დენტოკინდი A #150ტ

28.16 ლარი

ფარმაკოლოგიური ჯგუფი: ჰომეოპათიური საშუალებები

ქვეყანა: გერმანია

მწარმოებელი: დოიჩე ჰომეოპათიე იუნიონ დეჰაუ

ჯენერიკი - შეადარეთ ანალოგები: შმაგა+გვირილა

გაცემის ფორმა: III ჯგუფი ურეცეპტო

კოდი: 124595

გააზიარე:

შეუკვეთე

ანოტაცია
სად შევიძინო

დენტოკინდი A 150 ტაბლეტი

1. სამკურნალო საშუალების დასახელება: დენტოკინდი A.

2. ხარისხობრივი და რაოდენობრივი შემადგენლობა

1 ტაბლეტი (100 მგ) შეიცავს:

აქტიური ნივთიერებები:

Belladonna trit. D6 15 მგ
Chamomilla trit. D6 15 მგ
Ferrum phosphoricum trit. D6 15 მგ
Hepar sulphuris trit. D12 15 მგ
Pulsatilla D6 trit. 15 მგ
ცნობილი ეფექტის მქონე დამხმარე ნივთიერებები: ლაქტოზას მონოჰიდრატი.

დამხმარე ნივთიერებების სრული ჩამონათვალი იხ. ნაწილში 6.1.

3. ფარმაცევტული ფორმა: ტაბლეტი.

4. კლინიკური მონაცემები

4.1 თერაპიული ჩვენებები

კბილების ამოჭრით გამოწვეული სიმპტომები, მათ შორის გაღიზიანება, ყურების ტკივილი, ღრძილების ტკივილი, მსუბუქი ცხელება და თხევადი განავალი ჩვილებსა და ბავშვებში.

4.2 დოზა და მიღების წესი

დოზირების რეჟიმი

1 წლამდე ასაკის ბავშვები:

მწვავე სიმპტომების დროს ინიშნება 1 ტაბლეტი ყოველ ერთ საათში, მაგრამ არა უმეტეს 6 ტაბლეტი დღეში. სიმპტომების შემცირებისას ინიშნება 1 ტაბლეტი 3-ჯერ დღეში.

1 წლიდან 6 წლამდე ასაკის ბავშვები:

მწვავე სიმპტომების დროს ინიშნება 2 ტაბლეტი ყოველ ერთ საათში, მაგრამ არა უმეტეს 12 ტაბლეტი დღეში. სიმპტომების შემცირებისას ინიშნება 2 ტაბლეტი 3-ჯერ დღეში.

გამოყენების წესი

ტაბლეტები ნელა უნდა გაიწუწნოს პირში. პატარა ბავშვებისთვის შესაძლებელია ტაბლეტების მცირე რაოდენობის წყალში გახსნა.

ტაბლეტები მიიღება ჭამამდე ნახევარი საათით ადრე ან ჭამიდან ნახევარი საათის შემდეგ.

4.3 უკუჩვენებები

მომატებული მგრძნობელობა მოქმედი ნივთიერებების ან 6.1 პუნქტში ჩამოთვლილი რომელიმე დამხმარე ნივთიერების მიმართ.

4.4 განსაკუთრებული გაფრთხილებები და სიფრთხილის ზომები

სამკურნალო საშუალება შეიცავს ლაქტოზას. სამკურნალო საშუალება არ გამოიყენება გალაქტოზას იშვიათი მემკვიდრეობითი პრობლემის მქონე პაციენტებში, ლაპას ლაქტაზას დეფიციტის ან გლუკოზა-გალაქტოზას მალაბსორბცის დროს.

გაიარეთ კონსულტაცია ექიმთან:

- თუ ბავშვი ცუდად რეაგირებს დენტოკინდი A-ზე;

- დამატებითი ჩივილების განვითარების შემთხვევაში.

4.5 ურთიერთქმედება სხვა სამკურნალო პრეპარატებთან და სხვა ფორმის ურთიერთქმედება

სხვა სამკურნალო საშუალებებთან ურთიერთქმედება არ აღინიშნება.

ამ ჰომეოპათიური პრეპარატის გამოყენება არ გამორიცხავს სხვა სამკურნალო საშუალებების გამოყენებას.

მშობლებმა უნდა გაიარონ კონსულტაცია ექიმთან, თუ ბავშვს აძლევენ, ცოტა ხნის წინ აძლევდნენ ან შეიძლება მისცენ სხვა სამკურნალო საშუალებები.

4.6 ორსულობა და ლაქტაცია

პრეპარატი განკუთვნილია ბავშვებისთვის.

4.7 ზეგავლენა ავტომობილის და მექანიზმების მართვის უნარზე

პრეპარატი განკუთვნილია ბავშვებისთვის.

4.8 არასასურველი ეფექტები

გვერდითი ეფექტები ცნობილი არ არის.

გვერდითი ეფექტების განვითარების შემთხვევაში საჭიროა სათანადო ზომების მიღება.

შენიშვნა: ჰომეოპათიური პრეპარატების მიღების დროს დროებით შესაძლებელია არსებული ჩივილების გაუარესება (საწყისი ჰომეოპათიური გამწვავება). ასეთ შემთხვევებში პაციენტებს ურჩევენ შეწყვიტონ პრეპარატების მიღება და გაიარონ კონსულტაცია ექიმთან.

4.9 ჭარბი დოზირება

ჭარბი დოზირების შემთხვევები არ დაფიქსირებულა.

5. ფარმაკოლოგიური თვისებები

ფარმაკოთერაპიული ჯგუფი: ჰომეოპათიური სამკურნალო საშუალება.

ჰომეოპათიური თერაპია მკაფიოდ განსხვავდება ტრადიციული მედიცინისაგან დაავადების შეცნობის და სამკურნალო სუბსტანციების გამოყენების თვალსაზრისით. ჰომეოპათიური საშუალებები ასტიმულირებს ორგანიზმის დაცვის მექანიზმებს და, ამრიგად, ააქტიურებს მისი თვითგანკურნების პოტენციალს. სხეულის პასუხი ჰომეოპათიურ საშუალებაზე მკაცრად ინდივიდუალურია. ამ მიზეზით დოზასპეციფიკური ფარმაკოლოგიური ეფექტების, ფარმაკოდინამიკური ან ფარმაკოკინეტიკური მონაცემების განსაზღვრა არ არის შესაძლებელი.

5.1 ფარმაკოდინამიკური მახასიათებლები

არ აღინიშნება.

5.2 ფარმაკოკინეტიკური მახასიათებლები

არ აღინიშნება.

5.3 პრეკლინიკური უსაფრთხოების მონაცემები

არ აღინიშნება. პრეკლინიკური კვლევები ჰომეოპათიური სამკურნალო საშუალება დენტოკინდი A-ს მონაწილეობით არ ჩატარებულა.

6. ფარმაცევტული მახასიათებლები

6.1 დამხმარე ნივთიერებების ჩამონათვალი

მიკროკრისტალური ცელულოზა, ლაქტოზას მონოჰიდრატი, მაგნიუმის სტეარატი, ტალკი.

6.2 შეუთავსებლობა

არ არსებობს.

6.3 ვარგისობის ვადა

5 წელი. არ გამოიყენოთ შეფუთვაზე მითითებული ვარგისობის ვადის გასვლის შემდეგ.

6.4 განსაკუთრებული სიფრთხილის ზომები შენახვისას

ინახება არა უმეტს 25°C ტემპერატურაზე, ბავშვებისათვის მიუწვდომელ ადგილას.

6.5 შეფუთვა და კონტეინერის შიგთავსი

150 ტაბლეტი ბოთლში. 1 ბოთლი გამოყენების ინსტრუქციასთან ერთად შეფუთვაში.

6.6 განსაკუთრებული სიფრთხილის ზომები უტილიზაციის და სხვა მანიპულაციების დროს

სპეციალური მოთხოვნები არ არსებობს.

ფარმაცევტული პროდუქტის ჯგუფი: III, გაიცემა რეცეპტის გარეშე.

საიტზე მითითებული მარაგების შესახებ ინფორმაცია ცვალებადია, რეკომენდებულია ისარგებლოთ ონლაინ აფთიაქით

თბილისი (113 აფთიაქი)

მთაწმინდა (7 აფთიაქი)

ავერსი 1