ვიძახებთ ექიმს

[sofa]

ბავშვი 1წ 9თ არის ძუძუზეა, დამატებით საკვებს ცუდად ჭამს , შეიძლება ითქვას არ ჭამს, რას მირჩევთ როგორ მოვიქცე?

[the Editors]

[baskuna]

გამარჯობათ! მყავს 2წლის და 7 თვის ვაჟი, რომელიც დაბადებიდან ბერა თითს წოვს, ბავშვს ნელნელა ეცვლება კბილების ბჯენი, და თითიც უწვრილდება, ვცადე სახლში სხვადასხვა მეთოდი: წავუსი მწარე, შევუხვიე მაგრამ არაფერმა გაჭრა. რავ ქნა გთხოვთ მირჩიოთ რამე. მადლობთ!

[the Editors]

[bacha]

ბავსვს,რომელიც არის 11 თვის აქვს საშინელი გლანდები, დაბერილი და სულ ჩირქის ბუშტუკებით სავსე ,ექიმის დანიშნულების შემდეგ ბავშვი გამოჯანმრთელებული არ არის ისევ გვიცევს ექიმთან ცასვლა, რას მირჩევთ, როგორ მოვიქცე ,ვიცი 3 ცლამდე არ შეიზლება ნუშურა ჯირკვლების მოცილება .

[the Editors]

[bus-ka]

გამარჯობათ.
ჩემი წლის და სამი თვის შვილი ალერგიულია ძროხის რძეზე. ქვინკეს შეშუპება დაემართა "ნიდოს"-რძეზეც.
ინტერნეტში წავიკითხე, რომ თხის რძე ასეთ შემთხვევაში ძროხის რძის შემცვლელია და ალერგიულ ბავშვებს შეიძლება მიეცეთ.
რაიმე ინფორმაცია ხომ არ გაქვთ თქვენც ამის შესახებ?

[the Editors]

[bus-ka]

დიდი მადლობა ინფორმაციისთვის

[tekla_82]

გამარჯობა, 9 წლის ბიჭს, რომელიც კარგადაა განვითარებული და არ ახასიათებს არანაირი პრობლემა ამ მხრივ, კვლავ აღენიშნება ღამის ენურეზი. პერიოდულად ვასმევდით შემდეგ წამლებს: მეცეტამი,ვაგოსტაბილი, მელიბრამინი, ამინო 18, მაგრამ შედეგი არ აქვს. რას მირჩევდით ამ შემთხვევაში

[the Editors]

რა იწვევს ენურეზს, მედიცინას ზუსტი და ერთმნიშვნელოვანი პასუხი ჯერ-ჯერობით არ აქვს. გამომწვევ ფაქტორებზე სხვადასხვა მოსაზრებები არსებოს. ძალიან დიდი მნიშვნელობა აქვს გენეტიკას. თუ ენურეზი ბავშვობაში რომელიმე მშობელს ან ახლო სისხლით ნათესავს ჰქონდა საკმაოდ დიდი ალბათობა, ბავშვსაც იგივე პათოლოგია გაუჩნდეს. სხვათა შორის ბავშვებიც ზუსტად იმავე ასაკში გადაეჩვევიან ხოლმე ღამით ჩასველებას, როცა ეს ნათესავი თუ მშობელი გადაეჩვია. მიზეზი ზოგჯერ შედარებით მცირე ზომის შარდის ბუშტია, ზოგჯერ ქვეცნობიერი ფსიქოლოგიური პროტესტის გამოხატვა და ა.შ. უფრო ხშირად ენურეზი ასაკის მატებასთან ერთად თავისთავად გაივლის.რაც შეეხება მედიკამენტებს, მათ ენურეზის მკურნალობაში ისევ იყენებენ, მაგრამ სამედიცინო ლიტერატურაც და სხვათა შორის ზოგიერთი ქართველი ნევროლოგიც მათ ეფექტურობას კითხვის ნიშნის ქვეშ აყენებს. ძალიან ხშირად წამლის შეწყვეტის შემდეგ ენურეზი კვლავ იჩენს ხოლმე თავს.
შედარებით იშვიათად ენურეზს ორგანული მიზეზებიც უდევს საფუძვლად. ამ შემთხვევაში ღამის ენურეზი სხვა დაავადების ერთ-ერთი გამოვლინებააა. ამიტომ მოდით პირველ რიგში დაგვიკონკრეტეთ, რამდენად ხშირად ისველებს ბავშვი (კვირაში რამდენი ღამეა სველი), ხომ არ დაიწყო ჩასველება რამდენიმეხნიანი მშრალი პერიოდის შემდეგ, ხომ არ აქვს გახშირებული ან უნებლიე შარდვა, ხომ არ უჩივის ბავშვი ტკივილს, გაძლიერებულ წყურვილს, ღამით ხომ არ ხვრინავს? გაგიკვირდებათ და ხომ არ გაქვთ ტონზილების ან ადენოიდების პრობლემა? ხომ არ გაგიკეთებიათ ბავშვისთვის შარდის საერთო ანალიზი და როგორი იყო მისი შედეგი?
თუ ორგანული მიზეზები გამორიცხულია, თუ გისაუბრიათ ბავშვთან მისი პრობლემის შესახებ? ჩასველების შემდეგ სჯით? როგორ ცდილობთ მის დახმარებას?
ვფიქრობ ამ რამდენიმე შეკითხვაზე პასუხის შემდეგ შევძლებთ უფრო კონკრეტული რჩევა მოგცეთ.
დამატებითი ინფორმაციისთვის შეგიძლიათ ჟურნალ ”ავერსის” 2008 წლის ივლისის ნომერი მოიძიოთ, სადაც ამ თემას საკმაოდ ვრცელი მასალა ეძღვნება.

[tekla_82]

თითქმის ყოველ ღამე ისველებს, ზოგჯერ ღამეში 2 -ჯერ ან 3-ჯერ.
ზაფხულში არის შემთხვევა 3-4 ღამე აქვს მშრალი ღამეები.
უნებლიე შარდვა არ აქვს, მხოლოდ ზამთარში თუ შესცივდება იცის ხოლმე ღამე ძილში.
როცა შია უჩივის მუცლის ტკივილს.
აქვს გაძლიერებული წყურვილი დღისით, ღამე-არა.
არ ხვრინავს, მხოლოდ ბორგავს, მოუსვენრადაც არის ზოგჯერ.
ავად იშვიათად ხდება, ადენოიდების და ტონზილებით არ ავადდება და არ აწუხებს.
შარდის საერთო ანალიზი კარგი ავქს.
არის ალეგიული კოღოს ნაკბენზე - უსივდება და უმაგრდება. სისხლში ეოზინოფილები აქვს მომატებული-18.
არის უჭმელი, ხილიდან მარტო ვაშლს ჭამს. ბოსტნეულიდან მხოლოს კიტრს.
ხორცეულიდან მარტო ძეხვს და სოსისს.
წვნიანებს საერთოდ არ ჭამს.
მის საკვებს ძირითადად წარმოადგენს კარტოფილი, ყველი, კარაქი, თაფლი, მაწონი, წიწიბურა და ტკბილეული.
ბავშვთან მისაუბრია ბევრჯერ მის მდგომარეობაზე. თვითონ ნერვიულობს, მე ვცდილობ დავაწყნარო. ადრე ვსჯიდი ხოლმე, მაგრამ ახლა პირიქით ვეუბნები რომ ეს არაფერია და მალე გაივლის. ყველანაირად ვცდილობ დავეხმარო.
ვასვი ბალახების ნაკრები, დამყავს ეკლესიაში მამა გაბრიელის საფლავზე. მის გვერდით ვარ ყვლანაირად. დიდხანს ეცვა პამპერსი, მერე ვაყენებდი ხოლმე, ეხლა მიჭირს გადაყენება, დამძიმდა 9.5 წლისაა და 42 კგ. ნიჭიერია განსაკუთრებით მათემატიკაში, ქართული უჭირს კითხვა და მოყოლა. ენები ინგლისური და რუსული თავისით ისწავლა. მაგრამ ძალიან ჯიუტია და ზოგჯერ გაუგონარი. მე(დედას) და მის ძმას გვქონდა ბავშვობაში ღამის ენურეზი, მაგრამ არა ამდენ ხანს. დაახლოებით 7-8 წლამდე. ბოლოს ნევრაპათოლოგმა დიაგნოზი დაუსვა: ნევროზული ენურეზი. მკურნალობამ კი შედეგი არ გამოიღო. ადვილად ღიზიანდება და ბ=ნერვიულობს.

[the Editors]

თეკლა
ნუ შეშინდებით, მაგრამ პირველ რიგში ბავშვთა ენდოკრინოლოგს მიმართეთ და შაქრიანი დიაბეტი გამორიცხეთ. ენურეზი ზოგჯერ ამ პათოლოგიის ერთ-ერთი პირველი გამოვლინებაა. აქვე გეტყვით, რომ დიაბეტის დროს ბავშვები ჩასველებას მშრალი პერიოდის შემდეგ, ანუ უკვე გადაჩვეულები იწყებენ. ასე რომ, პასუხი სავარაუდოდ უარყოფითი იქნება, თუმცა სიფრთხილეს თავი არ სტკივა.
ენდოკრინოლოგთან ვიზიტისთვის კიდევ ერთი სერიოზული საფუძველი გაქვთ: ბავშვის წონა მნიშვნელოვნად აჭარბებს ასაკობრივ ნორმას, ვერც ბავშვის რაციონს დავარქმევთ ადეკვატურს. წონის კორექცია და ჯანსაღი კვების პრინციპების ათვისება ამ ასაკში უფრო ადვილია. სხვათა შორის, ჭარბ წონას ჯანმრთელობაზე ბევრად უფრო საზიანო გავლენა აქვს, ვიდრე ენურეზს. მნიშვნელოვნად ზრდის გულისა და სისხლძარღვთა პათოლოგიების (იგულისხმეთ ინფარქტი და ინსულტი) და დიაბეტი ტიპი2-ის განვითარების რისკს. ამ უკანასკნელს ადრე მოზრდილთა შაქრიან დიაბეტს ეძახდნენ, თუმცა სადღეისოდ მსგავს დიაგნოზს სულ უფრო და უფრო ხშირად მოზარდებში და ბავშვებშიც კი სვამენ.
ბავშვის ფიზიკურ აქტივობაზე არაფერი გითქვამთ. ვარჯიში ბავშვს წონის კორექციაშიც დაეხმარება და ენურეზის დაძლევაშიც. განსაკუთრებით კარგია ცურვა,
მას შემდეგ, რაც ენურეზის ორგანულ მიზეზს გამორიცხავთ, გირჩევთ ბავშვთა ფსიქოლოგს მიმართოთ. მისი დახმარებით ბავშვი პრობლემას უფრო ადვილად და ნაკლები ფსიქოლოგიური ტრავმით დაძლევს.
ენურეზი უნებლიე შარდვაა, ასე რომ ვერც ერთი ბავშვი მსოფლიოში ამას მშობლების გასაბრაზებლად ვერ ჩაიდენს, ამიტომაც დასჯა არავითარ შემთხვევაში არ შეიძლება.
ენურეზის მკურნალობის ერთ-ერთ წარმატებულ მეთოდად ითვლება სპეციალური მოწყობილობის გამოყენება. ეს არის სპეციალური ზარი, რომელიც თეთრეულზე მაგრდება და შარდის პირველივე წვეთებზე ზარს რეკავს. ბავშვს აქვს დრო გაიღვიძოს, შარდი შეიკავოს და ტუალეტში გასვლა მოასწროს. მკურნალობის პროცესი რამდენიმე კვირასაც მოიცავს, თუმცა შედეგი ჩვეულებრივ კარგი და მყარია.

[makki]

კითხვა მაქვს

[tekla_82]

გამარჯობა, მაინტერესებს მეორე აცრის გადავადება თუ შეიძლება, ბავშვი გამიცივდა და დაახლოებით 1 თვე და 10 დღე გამოგვდის შუალედი, ინფარიქს ჰექსათი ვცრი და კიდევ მაინტერესებს კალცის მიცემა აუცილებელია თუ არა, ერთი ექიმი მეუბნება აუცილებლად მიეციო, ცოტას ოფლიანობს და თან ზამთრის ბავშვიაო, მეორე მეუბნება არ მისცე ყიფლიბანდი აქვს პატარა და შეეკვრებაო, 4 თვის არის ბავშვი და თქვენ რას მირჩევთ?