
აევიტი 100000სე+100მგ #30კაფს
გააზიარე:
აევიტი
1. სამკურნალო საშუალების სავაჭრო დასახელება:
აევიტი.
2. ხარისხობრივი და რაოდენობრივი შემადგენლობა
ერთი კაფსულა შეიცავს:
მოქმედი ნივთიერება: რეტინოლის პალმიტატი- 10000 ს.ე., ალფა-ტოკოფერილაცეტატი-100 მგ;
დამხმარე ნივთიერება: მზესუმზირის ზეთი.
დამხმარე ნივთიერებების სრული ჩამონათვალი იხილეთ პუნქტ 6.1-ში.
3. გამოშვების ფორმა
კაფსულა.
4. კლინიკური დახასიათება
4.1. გამოყენების ჩვენებები
- A და E ჰიპო- და ავიტამინოზი,
- ორგანიზმის მომატებული მოთხოვნილება A და E ვიტამინზე და/ან ორანიზმში მათი მოხვედრის შემცირება;
- მომატებული ფიზიკური და გონებრივი დატვირთვა, სტრესული მდგომარეობა;
- გადატანილი ხანგრძლივი და/ან მძიმედ მიმდინარე, მათ შორის ინფექციური, დაავადებების შემდგომი რეკონვალესცენციის პერიოდი;
- სხვადასხვა ეთიოლოგიის ასთენიური მდგომარეობები;
- არადაბალანსებული ან არასრულყოფილი კვება.
4.2. გამოყენებისწესიდადოზირება
აევიტის კაფსულის მიღება ხდება შინაგანად, კვებისაგან დამოუკიდებლად, ყოველდღიურად 1 კაფსულა დღეში, 20–40 დღის განმავლობაში. მომდევნო კურსი 3–6 თვიანი შუალედით.
4.3. უკუჩვენებები
აევიტის კაფსულის გამოყენების უკუჩვენებებშიშედის: A და E ჰიპერვიტამინოზი,
თირეოტოქსიკოზი, ქრონიკული გლომერულონეფრიტი, ქრონიკული გულის უკმარისობა,
მომატებული მგრძნობელობა პრეპარატის კომპონენტების მიმართ, სარკოიდოზი ანამნეზში,
ნაღველკენჭოვანი დაავადება, ქრონიკული პანკრეატიტი, 18 წლამდე ასაკის ბავშვები და
მოზარდები. პრეპარატი უკუნაჩვენებია ორსულობის პერიოდში.
4.4. უსაფრთხოებისზომები (განსაკუთრებული მითითებები)
პრეპარატი ინიშნება სიფრთხილით პაციენტებში მომატებული თრომბოემბოლიის რისკით, კორონარული არტერიების ათეროსკლეროზის მძიმე ფორმით, სისხლმიმოქცევის ქრონიკული უკმარისობით, მწვავე და ქრონიკული ნეფრიტით, ქოლეცისტიტით, ჰეპატობილიარული სისტემის მძიმე დაზიანებით.
პრეპარატის დანიშვნა არ არის რეკომენდირებული ხანგრძლივი პერიოდის განმავლობაში, სხვა პოლივიტამინურ საშუალებებთან ერთად, რადგან არსებობს ცხიმში ხსნადი ვიტამინების ჭარბი დოზირების განვითარების რისკი (A და E). საჭიროა დოზირების რეჟიმის დაცვა ზედმიწევნით, რადგან არსებობს A ჰიპერვიტამინოზის განვითარების რისკი.
პრეპარატის გამოყენებისას უნდა გაითვალისწინოთ მასში შემავალი A ვიტამინის მაღალი შემცველობა (100 000 ს.ე.) და ის გარემოება, რომ პრეპარატი წარმოადგენს არა პროფილაქტიკურ, არამედ სამკურნალო საშუალებას.
გამოყენება ორსულობისადალაქტაციის პერიოდში
პრეპარატი უკუნავენებია ორსულობის პერიოდში.
A ვიტამინის ტერატოგენული ეფექტის შენარჩუნება გრძელდება მისი მიღების შეწყვეტის
შემდეგ, ამიტომ პრეპარატის მიღების შეწყვეტიდან ორსულობის დაგეგმვა შესაძლებელია მხოლოდ 6-12 თვეში.
გავლენასატრანსპორტოსაშუალებებისდასხვამექანიზმებისმართვაზე
არ მოქმედებს.
4.5. ურთიერთქმედებასხვასამკურნალოსაშუალებებთან
A ვიტამინი ასუსტებს Ca2+ პრეპარატების ეფექტს, ზრდის ჰიპერკალციემიის განვითარების
რისკს.
ქოლესტირამინი, კოლესტიპოლი, მინერალური ზეთები, ნეომიცინი ამცირებს A და E
ვიტამინის აბსორბციას (შესაძლებელია საჭირო გახდეს დოზის გაზრდა).
პერორალური კონტრაცეპტივები ზრდიან A ვიტამინის კონცენტრაციას პლაზმაში.
რეტინოლი იწვევს გლუკოკორტიკოსტეროიდების ანთების საწინააღმდეგო მოქმედების
გაძლიერებას. იზოტრეტინოინი ზრდის A ვიტამინით ინტოქსიკაციის რისკს. ტეტრაციკლინისა და A ვიტამინის ერთდროული მიღება მაღალი დოზით (50 ათას. ED და მეტი) ზრდის ქალას შიდა წნევის განვითარების რისკს.
E ვიტამინი აძლიერებს გლუკოკორტიკოსტეროიდების, ანთების საწინააღმდეგო არასტეროიდული საშუალებების, ანტიოქსიდანტების ეფექტურობას, აძლიერებს A და D
ვიტამინების ეფექტურობას და ამცირებს საგულე გლიკოზიდების ტოქსიკურობას.
E ვიტამინი ამაღლებს ეპილეფსიის სამკურნალო საშუალებების ეფექტურობას ეპილეფსიით დაავადებულებში (რომელთაც მომატებული აქვთ სისხლში ლიპიდების ზეჟანგი
პროდუქტების შემცველობა).
ანტიკოაგულანტებთან (კუმარინისა და ინდანდიონის წარმობულები) მეტი დოზით E
ვიტამინის ერთდროული მიღებისას (400 ს.ე./დღეში) მატულობს ჰიპოპროთრომბინემიის
განვითარებისა და სისსხლდენის რისკი. რკინის მაღალი დოზები იწვევს ორგანიზმში
ჟანგვითი პროცესების ინტენსივობას, რაც ზრდის E ვიტამინზე მოთხოვნილებას.
ალფა-ტოკოფერილაცეტატის მიღება არ არის რეკომენდებული შემდეგ პრეპარატებთან
კომბინაციაში: ოქროს და ვერცხლის პრეპარატები, ტუტე-რეაქციის საშუალებები.
კორტიკოსტეროიდები, ტეტრაციკლინის ჯგუფის ანტიბიოტიკები, აგრეთვე
ეთანოლი და ეთანოლის შემცველი პრეპარატები აევიტთან კომბინაციაში ამცირებენ მის
თერაპიულ ეფექტს.
4.5. გვერდითი მოქმედება
კუჭ-ნაწლავის ტრაქტის მხრივ: მადის დაკარგვა, პირის ღრუს ლორწოვანი გარსის სიმშრალე,
კუჭის არეში ტკივილი, ღებინების შეგრძნება და ღებინება.
ღვიძლის და ბილიარული სისტემის მხრივ: ჰეპატოტოქსიკური მოვლენები, პორტალური
ჰიპერტენზია.
კანისა და კანქვეშა ქსოვილის მხრივ: კანისა და ტუჩების სიმშრალე და ნახეთქები, ყვითელი და ნარინჯისფერი ლაქები ტერფებზე და ხელისგულებზე, ცხვირ-ტუჩის არეში, კანქვეშა შეშუპება, ზოგიერთ შემთხვევაში გამოყენების პირველი დღიდან შეიძლება გაჩნდეს ლაქოვან-პაპულოზური გამონაყარი ქავილით, რაც საჭიროებს პრეპარატის გამოყენების შეწყვეტას.
ნერვული სისტემის მხრივ: ასთენია, დაღლილობის მომატებული შეგრძნება, ძილიანობა, დისკომფორტი, თავის ტკივილი, გაღიზიანება, თვალის შიდა წნევის მომატება, მხედველობის და სიარულის დარღვევა.
ენდოკრინული სისტემის მხრივ: ოლიგომენორეა.
შარდის გამომყოფი სისტემის მხრივ: პოლაკიურია, ნიქტურია, პოლიურია.
სისხლის მხრივ: ჰემოლიზური ანემია.
საყრდენ-მამოძრავებელი აპარატის მხრივ: ძვლების ტკივილი, გრძელი ლულოვანი ძვლების ჰიპეროსტოზი (ძირითადად ბავშვებში), ზრდის ეპიფიზური ზონის ნაადრევი დახურვა.
სხვა: ჰიპერთერმია, თმის ცვენა, ფოტოსენსიბილიზაცია, სხეულის მასის შემცირება, ჰიპერკალციემია.
სამკურნალო საშუალების დოზის შემცირებისას ან მისი მიღების დროებითი შეწყვეტისას აღინიშნება გვერდითი მოვლენები ქრება დამოუკიდებელად.
პაციენტებში კანის დაავადებებით სამკურნალო საშუალების მაღალი დოზებით გამოყენებისას მკურნალობის 7-10 დღის შემდეგ შეიძლება განვითარდეს ადგილობრივი ანთებითი რეაქციის გამწვავება, რომელიც საჭიროებს დამატებით მკურნალობას და შემდგომში მცირდება. აღნიშნული ეფექტი დაკავშირებულია პრეპარატის მიელო- და იმუნო- მასტიმულირებელ მოქმედებასთან.
4.7. ჭარბი დოზირება
A ვიტამინისჭარბიდოზირებისსიმპტომები: პრეპარატის ერთჯერადი მიღება მაღალი დოზით იწვევს ზურგის ტვინის სითხის წნევის უეცარ მატებას (ლიქვორის პათოლოგიური ცვლილებების გარეშე), თავის ძლიერ ტკივილს, ძილიანობას, მხედველობის დარღვევას (დიპლოპია). მძიმე შემთხვევებში ვითარდება კრუნჩხვები, გულის უკმარისობა. ხანგრძლივი გამოყენებისას შესაძლებელია ქრონიკული A-ჰიპერვიტამინოზის განვითარება ნერვული სისტემის დაზიანებით (თავის ტკივილი, უძილობა, გაღიზიანება, აპათია, პარესთეზიები), ზოგადი სისუსტით, მადის დაკარგვით, სიცხის მომატებით, კანის მხრივ ცვლილებებით (სიმშრალე და ნახეთქები ხელისგულებზე და ტერფებზე, პიგმენტური ლაქები, თმის ცვენა, სებორეული გამონაყარი), სიყვითლით, ძვლების და კუნთების ტკივილით, სიარულის დარღვევით, ელენთის და ღვიძლის გადიდებით, მხედველობის ნერვის დისკოს შეშუპებით, სისხლის სურათის ცვლილებით.
E-ვიტამინის ჭარბი დოზირების სიმპტომები: კრეატინურია, დიარეა, ტკივილი ეპიგასტრიუმის არეში, შრომისუნარიანობის დაქვეითება, ჰეპატომეგალია, ჰიპერბილირუბინემია (> 20მგ/ დლ), აზოტემია (>40 მგ/დლ), თრომბოციტოპენია (
მკურნალობა სიმპტომურია. ანტაგონისტის სახით ინიშნება L-თიროქსინი, აგრეთვე ასკორბინის მჟავა. საჭიროა პრეპარატის მოხსნა.
5. ფარმაკოლოგიური მონაცემები.
კომბინირებული პრეპარტი, რომლის მოქმედება განისაზღვრება მის შემადგენლობაში შემავალი ცხიმში ხსნადი A და E ვიტამინებით.
რეტინოლი (ვიტამინი A) წარმოადგენს ცხიმში ხსნად ვიტამინს, რომელიც კოფაქტორის სახით მნიშვნელოვან როლს თამაშობს ჟანგვა-აღდგენით პროცესებში, მონაწილეობს მუკოპოლისაქარიდების, ცილებისა და ლიპიდების სინთეზში. საჭიროა ნორმალური რეპროდუქციული ფუნქციისთვის, ემბრიონალური განვითარებისთვის, ეპითელიუმის დიფერენცირებისთვისა და პროლიფერაციისთვის, აგრეთვე ოსტეოგენეზისთვის. მონაწილეობს მხედველობის პიგმენტების წარმოქმნაში, რომლებიც საჭიროა ნორმალური ფერების აღქმისთვის და სიბნელეში ხედვისათვის. რეტინოლი აძლიერებს იმუნიტეტს, ამცირებს ზოგირეთი ინფექციური დაავადების შედეგს, აქვს ავთვისებიანი წარმონაქმნების დაბრკოლების უნარი.
ალფა-ტოკოფერილაცეტატი (ვიტამინი E) ფლობს ანტიოქსიდანტურ თვისებებს, ამუხრუჭებს თავისუფალი რადიკალების ზემოქმედებას ბიოლოგიურ მემბრანაზე, მონაწილეობს ცილების სინთეზში, უჯრედების პროლიფერაციაში, ქსოვილთა სუნთქვაში. ხელს უწყობს ერითროციტების სტაბილურობის შენარჩუნებას და არიდებს მათ ჰემოლიზს, აბრკოლებს კაპილარების კედლის მაღალ გამტარიანობას და მსხრევადობას, ამაღლებს ქსოვილთა მდგრადობას ჰიპოქსიისადმი, დადებითად მოქმედებს ლიპიდურ ცვლაზე.
ვიტამინი E ხელს უწყობს თვითნებური აბორტის თავიდან არიდებას, სასქესო ჯირკვლების ნორმალურ ფუნქციონირებას კაცებში, ჩონჩხის კუნთების აღდგენას კუნთოვანის დისტროფიის და კუნთების სხვა დაზიანების დროს. გულ-სისხლძარღვთა სისტემის კომპექსურ თერაპიაში ვიტამინი E ხელს უწყობს მეტაბოლიზმის ნორმალიზებას გულის კუნთში, ზრდის სისხლის მიმოქცევის სიჩქარეს არტერიოლებში, ინარჩუნებს დაძაბვას ვენულებში.
5.2. ფარმაკოკინეტიკა
რეტინოლის პალმიტატი კარგად შეიწოვება წვრილი ნაწლავის ზედა ნაწილში, აღწევს ლიმფურ გზებში, და შემდგომ ღვიძლში. შეყვანის შემდეგ პლაზმაში მაქსიმალური კონცენტრაციის მიღწევა ხდება 4 საათის შემდეგ. რეტინოლის განაწილება ორგანიზმში არათანაბარია. მისი უმეტესი ნაწილი განთავსებულია ღვიძლში და ბადურაში, აგრეთვიე ვლინდება თირკმელებში, ცხიმოვან დეპოში, თირკმელზედა ჯირკვლებში და შინაგანი სეკრეციის სხვა ორგანოებში. რეტინოლის მეტაბოლიზმის პროდუქტები გამოიყოფა თირკმელების მეშვეობით. ნახევარგამოყოფის პერიოდი შეადგენს 9,1 საათს.
ალფა-ტოკოფერილაცეტატის შეწოვა ხდება კუჭ-ნაწლავის ტრაქტში, მისი უმეტესი ნაწილი ხვდება ლიმფაში, გამოიყოფა ნაღველში და შარდში მეტაბოლიტების სახით.
6. ფარმაცევტული მონაცემები
6.1. დამხმარე ნივთიერებების ჩამონათვალი
დამხმარე ნივთიერება: მზესუმზირის ზეთი.
კაფსულის გარსის შემადგენლობა: ჟელატინი, გლიცერინი, გამოხდილი წყალი, ნატრიუმის ბენზოატი.
6.2. შეუთავსებლობა: არ არის დადგენილი.
6.3. შენახვის ვადა: 2 წელი.
6.4. შენახვის პირობები
შეინახეთ ტემპერატურაზე 15°C-დან 25°C-მდე, სინათლისაგან და ნესტისგან დაცულ ადგილზე.
6.5. მონაცემები შეფუთვის შესახებ
პირველადი: 15 კაფსულა უჯრედოვან კონტურულ შეფუთვაში, რომელიც დამზადებულია პოლივინილქლორიდისაგან და ალუმინის ფოლგისაგან.
მეორადი: 2 კონტურულ უჯრედოვანი შეფუთვა N15 სამედიცინო გამოყენების ინსტრუქიასთან ერთად მოთავსებულია მუყაოს კოლოფში.
6.6. სიფრთხილის ზომები სამკურნალო საშუალების შეფუთვის გამოყენებისას:
არ არსებობს.
7. სარეგისტრაციო ლიცენზიის მფლობელი
სამეწარმეო რესპუბლიკური უნიტარული საწარმო
„მინსკინტერკაფსი“ (უს „მინსკინტერკაფსი“)
გაცემის წესი
ფარმაცევტული პროდუქტის ჯგუფი III, გაიცემა რეცეპტის გარეშე.