ალერგოსანი 1% 18გ კრემი

ალერგოსანი 1% მალამო

ქლოროპირამინის ჰიდროქლორიდი (chloropyraminehydrochloride)

მკურნალობის დაწყებამდე, ყურადღებით წაიკითხეთ ამ სამკურნალო საშუალების  ინსტრუქცია, რადგან ის შეიცავს თქვენთვის მნიშვნელოვან ინფორმაციას.

ეს სამკურნალო საშუალება ყოველთვის გამოიყენეთ ზუსტად ისე, როგორც  ამ ინსტრუქციაშია აღწერილი, ან თქვენი ექიმის, ფარმაცევტის ან მედდის დანიშნულების შესაბამისად.

-        შეინახეთ ეს ინსტრუქცია. თქვენ შესაძლოა  დაგჭირდეთ მისი ხელახლა წაკითხვა.

-        თუ გესაჭიროებათ დამატებითი ინფორმაცია  ან რჩევა, ჰკითხეთ თქვენს ექიმს ან ფარმაცევტს.

-        თუ გამოგივლინდათ ნებისმიერი გვერდით მოვლენა, აცნობეთ თქვენს ექიმს, ფარმაცევტს, ან მედდას. ეს გულისხმობს  ყველა შესაძლო გვერდით მოვლენას, რომელიც არ არის აღწერილი ამ ინსტრუქციაში.

-        თუ 5- 7 დღის შემდეგ თქვენი მდგომარეობა არ უმჯობესდება, ან უარესდება, საჭიროა მიმართოთ ექიმს.

წინამდებარე ინსტრუქცია შეიცავს შემდეგ ინფორმაციას:

1.       რას წარმოადგენს ალერგოსანი მალამო და რისთვის გამოიყენება

2.       ალერგოსანი მალამოს გამოყენებამდე

3.       როგორ უნდა გამოიყენოთ ალერგოსანი მალამო

4.       შესაძლო გვერდითი მოვლენები

5.       როგორ უნდა შეინახოთ ალერგოსანი მალამო

6.       დამატებითი ინფორმაცია

1. რას წარმოადგენს ალერგოსანი მალამო და რისთვის გამოიყენება

ალერგოსანი მალამო შეიცავს აქტიურ ნივთიერებას ქლოროპირამინს, ე.წ. ანტიჰისტამინური პრეპარატების ჯგუფიდან. მას გააჩნია კარგად გამოხატული ალერგიის საწინააღმდეგო მოქმედება. კანზე დატანისას თრგუნავს ქავილს, ხსნის სიწითლეს, შეშუპებას და გამონაყარს.  ალერგოსანი მალამო გამოიყენება მწერების ნაკბენების დროს; კონტაქტური დერმატიტის და სხვა ქავილის თანმხლები დერმატოზებისას (კანის ანთება); გამონაყარის და ქავილის დროს სხვადასხვა ალერგიული მდგომარეობებისას, რომლებიც არ აზიანებენ კანის დიდ მონაკვეთებს.

თუ 5-7 დღის შემდეგ თქვენი მდგომარეობა არ უმჯობესდება, ან უარესდება, საჭიროა მიმართოთ ექიმს.

2. ალერგოსანი მალამოს გამოყენებამდე

არ გამოიყენოთ ალერგოსანი მალამო:

- თუ გაქვთ ალერგია ამ სამკურნალო პრეპარატის აქტიური ნივთიერების, ან რომელიმე დამხმარე ნივთიერების მიმართ (ჩამონათვალი იხ. 6 პუნქტში).

ალერგოსანი მალამოს გამოყენებისას დაიცავით განსაკუთრებული სიფრთხილე

ალერგოსანი მალამოს გამოყენებამდე გაესაუბრეთ თქვენს ექიმს, ფარმაცევტს, ან მედდას.

-        თუ გაქვთ კანის მწვავე რეაქციები ექსუდატის წარმოქმნით (სეკრეტი, ანთებითი სითხე), უფრო მისაღებია სხვა სამკურნალო ფორმის გამოყენება – ალერგოსანი კრემი.  

-        არ არის რეკომენდებული პრეპარატის წასმა ღია ჭრილობებზე ან დამწვრობაზე.

-        იყავით ფრთხილად, რათა გამოყენებისას  პრეპარატის ნაწილი არ მოგხვდეთ თვალში, ცხვირის ან პირის ღრუს ლორწოვან გარსზე.

სხვა სამკურნალო პრეპარატების გამოყენება

აცნობეთ თქვენს ექიმს ან ფარმაცევტს, თუ იყენებთ, უახლოეს წარსულში იყენებდით, ან შესაძლოა გამოიყენოთ სხვა სამკურნალო პრეპარატები.

ახდენენ თუ არა გავლენას სხვა სამკურნალო პრეპარატები ალერგოსანის მოქმედებაზე, ცნობილი არ არის.

ორსულობა, ძუძუთიკვებადაფერტილობა

თუ ხართ ორსულად, ან ბავშვი გყავთ ძუძუთი კვებაზე, თვლით, რომ შესაძლოა იყოთ ორსულად, ან გეგმავთ ორსულობას, ამ სამკურნალო პრეპარატის გამოყენებამდე რჩევისთვის მიმართეთ თქვენს ექიმს ან ფარმაცევტს.

ექიმი შეაფასებს, არის თუ არა მისაღები თქვენთვის ალერგოსანის მალამოს გამოყენება.

სატრანსპორტო საშუალებების მართვა და მექანიზმებთან მუშაობა

ალერგოსანი მალამო არ ახდენს გავლენას აქტიურ ყურადღებაზე და მისი გამოყენება შეუძლიათ სატრანსპორტო საშუალებების მძღოლებს და მანქანების ოპერატორებს.

მნიშვნელოვანი ინფორმაცია ალერგოსანი მალამოს ზოგიერთ შემადგენელ ნივთიერებაზე

ალერგოსანი მალამო შეიცავს დამხმარე ნივთიერებებს ლანოლინს და ცეტილის სპირტს, რომელთაც გამოყენების ადგილას შესაძლოა გამოიწვიონ კანის რეაქციები (მაგ. კონტაქტური დერმატიტი).

3. როგორ უნდა გამოიყენოთ ალერგოსანი მალამო

ეს სამკურნალო პრეპარატი ყოველთვის გამოიყენეთ ზუსტად ისე, როგორც ამ ინსტრუქციაშია აღწერილი, ან თქვენი ექიმის, ფარმაცევტის, მედდის დანიშნულების შესაბამისად. თუ არ ხართ რაიმეში დარწმუნებული, ჰკითხეთ თქვენს ექიმს ან ფარმაცევტს.

რეკომენდებული დოზა შეადგენს:

მოზრდილები და ბავშვები (ჩვილები და 18 წლამდე ასაკის ბავშვები) – მალამოს მცირე რაოდენობა დაიტანება დაზიანებულ ზედაპირზე 2-3 ჯერ დღეში, კანში მსუბუქად შეზელვით.

გამოყენების წესი

ალერგოსანი მალამო განკუთვნილია მხოლოდ კანზე ადგილობრივი გამოყენებისათვის. რეკომენდებულია  კანის ჰიპერკერატოზით (კანის ზედა ფენის გამაგრება, გასქელება)  მიმდინარე ქრონიკული დაავადებების დროს  გამოსაყენებლად.

გამოყენება შესაძლებელია ნახვევის ქვეშ, ან ფიზიოთერაპიული პროცედურების სახით, კანში უკეთ შეღწევის და სწრაფი სამკურნალო ეფექტის მიღწევის მიზნით. არ უნდა წაისვათ ღია ჭრილობებზე, თვალებში, ცხვირის და პირის ღრუს ლორწოვან გარსებზე.

მკურნალობის ხანგრძლივობა – 5-დან 7 დღემდე.

თუ თქვენ გამოიყენეთ დოზა, რომელიც აღემატება ალერგოსანი მალამოს საჭირო დოზას

კანზე პრეპარატის ადგილობრივი გამოყენების გამო, დოზის გადაჭარბება ნაკლებად სავარაუდოა. პრეპარატის დიდი რაოდენობით შემთხვევით შთანთქმისას, დახმარებისთვის მიმართეთ ექიმს.

თუ გამოტოვეთ ალერგოსან იმალამოს გამოყენება

არ გამოიყენოთ სამკურნალო პრეპარატის დიდი რაოდენობა გამოტოვებულის საკომპენსაციოდ.

თუ გაქვთ ნებისმიერი დამატებითი შეკითხვა, რომელიც დაკავშირებულია ამ სამკურნალო პრეპარატის გამოყენებასთან, კითხეთ თქვენს ექიმს, ფარმაცევტს ან მედდას.

4. შესაძლო გვერდითი მოვლენები

როგორც სხვა სამკურნალო პრეპარატებმა, ამ პრეპარატმაც შეიძლება გამოიწვიოს გვერდითი მოვლენები, მიუხედავად იმისა, რომ ისინი ყველას არ უვლინდება.

ძალიან იშვიათად ალერგოსანი მალამომ შეიძლება გამოიწვიოს კანის ქავილი ან გაღიზიანება.

ალერგოსანი მალამოს გამოყენებისას ცალკეულ შემთხვევებში შესაძლებელია ჰიპერმგრძნობელობის რეაქციების გამოვლენა (მაგ. კონტაქტური დერმატიტი), რომლებიც შეიძლება გამოწვეული იყოს მის შემადგენლობაში შემავალი დამხმარე ნივთიერებებით ლანოლინით და ცეტილის სპირტით.

თუ გამოგივლინდათ ნებისმიერი გვერდითი მოვლენა, აცნობეთ თქვენს ექიმს, ფარმაცევტს ან მედდას. ეს მოიცავს ყველა შესაძლო გვერდით მოვლენას, რომელიც არ არის აღწერილი ამ დანართ ფურცელში.

5. როგორ უნდა შეინახოთ ალერგოსანი მალამო

შეინახეთ არაუმეტეს  25^оС ტემპერატურის პირობებში.

შეინახეთ ბავშვებისთვის მიუწვდომელ ადგილას.

ვარგისობის ვადა: 3 (სამი) წელი

არ გამოიყენოთ ალერგოსანი მალამო შეფუთვაზე მითითებული ვარგისიანობის ვადის გასვლის შემდეგ. ამ სამკურნალო საშუალების გამოყენება შეგიძლიათ შეფუთვის გახსნიდან 1 თვემდე პერიოდში.

არ გადააგდოთ სამკურნალო  პრეპარატები კანალიზაციაში, ან საყოფაცხოვრებო ნარჩენების კონტეინერში. ჰკითხეთ თქვენს ფარმაცევტს, როგორ გადააგდოთ სამკურნალო პრეპარატები, რომლებიც უკვე აღარ გჭირდებათ. ეს ღონისძიებები ხელს შეუწყობს გარემოს დაცვას.

6.დამატებითი ინფორმაცია

რას შეიცავს ალერგოსანი მალამო

-        აქტიური ნივთიერება: ქლორპირამინის ჰიდროქლორიდი 10 მგ 1 გ მალამოში.

-        დამხმარე ნივთიერებები: ცეტილის სპირტი, ლანოლინი; რბილი, თეთრი პარაფინი.

როგორ გამოიყურება ალერგოსანი მალამო და რას შეიცავს შეფუთვა

მკრთალი ყვითელი ფერის, უსუნო, ცხიმისებრი მასა. სამკურნალო პრეპარატის 18 გ დოზირებულია მემბრანულ ალუმინის ტუბში პოლიპროპილენისგან დამზადებულ პლასტმასის თავსახურით. თითოეული ტუბი მოთავსებულია მუყაოსგან დამზადებულ ერთეულ დასაკეც კოლოფში, რომელიც ერთი მხრიდან დაფარულია პიგმენტით. თითოეულ შეფუთვაში მოთავსებულია გამოყენების ინსტრუქცია.

გაცემის წესი:

ფარმაცევტული პროდუქტის ჯგუფი - III, გაიცემა რეცეპტის გარეშე

გამოყენებაზე ნებართვის მფლობელი და მწარმოებელი

სს სოფარმა

ილიენსკოე შოსეს ქ. 16, 1220 სოფია, ბულგარეთი

წარმოების ადგილი

სს  სოფარმა,

ს. ვრაბევო, 5660, ლოვეჩის ოლქი, ბულგარეთი