უროლესანი 25მლ ფლ

28.45 ლარი

ფარმაკოლოგიური ჯგუფი: შარდ-კენჭოვანი დაავადების დროს გამოყენებული პრეპარატები

ქვეყანა: უკრაინა

მწარმოებელი: ლვოვი გალიჩფარმი

ჯენერიკი - შეადარეთ ანალოგები: სოჭის და პიტნის ზეთი,სვიის, თავშავას და ველური სტაფილოს ექსტრაქტი

გაცემის ფორმა: III ჯგუფი ურეცეპტო

კოდი: 1076

გააზიარე:

შეუკვეთე

ანოტაცია
სად შევიძინო

უროლესანი^®

UROLESAN

შემადგენლობა

მოქმედი ნივთიერებები: 1მლ პრეპარატი შეიცავს სოჭის ზეთს (oleum Abies) - 67.60 მგ; ბაღის პიტნის ზეთს (oleum Menthae piperitae) – 16.90 მგ; ველური სტაფილოს ნაყოფის თხევად ექსტრაქტს(extractum fructuum Dauci sativi fluidum) (1:1) (ექსტრაგენტი - 96% ეთანოლი) – 194.35 მგ; სვიის გირჩების თხევად ექსტრაქტს (extractum fructuum Strobili fluidum) (1:1) (ექსტრაგენტი - 96% ეთანოლი) – 278,80 მგ; თავშავას ბალახის თხევად ექსტრაქტს (extractum herbae Origani fluidum) (1:1) (ექსტრაგენტი 96% ეთანოლი) – 192,95 მგ.

დამხმარე ნივთიერებები:დინატრიუმის ედეტატი, აბუსალათინის ზეთი.

სამკურნალო ფორმა

ორალური წვეთები.

ძირითადი ფიზიკურ-ქიმიური თვისებები

მომწვანო-მოყავისფროდან ყავისფერამდე სითხე, პიტნის დამახასიათებელი სუნით.

ფარმაკოთერაპიული ჯგუფი

საშუალებები, რომლებიც გამოიყენება უროლოგიაში.

ფარმაკოლოგიური თვისებები

მცენარეული წარმოშობის კომბინირებული პრეპარატი. პრეპარატ უროლესანის^® კომპონენტების კომპლექსი ამცირებს ანთებით მოვლენებს შარდგამომყოფ გზებსა და თირკმელებში, ხელს უწყობს თირკმელების და ღვიძლის გაძლიერებულ სისხლმომარაგებას, ახდენს დიურეზულ, ანტიბაქტერიულ, ნაღვლმდენ მოქმედებას, წარმოქმნის დამცავ კოლოიდს შარდში და ახდენს ნაღვლის ბუშტის და ზედა შარდგამომყოფი გზების გლუვი მუსკულატურის ტონუსის ნორმალიზებას. უროლესანი^® ზრდის შარდოვანას და ქლორიდების გამოყოფას, ხელს უწყობს წვრილი კონკრემენტების და სილის გამოყოფას შარდის ბუშტიდან და თირკმელებიდან.

პრეპარატი კარგად შეიწოვება, მისი მოქმედება იწყება 20-30 წუთის შემდეგ და გრძელდება 4-5 საათი. მაქსიმალური ეფექტი დგება 1-2 საათის შემდეგ. გამოიყოფა საჭმლის მომნელებელი ტრაქტით და თირკმელებით.

კლინიკური მახასიათებლები

ჩვენებები

– შარდგამომყოფი გზების და თირკმელების მწვავე და ქრონიკული ინფექციები (ცისტიტი და პიელონეფრიტი);

– შარდკენჭოვანი დაავადება და შარდმჟავა დიათეზი (კონკრემენტების წარმოქმნის პროფილაქტიკა მათი მოცილების შემდეგ);

– ქრონიკული ქოლეცისტიტი (მათ შორის კალკულოზური), სანაღვლე გზების დისკინეზია, ნაღველკენჭოვანი დაავადება.

უკუჩვენებები

– მომატებული მგრძნობელობა პრეპარატის კომპონენტების მიმართ;

– გასტრიტი, კუჭისა და თორმეტგოჯა ნაწლავის წყლულოვანი დაავადება;

– ბავშვები კრუნჩხვებით ანამნეზში (ფებრილურით ან არაფებრილურით).

ურთიერთქმედება სხვა სამკურნალო საშუალებებთან და სხვა სახის ურთიერთქმედებები

არ შესწავლილა.

გამოყენების თავისებურებანი

არ გამოიყენოთ პრეპარატი, თუ კონკრემენტების დიამეტრი აღემატება 3 მმ-ს.

სიფრთხილით გამოიყენება პაციენტებში ბრონქიალური ასთმით, ბრონქოსპაზმის განვითარების რისკის გამო.

გამოყენება ორსულობის ან ძუძუთი კვების პერიოდში

პრეპარატის გამოყენება ორსულობის ან ძუძუთი კვების პერიოდში არ შესწავლილა.

ზემოქმედების უნარი რეაქციის სისწრაფეზე ავტოტრანსპორტის ან სხვა მექანიზმების მართვის დროს

არ შესწავლილა.

გამოყენების წესი და დოზირება

პრეპარატი მიიღება შიგნით ჭამის წინ.

რეკომენდებული დოზა მოზრდილებისათვის: 8-10 წვეთი (შაქარზე,შაქრიანი დიაბეტის მქონე პაციენტებისათვის – პურზე) 3-ჯერ დღეში. თირკმლისმიერი ან ღვიძლისმიერი კოლიკების დროს ერთჯერადი დოზა შეადგენს 15-20 წვეთს. მიღების ხანგრძლივობა შეადგენს 5-დან 7 დღემდე, ქრონიკული მდგომარეობების დროს - 7 დღიდან 1 თვემდე.

რეკომენდებული დოზა 7-14 წლის ბავშვებისათვის: 5-6 წვეთი (შაქარზე,შაქრიანი დიაბეტის მქონე პაციენტებისათვის – პურზე) 3-ჯერ დღეში.

ერთჯერად დოზას, მკურნალობის სიხშირესა და ხანგრძლივობას ექიმი ინდივიდუალურად განსაზღვრავს.

ბავშვები

7 წლამდე ასაკის ბავშვებში გამოყენების საჭიროების შემთხვევაში რეკომენდებულია უროლესანი^® სიროფი.

ჭარბი დოზირება

ჭარბი დოზირების დროს შესაძლებელია: გულისრევა, ღებინება, მუცლის ტკივილი, თავბრუსხვევა.

მკურნალობა: დიდი რაოდენობით თბილი სასმელი, მოსვენება, გააქტივებული ნახშირი, ატროპინის სულფატი (0,0005-0,001 გ).

გვერდითი რეაქციები

უროლესანი^® ჩვეულებრივ კარგად გადაიტანება. პრეპარატის გამოყენებისას შესაძლებელია:

კუჭ-ნაწლავის ტრაქტის მხრივ: დისპეფსიური დარღვევები (გულისრევის, ღებინების, დიარეის, მუცლის ტკივილის ჩათვლით);

იმუნური სისტემის მხრივ: ალერგიული რეაქციები, ქავილის შეგრძნების, სახის გაწითლების, კანზე გამონაყარის, ჭინჭრის ციების, ანგიონევროზული შეშუპების (პირში წვის შეგრძნება, სუნთქვის გაძნელება, სახის, ენის შეშუპება), ანაფილაქსიური შოკის ჩათვლით;

ცენტრალური და პერიფერიული ნერვული სისტემის მხრივ: თავბრუსხვევა, ზოგადი სისუსტე, თავის ტკივილი, ატაქსია, კუნთების ტრემორი;

გულ-სისხლძარღვთა სისტემის მხრივ: არტერიული ჰიპოტენზია, ჰიპერტენზია, ბრადიკარდია.

ვარგისობის ვადა: 3 წელი.

შენახვის პირობები

ინახება ორიგინალ შეფუთვაში არაუმეტეს 25°C ტემპერატურაზე.

ინახება ბავშვებისათვის მიუწვდომელ ადგილას.

შეფუთვა

25 მლ ფლაკონ-საწვეთურში, რომელიც დახუფულია თავსახურით პირველი გახსნის კონტროლით; თითო ფლაკონი-საწვეთური კოლოფში;

გაცემის წესი

ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი

სსს „გალიჩფარმი“.

მწარმოებლის ადგილმდებარეობა და მისი საქმიანობის განხორციელების ადგილის მისამართი

უკრაინა, 79024, ქ. ლვოვი, ოპრიშკოვსკაიას ქ. 6/8.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით