავები პარენტერალური კვებისათვის.

სამკურნალწამლო ფორმა: ხსნარი ინფუზიებისთვის.

შემადგენლობა

აღწერა

გამჭვირვალე ან ოდნავ ოპალესცენტური, სითხე უფეროდან ღია-ყვითელ ფერამდე.

pH 5,5 – 6,5

ფარმაკოთერაპიული ჯგუფი

პარენტერალური საკვები საშუალება - ამინომჟავები.

ათქ კოდი: [B05BA01].

ფარმაკოლოგიური თვისებები

ნეფროტექტი - შეუცვლელი და შეცვლადიამინომჟავების ხსნარია, რომლებიც აუცილებელია ორგანიზმში ცილების სინთეზისთვის და აზოტის დადებითი ბალანსის მისაღწევად პარენტერალური კვების და დიალიზისას ამინომჟავების დანაკარგების შევსების დროს. შემუშავებულია თირკმელების ფუნქციის დარღვევების მქონე პაციენტებისთვის.

ფარმაკოკინეტიკა

ნეფროტექტის დანიშვნისას ინტრავენურად შემავალი ამინომჟავების უტილიზება ხდება ანაბოლურად და ენერგეტიკული სუბსტრატების ხელმისაწვდომობის პირობებში ისინი უერთდებიან ორგანიზმის ცილების შემადგენლობას.

ბიოშეღწევადობა ინტრავენურად შეყვანისას შეადგენს 100%.

ამინომჟავების განაწილება ინტრავენურად შეყვანისას იდენტურია საკვების ცილების ჰიდროლიზის დროს  კუჭ-ნაწლავის ტრაქტიდან მოხვედრილი ამინომჟავების განაწილებისა.

ნეფროტექტის შემადგენლობაში L-თიროზინის დამატებითი წყაროს სახით ჩართული გლიცილ-L-თიროზინიჰიდროლიზდება L-თიროზინის და გლიცინის ამინომჟავების შემდგომი უტილიზაციით მაშინვე ინტრავენურად შეყვანის შემდეგ, მათ შორის თირკმელების უკმარისობის მქონე პაციენტებში.

ნახევარ სიცოცხლის პერიოდი შეადგენს 3,44 წუთს.

გამოყენების ჩვენებები

-                     ამინომჟავების შეყვანა თირკმლის ფუნქციის დარღვევის მქონე პაციენტების სრული ან ნაწილობრივი პარენტერალური კვებისას, მათ შორის თირკმლის მწვავე და ქრონიკული უკმარისობისას, იმ პაციენტების ჩათვლით, რომლებიც იმყოფებიან ჰემო- ან პერიტონეალურ დიალიზზე.

-                     ამინომჟავების დანაკარგების შევსება ჰემო- ან პერიტონეალური დიალიზის დროს.

უკუჩვენებები

მომატებული მგრძნობელობა პრეპარატის კომპონენტების მიმართ.

ამინომჟავური ცვლის თანდაყოლილი დარღვევა.

შოკის მწვავე ფაზა.

ზოგადი უკუჩვენებები ინფუზიური თერაპიისთვის: ფილტვების მწვავე შეშუპება, ჰიპერჰიდრატაცია, დეკომპენსირებული გულის უკმარისობა, დეკომპენსირებული ჰიპოტონური დეჰიდრატაცია.

სიფრთხილით

სიფრთხილით უნდა მოხდეს გამოყენება ჰიპონატრიემიის მქონე პაციენტებში, სისხლის მომატებული ოსმოლარობით.

გამოყენება ორსულობის, ლაქტაციის დროს და ბავშვთა ასაკში

ამინომჟავების შეყვანა პარენტერალური კვებისას თირკმლის ფუნქციის დარღვევის მქონე პაციენტებისთვის შეიძლება სასიცოცხლოდ მნიშვნელოვანი იყოს. როდესაც ეს აუცილებელია, ამინომჟავების ხსნარები შეიძლება დაენიშნოთ ორსულ ქალებს, მეძუძურ დედებს და ბავშვებს. არასასიკეთო და გვერდითი ეფექტები ორსული ქალების, მეძუძური დედების და ბავშვებისთვის დანიშვნისას აღნიშნული არ ყოფილა. ტერატოგენური ეფექტები გამოვლენილი არ არის.

ორსული ქალებისა და მეძუძური დედებისთვის ნეფროტექტის დანიშვნის წინ საჭიროა რისკის/სარგებელის თანაფარდობის შეფასება.

გამოყენების წესი და დოზები

ინტრავენურად.

დოზა შერჩეული უნდა იქნეს პაციენტის ინდივიდუალური საჭიროების მიხედვით. თუ სხვაგვარად არაა დანიშნული:

-                     თირკმელების მწვავე და ქრონიკული უკმარისობის მქონე პაციენტებში, რომლებიც არ იღებენ ჰემო- ან პერიტონეალურ დიალიზს: 0,6 – 0,8 გ ამინომჟავები სხეულის მასის კგ-ზე დღე-ღამეში = 6-8 მლ/კგ/დღე-ღამეში;

-                     თირკმელების მწვავე და ქრონიკული უკმარისობის მქონე პაციენტებში, რომლებიც იმყოფებიან ჰემო- ან პერიტონეალურ დიალიზზე: 0,8 – 1,2 გ ამინომჟავები სხეულის მასის კგ-ზე დღე-ღამეში = 8-12 მლ/კგ/დღე-ღამეში;

-                     ამინომჟავების დანაკარგების შევსება ჰემო- ან პერიტონეალური დიალიზისას: 0,5 – 0,8 გ ამინომჟავები სხეულის მასის კგ-ზე დღე-ღამეში = 5-8 მლ/კგ/დღე-ღამეში.

მაქსიმალური რეკომენდებული სადღეღამისო დოზა მოზრდილებისა და ბავშვებისთვის: 0,8 – 1,2 გ ამინომჟავები სხეულის მასის კგ-ზე დღე-ღამეში = 8-12 მლ/კგ/დღე-ღამეში. პაციენტებისთვის სხეულის მასით 70 კგ ეს შეესაბამება დაახლოებით 560-840 მლ/დღე-ღამეში.

შეყვანის მაქსიმალური რეკომენდებული სიჩქარე მოზრდილებისა და ბავშვებისთვის:

-       პარენტერალური კვება: 0,1 გ ამინომჟავები სხეულის მასის კგ-ზე საათში = 1 მლ/კგ/სთ.

-       ამინომჟავების დანაკარგების შევსება ჰემო- ან პერიტონეალური დიალიზისას: 0,2 გ ამინომჟავები სხეულის მასის კგ-ზე საათში = 2,0 მლ/კგ/სთ.

ჩვეულებრივ, პარენტერალური კვების ჩატარებისას ნებისმიერი ამინომჟავური ხსნარები ინიშნება კომბინაციაში პრეპარატებთან - ენერგიის წყაროებთან: გლუკოზის ხსნარებთან და/ან ცხიმოვან ემულსიებთან. სრული პარენტერალური კვების ჩატარებისას ნეფროტექტი გამოიყენება ენერგიის წყაროებთან, ელექტროლიტებთან, წყალში ხსნად და ცხიმში ხსნად ვიტამინებთან და მიკროელემენტებთან ერთად. ნეფროტექტის შეყვანა ცენტრალურ ან პერიფერიულ ვენებში შეიძლება პარენტერალური შეყვანისთვის განკუთვნილ სხვა პრეპარატებთან ერთად საბოლოო ოსმოლარობის გათვალისწინებით.

ნეფროტექტი შეიძლება შეყვანილი იქნეს ცალკე საინფუზიო სისტემით ან ასეპტიკურ პირობებში შეერიოს პარენტერალური კვების სხვა კომპონენტებს და ასე იქნეს შეყვანილი კონტეინერში.

ამინომჟავების დანაკარგების შესავსებად დიალიზისას ნეფროტექტის შეყვანა შეიძლება გლუკოზის ხსნარების და ცხიმოვანი ემულსიების გარეშე, უშუალოდ დიალიზის აპარატის ვენოზურ მახეში.

ნეფროტექტისგამოყენება შეიძლება მანამდე, სანამ ავადმყოფს ესაჭიროება პერენტერალური კვება ან რჩება ამინომჟავების დანაკარგების შევსების აუცილებლობა.

გვერდითი ეფექტები

გვერდითი ეფექტები აღნიშნული არ ყოფილა შეყვანის ტექნიკის, რეკომენდებული დოზების დაცვისა და უკუჩვენებების გათვალისწინების დროს.

იშვიათ შემთხვევებში ნებისმიერი ამინომჟავური ხსნარების შეყვანისას შეიძლება აღინიშნოს: ეოზინოფილების დონის მომატება, კუნთების ტკივილი, სკლეროდერმია, კიდურების შეშუპება, სუნთქვის გაძნელება.

ურთიერთქმედება სხვა სამკურნალო საშუალებებთან

ამინომჟავური ხსნარების შერევა შეიძლება ასეპტიკურ პირობებში მხოლოდ პარენტერალური კვებისთვის განკუთვნილ პრეპარატებთან, მათ შორის ცხიმოვან ემულსიებთან, გლუკოზის და ელექტროლიტების ხსნარებთან.

შეუთავსებლობის რისკის გამო არაა რეკომენდებული ერთობლივად შეყვანა სხვა ჯგუფის პრეპარატებთან ერთად.

განსაკუთრებული მითითებები

თერაპიის ჩატარებისას რეკომენდებულია სითხის ბალანსის, შრატის ელექტროლიტების, მჟავა-ტუტოვანი მდგომარეობის მაჩვენებლების, შარდოვანას და ამონიუმის დონის გაკონტროლება.

შეიძლება ნეფროტექტის შერევა ან შეყვანა ენერგიის მატარებლებთან, ელექტროლიტებთან პარალელურად პაციენტის მოთხოვნილებების დასაკმაყოფილებლად აუცილებელი ოდენობებით.

ამინომჟავების შეყვანა თირკმლის ფუნქციის დარღვევის მქონე ბავშვების პარენტერალური კვებისას შეიძლება სასიცოცხლოდ მნიშვნელოვანი იყოს, ამ შემთხვევაში შესაძლებელია გამოყენება ბავშვებში.

თიროზინი ბავშვებისთვის შეუცვლელ ამინომჟავას წარმოადგენს.

ნეფროტექტის დანიშვნის წინ ბავშვებისთვის უნდა შეფასდეს რისკი/სარგებელის თანაფარდობა.

გამოშვების ფორმა

ხსნარი ინფუზიისთვის 250 მლ ან 500 მლ ფლაკონში, დამზადებული უფერო ჰიდროლიზური მინისგან, რომელიც დახურულია რეზინის (ჰალობუტილის) თავსახურით და შემოვლებულია ალუმინის და პლასტიკის ხუფით - პირველი ახსნის კონტროლით. 10 ფლაკონი პლასტმასის დამჭერებით ან მათ გარეშე მუყაოს კოლოფში 1 ან 10 ცალ გამოყენების ინსტრუქციასთან ერთად.

შენახვის პირობები

სინათლისგან დაცულ ადგილას არაუმეტეს 25°C ტემპერატურაზე.

არ გაყინოთ!

ინახება ბავშვებისთვის მიუწვდომელ ადგილას!

გაცემის წესი

ფარმაცევტული პროდუქტის ჯგუფი II, გაიცემა ფორმა №3 რეცეპტით.

ვარგისობის ვადა

2 წელი.

სამკურნალო პრეპარატის მწარმოებლის დასახელება, მისამართი და წარმოების ადგილის მისამართი

ფრეზენიუს კაბი ავსტრია გმბხ, ჰაფნერშტრასე 36, 8055 გრაცი, ავსტრია;

მეორადი შემფუთავი:

ფრეზენიუს კაბი ავსტრია გმბხ, ესტერმანშტრასე 17, 4020 ლინცი, ავსტრია;

ან

ფრეზენიუს კაბი ავსტრია გმბხ, ტექნოპარკი 6, 8408 ვერნდორფი, ავსტრია.

სარეგისტრაციო მოწმობის მფლობელი/მომხმარებლებისგან პრეტენზიების მიმღები ორგანიზაცია

“ფრეზენიუს კაბი დოიჩლანდ გმბხ”, გერმანია

შპს “ფრეზენიუს კაბი”

125167, მოსკოვი, ლენინგრადის გამზირი, სახ. 37, კორპუსი 9, სართ. 3,

სათავსო XXIV, ოთახი 15

ტელ. +7 (495) 988-45-78

www.fresenius-kabi.r